شاركنا رايك.....لماذ ا تفكيرك منحصر في الحصول على ذات الجسم الجميل؟

[ودالفضيل]

ياود فضيل ماتبالغ
عندما يريد الرجل الزواج او ماتلفته فى الفتاة هو الشكل والجسد وبعد ذلك بتجى الحاجات التانية"دى النسبة الاعلى"
وده هو تفكير غالبية شبابنا "وكلامى ده انا شايفاهوا فى الشباب الحولى يعنى مامن فراغ"
علشان كدة وبدون مبالغة ستجد ان الجميلات دائما لهن الاولوية فى الزواج حتى ان كان الجمال جسدى فقط ومافى جمال داخلى والرجل ياخذها من مبداء "ان الله جميل يحب الجمال "
والجمال نسبى ولو ماكدة كان مافى فتاة غير جميلة ممكن تتزوج"

جمعتنى جلسة فى احدى الايام مع مجموعة من زملائى الرجال فى العمل وتحدثنا عن مقومات اختيار الرجل فى الزواج تصدق جميعهم كان جانب الجمال الجسدى او الشكلى هو قاسم مشترك وده يمكن خلانى احتار ساعتها فى سرى "لماذا مثلا يريدها ممتلئة مع ان الرشاقة الان يسعى اليها الجميع " بس استاذ احمد اجاب على السؤال
وكما ذكر استاذ احمد ان الشاب فى بدايت حياته قبل الزواج تفكيره فى شريكة حياته بياخذ جانب معين ولكن بعد التجربة والزواج بتضح له الامور اكثر
"ولو لاحظت ان الشباب البيشاغلوا ابنات فى الشوارع بيركزوا على جمال الجسد اكثر وبيقعدوا يوصفوا "........" وده دليل على ان تفكير الرجل قبل الزواج فى الغالب فى زوجة المستقبل بيكون ذو طابع جنسى

انا ماقلت كل الناس تفكيرهم مع بعض هناك من يرى في الجمال الاولوية وهناك من يرى في الجسم الاولوية وايضا هناك من يري حتي الخشلعة (اللبس المامظبوط) فحب الناس مزاهب وحسب البيئة ايضا مثلا هنك في موريتانيا من ليست بدينة لاتتزوج لذلك اكثر بلد يستخدم مستلزمات التسمين هي موريتانيا وهنالك ايضا في انجلترا البدينة لامكان لها في قلوب الرجال فالمسالة انا اعتبرها بيئة

[zaina]

ما ننكر .. ان اغلب الشباب اليوم
بيفكر نحو الجسد حتى ام العريس شخصيآ بتجيب ليه مرة ( مليانة لحم)
زى الحيضبحها يوم العيد والله اعلمـ ...!!

لكن .. اذا ادينا مساحة للشباب السودانى العاش برة الفكرة النحن عايشنها
هل يا ترى حيفكر بنفس اسلوبنا ....!!؟ وهو محاولة لاخراج ما كتم طيلة السنين الماضية
بالتأكيد الزواج سترة وتقضية حوجة وتنشئة اسرة .. وحلالك حلال
طيب طالما كدة .. فمافى مانع من اختيار الزوجة على اى مقياس

الاحلام وعوامل الاختيار كلها بتتحكم بيها البيئة المحيطة

بيئتنا المحيطة هي العملت العملية دى
وكلنا بنتحمل تبيعات الحاجات دى ... لكن صراحة
انا ماشايف انها جريمة نهائيآ او انها شيء عيب


لكن .. فى ظاهرة نسوية قامت قبل فترة
وهي ان المرأة حزين جدا اتجاه الرجل .. بأعتبار ان الرجل بيختزل كل مقومات المراة
وبيتعامل معاها انها عبارة عن ( جسد ) فقط
وهنا بنقول ان مش كدة .. لكن من حق الرجل يفكر بالصورة دى طالما فى فتيات وهبن انفسهم
للجسد ......!!
والموضة وطريقة التعامل واللبس والمشية والضحكة فى الشوارع
كلها بتخلى الواحد يتأكد ان اغلبية النساء وليس جميعهن ... سواء فى التفكير والتدبير

تعرف يابن عكاشة ان النساء انفسهن هن سبب فى جعل الجسد هو مفهوم الرجل فى الزواج "رغم ان الرجل صاحب النصيب الاكبر

بمعنى لاحظت ان "تقريبا90%" من الفتيات اللاتى اعرفهن وتزوجن عندما يكونوا فى استعدادات الزواج فان موضوع "لازم تسمنى شوية" هى فى الاولوية ودى دلالتها معروفة " عشان كدة دايما لاحظت لما اجى ابارك لعروس جديدة فانى اقول فى سرى "ياربى هناية دى متين لحقت سمنت كدة"
واكيد سمعت بحبوب التسمين والحقن وكمان توجد خلطات عشبية ....الخ وحتى الان فى مراكز التجميل والرياضة "يوجد اماكن لتسمين اجزاء معينة من الجسد وخاصة لمن قاربت على الزواج "وممكن يقولوا ليك "خصم خاص للعروسات"اذن هى ثقافة متفشية عند الجنسين""
وماحيرنى اكثر قد وجدت فى احدى عيادات التجميل فى الخرطوم ان الفتيات اصبحن يلجان الى "عمليات التجميلية بتاعة السيلكون ودى مادايرا ليها شرح" والساقين والارداف" ده كلو علشان خاطر مين وهل العريس المصون هو من طلب منها ذلك ام انها تعلم ان ماتفعله له دلالات معينة عند الرجل وهذا هو الغالب"

"يعنى انتشرت بشدة والحاجات دى زمان ماكانت موجودة لان المفاهيم الان تغيرت بالانفتاح الذى حدث"
وبالتالى الفتاة نفسها اصبحت ترى ان الجسد احدى مفاتيح اعجاب الرجل "طبعا لااقصد انها تبين ذاك الجسد ولكن باعتبار ماسيكون بعد الزواج"
وايضا لاحظ كثرة طالبى "بيضاء البشرة" حتى اصبح تبييض الجسم هاجس غالبية فتيات بلدى باعتبار ان صاحبة البشرة البيضاء سيكون نصيبها فى الزواج اكثر والشاهد على ذلك مراكز التجميل التى تكتظ بخلطات التبييض "وقنواتنا التلفزيونية التى كرست هذا المعنى فاصبح هاجس "ولو دورت حتجد ان هذا القرار ورائه رجل

وحتى من قديم الزمان فى الشعر الجاهلى مثلا ستجد "جسد المراة اخذ حيز كبير جدا" ودى كلها تعتبر "نظرة جنسية" وماشرط يكون الكبت هو نتيجة لذلك "فعندك الغرب قمة التحرر ومفهوم جسد المراة له الاولوية لديهم "حتى انى قراءت مرة ان بعض بيوت الدعارة هناك لديها مقاييس لجسد الفتيات العاملات فى هذه المهنة "يعنى من لاتملك تلك المؤهلات مرفوضة " رغم ان ذلك ناتج التحرر الشديد ولكن مجتمعاتنا صاحبة الدين والاخلاق تعانى ايضا من نفس المشكلة "اذن هى مشكلة عامة وليست مقصورة على مجتمع معين"

و البئة مؤثر قوى جدا والواحد بيتاثر بما حوله لذلك ليس هنالك مشكلة طالما ان حرية الاختيار مكفولة للجميع وكل يبحث عن مايروق له

[ThEwWw]

لا والله صاحبة الفكر بس لو في وحدة تجمع بين الاثنين بكون تمام

[الأسير22]

إسمحيلي أخت زينة أن أخالفك الرأي في كون إعتبار الجسد سبب للزواج مشكلة أو خطأ



نعم ليس الجسد كل شئ ولكنه شئ رئيسى ويبنى عليه الإختيار



والمتتبع لسيرة الحبيب صلى الله عليه وسلم يجد أنه كان يضع في إعتباره جمال جسد المرأة


وينصح أصحابه بذلك



فعن أنس بن مالك رضي الله عنه " أن النبي صلى الله عليه وسلم أراد أن يتزوج امرأة ، فبعث امرأة

تنظر إليها فقال : شُمِّي عوارضها وانظري إلى عرقوبيها .





وعن جابر بن عبد الله قال : قال رسول الله صلى الله عليه وسلم :


( إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل ) قال : "


فخطبت جارية فكنت أتخبأ لها ، حتى رأيت منها ما دعاني إلى نكاحها وتزوجتها
.





وخطب المغيرة بن شعبة امرأة ، فأخبر رسول الله صلى الله عليه وسلم ، فقال له :


( إذهب فانظروا إليها فانه أحرى أن يؤدم بينكما )




وقد بين أهل العلم أن تحديد النظر إلى وجه المخطوبة لمعرفة جمالها


والنظر إلى كفيها لمعرفة نحافة جسدها أو خصوبته .







نفهم من ذلك أن الرسول صلى الله عليه وسلم قد جعل عامل الدين والأخلاق عاملاً مهمًا جدًا ومؤثرًا في

الاختيار


ومع ذلك لم يسقط العوامل الأخرى التي يقوم عليها الزواج بما في ذلك العوامل الجسدية









وكيف لنا أن نتخيل حياة جنسية ناجحة وممتعة إذا لم يكن كلا الزوجين راضى بجسد
الآخر

[Mr.POGIz]

بسم الله الرحمن الرحيم

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

اعتقد انو الحديث واااضح
والبحث عن الجمال ( جمال اي حاجة ) غريزة موجودة في اي شخص

لكن ما اعتقد ان الانسان المقبل على زواج والملتزم بالطريق الصحيح يكون تفكيره منحصل على الحصول على ذات الجسم الجميل !!!

[معتبر]

سومو
تحياتي

الشكل مهم جدا
ومن يلفت النظر يصبح محط اهتمام

يجذبنا شئ معين نظرة عين ابتسامة
اناقة وذوق
تفتح جواك منافذ لالتقاط الحاجات المدارية
تقتنع
تطنش من الحاجات البسيطة الغير مؤثرة

يحصل الريد وتبلع ليها الظلط

وتتعودوا

جني وجن النقاقة

مودتي

[zaina]

إسمحيلي أخت زينة أن أخالفك الرأي في كون إعتبار الجسد سبب للزواج مشكلة أو خطأ

نعم ليس الجسد كل شئ ولكنه شئ رئيسى ويبنى عليه الإختيار

هو ليس مشكلة ان يكون اختيار الجسد رئيسى لانها ثقافة تكون متفشية وتختلف من بلد لاخر ولكن المشكلة ان يقتنع الرجل ان جسد الانثى الفلانى هو من سيسعده فى حياته الجنسية فاصحاب هذا المفهوم يحتاج الى ثقافة جنسية

ومع الاعتزار الشديد لمن تاذى من الجملة اعلاه

[حبوبة]

طيب بسم الله نبدأ ..

ان المجتمعات العربية والافريقية
عانت ماعانت من الكبت الجنسى فى كل المستويات
حتى ادوات قمع الجنس او الشروع فى الجنس كانت للاسف بأشكال سلبية
وضعت الرجل امام مأزق حقيقى فى اختيارو لى شركية حياتو

ود عكاشة الحتة دي ما وقعت لي ... اذا كان وصف المرأة في الشعر الجاهلي يثير اللعاب ... وعند نذار يخجل عديييل .. يبقى الكبتكم منو ؟؟ خلي داك لي ورا أغاني الحقيبة اللتنا دي فيها العجب العجاب ..

لكن .. اذا ادينا مساحة للشباب السودانى العاش برة الفكرة النحن عايشنها
هل يا ترى حيفكر بنفس اسلوبنا ....!!؟

هو عرسان اليومين ديل ما ياهم اولاد جيلك ... المتعلمين ومتفتحين ودخلوا العولمة من أوسع أبوابها .. وكمية منهم اتربوا ودرسوا برة .. لكن اهم بيعوسوا ف نفس المحور ..

وصراحة ( التوافق الجنسى ) بيخلق توافق معيشى للابد

القال ليك منو ؟؟؟ إذا كان المطلوب هو التوافق الجنسي .. مافي سبب يخلي بنت ال20 تتزوج راجل المرة العندو 60 والا شنو !!!!!!!

وهنا بنقول ان مش كدة .. لكن من حق الرجل يفكر بالصورة دى طالما فى فتيات وهبن انفسهم
للجسد ......!!
وهبن نفسن للجسد ليه ؟؟ شان لقوا انو ده الشي البجيب دخل معاكم

ويا زينة كمية الساعات البتقعدها البت قدام المراية
كفيلة انها تخلينى اتأكد ان البت مهمها طلعت فى مراسم العلم
فى النهاية هي ( البتختزل نفسها ) وتكون عبارة عن جسد ..

لأنو شافت من هن أمامها من الوصلن لأعلى المناصب وما كانن بيهتمن بالجسد والشكل الخارجي ضارباهن العنوسة .. والمهتمات وصلن أعلى المناصب وحازوا على الرجال ..

والموضة وطريقة التعامل واللبس والمشية والضحكة فى الشوارع
كلها بتخلى الواحد يتأكد ان اغلبية النساء وليس جميعهن ... سواء فى التفكير والتدبير

هو الحاصل في الشوارع اليومين ديل مسخرة كبيرة ومفروض انو يكون مدعاة للتخلي عن الزواج مش الحث عليه .. واذا كانت النوعية دي هي التي تثير وتعجب شبابنا ... فعلى الدنيا السلام ..
راى ... قابل ( للكلام )

ود عكاشة .. انشالله كلامي ينزل بارد عليك ..
في النهاية نعاود نقول مجتمعنا مجتمع ذكوري .. ولسة مستحكمانة المقولة "المرة كان فاس مابتقطع الراس" وده واقع معاش .. يعني في النهاية الأنثى بتميل إلى أنها تحاول ان تكسب الرجل وتحقق رغباته ولو جنت على نفسها .. وده فهم مغلوط لكن ..

وحقيقة ماعيب الواحد يبحث عن الجمال ... لكن الشي لمن يفوت حدو ....
ونحن دايرين نقول نحن عندنا حاجات سمحة كتيرة غير الشكل الخارجي ..
نحن الساس .. ونحن الراس وفينا محبة ما بتنقاس
أي نعم فينا عيون ليها الرموش حراس .. بس كمان معانا بتلقى احلى احساس .. تحنان وريدة وإلفة مابتنداس
أي والله فيني خصر وفيني ارداف .. وفيني شعر ولون شفاف .. بس هل بغنيك من العفاف ..هل بوِدَك ديمة غنى وكفاف .. بعيشا معاك بي عيش حاف .. هل بحترم صمتك .. أمسح دمعتك .. أسبب بسمتك .. واشاركك لوعتك واطير بي فرحتك ... يديك الفي مرادك ورمضان كريم...

[مسلمة وافتخر]

ود عكاشة .. انشالله كلامي ينزل بارد عليك ..
في النهاية نعاود نقول مجتمعنا مجتمع ذكوري .. ولسة مستحكمانة المقولة "المرة كان فاس مابتقطع الراس" وده واقع معاش .. يعني في النهاية الأنثى بتميل إلى أنها تحاول ان تكسب الرجل وتحقق رغباته ولو جنت على نفسها .. وده فهم مغلوط لكن ..

وحقيقة ماعيب الواحد يبحث عن الجمال ... لكن الشي لمن يفوت حدو ....
ونحن دايرين نقول نحن عندنا حاجات سمحة كتيرة غير الشكل الخارجي ..
نحن الساس .. ونحن الراس وفينا محبة ما بتنقاس
أي نعم فينا عيون ليها الرموش حراس .. بس كمان معانا بتلقى احلى احساس .. تحنان وريدة وإلفة مابتنداس
أي والله فيني خصر وفيني ارداف .. وفيني شعر ولون شفاف .. بس هل بغنيك من العفاف ..هل بوِدَك ديمة غنى وكفاف .. بعيشا معاك بي عيش حاف .. هل بحترم صمتك .. أمسح دمعتك .. أسبب بسمتك .. واشاركك لوعتك واطير بي فرحتك ... يديك الفي مرادك ورمضان كريم...

[ملاك وعيون هلاك]

هييييييييييييييييييييييييييي ده كلام كبير



أنا صغيره عليه

[رءوف]

ذات الشجون طبعا لازم الواحد لم اتزوج افكر فى ذات الجسم الجميل والمتناسق يعنى ممكن امشى احب لى واحدة او اخطب واحدة يكون عندها حدبة فى الرقبة او يكون كراعها مقصرة او اصابع يدها ستة ؟؟؟؟ طبعا مش ممكن لازم تكون ذات جسم جميل واخلاق

[مسلمة وافتخر]

ذات الشجون طبعا لازم الواحد لم اتزوج افكر فى ذات الجسم الجميل والمتناسق يعنى ممكن امشى احب لى واحدة او اخطب واحدة يكون عندها حدبة فى الرقبة او يكون كراعها مقصرة او اصابع يدها ستة ؟؟؟؟ طبعا مش ممكن لازم تكون ذات جسم جميل واخلاق

اكيد يا روءف لان الوصفتها هنا دى واحدة معاقة

مع انه الجمال دا شئ نسبى


خارج النص

الوصفتها دى ممكن تكون ملكة جمال فى نظر واحد تانى

[مهند الطاهر على حيدوب]

اول حاجة اشكرك يازاد الشجون ودى بالمناسبة اغنية لود الامين متعه الله بالصحة والعافية انا ماعارف عندى اقتراح تغيرى اسمك وماعارف امكن لغويا كدة صاح والا رايك شنو؟ بعدين الجنس نحن بنتحرج نتكلم عنه رغم انه بشكل عامل مهم فى كتير من نواحى تفكيرنا ومشاكلنا العصر هو البيخلى الناس تحب الاكسسوارات وزهور البلاستيك عارفة انا لما يمر جنبى سرب من النسوة المتبرجات بكون احساسى احساس الزول الماشى فى سوق اللحمة والعفشات والمصارين غايتو انا عندى اقتراح لتكوين جمعية رجالية تعنى بالنظر فى جماليات عيون المراة وروحها ولطافتها وظرافتها بلا اعتبار لاى كمية من الشحوم او الكوليسترول الباطنى ياجماعة الزول بعد مايفرغ الشحنة الجنسية بتاعته اول حاجة بحتاج ليها النوم او الهدوء على اقل تقدير اسألو المتزوجين ؟ المشكلة اننا بنتزوج ام جلافيط دى وبعدين حنزهج منها لمن نكتشف صفاتها الاخرى الغير لحمية او عفشية الوسطية دايما حلوة والجمال الباطن احلى ياشباب مدارات الفرح عينيك بدونهن بفقد اوزانى رايكم شنو فى كلامى ده !

[مسلمة وافتخر]

اول حاجة اشكرك يازاد الشجون ودى بالمناسبة اغنية لود الامين متعه الله بالصحة والعافية انا ماعارف عندى اقتراح تغيرى اسمك وماعارف امكن لغويا كدة صاح والا رايك شنو؟ بعدين الجنس نحن بنتحرج نتكلم عنه رغم انه بشكل عامل مهم فى كتير من نواحى تفكيرنا ومشاكلنا العصر هو البيخلى الناس تحب الاكسسوارات وزهور البلاستيك عارفة انا لما يمر جنبى سرب من النسوة المتبرجات بكون احساسى احساس الزول الماشى فى سوق اللحمة والعفشات والمصارين غايتو انا عندى اقتراح لتكوين جمعية رجالية تعنى بالنظر فى جماليات عيون المراة وروحها ولطافتها وظرافتها بلا اعتبار لاى كمية من الشحوم او الكوليسترول الباطنى ياجماعة الزول بعد مايفرغ الشحنة الجنسية بتاعته اول حاجة بحتاج ليها النوم او الهدوء على اقل تقدير اسألو المتزوجين ؟ المشكلة اننا بنتزوج ام جلافيط دى وبعدين حنزهج منها لمن نكتشف صفاتها الاخرى الغير لحمية او عفشية الوسطية دايما حلوة والجمال الباطن احلى ياشباب مدارات الفرح عينيك بدونهن بفقد اوزانى رايكم شنو فى كلامى ده !

سلااااااامات اخى

اولا اسم ذات الشجون دا عاجبنى جدا وما عندى استعداد اغيرو

لانى من محبى العملاق ود الامين

والله فى كلمات كتيرة ما فاهماها

ذى ام جلافيط

وعفشية الوسطية

شكرا على المداخلة الجميلة

وسلاااااااااااااااااام مخلووووووووووط بالعسسسسسسسسسسسسل

[مهند الطاهر على حيدوب]

اول حاجة اشكرك يازاد الشجون ودى بالمناسبة اغنية لود الامين متعه الله بالصحة والعافية انا ماعارف عندى اقتراح تغيرى اسمك وماعارف امكن لغويا كدة صاح والا رايك شنو؟ بعدين الجنس نحن بنتحرج نتكلم عنه رغم انه بشكل عامل مهم فى كتير من نواحى تفكيرنا ومشاكلنا العصر هو البيخلى الناس تحب الاكسسوارات وزهور البلاستيك عارفة انا لما يمر جنبى سرب من النسوة المتبرجات بكون احساسى احساس الزول الماشى فى سوق اللحمة والعفشات والمصارين غايتو انا عندى اقتراح لتكوين جمعية رجالية تعنى بالنظر فى جماليات عيون المراة وروحها ولطافتها وظرافتها بلا اعتبار لاى كمية من الشحوم او الكوليسترول الباطنى ياجماعة الزول بعد مايفرغ الشحنة الجنسية بتاعته اول حاجة بحتاج ليها النوم او الهدوء على اقل تقدير اسألو المتزوجين ؟ المشكلة اننا بنتزوج ام جلافيط دى وبعدين حنزهج منها لمن نكتشف صفاتها الاخرى الغير لحمية او عفشية الوسطية دايما حلوة والجمال الباطن احلى ياشباب مدارات الفرح عينيك بدونهن بفقد اوزانى رايكم شنو فى كلامى ده !

[مهند الطاهر على حيدوب]

الجلافيط كلام جزارين وتعنى اللحم والعصب غير المفيد والعفش دارجة تعنى buds

[توقن فنتي]

ذات الشجون

لك التحيه ولكل المشاركين لما تحلو به من جرء في الحديث وكسر الحاجز الذي ذكره مهند لكم التحيه جميعا عندما يختار الشخص الزوجه ينظر الي كل الجوانب في جسدها وفي قوامها وفي شعرها ووووو اول شيئ وبعدها يتم التعارف والمحادثة والجلوس للتفاكر ويصل الرجل الي الامور المهمه الباقيه مثل الدين والاخلاق والحسب والنسب والجاه وبعدها يقرر الرجل او يكون الرجل في علم سابق عن اخلاقها ونسبها وحسبها وتربو في حي واحد اومن اسرة واحدة لذا كل الجوانب معروف لدى الرجل فهنا الرجل يختار اجمل من في الحي او الاسرة اما الثاني ايضا تم اختياره من ناحية الجمال لانه اختار الجمال واجل البقية للبت فيه بعد التعارف وقال {ص} ينكح الرجل لاربعه لدينها او نسبها او مالها او لجمالها وانا انصح الشباب الذين لم يحوضو هذه التجربه كما جاء في ترتيب الحديث وان لا ينسو الجمال لان المتعه الحقيقيه لا يتم الا بها
دتوقن فنتي

[مسلمة وافتخر]

الجلافيط كلام جزارين وتعنى اللحم والعصب غير المفيد والعفش دارجة تعنى buds

ههههههههههههههههههههههههههههههههههههه









لا تعلييييييييييييييييييييق

[حنظله]

[align=center] أكثرالناس في النساء وقالوا إن حب النساء جهد البلاء
ليس حب النساء جهداً ولكن قرب من لا تحب جهد البلاء[/align]

[الدلوعة اصلي]

موضوعك خلاني انزل تعليقي وسؤالي

ليه اي حد من الشباب بفكر في
سندريلا وهل قبل مايفكر اويختار
هل شاف المراية
الحاصل عليها شنو؟
بس من غير زعل
ايوه من حقكم تحلموا
بس في مثل بيقولك:
مد رجلينك على قدر لحافك ‏
فهل كلامي غلط؟؟
ادونا رأيكم