ظاهرة الصور والافلام الفاضحة في السودان

[ود ابو شام]

السلام عليكم ورحمة الله وبركاته
جد يا اخونا بقت في ظاهره غريبه في السودان
عمر الواحد ما هما وصل مدى خيالو ممكن يتخيل انو ده ممكن احصل في السودان
صور فاضحه وافلام ومواقع واشياء تندى لها الجبين لي ناس سودانين فتيات وفتيان
وممكن اكونو ناس بنعرفهم واقرباء لبعض المعارف بس المذهل البنات
بيعملو كده وهم عادين يعني لاخجل ولا حياء تقليد اعمي لمجتمعات ما بتشبهنا
ياريت نتناقش في الموضوع ده وكل زول يقول وجهت نظرو

الواحده لما تعمل كده وتتصور كده ما بتتخيل انو ممكن اخوها او ابوها اشوف السي ده ولا
الفكره شنو لانها عارفه انها بتتصور
جد للحظه كده فكرت انو البلد الانا فيها ممكن تكون احسن من بلدي
لانو دائما الواحد بيفكر يرجع ويستقر بي عيالو في السودان عشان المساخر البتحصل في البلدان دي
بس السودان حصلها الزول بيحس بي احساس بغيض
اين الوالي والراعي ولا مفهوم الحريه بقى يتمارس بي طرق مغلوطه والتكنلوجيا بقت خراب للاخلاق
اكثر من انها فائده للمجتمعات
ياريت تشاركوني وتبردو النار الجواي دي
وليكم اللف شكر

[علي ابكرش]

ايه الطرح البايخ ده يا ودابوشام بعدين ودبشام دي وين من العالم الثالث ولا الرابع ولا اسم مستعار
اذا كان اسم مستعار ليه اخترتو المهم موضوك شوفتو كتير في منتديات يعني كلام منقول او مكرر
متواضع وياريت تشوف مواضيع مميزه عشان
الاعضاء ونحنا نستفيد منك اذا كان في استفاده بعدين نقضك كتير في المواضيع وافتكر الكمال لله
عمومأ اسمع كلام البيبكيك ما تسمع كلام البضحكك
تقبلني صديق

علي ابكرش

[العسوله]

احتمال تكون ظاهرة في السودان والله اعلم
عموما العايزة اقولو انو الدنيا دي فيها الصالح والطالح وربنا يهيدينا جميعا الى سواء السبيل

[Dauod]

ايه الطرح البايخ ده يا ودابوشام بعدين ودبشام دي وين من العالم الثالث ولا الرابع ولا اسم مستعار
اذا كان اسم مستعار ليه اخترتو المهم موضوك شوفتو كتير في منتديات يعني كلام منقول او مكرر
متواضع وياريت تشوف مواضيع مميزه عشان
الاعضاء ونحنا نستفيد منك اذا كان في استفاده بعدين نقضك كتير في المواضيع وافتكر الكمال لله
عمومأ اسمع كلام البيبكيك ما تسمع كلام البضحكك
تقبلني صديق

علي ابكرش

أخي ابكرش ....
أعتقد انو الموضوع مميز وهادف وواقعي وبحكى مأساة حقيقة واقعه في السودان ..
وأتمنى انو نقدك (مش نقضك) يكون هادف وموضوعي .... وعدم تجريح الآخرين ...
الموضوع مهم جدا جدا ...
إلا إذا انت كنت من الذين تستهويهم مشاهدة هذه الأشياء ...

أخي ود ابو شام ....
اشكرك على الطرح الجاد وشكراً لإهتمامك بمشاكل البلد وعرض البلد والموضوع سبق وأن قمت انا بطرحة في الإسبوع المنصرم وإليك الرابط للاطلاع
http://www.anasudani.net/fourm/showthread.php?t=4543

[FAISAL]

لك العتبة حتى ترضا اخى ود ابو شام وربنا يهديى الى سوا السبيل وكلامك صح مية مية والموضوع دة داير الناس تناقشو لانو سلوك غير سوى وانا بعتقد انو فى فاقد تربوى خاصة فى الجامعات السودانية
اللهم اتنا فى الدنيا حسنة وفى الاخرة حسنة وغنا عذاب النار

[هتان]

نحن اهل الفرحه جينا
و بعد غيبه طلينا


العزيز ود ابو شامه باتفق معاك في انو القيم الاخلاقيه اتدنت لي مستوي رهيب و الناس بعدت كتير من الدين ,, بالاضافه الي الغزو الثقافي الفكري الاجنبي
دي كلها عوامل ادت الي انتشار هذه الظاهره


اما يا ابكرش
انت قلت الموضوع ده منقول وانا اول مره اشوفو
النقل ما مشلكه لانو الناس الزيي كتار ولا شنو رايك
ودمتم
اخوك هتان

[حنضله]

والله يا ود ابو شام ما عرف اقول ليك شنو بس العايز اعرفوا منك هل انت متأكد من ما تقول ظ يعنى هل رأيت بام عينيك ما تدعيه الأن ؟ وهل تأكدت بان ما رايته إ كنت قد رايته حقيةً هو تصوير حقيقى وليس من الأفلام المستخدم فيها فنيات المونتاج الموجودة الان ؟ أسأل الله أن يكون ما تدعيه غير حقيقى وإلا قد تكون كارثة حقاً حلت بنا

[ضـــوء القـــمــر]

الاخ ابو شامة
اولا الموضوع هادف جدا بغض النظر عن اسلوب الطرح
ثانيا البيحصل في الزمن الحالي عبارة عن سيناريو مكرر لحجات كانت بتحصل في الجيل الفات يعني اجدادنا وباختصار مانقدر ننكر انو نحن قبل 45 عام من الان كان اجدادنا بيحكوا بوجود البارات او المقاهي الليلية يعني الشي البيحصل ماجديد بس الجديد الطريقه بتاعت العرض يعني التكنولوجيا الصبحت متاحة وممكن تدخل منزل اي واحد مننا من غير اذن دخول يعني زمان كان الزول الكعب ظاهر يعني البيمشي المحلات ده هو الطالح من المجتمع وهسع البيت تكون جالسه معاك ولا ست الصون والع8فاف وبكرة تفاجاء بنها مصوره في اوضاع مخله للاداب وارجع واقول حديث المصطفى عليه صلات الله وتسليمه

(قال رسول الله صلى الله عليه وسلم سائلاً الصحابة :
كيف أنتم إذا طغى شبابكم وفسدت بناتكم ؟
قالوا : أوكائن هذا يارسول الله ؟

قال : وأشد من ذلك سيكون .
كيف أنتم إذا لم تأمروا بالمعروف ولم تنهوا عن المنكر ؟
قالوا : أوكائن هذا يارسول الله ؟

قال : وأشد من ذلك سيكون .
كيف أنتم إذا أمرتم بالمنكر ونهيتم عن المعروف ؟
قالوا : أوكائن هذا يارسول الله ؟

قال : وأشد من ذلك سيكون . فوالذي نفس محمد بيده لتكونن فتنةً يصير الحليم فيها حيراناً .

صدق رسول الله صلى الله عليه وسلم

وقاناالله وإياكم شر الفتن ماظهر منها ومابطن ورزقكم و إيانا من العمل مايدخلكم الجنات العلى .

تحياتـي