مســـــــــــــــــــدار + مســــــــــــــدار

[الاغبش]

شقي الحال من قيد الحسان يتباعد
تلقاهو مشلهت وعقلوا دائما شارد
لا يعرف يمين من شمال دوام متبالد
الا المحبوب والعجب ان اصبح عاقد

[استارو]

اه من انينى
ومن الام سنيينى
لو كنت فى مكانى
كان حسيت بالامى وحنينى
ولو رايت فى عيونى
كان عرفت الع>بونى

[دايخ في عالم بايخ]

[grade="8B0000 FF0000 FF7F50"]خلني ابدا مسداري

واودي قفايا لي دارا بقت مي داري

جيت الجلدي بيني وبين عضايا الشحمة الا النار بقت قدامي

جلدي الليلة بيني وبين عضايا المافي

الا تراني شوال الكبس نفيخ جلاليب الورم هدانّي

في جلدي الورم قولنلي ولا صحي الورم عضاني[/grade]

[ودالدرديري]

دار الغـربـة يـــادايـــخ مـحـــال تـتـحــبــا
مامُـنـيـة عــزيــز إلا الـمـعــايــش صـعـبــه
شـوف إسـتـارو كيـفـن بالـهـمــوم إتـَعـبًــا
يـارب الـعـبــاد تـنـجـيــنـا مـن دي الكُـربــه

[دايخ في عالم بايخ]

[grade="00BFFF 4169E1 0000FF"]ود الدرديري الكلام منك جميل بالحيل

ناتج عن فهم ودرايه بالتحليل

ظاهر زول شعر بحرك قصير وطويل

متمكن خلاص ما تقبل التعديل[/grade]

<><><><><><><><><><><><><><><>

[grade="8B0000 FF0000 FF7F50"]دايخ معاك عايز يكون تلميذ

وريهو الحروف وعلمو التهميز

لو كان يوم دقس بي جهلو غلبو أجيز

أفرشلو البرش واحرمو من الجيز[/grade]

[mohamed merghanh]

الليلة السدار هايج على شيطانو
داير زول نجيض يحمل معايا بطانو
قاعدين للصباح لامن يلوح قيطانو
يمكن نشفى قلبآ فارق حزين أوطانو

[mohamed merghanh]

وين فاتو الصحاب الكانوا فينا الضو
لو نادي المستغيث بجوهو فو فى التو
ود ميرغني المكون نقر لبابكم كو
داير بي لماكم يصفى ليهو الجو

[مهند عبد الرحمن]

حباب ود ميرغني مرحب بي سيد القافية
ليك زمن غائب انشاء الله يا اخوي عافية
ادينا الجديد خليت الديار جافية
منتظرين وحاتك بندور كلمتن شافية

[mohamed merghanh]

حباب ود ميرغني مرحب بي سيد القافية
ليك زمن غائب انشاء الله يا اخوي عافية
ادينا الجديد خليت الديار جافية
منتظرين وحاتك بندور كلمتن شافية

يا مهند أخوي ليك السلام با صاحي
والشوق الشديد زايد على إفصاحي
من فت الوطن فارقت ياخى نصاحي
وين ألقى الشفا وجفني المساهر صاحي

[ود أونسه]

جديدين معاكم وصراحه مواضيعكم حلوه ومفيده وبتدونا فرصة نحاول مشكورين

لو داير الفهم والذوق مع الاحســاس
اتوجه بــلادنا تـلاقي احســن نــاس
في علوم المكارم ظاهرين وليهم ساس
وفي لجج المكاره فـراس ولاد فـراس

[مهند عبد الرحمن]

يسلم لسانك يا ودانسة القلتو كفاية
نحنا وكت الصقط يشد ما بنجيب دفاية
فرسان بالحيل ولي للضعفان وقاية
مالقيت لي زولا اتكلم فينا وشاية

[mohamed merghanh]

جديدين معاكم وصراحه مواضيعكم حلوه ومفيده وبتدونا فرصة نحاول مشكورين

لو داير الفهم والذوق مع الاحســاس
اتوجه بــلادنا تـلاقي احســن نــاس
في علوم المكارم ظاهرين وليهم ساس
وفي لجج المكاره فـراس ولاد فـراس

دا القول التمام الشادي لينا عزمنا
الحارة أم مخاض خضناها ما اتعازمنا
إن وقع القدر شدينا وإتحزمنا
وإن جانا الفرح ما بفوتنا برضو حزمنا

[شـهد الكلامـ]

سمح الجنا البمرق ويجيب رايحتو
وسمح الضمير وكتين تفارقو سنحتو
سمح الكريم وكتين اجيك بي سمحتو
وسمح الجنا البرمي الفوارس تحتو



******


كعب الصبي الماسح الفريق حوام
وكعب الكبير إن بالبيوت نوام
وكعب البشيل حال الخلوق لوام
وكعب البحر وكتين يشيل عوام




*******



كعب الزمن وكتين يتلب صقرو
وكعب البسولب للضعيف وبحقرو
كعب البلوك حال الخلوق بلسانو
وكعب البزيع بين الرجال إحسانو

[أيمن]

[align=center]مساديركـــم تبين للجـــــميع عــفتكم
وجيت الليله متقريف على شلتكــــم
ياشهد الكــــلام ملت الوجود قصتكم
تتراقص بقت مشهوره فى الدت كم[/align][/color]

[شـهد الكلامـ]

ايمن يا رفيق مسدار رحبنا بيك بى طارنا
سخن للذكر وانشد للشعر خليهـا تهمـد نارنـا
بي ذكر الرسول وصلاتنا يعلوا ويزيد مقدارنا
كان يشفع لينا ونختم بالفضايل والجنة تصبح دارنا


ايمن مرحبااااااااااااااااااااااااااااااات الف وزياده ادخل لااااااااااااجوه

[أيمن]

[align=center]بندخل بى التسابيح وبى السبح اذكارنا
ونحـــمد ربنـا البهـــل النـعيم فى دارنـا
ياشــهد الكـــلام يامشــرفه أشـــــعارنا
ترحــيبك بينعش ديمــــه لى أفكـــــارنا[/align][/color]

[mohamed merghanh]

فكوك من التثبيت وأصبحنا ليك بنكوس
هجورك الحبايب وحالك ماشي بالناكوس
تلاتة أيام تمام ومافى باص معكوس
لمتين الإنتظار ملينا القعاد ومكوث

[شـهد الكلامـ]

هى سياسه تنظيميه يا محمد يااخوى بس يظهر عليها سياسه فاشله :079:

محمد يا ميرغنى مرحب بيك ووجودك يطرح البركه دايما

خليك قريب ما تبتعد



اختك
شهد

[شـهد الكلامـ]

الليله المنتدى من جيتو استبشرتا
لافونى الحبايب القاهم محل قبلتا
جيــــت من بـــدرى ليهم زرتــــا
على النبى صليت وبيهم اتصبحتا

[شـهد الكلامـ]

ميرغنى صباحك زين ومرحبتييين
بداية اسمك تشـــــرح كل قلب حزين
ايمن جيت دارا ناسا بيــــــــك متيمنيين
شهد مع الفراش فى سماها فرحه محلقييين