أمثــــال جكســـــــاوية

[ميمي السودانية]

تسلمي يا عسل ...الله لايحرمنا منك يازوق..

عازفة العسسل
منورة والله
شكرا على المرور
ولا يحرمني منكم يارب

[القلب الملك]

والله ياميمي حكاية لكن

انت عارفة مراحل البورة بدت كيف
طيب انا اديك التسلسل التاريخي للبورة (معليش استلمت موضوعك )

سنة 1988 كانت مافي بت بتعرس إلا مغترب او تاجر غرب يا بلاش منو العرس وكان الرجال همهم الكلي الاغتراب او التجارة الغربية ويجي الشيلة بالاطنان والدهب خلي ساي ناس احفظ مالك والكردان وغيرو وفي الزمن داك طلعت غنية مغص مغص يا العزابة بس تموتو مغص يا العزابة وكان بورت الرجال ما تديك الدرب
سنة 1992 الحكاية قطت شوية والرجال بقو ينقرضو والدايات والراهبات والخرطوم كلها ولادات جكس بس. قامو الجكس اتنازلو شوية وطلعو غنية مابدور المزارعية بدور السكنة في المنشية بدور الفليلا والعربية
ونسو المغتربين لان الغربة بقت تطول

سنة 1995 لحدي 1997 الجكس بقى متوفر وفرة شديدة وقامو اتنازلو تاني وقالو :
لمتين يا ابوشرة بايرة لي سنتين يا ابو شرة


من 1997 لحدي 1998 التنازل زاد شديد وطلعو غنية
دايراك يا ابو شرة دايراك دايرة افتو معاك يا ابو شرة

يعني بقو ينادو لي ابو شرة واتنازلو من الاغتراب والمنشية وكده

من سنة 1998 الى 2002 التنازل زاد شديد مع زيادة البورة والرجال داقين طناش وخايفين من الحالة العامة
قام الجكس طلع غنية
تعال بالعندك ابوي بسندك -- يعني تعال يازول وماعندك اي مشكلة

من 2002 لحدي 2006 الطناش طبعا زاد والجكس بورتو بقت تحنن لي درجة انو طلعو غنية
بختي إن شاء الله راجل اختي يا ابو شرة

والبورة بقت بورتاً شينة

معلومة: اكثر البنات الببورن الحلوات شديد لان الرجال بخافو من الاحراج والصدود وتلقى الواحد داير ومتمني لكن اقول ليك انا لو مشيت ليها بتختم لي ( تديني شاكوش)

رايك شنو يا ميمي -

هههههههه ،،، توثيق رهيب لمرحلة البورة ،،، سيد الكارو ،،، واجل المرا ،،،


النصيحة البورة بورة شينة ،،، الله يزوج العزاب ،،، ويلم شمل المتزوجين

[امين محمد المصطفى محمد]

زمان بقولن بت الرجال كل مابارت استخارت اما
هسة بقولن الراجل كان ماعندو قروش اخير البورة]

[ابو العزائم احمد الطيب]

ام اواب الجابك هنا شنو ما تسمعي كلام ميمي دي مطوفشا

ميمي ليك الف تحية يا رائعة قمة الروعة

[ام اواب]

ام اواب الجابك هنا شنو ما تسمعي كلام ميمي دي مطوفشا

ميمي ليك الف تحية يا رائعة قمة الروعة

جايه اسلم علي الجماعه ديل ساي يا ابو العزايم

[ميمي السودانية]

زمان بقولن بت الرجال كل مابارت استخارت اما
هسة بقولن الراجل كان ماعندو قروش اخير البورة]

شكرا على المرور

[ميمي السودانية]

ام اواب الجابك هنا شنو ما تسمعي كلام ميمي دي مطوفشا

ميمي ليك الف تحية يا رائعة قمة الروعة

ههههههه
ابو العزائم الف شكرا على المرور الجميل
تحياتي