شاكوش جامد أداني ليهو الأستاذ

[الفيلسوف الجديد]

السلام عليكم



يذكر علماء النفس أنك (إذا شتمت طفلا فلن ينساها لك طيلة حياته وأثبت العلماء أن الطفل الذي يثني عليه أهله منذ صغره هو الطفل الموهوب حقا والاطفال الذين تعرضوا إلى كثير من الشتائم هم الذين دفنت مواهبهم أو بالأصح دفنا نحن مواهبهم)













والله يا أخوانا الكلام ده صح 100%



أنا شخصياً مر بي موقف زي ده وحبيت أقولو ليكم







عندما كنت في الصف السادس الابتدائي في السعودية قمت (ولأول مرة في حياتي) بتأليف قصيدة بسيطة ، وطبعاً ما صدقت نفسي من الفرحة ، كلمت أصحابي السعوديين المعاي في الفصل ، وفرحوا شديد ومدحوني لحدي ما حسيت أنو راسي حايطرشق..!!


المهم فرحت شديد ، ولمن دخل الأستاذ للفصل طوالي الأولاد قالوا ليهو أني ألفت قصيدة ، فقال لي قوم قولها ، وقفت على حيلي وبدأت أقول القصيدة اللي ألفتها وهي :


أيها الطالب مهلاً *** لا تخشى الامتحان

قل له أهلاً وسهلاً *** لك في القلب مكان

ولا تدعه هملاً *** فليس فيه سنان

وسمّ الله أعلن *** عن بدء الامتحان

أجب عليه مهلاً *** فالاختبار أمان

ولا تدعه هملاً *** لك في أي زمان



طبعاً كنت متوقع أنو حايمدحني ويشكرني ويكبر لي راسي

لكن للأسف قال لي : (اجلس اجلس ، هذا اللي إنت صاجنا فيه؟)

يعني إنت أسي مزعجنا عشان الكلام البايخ ده؟

طبعاً كان شاكوووووش جاااامد




وانحرجت جنس إحرااااج

قعدت طبعاً في النهاية

وتركت الشعر وتأليف الشعر

حتى وفقني الله في الثانوي ولقيت لي ناس شجعوني

بديت أؤلف مرة تانية

وكان آخر قصيدة ألفتها سنة 2008 م هي قصيدة (معاناة هائم .. بمطعم سماسم)


تلقوها هنا

http://www.anasudani.net/fourm/showthre ... post445956

وغايتو الحمد لله ماشي في تحسن

أثر الشاكوش بدأ يخف تدريجياً

والحمد لله

[السودانى الاصيل]

حبيبنا الفيلسوف الجديد

السلام عليكم

وحبابك الاف بينا يا اخونا

فعلا والله زى ما ذكرت انت
الطفل يتذكر من مدحه ومن سبه ووبخه حتى الشيخوخه
وانا لى ذكريات مع المدارس وانا فى الصف الثانى

فقد صفعنى مدير المدرسه كف بكل ما اوتى من قوه فى الوقت الذى كنت اتامل
فيه فى لوحه خلفه وهو يراجع كراستى
حتى سقطت امامه على الارض

لن انسى ذاك اليوم ابدا وغيره من المواقف التى مرت بى وانا فى المرحله الابتدائيه والثانوى


وليست من الحكمه او العقل الاحراج مهما كان العمل المقدم والحمد لله انك استطعت المواصله
واتمنى لك مزيدا من التقدم

ومنتدى الشعر والخواطر مفتوح نترقب منك كل ما هو جميل

[mis.silent]

كلامك صحيح ايها الفيلسوف وكأن قلبت علينا المواجع فنا قصتي لا تختلف كثيرا عن قصتك فعنما كنت في الصف الخامس اساس كنت في الاجازة بمشي البلد وكانت امي بدخلنا المدرسة لان مدارسهم بتكون فاتحة في الصيف وعشان ما ننسى الحاجات الدرسناها
المهم :مدرسة العربي اقترحت على الفصل انه يعمل جريدة حائطية وقالت العندو موضوع يجيبه وانا كان عندي قصة كتبتها قلت خلاص اشارك بيها وفعلا كانت قصتي اول موضوع استلمته الاستاذة وقالت لي خلاص
ومرت الايام ونحنا كل يوم برسم وننزل في المواضيع بعد اليوم الدراسي وكنت متكيفة لغاية ما عيني وقعت علي ورق مرمي في الارض ولاني كنت فضولية رفعته عشان اقرأ المكتوب فيه واذا بها القصة حقتي سألت الاستاذة قالت:معليش المواضيع تمت وما ليها مكان
طعلت من المكتب وانا حزينة وبطنطن مع نفسي ومن يومها ما كتبت قصة تاني