هل اولاد المغتربين حناكيش؟؟؟؟؟ ادونا رأيكم...!!

[ابراهيم حامد]

شكرا علي الاهتمام ولفت النظر لمثل هذة المواضيع وبالنسبة للحنكشة موجودة بكثرة عند المغتربين والموجودين في السودان وقد تتفاوت من مكان لاخر وقد تجد اولاد مغتربين يعجبوك بخشونتهم ومحافظتهم علي سودانيتهم الاصيلة التي تربي عليها اجدادنا علما بان هنالك حنكشة كثيرة داخل اولاد البلد وللاسف تلقاها مصطنعه وغير مطابقة لبئيه الشخص التي تربي فيها
ربنا يجعل جيلانا محافظ علي غيمه وشيم السودانين السمحه

[بنت الأصول]

شكرا على الموضوع

بس نحنا ما حناكيش
احتمال لأن اتربينا في بيئة الناس كلها بتتعامل بطريقة مهذبة وهادئة ما زي السودان ازعاج وفوضى شديدة
ومنو قال المغتربين ما بطلعوا بالعكس بنمشى ومراكز تحفيظ القران السواق والنوادي والمكتبات وزيارة الصاحبات
التلفزيون ما موضوع اساسي عندنا لأنه ممل دي بالنسبة للامارات احتمال ناس السعودية الطلعة عندهم صعبة شويه

والحنكوش ما شرط يكون مغترب في ناس في السودان عايشين احسن من المغتربين زي ما ذكرت

واولاد المغتربين مهذبين شديد زي ما قالت عفراء لو قلت لو سمحت وشكرا الناس تشوف لك كأنك جاي من المريخ

بالفعل الشعب السوداني عجيييييب وغرييييب
بس ديل برضو اهلنا بس لو يتنظموا ويتهذبوا شويه يكونوا تمااااااااااااااام

[المرسال]

أنا بصراحة مستغرب من قول كلمة حناكيش للمغتربين .. أكثر المغتربين عايشين حياة كلها كفاح وصبر على الغربة من أجل تحسين الوضع المادي ..صحيح إنه التربية لها تأثير كبير في الشخص بس الشيء هذا مش ذنبه هي بيئة هو مضظر إنه يتعايش فيها ويتأقلم معاها .. أي شخص يقدر يتأقلم مع أي بيئة سواء
كانت داخل الوطن أو خارج الوطن الحناكيش موجودين في كل مكان داخل السودان وخارج السودان بس أنا أفضل إنه نعامل الشخص بالأخلاق السودانية الرفيعة اللي كلها إحترام وتقدير للناس بغض النظر من
وين أتوا .. أفضل إنه نحكم على الشخص من بعد ما نعرفه معرفة جيدة عشان الله ما يرضى بالظلم .

[الدلوعة اصلي]

انا افتكر انو اولاد المغتربين مامش حناكيش بس ده لظروف ا
بس متعودين على النظام والدقه على عقفس
عامة السودانين حياتهم همجية اكتر من اللازم
وده بخليهم يقولوا ديل حناكيش في حين
انو وصف الحناكيش مابقتصر على اولاد
المغتربين بس

[الدلوعة اصلي]

انا افتكر انو اولاد المغتربين مش حناكيش بس ده لظروف السودان
بس متعودين على النظام والدقه على عكس
عامة السودانين حياتهم همجية اكتر من اللازم
وده بخليهم يقولوا ديل حناكيش في حين
انو وصف الحناكيش مابقتصر على اولاد
المغتربين بس

[طلال التوم]

نعم حناكيش والحنكشة ناتجة من التربية الخط والقفلة وعدم الاختلاط بالاخرين فى كثير من الاحيان
والله اعلم!!!!!!!!!!!!!!!!!!!!!!

[القلب الملك]

جنس حنكشة ،،، حنكشة شديييييييييييدة

[تيفا]

السلام عليكم ورحمة الله وبركاته
[blink] الاخ صلاح شكرا على موضوعك هذا بس عايذا اقول ليك نحنا مش حناكيش
بس البئية الاتربينا فيها غير عن البئية الفى السودان غير كدا هنا فى الغربة كل حاجة سهلة
والكل بتعامل بى رقة انا السنة الفاتت مشيت السودان وكنت احاول انى ماظهر انى مغتربة
لاكن كنت لو مشيت الدكان وطلبتا حاجة الكل بعاين لى بستغراب ناس السودان بقول علينا حناكيش
يعنى فى السودان لو قلت لى زول لوسمحتا بقول عليك حنكوش [/blink]

كلام عفراء دا صاااااااح 100%
انا شخصيا واجهتني مشكلة اني ابن مغترب
لو اتلفت يمين قالو حنكوش لو اتلفت شمال قالو حنكوش
امشي خنكوش اقـف حنكوش
لكن الظاهر السودانيين ليهم قاعدة
كل ولد مغترب فهو حنكوش

الكلام دا ما صاح

علشان الأنسان بيتأثر بالبيئة العايش فيها

[n.any]

استاذ صلاح حلووووووووووو موضوعك انا بوافق خلود التربية هي الأساس

تقبل مروري

[hassanhp86]

انا من رائ المرسال
نحن في السودان ............
اذا الواحد اكل اكل كويس يا سلاام مرتاح (حنكوش )
اذا الواحد اتجرح وراح الدكتور ( لازم يكشح فيها رماد ) برضوا حنكوش
اذا استحمي كل يوم برضو حنكويش
................................................. ده فهم الناس في الداخل
ذنبه شنو الاب كونوا يحب يريح ابناءه والله في الظاهر هو مرتاح لاكن وما ادراك ما لاكن


بس استاذ صلاح معني الحنكشة في رأيك شنو

( ؟؟؟؟ )

تقبلوا سلامي واحترامي للجميع هذه اول مشاركة لي

[hassanhp86]

[HoOoMa]

[align=center]اذا رجعنا للحق ....
بعضهم مدلعييين مو كلهم
تلقى الوحده تتكلم بطريقه زي الزفت عن الحياه في السودان
انا قبل كم يوم قابلت وحده سودانيه في الجامعه اول ماجبتلها سيره السودان واني رحت السودان البنت وجها تقلب وكيف قدرتي تقعدي شهر انا اسبوع مااستحملتوا وابويا على طول رجعني السعوديه وتتكلم وهيا واثقه من نفسها والسودان ... والسودان ...
صراحه استحقرتها قولتها انتي لو انطرتي من السعوديه حتروحي فين ماللك الا بلدك
بس الذنب من الاهل هما الي ربوها على كذا بس بجد شي يقهر
ويحق للناس الي داخل السودان يقول عن المغتربين حناكيش
مااحد يلومهم صراحه
اسف اني طولت
تقبلو مروري[/align][/size]

[مهند الطاهر على حيدوب]

انا مافتكر انها شينة منكورة لكن style الحياة كدة عند بعض الناس وبالمناسبة الفوارق الطبقية بتخلى الناس يحسدو ويحقدو ورغم انه الشايفنهم نحن حناكيش فى بلدهم الاصلى يمكن يكونو حثالة اودرجة تانية وده سلبيته فى الفرق الشاسع البقى بين المجتمعات او الطبقية فى المجتمع الواحد زمان اهلنا بيقولو ناس الخرطوم حناكيش وناس الريف متوحشين والنقاش ده قديم لكن ممكن صفات الكرم والشهامة ترفع من مستوى خشونة الحنكوش لو اتلقت وللاسف هى نادرة

[ايس مان]

[align=center]اذا رجعنا للحق ....
بعضهم مدلعييين مو كلهم
تلقى الوحده تتكلم بطريقه زي الزفت عن الحياه في السودان
انا قبل كم يوم قابلت وحده سودانيه في الجامعه اول ماجبتلها سيره السودان واني رحت السودان البنت وجها تقلب وكيف قدرتي تقعدي شهر انا اسبوع مااستحملتوا وابويا على طول رجعني السعوديه وتتكلم وهيا واثقه من نفسها والسودان ... والسودان ...
صراحه استحقرتها قولتها انتي لو انطرتي من السعوديه حتروحي فين ماللك الا بلدك
بس الذنب من الاهل هما الي ربوها على كذا بس بجد شي يقهر
ويحق للناس الي داخل السودان يقول عن المغتربين حناكيش
مااحد يلومهم صراحه
اسف اني طولت
تقبلو مروري[/align][/size]

كلامك صح الزنب على الكبار الي خلوهم يتطبعو بعادات ما هي من عاداتنا
لاكين في شهاده عربيه تعاملهم سمح مع الناس ويختلطو سريع ديل طيب الزول ما يصاحبهم
بعدين البيئه العايشين فيها ادتهم النظره دي
في الناس الاتاقلمو مع وضع السودان وفي الناس الما عجبهم الوضع ده

[مذاهب]

ابناء المغتربين= حنكشه =دلع =عدم تحمل مسؤليه = عدم تحصيل علمي= عدم ثقه واثبات للذات=(بيضنه)
ودي للاسف نظرت معضم الناس وده مفهوم جحف في حقهم وخاطئ لانو:
الحنكشه مصطلح يطلق علي ابناء المترفين مغتربين كانواولا
الدلع الموزون مافيهو مشكله
تحمل المسؤليه اكبردليل عليهاانويترك امووابوهوويعيش في بيئه جديده عليهووعلي الرغم من ذلك
يكون متفوق واغلب ابناء المغتربين من الاوائل
وبكده حيكون اثبت ذاتووكان مابيض!!!

[مذاهب]

ياجماعه الحنكشه دي صفه مكتسبه ماجينات وراثيه يعني ليست قصراعلي المغتربين وابنائهم

[uthman]

أولاد المغتربين ماحناكيش ولكن ضحايا للغربة والعزلة فهم محرومين من التفاعل الحقيقي مع البيئة والثقافةالسودانية لذلك نجدهم عندما يأتوا الى السودان ويلتحفوا باجامعات او المدارس يكونوا شبه تايهين بين زملائهم.
كان الله في عونهم

[الملتزمه]

اولاد المغتربين عمرهم ما حناكيش وصدقوني ما اعرف معني حناكيش , لكن لو تقصدوا مدلعين بالعكس اولاد المغتربين متربين علي الدقه والنظام والتضحيه للاهل واحترام الكبير والمواعيد عندهم اهم شي , والنشاط , وفي السودان طبعا الحياة بدون موعد وحتي الوقت عندهم مش لازم , في حين ابن المغترب الوقت عنده كل الحياة , ومتربين علي احترام الحرمه وتقديرها , المغترب او المغتربه اخلاق عاليه وكفاح وصبر.

[ابراهيم محمد]

[overline]حقيقة الموضوع مهم جداً وعلينا أن ندرك من تعلم علي شيئ واصبح روتين يومي علي العموم أولاد المغتربين أينما كانوا في بلاد المهجر يتعلمون تلك الحضار في البلد الذي يعيشون فيه طبعاً واقولها بصراحة أن السودان غير متقدم في كل المجالات وعلي فكرة هنالك من لا يعرفون إستخدام (اللفت) بمعني السلم الكهربائي (الاصانصير) ناهيك عن بقية التكنلوجيا والعمران الذي جاب كل الدول المتقدمة ليس فقط دول الخليج فحسب فالطفل السوداني الموجود في السودان لا يعرف هذه الاشياء فلماذا يتحنكش ؟ يتحنكش في صف الرغيف وام ذحمة المواصلات ، بينما ود المغترب ملابسه مغسلاهة البشكارة معطرة بعد حمام الحوض ذهب إلي المدرسة بعد أن اوصلته تلك البشكارة الي سائق حافلة المدرسة وفي المدرسة يا للروعة مدرسة بكامل الاوصاف دور العرض والمسارح والمهارج أثناء الفسحة وفي المساء بعد العودة إلي البيت استلمته ماما من البشكارة وثم الغداء والمول الفنادق والسليمات المنزلية والعامة والكورنيش والخ... فكيف المقارنة بين الليل والنهار والذين يعلمون والذين لا يعلمون إتخييل ذلك الفرق بين هولاء فالحق علي الذين يعلمون ان يحدثوا بما تعلموا والنهار يسطع بشمسه عموماً تعلوا شوفوا فصاحه اولاد المغتربين في حوارهم ومعرفتهم في كل الاموروهذ ليست حنكشة فقط طبع والطبع بغلب التطبع . ودمتم.. [/overline]

[jasmina]

[glow=ccff00]والله نحنا حناكيش اذا قصدكم ماتبهدلنا
بس لاكين الناس خاتة حنكشة = دلع , عدم مسؤولية , سطحية, عدم وطنية
صحيح انو في شريحة كبيرة كدة بس ماكلنا .......... يعني انا من فترة لما بتكلم مع زميلي في موضوع قال لي غريبة بتتكلمي كدة مع انك حنكوشة (قصدو مواليد الرياض)[/glow]