المشروع الأمثل لكل شاب في بداية طريقه

[مجنون جدا]

( ملاحظة من الوش: حاول تقرا الموضوع كلو ما شرط الرد لاني عارفك ما هترد بس المهم تقراهو كلو يمكن ينفعك بعداك نفعك ما نفعك ادعي لي أخوك بالغيب )

اتفضل حبيبنا الموضوع البهمك شديد دة :


بلا مقدمااااااااااااااااااات

وتوووووووووووووووووشك كدة

أفضل مشروع للشاب في بداية عمره هو تنسيق عقلو وبرمجتو على النجاح

ما يشغل بالو كتير بقصة الفشل لانو البقو ناجحين اصلا كانوا عاديين

صخ ؟!

بعدين مسالة الشاب يعرف نفسو تماماً ويتعامل معاها بكل عقلانية وبالتالي يولد جواها الدواع الكويسة والقوية للنجاح

وبعدين مسالة كل واحد حلمو بيت ومرأة وعربية دي مأتم مباشر للهمة والعزيمة للنجاح

لو ماشي الكلاكلة كداري خت في بالك انا ماشي جبل اولياء وتاكد انك لو لوصلت القبة حتى تبدا تحس بالتعب

بينما لو ختيت في بالك ماشي الكلاكلة يعني حجمت هدفك وطموحك في المقاس المتخيلو ( فلسفسة وكدة ) المهم هتحصل الشجرة وتحس بالتعب

وقعت ليكم دي

طيب المسالة الأخيرة والمهمة بطل حركات الشباب العويرة دي وما تحصر تفكيرك كلو في البنات وكيف ابقى سوبر ستار انت قايل روحك تامر حسني عيب عليك فكر في انك تطور ذاتك الخلقها ليك ربنا سبحانه وتعالى وصورها في احسن صورة وهندمهاونظمها لاجل نفسك ما لاجل حبة البنيات الحواليك ديل وتأكد انك كدة هتكون كسبت ثقة اضافية لنفسك وفي نفسك وفي جوة الناس الحواليك مش دة الداير توصل ليهو

طيب والمسالة التانية وفيها صراحة شوية ما ترهق عقلك بالمؤثرات العقلية ناس عرقرق وبنجويست وكدة لانها بصراحة بتخلي عقلك تراجعي لا تقدمي

فهمتني

وبعدين خفف شوية من وارد الفاشر ونوري وود الريح والجماعة الشينين ديل والعوير برنجي دة وناس القولد والبنسون وكان ما شربت جبنة الصباح وشاي الصباح

ادي عقلك الفرصة يتبرمج ليك بيك ؟!

عارفك ما فهمتها كويس ولو فهمتها برضو افهمك ليها

يعني ما تخلي عقلك يحتاج لحاجات خارجية عنو

جرب تخلي الحاجات دي ولو ما قدرت تنظمها يعني في وقت معين عقلك يرسل اشارة مخية بحتة بستأذنك فيها لو سمحت عايز اتكيف حبة

فهمتني

عموماً بعد تقدر على نفسك صدقني كل ابواب الرزق ان شاء الله بتتفتح ليك

وهانزل موضوع عن ابواب الرزق الغيبية هاااااااام ومفييييييييييييد كلو عشان منو مش عشااااااااان عينيك يا شاب يا جامد

ترررررررررررررررررررررررررررررررررررم

وأسأل الله أن تعم الفائدة المرجوة

[scorpion]

هناك فرق كبير جدا بين التغير الذي يحدثه مكروه
وبين التغير الذي يأتي مقصودا نابعا من الإراده الموجهه
فالمستحيل لايعيش إلا في عقوووووووووووووووووووووولنا

[( ود البورت )]

والله يا اخي مجنون وانا اصلا ما داير اقول ليك مجنون لكن موضوعك عجبني جدا جدا ومشكوووووور بكل معاني الكلمه

[مجنون جدا]

هناك فرق كبير جدا بين التغير الذي يحدثه مكروه
وبين التغير الذي يأتي مقصودا نابعا من الإراده الموجهه
فالمستحيل لايعيش إلا في عقوووووووووووووووووووووولنا

========
كلامك حقيقي وأصاب كبد الحقيقة .. ويبقى الفرق الحقيقي هو (عقلنا) .. فالتغير والمستحيل يظلان ضمن عقولنا .. فهي من تضخمها لحدي التوجس .. ومن تجعلها عادية فنمسك زمامها ..

نشكر مرورك الكريم ..

[مجنون جدا]

والله يا اخي مجنون وانا اصلا ما داير اقول ليك مجنون لكن موضوعك عجبني جدا جدا ومشكوووووور بكل معاني الكلمه

================

ههههههههههه إنت ما قلتها وخلاص ..

وشكراً على مرورك وتشجيعك ..

بس تصدق ثلاثة أرباع ونص شباب البلد دي بعانو .. من روحهم وبقولو المجتمع والبلد والمش عارف إييييييه !!

جنس تخذيل للروح !! ربك يعين

[aboalseem]

والله يا جنو كلامك حلو ...
وكمان الحاجة الوحيدة المضمونة لتحصيل النجاح هي التجربة مرة ومرتين وتلاتة و.... وزي ما قالو (العترة بتصلح المشية) والواحد لازم يعاين حولو ويتعلم من تجارب التانين..

تخريمة بالجنبة كدا انت: ( المؤثرات العقلية ناس عرقرق وبنجويست ) دي شنو ؟؟؟

[مجنون جدا]

والله يا جنو كلامك حلو ...
وكمان الحاجة الوحيدة المضمونة لتحصيل النجاح هي التجربة مرة ومرتين وتلاتة و.... وزي ما قالو (العترة بتصلح المشية) والواحد لازم يعاين حولو ويتعلم من تجارب التانين..

تخريمة بالجنبة كدا انت: ( المؤثرات العقلية ناس عرقرق وبنجويست ) دي شنو ؟؟؟

دي هي زاتا المؤثرات العقلية المذكورة أعلاه

ودي دايرة كلاااااااام يا راااجل
داير الانتربول ينتبه ونبقى في البحلنا منهم
أصلهم ناااااااااااس لبط

بث ما شاء الله على ردك

يدل أنك إنسان واعي ومجرب

والصفحة نورت بتشرييييييييييفك