مها انا ما عرفتة حلتكم دي وين ؟مها كتب:قبل ثلاثه سنوات سكنت بجوارنا اسرة كريمه اهلها ناس طيبين فى بداية رمضان قالت لى ام الوليدات ماتعملى العصيده عشان انا عملتها كثيره دايره ( اضوقا الجيران) طبعا هى جديده ماعارفة الحاصل وانا قلت اسكت يمكن يكون فى وجودها عصر جديد
بالليل قلت امشى ليها اشوف الشمار شنو لقيت الدموع والوش وارم
الحاصل شنو بازوله مالك قالت لى رسلت صحن العصيدة للجيران قالوا لى شكرا نحن ما محتاجين
صاحبتى حلفت ماتقعد فى حلتنا وفعلا رحلت مننا
ونحن ماذلنا نواصل بى اصرار وعزيمه ومواعينا كل سنه حايمه فى بيوت حلتنا
فى الحقيقه مافى اى تجاوب
هم مصرين لتجاهل عاداتنا
ونحن مصرين على عدم قطعها
سوف يبدا المسلسل من بكرة
بتمنى اكون فى هذا:العام منتصرة ادعو معى
لكن والله حصل موقف قريب لي بتاعك دا
عندي صاحبتي ام راجلها جأت زيارة من السودان وقعدت معاها فترة وكان ولدها عايز يعمل ليها اقامة لكن المرة قالت لو اعيش في السودان الله ورقبتي ما بقعد هنا بعد الحصل لي دا
شوفي الحصل
صاحبتي شغالة وراجلها كمان والحاجة زهجت من الحبسة والتلفزيون قالت النقوم نمش على الجيران ديل اصبح عليهم وفكرت قالت ما بمش ايدي فاضية النشيل معاي بني وسكري اشرب معاهم القهوة المهم زولتك ملت ليها كيس سكر وكيس بن وتوجهت نحو باب الجيران الصباح وختت يدها في الجرس وما رفعتو لحدي مالجماعة فتحو ليها الباب سلمت ودخلت ومدت السكر والبن لي زولتك بس قامت المرة فرشتها ليك وطردتها ومسكينة قعدت الحاجة تبكي لمن ولدها رجع من الشغل
صحي الغربة كربة بس نحنا لازم برضو نعرف عادات الشعوب عشان ما نقع في موقف زي دا لكن بيني وبينك الموقف دا مزعلني وملقيت للجارة الخبلة دي اي عزر بس الله يكون في عوننا
