سلامات
في فترة من حياتي كنت مغتربة لعدة سنوات والحق يقال كانت اجمل فترة في حياتي (طبعا البقرأ صرة وجة) ايي اجمل بعيدا عن الشوق للوطن والحنية للاهل لانة اصلا موجودة المهم ذكرياتي مع الاغتراب بدأت منذا ركوبي للطائرة بالناقل الوطني للبلد طبعا بعد البكاء والوداع والمكياج الاتلخبط في الصالة الداخلية بعد فراق الاهل فكرت قلت احسن اصلح مكياجي والظاهر في موظفة تابعت دراما الوداع جأتني قالت لي (حسة بمشي اكلم اهللك بعد البكاء قلبتية مكياج )وضحكنا و قلت في نفسي ياربي بتعملة المهم بعد دخولي الطائرة وكمية من المشاعر تختالني فرقة وطن واهل واصدقاء وناس الحلة وحياة جديدة وناس أخرين المهم مشغولة البال و ببحث عن مجلسي جاءت مضيفة صغيرة حليوة ترحب بي الساعة اتلفت واسلم عليها بالاحضان وكيفك وعاملة كيف والجميل انها استجابت معي وطبعا في اللخمة مافرزت لغتها وجلست واحاول اذكر يا ربي دي بعرفة من المدرسة ولاقرأت معاي الجامعة لأ لأ اظنها عميلة في الشغل واثناء بحثي اعاين القى طاقم كامل نفس اللبسة لعله دي المضيفة اصلحت في الكرسي وعملت فيها ما عملت حاجة .......... ..........تابعوني
وقامت الطائرة بعدالاقلاع وفك الاحزمة وكل منا يفكر ماينتظرة هناك اذكر مجلسي كان وسط قلت كدي أعاين الجنبي منو يميني امراة كبيرة في السن وشمالي شاب صغير في السن والمراة خائفة شديدماسكة السبحة وبتدعي وشاب طلع ورقة وقلم ويرسم ويرسم ويرسم ارفع ايدي اوقف انزلة يواصل قلت في نفسي (ياربي يكون برسم في أيدي) لأ لأ ما أظن قلت كدي افتح موضوع مع الحاجة اصلي بحب الونسة بعد السلام والترحاب السؤال المعتاد مستقرة هناك قالت برى يا يمة مالي بسيب بيتي بس ماشة أولد بيتي هناك عليك الله أداعي ليها قالو الدعاء بين السحاب مستجاب !(لية ما حبيت أسالة ) وهاك يا دعاء تتحلي بالسلامة يا دكتورة ص بالمناسبة بنتها دكتورة هناك وعرفت منها انها أول مرة تركب طيارة برغم سافرت الحج أظن قصدها طيارة كبيرة وأنهم جدهم الشيخ الكبير العلامة ع وحكت لي عن سبحتة الطويلة ومريودة وبركاتة ليهم ولناس وندعي يارب تتحلي بالسلامة غايتو دعيت ليها كمية من الدعاء .قلت كدي أختلس النظر أشوف الرسام دةأعاين تحت تحت القي رسمت حنتي المابتغباني (اجي ياربي موديها لأمه)صريت لية وشي طوالي قال لا والله يا خالتو ماتفهميني غلط انا طالب فنون جميلة أول سنة ومقيم هناك وبحب ارسم اي شئ يعجبني وبجد رسمتها فنانة ضحكت في الاول للحنه وزعلت من بدايتة يا خالتو (ثقيل)............تابعوني
..........تابعوني
