موسوعة الشعر الشايقى

[بت أبوظبي]

مشكور ود علبوب وعلى مشاركاتك

[بت أبوظبي]

[بت أبوظبي]

الكلام في الوطن .. والمشاعر الجياشه للوطن أبدا لا ينتهي
شكرا ود علبوب .. سعدنا بك دوما

[بت أبوظبي]

حلو الكلام ..

[صلاح يحيى سليمان]

كلام جميل اخ ود علبوب.....!
وذيدنا من اشعار اهلنا واحبابنا
الشايقية

مع تحياتى

[ودعلبوب]

شكرا على مروركم الذى يمثل دافعا الى للمزيد

[ودعلبوب]

شكرا على مروركم الذى يمثل دافعا الى للمزيد

[ودعلبوب]

كيفن أصـــبر قليـــبى.. وكيفـــــــــن أعمــل حسابى
ما دام عشمى فى نظــــــرة .. والعندو النظرة مابى
بجرو غنايا أحكى ليكم .. تعالو أسمعـوا يا صحابى
حكــــاية الشافعى البريدا .. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ .. وحاتكــــــــم جنيت دابى
بقيت لمان ليها أفارق .. أفارق عقـــــــلى وصوابى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل.. خدودك زهر الروابى
تتعلق بين عيونا .. ورموشـــــــــــا البى فوقا كابى
قليبى يفارق ضــــــــلوعى .. يلاهى عليها ويشابى
بعيد مابيقــــــــــــدر يقاوم.. بريق البسمة السحابى
صديرن لما يتفـــــرَّ .. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو .. وا زرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى .

[ودعلبوب]

الله من عذاب الريدة
الله من جحيمها وهولها
الله من شجونها ونارها
وكتين تشتعل فوق زولها
يتحلف يقول التوبة
تاني أنا أهوى ما معقولة
لكن فجأة ينسى القالو
يرجع تاني يسقي شتولها
يا قلبي الحزين
وين تمشي ليك
كل الدروب مقفولة
كيفن زول يصل للجامعة
يرجع تاني لي سنة أولى
ياما كتار حليلهم ضاعوا
في زحمة دروب مجهولة
يزرعوا في النوايا الطيبة
كان ثمرة ضياع محصولها
الواحد يريد النجمة
ما بيقبل يشوف ويطولها
تلقا وسط ظروف يا الشادي
عشمان إنو بكرة يطولها
مسكين كان يخادع نفسو
بي سحب الخريف وهطولها
متعشم يقول المسرة
يوم باكر يدقوا طبولها
مسكين يا حليلو إتناسى
نكبات الزمان وفضولها
وإتناسى إنو نحنا غلابة
أحلامنا العراض مطبولة
من زمان القرايـي ترايا
ما شف غير سيوف مسلولة
كل ما أقول وصل لي مرسى
ألقا أحلامي شادي خيولها
قاسي الزي يلقا الدايرو
نقاي يعرف المصقولة
أول ما يقول ديك لي
كل خلق الله بكرة يجولها
عايش فد سؤال جواي
ليه لحظة فرحنا عجولها
وأيام الحزن تندب
زي السلحفاية مهولة
اختلطت علي أيامي
قدامي الهموم مسدولة
مشكلتي العلي والبي
ماها مرض دواء وكبسولة
آه من دنيتي وأقدارها
آه أنا من جحيمها وهولها
شين الزي يلقا أحلامه
منو الدمعة ما مقبولة
لكن يا رفاق بالدغري
كلمات بي صراحة بقولها
كان جنيت أو ودرت
تبقا ظروفي هي المسئولة

[بت أبوظبي]

مشكور جزيل الشكر

[بت أبوظبي]

كلامك جميل .. وإلى الأمام

[ودعلبوب]

الاستاذ حاتم حسن الدابى من اشد الاصدقاء وانا مفأجاتى ليكم مش ح تكون كلمات حاتم حسن الدابى وبس بل ح تكون عضوية الاستاذ حاتم ذات نفسوا وتوقعوا المزيد

[ودعلبوب]

أرجع أرجع يازول أرجع

الضحكة هناك من جوة الجوف

الفرحة هناك مافيها الخوف

الشقى أرحم في ضل النيم وبعيد من ناسا واقفي صفوف

جم ناس حبان تلقى المكسور مشيول في اكتاف واحد مكفوف

الجن الأحمر فاقد القيد في خلوة حاج الخير مكتوف

[ودعلبوب]

اجمل منو في الكون كلو ما شفنا
جود يا الله بي لقياهو أنصفنا
راضين نحن مهما حبو كلفنا
لأنو ملك شعورنا ملك عواطفنا
والفناهو لو يرحم يوالفنا
نحن نطيعو ما دايرين يخالفنا
حاول مره زورنا عشان تشرفنا
وبي معنى الجمال الفطري عرفنا
لفينا المداين والقرى وطفنا
زيك لا بنلاقي ولا بيصادفنا
يا سواقنا قدام بيتو وقفنا
خليها الزهور تمرق تلاطفنا
ما حبينا غيرو وهو عارفنا
دايرين لي لماهو الحظ يحالفنا
ليك غنينا وتر سلكو عازفنا
نظمنا القصائد فيك وألفنا
دايم حبي ليك ومستحيل يفنى
وسيل الشوق على الحابنو جارفنا
تعال بالله أرقص تاني أتحفنا
وبي عينيك لو بتحب تكاشفنا
ناري أنا من عيونو المنهن خفنا
عيونا بالسهام كادت تنشفنا
إن نسفت سبيبه معاهو تنسفنا
وإن مالت بعد سابتين ترجفنا
حياتنا عليها من قبلك تأسفنا
ولو ما شفنا حسنك تاني شن شفنا

[ودعلبوب]

اهلنا واحبابنا لا اكون افقلت عليكم برسائل ست الدار فلنعود للحب من تانى
ورائعة الفنان عبدالرحيم أرقى كان زادى ى للشاعر علاء الدين وحقيقة كان زادى

حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بيروي عطشانين
وداعــاً يـا كــلام معـســول حــدو ومكـمـنـــو الشفتين
وداعــاً يـا سحـابـة صيــف شايلى مطر ضليلا رهين
تبـشــر بـى خـريف جايـيـنا ياما الناس رجوهو سنين
كل زولاً يـفـكــر فـيــهــا مـا مـعـــروفـة تـنــزل وين
وألف سلام عليك يا قلبي المـسـالم وديمه طبعو حنين
يتـاورو الـشــوق ويلعـب بيـهو تنحر فى حشا السكين
تـعــاودو الـذكــري تــنــتـر جوا حالو يحنن المسكين
أخــيــراً مــى لـيــك سلام وقبل ما تجف دموع العين
وقـبــال مـنــى مــا تـعـــدى وقــبــال الفـراق ما يحين
بخيت وسعيد عليك إن شاءالله يـبـقالـك عـمــار وبنين
وقـلـبى أنـــا خـلــى فـى أنـاتو بـعـدك ياما راجى أنين
ولو كــان يــا قـلــب حـبـيـت بـعـدو بعـد قسمت يمين
مـا يـنــتـــمّ لــيــك مــراد لا تضـوق لا حلو ولا زين
وتفضل طول حياتك تبكى طول عمرك تعيشو حزين
وعـمـرك مــا تجـيـك سـعــادة مـا تـتـهـنــا قـول آمين
وتـــانـى الحـب عليك حرمان ووعد الحر أمانه ودين .

[شاربة توت ولابسة بوت]

[glow1=66CCFF]

بوست رائع ..
ومجهود طيب .. ويديك العافية ..

ودمتم سالمين ...[/glow1]

[بت أبوظبي]

اتحفنا بما لديك دوما ..
يديك العافية .. وإلى الأمام

[ودعلبوب]

شكرا على المرور ويديك العافية واعدكم بان اضم اليكم مجموعة من الشعراء لهذا المنتدى ليكونوا بمثابة اضافة حقيقية وتسلمى

[ودعلبوب]

معذرة لو معاك مني الكلام حره
ومعليش الخطاب كاتباهو مضطره

حرام والله حرام....مننا أنت تتبره
وخمسة سنين تفوت تجي فيها فد مره

وراك أنا كم شقيت وعشته في مره
وتعبته مع الصغار ال هم للعيون غره

بخاف الغرق الغاص وراء دره
وقالوا أدب الصغار والعقدة من خدره

حليلي أنا الزمن زي خاطري مانفره
وخمسة سنين غياب مابتحملن حره

أنا الحاضنة العذاب وأمالي محتضره
وأنت الفي النعيم ماخات حساب بكره

مسكينة التقول في الأغتراب ستره
وتتناسى القروش في يوم تكون ضره

حليل زمن كت عايشنا بالأجره
ويا ريت لا عرف ولا مرق بره

الكاتمه في جواي كتير أتملك الجوف والعصب
ماكنت دايره أقولو ليك لكن لسان الحال غلب

مابنسى يوم ودعتنا وسافرته في غرة رجب
خليت وراك الدار حزين أتباكى والدمع أنسكب

أعذرني.. والله العظيم لولا الضرورة أنا ماكتب
وانا خايفي في بعدك أكون الضاحي بحصل مكتسب

اليوم داك ناس البلد هنوني شايقية وعرب
قالوا لي خير وجاك وإكتب سلامتو الأغترب

قالوا لي يادوب نجم السعد طلاك من بعد إحتجب
ويادوبو بالك يستريح وتنسي العذابات والتعب

فضلت أحسب في الشهور قاعدة لي فوق نيران لهب
صابره وحريصة علي الولاد مايبقو للريح في المهب

سديته خانتك من مشيت قايمابو واجبي كأم وأب
والأسرة يضنيها المسير تتهاوى لو مافيها رب

والله مابنكر جمايلك لينا....برضو سناك وجب
موكب هداياك ماانقطع كان ستره في الزمن الصعب

لابسين وماكلين... والنعيم كايلنا في يوم مانضب
وعايشين معيشة المترفين طولنا.. ما الطبع أنخرب

حامدنو كان قلته الأكل....... والله للتين والعنب
أما الجناين شيله كابي كب ماكلين فواكه والرطب

البيت مفروش بالحرير..... مليانة آيدي بالدهب
لكن خسارة علي محل عاش سيدو خمسة سنين عذب

الشي المهم ماقتو ليك... ليهو أنت ماظنيت حسب
كبرو الصغيرنين خلاص خايفه لم الطبع الكعب

وصلوها مرحلة الخطر ... والآمن مازال مستتب
وأنا كنتا قاداهم زمان.. لكن بعد كبرو إتغلب

حصلني قبل الجد يفوت... دوب انهم فوق العتب
قبال نحصد الخير ندم ومابجدي كان لمته وعتب

خايفه لم الطيش في الدروب.. مابرضى لو واحد رسب
خوفي المتعبني الكبير ... بعدين يمرقوو بلا آدب

وريتك الحاصل علي..... لا فيهو ثورة ولا غضب
شان الحديث مايبقى ني والواحة يكتنفا الجدب

أنا قلبي مازال لسه حي .. ونجمو الملهلب ماغرب
باكر كلامي تردو لي .. ما ابقى بكرة أناالسبب

[نغم]

تسلم يا ودعلبوب جد كلام جميل ومعبر وحزين فى نفس الوقت اصلوا الفنان دة اغانيه كلها معبرة تسلم ومنتظرين منك حاجات اجمل واجمل .