الفرحة الضاعت

[ام نغم]

ازيكم .دي اول مشاركه لي جاء بخاطري موضوع الفرحة الضاعت في المناسبات بالذات الاعراس........ليه؟
زمان كنا لمايكون في عرس هاك يا تجهيز من كل النواحي والاهم الخياطة حسة غير العروس البخيط منو ؟وشي عزومة للاهل والاحباب والجيران مع صاحب العريس العندة عربية والبيوت مليانة وونسة العشاء يا حليلة والغنى باليل بالدلوكة وناس داخلة وناس خارجةوفلان اعجب بفلانة والعكس بسماحة وطيب خاطربجد ايام ...وقارنوا انتوا بالحاصل حسة ونحمدالله عشنا ايام حلوة زمان

[مجدى عكاشه]

ام نغمـ

بداية .. موفقة ليكى ..
وصراحة عايز اعلق على حتة صغيرونة .. بس
ان اغلب الاعضاء الجدد .. لمن يكتبو بيميلو للنقل المواضيع ..
وبالتأكيد العضو بيفتكر ان النقل قد يكون اقرب طريق .. للمشاركة والدخول فى الحقل الاجتماعي
للاعضاء ....................... على اى حالـ .. انا سعيد جدا بى موضوعك دة .. واضيف



كان عندنا قبل فترة زواج اختى ..
وصراحة اول زواج فى اسرتنا البسيطة .. وكان حكاية جميلة خالص
لكن .. ما كان زى اعراس زمان الواحد البيحضرها سواء من الاهل او الاصدقاء
كان بيختلف الموج وبتكتر الحفلات الاسرية واللقاءات للاسرة المغتربة وللجيران والاهل جميعآ
يعنى الناس بتكون حكاية بتاعت اسبوع او عشرة يوم مبتهجة بالعرس دة ...
لان العرس فى البداية لمة اهل ......

الليلة فى زمنا دة وتحديدآ فى الخرطوم
الزواج بقا مظاهر .. اكتر من سترة حالـ وسترة اسرة
يعنى الزواج بيختصر فى مناسبات عشان الناس تحكي بيها .. عملنا وسوينا وعملو لينا وسو لينا
عشان كدة .. افتقرت الافراح لمشاركات الاهل وناس الحلة ... فى اتمام الزواج
وكلنا عارفين ان الزواج بيكون عبر .. المشاركات بين الاهل .. و( الكشف )

سبحان الله ...... مغير الاحوال من حال الى حال
وربنا يهدي الجميع الى ماهو ذو فائدة .. للامة


ام نغم
خالص امنياتى ليكى بتقضية اوقات جميلة تفيدى وتستفيدى من الحضور الكريمـ
تحياتى ليكى تاني على البداية الرائعة دى

[ودالشيخ]

[3mr=backgrounds/16.gif]يحليل تعليم العروس الرقيص وياحليل قطع الرحض ياحليل زمان زمن المحنة
والحبوبة والحجة ايام اختي مابتتعوض زكرتيني ايام طفولتنا
نقول لانعيبو زماننا العيب فينا
تحياتي[/3mr]