صمت ادم .... يجنن حواء

[بنوته مهاجره]

صمت الأزواج... يجنن الزوجات



هي تأنس بصوته



هو يقبل دور الزوج ويعتذر عن دور الأنيس.



هي تؤمن بأن الملل أخرس



هو يقسم أن الصمت ليس دليل زهد والحب ليس دليله الكلام.



هي تفسر صمته بأن لديه ما يخفيه عنها .



هو يبرر صمته بأن لديه مايخفيه منها .



هي تشكو صمته .



هو يقول إنها السبب.



وهكذا حتى يعشش الصمت مدارج الكلام.



(( تكلم كي أراك )) هكذا تقول الحكمه الصينيه .. ولسان حال كثير من الزوجات ..



فعلى الرغم من أن الجنس البشري لم يألف طريقه للتعبير والتواصل



اكثر سهوله ووضوحا من الكلام



الا ان بعض الازواج يفضل ان يغرد خارج البيت ويصمت فيه





.......



موضوع للنقاش....



ماهو برأيك السبب الذي يجعل الزوج يصل الى هذه المرحله



وما هي رده فعلك ان كان زوجك (( صامتا ))



موضوع للنقاش
لكم التحية

[فارس الغرام]

بسم الله الرحمن الرحيم

اول حاجه اشكرك علي الموضوع العسل زيك كدا
والله احتمال كبير انو تكون الزوجه غلطت او ما احترمت زوجها او ما قدرتو حق قدره
او تكون زعلتو زي ما بعملو كتيرااااااااااااااااااااات بس هي لو شاطره ممكن تخليو اتكلم زي المافي حاجه وممكن اكون مشغول بشي مهم بس دا احتمال ما وارد شديد
دا في حالت الصمت البحصل الفجائي
وتاني في الخرس زي ما قلتي ودا اكيد سببو حواء
او تكون بتتكلم في موضوع فارغ ما بهمو (( بتنقنق )) يعني هو بعمل زي ما بعملو البدو طنشششششش تعششششششش تنتعششششششششش
وكمان الراجل ما بتحدث الا اذا تكون عاجباو مرتو ما شرط سماحه بس تكون مقيمه في عينو عشان كدا هي لازم تعمل اي حاجه تجزبو ليها وممكن تدلعو ههههههههههههه الدلع بخلينا نتكلم طوالي ههههههههههه

وممكن اكون الصمت او الخرس الهدووووووء الذي يسبق العاصفه ودا اصعب حاجه بالنسبه لي حواء


تقبلو مروري

[بنوته مهاجره]

اشكرك فارس على مرورك بس كمان لازم ادم يقدر حواء شويه لانو ماممكن اتنين عايشين في بيت واحد وكل واحد ساكت مابتكلم يعني هم زوجين المفروض يكون بينمم موده اكتر احترام يكون صديقين اكتر من زوجين لك تحياتي

[مها]

[grade="00008b ff6347 008000 4b0082"]الرجل والمراة
نحن اكتاففنا و سائد لرؤسنا وصدورنا خذائن اسرارنا ........وسواعدنا عكاز عبورنا لصراط الذمن .......... اى فتور او تذبذب او انقطاع لهذه المشاعر الراقيه النديه ....يترك فينا فراغا ويحفر فى نفوسنا فجوات يصعب ترميمها
صوت الزوج شدو الانثى واذا صمت لابد وان هناك خطب ما
الزوجه الزكيه هى التى تحوى زوجها بكل حركاته وسكناته ............
ربما هناك خطب فى الانثى وهذا وارد وليس مؤكد...........
المراة المهمله لزوجها خاصه بعد الانجاب
المراة التى لاتحترم مشاعر زوجها امام اهله وصحبه
المراه المهمله لنفسها فى حياتها الخاصه
المراة التى لا تستطيع اختيار المكان والذمان للمناقشه
هذه صور لصمت ادم ........
بما ان عطاء العواطف يضخ من القلب للقلب باستطاعه اى انثى ان تجعل
من الزوج ذلك البلبل الشادى
لك الود[/grade]

[ودالعاصمة]

هم بسكتو لانو النسوان نقناقات شديد ودى طبيعة بشرية يعنى
والدلايل والابحاث اثبتت انو الاطفال من جنس الانثى كثيرين الحديث
ومن جنس الزكر قليلى الكلام
وكمان اذا انتى استدليتى بى مقولة صينية (صبحان اللة الاجهزة صينية والبلد مليانا صينين حتى الامثال يابنوتة )
وفى مقولة بتقول الصمت ابلغ من الحديث
مشكورة على البوست الرائع .........
مرررررووووووورررررررررررصــــــــــــــــــــــــــامت

[Mr.POGIz]

عموما انا ما عارف هل الموضوع دا يخص الازواج ولا ادم وحواء بشكل عام

عموما برضو اعتقد انه غالبا تفكير ادم وحواء ما بختلف كتير
لدرجة ان صمت ادم يجنن حواء

واذا اتقن واحد منهم الصمت بدون عذر
كل واحد حيجنن التاني

[فارس الغرام]

بنوته الموده والاحترام لا بد منها بس بتكون في القلب
وفي مقوله بتقول المرأه الذكيه تنطق الحجر
وكمان الله خلق لينا اذنين وفم واحد عشان نسمع اكتر مما نتكلم
بس الاحترام مهم بين ادم وحواء وحواء الذكيه ما بتخلي راجلها اسكت اطلاقا