افتح .......... قلبك

[zaina]

تعديل الحب التقليدى الى حب حقيقى قد يكون مستحيلا احيانا ( مع تحفظى على تعبير الحب التقليدى ) فا مشاعر الانسان ليس قابلة للصيانة ولا مكان لقطع الغيار فيها .......... اراك تؤيدين وتشجعين المحبين على مواصلة الطريق وتتركين لهم فى مواضع اخرى خطوط عودة للمسار الصحيح

اخونا احمد
على فكرة حكاية الحب التقليدى الى حب حقيقى دى ذكرتها لان اخونا الاشيتر هو صاحب الجملة وعنيت له بذلك ان مايراه هو حب تقليدى قد تتغير النظرة ان نظر للجوانب الايجابية الاخرى فى الزواج والتى ربما لم يكن يراها وبنظرة مختلفة ربما يجد ان الحب التقليدى هو حب حقيقى لايتجزاء ويغنيه عن الزواج الثانى


المحاولة وعدم الاستكانة كما فهمت من حديث اخونا الاشيتر انه قد قرر عدم الخوض فى المحاولة الا اذا كانت اصوات الناخبين تميل الى صالحه حتى ولو بنسبة ضئيلة قد تكون عزة نفسه لها تأثير او انه لا يريد ان يصل الى طريق مسدود ويفقد حتى متعة الحب

الحل ينتظره اخونا الاشيتر وفى رأئى ان الحب ليس كل شىء فى الحياة الزوجية وهناك جوانب كثيرة وجميلة فى الزوجة يمكن ان نبحث وننقب عنها اذا كان لدينا الرغبة فى ذلك .........
(افارم عليك يااستاذنا ودى نقطة بيقفلها الرجال وياريت اخونا الاشيتر يركز فيها شديد )


وحاقول للاشيتر (ماتمر به الان ربما هو المراهقة المتاخرة التى يقصدها علماء النفس بخصوص تعلق بعض الرجال بالحب بعد الاربعين بمن تصغرهم سنا (بس دى بالتاكيد ماقاعد عامة وانت لسة فى مرحلة شباب )
ضع كل الاحتمالات السلبية التى يمكن ان تنتظرك من (الزوجة والابناء )اذا تزوجت حتى لا تخرج بخسائر بزيجتك الجديدة يعنى تحدث مع ابناءك ان وجدت موافقة من اهل الفتاة حتى تكسبهم (والجملة دى بالزات لان الرجال بيغفلوها فربما تظن ان بزواجك الجديد ستكون فى جنة يغمرها الحب ونحن لانعلم الغيب ولكن يجب ان نخطط جيدا لكل محتمل ونتوكل بعد ذلك على الله

والحب يالاشيتر والله فعلا مرات بيعمينا عن السلبيات التى ربما لم نستطع ان نراها بسببه
اذن فكر جيدا وضع الاحتمالات السلبية ثم استخر الله وتوكل ان وجدت ان ايجابيات هذه الزيجة(ان وافق اهل الفتاة ) هى من طغت على كل السلبيات لانك وحدك من تستطيع ان تحدد ذلك
وكمان كلمات اختنا شمس واستاذنا احمد تمعن فيها كثيرا فما خاب من استشار وهم لديهم خبرة فى الحياة وصاحب الخبرة جدير بالتمعن فى ارائه

[شمعة امل]

[Center]

السلام عليكم

متابعه قصة الاشيتر من بدايتها

واراء الجميع فيها فكل ادلى بدلوه حسب خبرته بهذه الامور

او حسب رائيه الخاص ,,, ولكن هناك ربما جوانب بالموضوع خفيت علينا تغيير مسار الامور

تماما فبالتالى الادرى بالامر تماما هو الاشيتر نفسه

وماشاء الله الجميع ماقصر وادلى برائه بقدر مايستطيع

فبالتالى عليه هو القرار حسب مايراه مناسب لوضعه واثق كثيرا فى طريقته فى التفكير

ولكن جمله اقولها من الخطأ ترك الحب جانبا فهو غذاء الروح وربما الحياة بالعقل لوحده لاتطاق

وهنا مربط الفرس فلانستطيع ببساطه ان نقول له اترك من احببت لان الحب مقره القلب ومن الصعب

انتزاعه ببساطه فالقلب لم يخلق ليضخ الدم فقط والحياه بلا حب فقدت طعمها

فهو حق لكل انسان فنتحرى ان لا نظلم الاخرين وبنفس القدر لا نظلم انفسنا

وكما قيل لك الاستخاره والدعاء فما خاب من استشار وماندم من استخار

فاذا كان بالامر خير سيتسهل باذن الله

تحياتى
[/align]

[احسان]

مع اني متابعة وقريت من اول كلمة وبالجد من الاندهاش ما قادرة ارد

وكل مرة بتردد علي اني ارد يا الاشيتر والمزهل طريقة حبك للثانية

وتعلقك الشديد الذي دفعك للاعتراف بحبك لها في المنتدى ادري انه بيتك التانية

ولكن اعترافك يدل علي حبك الصادق لها وهذا الحب لا يفرضه العمر انما هو ياتي من القلب

اما عن طريقة انها سوف تكون الثانية فهذا حلالك ولكن لديا الكثير من الاسئلة لو تكرمتا اريد ان اسئلها

وان كان فيها القيل من المضايقات ارجوك اتعبرها وكانها غير موجودة

اداري ان الحب فوق كل شي ولا نستطيع التحكم فيه ولكن الزواج والارطبات شي عيظ لاي حبيبين

ولكن الا تري انك سوف تظلم الاول التي ليس لها ذنب في كونها كانت زوجتك التقليدية

الا تري انك سوف تقلل من اهتمامك ببيتك الاول رغم انهم لم يرتكبو جرم في حقك كما فهمت من كلامك

عزيز لدي العديد من الاسئلة ولكن سوف اكتفي بما ذكرت وارجو ان لا اكون قد جرحتك يا غالي علينا

تحياتـــــــــــــــــــــــــــــــــي

[احمد يس]

بادرته بالاجابة التى اعتقد انها سوف تريحه والتى ستفتح معه ابواب الحوار ......... نعم من حقك ان تحب وكل انسان مهما كان عمره من حقه ان يحب .......
هل فقدت حبك الاول ( ام العيال ) لتبحث عن حب جديد ؟
انا لم ابحث عنه هو الذى اتى الى يمشى فى دلال ورشاقة وايقظ داخلى كل المشاعر النائمة
معليش لو ممكن اسألك سؤال محرج شوية ؟ اتفضل
ياترى محبوبتك شابة صغيرة ؟ هل عمرها بيفرق لو كبيرة او صغيرة والا انت داير تقول ان الموضوع هو مراهقة متأخرة لرجل تعدى الخمسين
والله يا اخى احتمال يكون ده تفكيرى لكن ما تظن الظنون فينى انا يمكن داير انظم تفكيرى بتجميع نقاط كثيرة.....
لا انها ليست صغيرة بل يمكن انها تقترب كثيرا من منتصف العمر
اذا هى تبحث عن الزواج والاستقرار ؟ لالالالالالا انا متأكد من ذلك
وما الذى يجعلك متأكدا لهذه الدرجة ؟ لانها متزوجة
صديقى العزيز لدى مكالمة من السودان سوف اتصل عليك مساء ...................... تحياتى

لا ادرى ان كانت تلك المكالمة هروبا من الموقف ام انها المفاجأة .......وكثرت التساؤلات داخلى ..... ما الذى يجعل انسان تعدى الخمسين من العمر وله اسرة جميلة وانا ارى السعادة دائما حولهم يخوض تجربة حب ؟ والسؤال الاهم الذى جاوبت عليه فى مكالمتى له وهو هل من حقه ان يحب ؟ بالرغم من ان اجابتى كانت نعم كل انسان من حقه ان يحب ولكن لم يخطر ببالى ان هذا الحب قد خرج عن المعايير القياسية فى قاموس الرومانسية فا الرجل تعدى الخمسين ........ متزوج وسعيد فى حياته الزوجية ولدية اسرة ولا اروع من ذلك ومحبوبته متزوجة ........ اذا ماذا يريد من تلك العلاقة ..........
لم اتصل عليه حتى لا يظن ان موضوعه يأكل ويشرب معى ....... او ربما كان مكر منى حتى لايفهم اهتمامى بالموضوع كثيرا فا احصل على اجابات انسيابية وتدفقية حين اللقاء ......
التقيت به قبل اسبوعين فى مناسبة سعيدة واتفقنا على اللقاء فى اليوم التالى وعرضت عليه ان يكون مكان اللقاء فى مكتبى بعد الدوام فهو انسب مكان من حيث الهدوء .......ولكنه فضل اللقاء فى مكان مفتوح وتحديدا على شاطىء الخليج ......... وكان هذا الاختيار مؤشر على حرصه على كل كلمه سوف نتحدث فيها وضمان عدم وصولها الى آذان الآخرين ........... ( يمكن خجل او يمكن خوف )
ياترى حبك ده من طرف واحد ؟ لا من طرفين
هى قريبتك او عندها اى صلة قرابة بك ؟ لا
طيب كيف التعارف كان واتطورت العلاقة كيف ؟
يعنى بالله انت داير تشمشر والا تنصحنى يا اخى انا دايرك تفكر معاى الحب ده ممكن ولا مستحيل وانا كده اكون اخطأت فى حق نفسى وحق اسرتى وحقها هى كمان واسرتها
طيب انا داير اجاوبك بسؤال ....... هو انت خططت لهذا الحب ؟ وارجوا ان تفكر قليلا قبل الاجابة
افكر فى شنو يعنى ؟ يعنى داير اجابة من احساسك وليس سردا لخطوات الوصول الى نقطة الحب ........
يعنى بصريح العبارة لو كان فى نوع من الاعداد وجذبها اليك بطريقة او بأخرى او هى قامت بهذا الدور كما كنا نفعل فى ايام شبابنا فا انا اعتقد ان هذا ليس حبا ....... ولو كانت اجابتك انك احسست بهذا الشعور بدون ان تدرى ؟ فا انا اعتقد انه الحب
بالتأكيد ............ هو الحب ....... بكل بساطة انا ليس بالشاب الصغير او المراهق الذى اخطط كيف اوقع بالفريسة فى شباكى وهى كذلك انسانة محترمة وذو مركز مرموق بأختصار انها امرأة رائعة .......

لى عودة .................تحياتى

[معتز سيد]

[fot1]سلامات[/fot1]

بعد إذن الأستاذ أحمد يس

أخوي الأشيتر ، والله قلبي معاك وحاسي تماماً بـ (الحال العليك). ودة الشي المخليني أصبر قبل التدخل أو طرح أسئلة إضافية ، فيكفيك ما لاقيت من هجوم مكثف عليك.

بس أحب أقول ليك الهجوم دة أرجو النظر إليه بعين إيجابية ، لأنو هو فعلاً دة الهجوم المتوقع الـ حتواجهو عند الإقدام على خطوة إيجابية للتقدم بصفة رسمية. سواءً من طرفك أو من طرفها هي.

وحاجة تانية يبدو انك فعلاً تأثرت بالهجوم من ردك السابق، فانت أوردت شيئين غير صحيحين، الأول ذكرت الأخت أم صبا ربنا يطراها بالخير ، في حين المتداخلة هي الأخت Zaina ، والحاجة التانية فهمك من كلام الأستاذة شمس الهدايا ، انها ما ح ترجع تواصل في الموضوع، في حين هي ختمت حديثها بـ (لي رجعة بإذن الكريم).


هدِّي اللعب، وقلوبنا معاكم.

[حبوبة]

سلامات سلامات

الاشيتر ازيك قلبي عندك يا اخوي ... انا مواصلة باذن الله ومعااااك للآخر .. بس انت شكلو الموضوع ده ملخبط كيانك ومعاك حق راسك يضرب
بقدر مانزعم ونتمنى ان تكون لنا الغلبة ف تسيير حياتنا الا انو احيانا الحكاية بتطلع من ايدنا ..
أحيانا بنقول ربنا داير يهزنا ويرجعنا شان شافنا شطحنا ... أحيانا بنقول غلطة ... واحيانا نتهم بالضعف وقلة الايمان ..
انا متأكدة انك ما طرحت الموضوع الا بعد ما أعياك التفكير .. لكن يا اخوي انت كمان ماديتنا اطراف الموضوع بكامله {وبرضو ما بلومك} بس كده نحن بناخد نتف ونزيد عليها من تجاربنا الشخصية اللي يمكن تكون ما عندها مقارنة بحجم معضلتك بس انا كده ح احاول أبني ع العندي بس ..

الحب غالي وانا ما بقول نبعدو من الطريق .. لكن ان تحب ما معناه ان تؤذي من يحبك .. انت وهي اتنين لكن شوف انت وراك كم وهي حواليها كم من المتأثرين بالموضوع ..
بعدين في حاجات انت ذكرتها وانا عارف انك متأكد مثلي تماما انها عقبة كبيرة { القبيلة وفارق السن والحالة المادية و... جمالها} يعني دي حاجات لا يستهان بها .. ورغم الحب البينكم ح يكون عندها تأثير كبير في حياتكم المستقبلية

في انتظار النكتة ..... وربي معاك

[احسان]

الحب غالي وانا ما بقول نبعدو من الطريق .. لكن ان تحب ما معناه ان تؤذي من يحبك .. انت وهي اتنين لكن شوف انت وراك كم وهي حواليها كم من المتأثرين بالموضوع ..
بعدين في حاجات انت ذكرتها وانا عارف انك متأكد مثلي تماما انها عقبة كبيرة { القبيلة وفارق السن والحالة المادية و... جمالها} يعني دي حاجات لا يستهان بها .. ورغم الحب البينكم ح يكون عندها تأثير كبير في حياتكم المستقبلية

في انتظار النكتة ..... وربي معاك

لخصتي الكلام وجبتي المفيد والله في النقطة دي

ما خليتي لينــــــــــــــــــا حاجة نقـــــــــــــــــــولا تاني

تحياتـــــــــــــــــــــــــــــــي

[الاشيتر]

السلام علي جميع المتداخلين واشكركم شكراً لايقاس بشكر

ولكن

عصرتوني كمان عصرة لما جبته الزيت وقُلته الروب عصرة استاذ السني الخلتو يهرب من المحكمة .

وكان بتحل الروووووووووب .

ولكن مفروض اجاوب ولكن والله عقلي وفكري وكُلي مع اخي حبيبو (( مختار )) في المستشفي وانا بعيد عنه اتألم كما يتألم هو فهو حاله صعبه زي مابقولوا والله يقسي على العدو .
ولكن الامر بيد الله خلوني اجمع افكاري واعيش الدنيا معاكم تاني واجيكم راجع .




شتره :
حسع كان قُلنا يافلانه هوي انتي اظن العروس والله تاني واحده فيكم تجي جاريه هنا تربرب مافي .


لما اجمع افكاري المشتته دي بجيكم .

[احمد يس]

طيب انا داير اجاوبك بسؤال ....... هو انت خططت لهذا الحب ؟ وارجوا ان تفكر قليلا قبل الاجابة
افكر فى شنو يعنى ؟ يعنى داير اجابة من احساسك وليس سردا لخطوات الوصول الى نقطة الحب ........
يعنى بصريح العبارة لو كان فى نوع من الاعداد وجذبها اليك بطريقة او بأخرى او هى قامت بهذا الدور كما كنا نفعل فى ايام شبابنا فا انا اعتقد ان هذا ليس حبا ....... ولو كانت اجابتك انك احسست بهذا الشعور بدون ان تدرى ؟ فا انا اعتقد انه الحب
بالتأكيد ............ هو الحب ....... بكل بساطة انا ليس بالشاب الصغير او المراهق الذى اخطط كيف اوقع بالفريسة فى شباكى وهى كذلك انسانة محترمة وذو مركز مرموق بأختصار انها امرأة رائعة .......

لى عودة .................تحياتى

جلست اقرأ صحيفتى وامامى فنجان قهوتى انظر اليه وتمنيت ان تأتى قارئة الفنجان كى تنجم لى مع ايمانى بالعبارة القائلة ( كذب المنجمون ولو صدقوا ) تخيلت نفسى وانا اضاعف لها المبلغ لتقول لى ما اتمنى وليس ما تحفظه عن ظهر قلب وتقوله لزبائنها كل حسب ما تستشفه من تعابير الوجوه ..........
هل حقا صديقى فى حالة حب ام وهم ............ وان كان حبا ماذا ينتظر من هذا الحب .........
وهل الحب هو انتظار لشىء ما .......... ام قدر لا يمكن الفكاك منه مهما كانت لغة العقل ......
ممكن تورينى انت داير شنو من الحب دا ................ انا ما داير شىء ..... بصراحة انا كنت بتمنى ان تشجعنى على الصمود وما كنت منتظر منك الاسئلة الكتيرة الما ليها لازمة ..........
صراحة بصراحة ....... انا ما بسألك عشان اعرف انت قابلتها وين وقلتلها شنو وقالت ليك شنو ...... انا كنت بتخيل نفسى لو انا مكانك كان احساسى يكون شنو .........
شنو يعنى بتحسدنى .......... لا والله لكين الانسان فضولى بطبعه وكنت داير احس نفس احساسك فى العمر ده وبما انى ليس لدى النية للحب ولو لا قدر الله حصلت لى حالة حب حا اخجل اكلم زول بيها ....... يعنى زى الزول العنده مشكلة فى المعدة ويتمنى يشوف شهية زول مفتوحة للاكل امامه .........
انت ما استعنت بى عشان اشجعك .............. ليه بتقول كده ........ عشان انت شاعر بعقدة الذنب تجاه اسرتك وداير زول يقولها ليك بصريح العبارة عشان يشجعك للشفاء من هذا الحب ..........
ياخى انت اصلك ما تقول كلام يريح القلب ابدا ......... ضحكت من قلبى وقلت ليهو عندك حق ....... حتى لو زرتنا فى المنتدى وعندك وقت ودخلت على ابوابى فى ناس كتيرة كلامى ما جا على هواهم وشعرت انى كسرت قلوبهم عشان كده حا اعتزل الكتابة فى موضوع القلوب .............. ليه
عشان انا قلبى ما مستحمل اشوفهم فى لوعة الحب وانا ما ريحتهم ........ تعبتهم اكتر ما هم تعبانين
معاك سلام وتانى شوف منو حا يكلمك بمشكلته ............ تعال ماشى وين ......... ام العيال وحشتنى ....

تحياتى

[احسان]

السلام علي جميع المتداخلين واشكركم شكراً لايقاس بشكر

ولكن

عصرتوني كمان عصرة لما جبته الزيت وقُلته الروب عصرة استاذ السني الخلتو يهرب من المحكمة .

وكان بتحل الروووووووووب .

ولكن مفروض اجاوب ولكن والله عقلي وفكري وكُلي مع اخي حبيبو (( مختار )) في المستشفي وانا بعيد عنه اتألم كما يتألم هو فهو حاله صعبه زي مابقولوا والله يقسي على العدو .
ولكن الامر بيد الله خلوني اجمع افكاري واعيش الدنيا معاكم تاني واجيكم راجع .




شتره :
حسع كان قُلنا يافلانه هوي انتي اظن العروس والله تاني واحده فيكم تجي جاريه هنا تربرب مافي .


لما اجمع افكاري المشتته دي بجيكم .

الحمد لله حبيبووووووووو بقي تمام التمام

حبيت اطمنك بس يا شتوووووووووووورة لانك بالجد زول طيوب

يلا كدا تقدر ترجع لي موضوعنا ولا رايك شنو حبيبو امس صوتو زي الفل :D

[حبوبة]

الحمد لله حبيبووووووووو بقي تمام التمام

حبيت اطمنك بس يا شتوووووووووووورة لانك بالجد زول طيوب

يلا كدا تقدر ترجع لي موضوعنا ولا رايك شنو حبيبو امس صوتو زي الفل :D

حسون ياروح المنتدى ...
خليك حنينة كما عهدناك وماتحكيها مع الراجل كده
أي نعم اسم البوست افتح قلبك لكن نشر القفص الصدري ما بالساهل :D
والا كيف يا العديل ؟؟
طابت بعودتنا وكبيت الزوغة ... وكده ماااااحلو ... لكن عاذراك

[حبوبة]

جلست اقرأ صحيفتى وامامى فنجان قهوتى انظر اليه وتمنيت ان تأتى قارئة الفنجان كى تنجم لى مع ايمانى بالعبارة القائلة ( كذب المنجمون ولو صدقوا ) تخيلت نفسى وانا اضاعف لها المبلغ لتقول لى ما اتمنى وليس ما تحفظه عن ظهر قلب وتقوله لزبائنها كل حسب ما تستشفه من تعابير الوجوه ..........
هل حقا صديقى فى حالة حب ام وهم ............ وان كان حبا ماذا ينتظر من هذا الحب .........
وهل الحب هو انتظار لشىء ما .......... ام قدر لا يمكن الفكاك منه مهما كانت لغة العقل ......
ممكن تورينى انت داير شنو من الحب دا ................ انا ما داير شىء ..... بصراحة انا كنت بتمنى ان تشجعنى على الصمود وما كنت منتظر منك الاسئلة الكتيرة الما ليها لازمة ..........
صراحة بصراحة ....... انا ما بسألك عشان اعرف انت قابلتها وين وقلتلها شنو وقالت ليك شنو ...... انا كنت بتخيل نفسى لو انا مكانك كان احساسى يكون شنو .........
شنو يعنى بتحسدنى .......... لا والله لكين الانسان فضولى بطبعه وكنت داير احس نفس احساسك فى العمر ده وبما انى ليس لدى النية للحب ولو لا قدر الله حصلت لى حالة حب حا اخجل اكلم زول بيها ....... يعنى زى الزول العنده مشكلة فى المعدة ويتمنى يشوف شهية زول مفتوحة للاكل امامه .........
انت ما استعنت بى عشان اشجعك .............. ليه بتقول كده ........ عشان انت شاعر بعقدة الذنب تجاه اسرتك وداير زول يقولها ليك بصريح العبارة عشان يشجعك للشفاء من هذا الحب ..........
ياخى انت اصلك ما تقول كلام يريح القلب ابدا ......... ضحكت من قلبى وقلت ليهو عندك حق ....... حتى لو زرتنا فى المنتدى وعندك وقت ودخلت على ابوابى فى ناس كتيرة كلامى ما جا على هواهم وشعرت انى كسرت قلوبهم عشان كده حا اعتزل الكتابة فى موضوع القلوب .............. ليه
عشان انا قلبى ما مستحمل اشوفهم فى لوعة الحب وانا ما ريحتهم ........ تعبتهم اكتر ما هم تعبانين
معاك سلام وتانى شوف منو حا يكلمك بمشكلته ............ تعال ماشى وين ......... ام العيال وحشتنى ....

تحياتى

أعلق والا بلاش .... لساني ده يستاهل مر الشراب يستاهل اكتر من كدااا لساني ده {على وزن قلبي ده} بعد إذن الأستاذ جلال الصحافة :D
ما عارفة انا كنت متوقعة شنو لكن خليت خشمنا ملح ملح يا سَيَدنا

معتز بصراحة انا في انتظار تعليقك .... مش قلت مستني النهاية !!!

[احمد يس]

أعلق والا بلاش .... لساني ده يستاهل مر الشراب يستاهل اكتر من كدااا لساني ده {على وزن قلبي ده} بعد إذن الأستاذ جلال الصحافة :D
ما عارفة انا كنت متوقعة شنو لكن خليت خشمنا ملح ملح يا سَيَدنا

معتز بصراحة انا في انتظار تعليقك .... مش قلت مستني النهاية !!!

الاستاذة شمس الهداية

الكاتب بينتظر تعليق الناس عشان يعرف هو كتب شنو ....... منتظرين تعليقك ولسانك بأذن الله يستاهل حلو الشراب .......... وياترى معتز كان منتظر نهاية شنو ؟ نهاية الزول والا القصة :D
احيانا الناس بتكتب النهاية وهى ما مقتنعة بيها وفعلا وانا بتكلم مع صديقى كنت بتكلم بالعقل لانى عارف بمجرد ان تتدخل العاطفة فى الموضوع سوف انهار انا شخصيا خاصة عندما رأيت حبات اللؤلؤ فى عيون صديقى ............ تحياتى

[احسان]

حسون ياروح المنتدى ...
خليك حنينة كما عهدناك وماتحكيها مع الراجل كده
أي نعم اسم البوست افتح قلبك لكن نشر القفص الصدري ما بالساهل :D
والا كيف يا العديل ؟؟
طابت بعودتنا وكبيت الزوغة ... وكده ماااااحلو ... لكن عاذراك

انا زاتي ما عارفة رفعت العيار علي شتورة كدا كيف

خلاث خلاث بث كدا كفاية عليهو ولا رايك شنو يا حبيبتنا

الحنيـــــــــــــــــــــــــــــــة دي لازم منها في الايام دي :D

[معتز سيد]

معتز بصراحة انا في انتظار تعليقك .... مش قلت مستني النهاية !!!

الاستاذة شمس الهداية
وياترى معتز كان منتظر نهاية شنو ؟ نهاية الزول والا القصة :D

[fot1]تحية وسلام،،،[/fot1]

أنا من البداية اندهشت لتفكيره هو في الحب مع امتلاكه لأسرة.
وبعد العلم بانها هي الأخرى متزوجة، كدة بقى الاندهاش بلغ مبلغه الأقصى

الصراحة كنت منتظر أشوف هم عايزين بالحب دة شنو؟!!
تطلب هي الطلاق من زوجها ، عشان تتوج الحب الوليد بالزواج؟؟
ولا ما في نية تتويج بالزواج من أساسو؟!! (وهنا اندهاش في أقصى درجاته)

أما النهاية بالبساطة دي ، هي النهاية الصحيحة وأعتقد انو هو جاك كايس ليها.


وفي حاجة تانية، بس دي موضوع قائم بزاتو، برجع تاني

[حبوبة]

انا زاتي ما عارفة رفعت العيار علي شتورة كدا كيف

خلاث خلاث بث كدا كفاية عليهو ولا رايك شنو يا حبيبتنا

الحنيـــــــــــــــــــــــــــــــة دي لازم منها في الايام دي :D

والله يا احسان ياختي انا ذاتي قلت كده لكن مشيت لقيتو فتح صالون بوبار في الراكوبة
وهسة محتارة ألحقو والا أخلي ؟؟ الخليان ما باقي لي لأنو هو جا كايسنا
وألح وأصر (علي قول عادل امام) ... شان كده ما قادرة ابلع الزوغة
تجي نديهم طلة :D

[حبوبة]

[fot1]تحية وسلام،،،[/fot1]

وفي حاجة تانية، بس دي موضوع قائم بزاتو، برجع تاني

بالله لوسمحت عايزين موضوع {رابي} حاجة تفتح حوار لذيذ
ويجيب الناس الطاشة :D

[احسان]

والله يا احسان ياختي انا ذاتي قلت كده لكن مشيت لقيتو فتح صالون بوبار في الراكوبة
وهسة محتارة ألحقو والا أخلي ؟؟ الخليان ما باقي لي لأنو هو جا كايسنا
وألح وأصر (علي قول عادل امام) ... شان كده ما قادرة ابلع الزوغة
تجي نديهم طلة :D

صالـــــــــــــــــــــون

الحقيهووووووووووووووووو وسوقيني معاك عشان ما بعرف العنوان :D

او رسلي لي العنوان في رسالة وفي دقايق علي حسب قدرتي الشمارية بكون قدامك كمان

[( ود البورت )]

والله شي جميل مافعلتيه يا بنت ابوظبي و الشى القبيح لما يشتم المنتدي دي معنتو انو ماعندو احترام للمنتدي ولي الاشخاص المشاركين و الشى الاقبح لما يشتم وطنه و هذا الشى ما استطيع ان اوصفه لان هذه يكون ماعندو وطنيه خالص وبعد ده كلو تلقاهو قاعد في السودان وماكل وشارب من خيراتو وبعد كلهو يشتم فيهو وهذه العاده مكروهي لدى الجميع

[حبوبة]

صالـــــــــــــــــــــون

الحقيهووووووووووووووووو وسوقيني معاك عشان ما بعرف العنوان :D

او رسلي لي العنوان في رسالة وفي دقايق علي حسب قدرتي الشمارية بكون قدامك كمان

الراكوبة " تعالوا علينا " ده العنوان وانا دخلتو صدفة
وقال هارب منك بالاسم يا "ست الحسان" ... غايتو انا اديتو غشوة
لكن ماجابت حقها ... يمكن زيارتك يكون وقعها غير :D

* رسلتها بدري لكن مامشت ؟؟؟؟