رقص العروس .. ثرااث ام مسخره !!

[هلوية العسولة]

جميل جدا وضروري بلا محازير

[فيحاء]

الاخت سلمى الموضوع حلو وفعلا جدير بان يناقش، بس انا ما عرفت وجهة نظرك انت بالضبط شنو ، مع ام ضد رقص العروس او انك بتتكلمي عن الزمن دا وما فيهو من مدخلات ، اوا نك بتنتقضي في الشارع وما طرا عليه من تغيير من حيث الملبس ، لو ممكن توضحي لي اكتر عشان اثراء النقاش اكتر.

[Zola CoOolz]

بيكون تراث لو ما اتجاوز حدودو يعني العروس ترقص و القاعة بس يكون فيها نسوان و ما تلبس شي اووفر بعني .. و شكرا على الموضوع

[zizou]

والله تراث مسخره

ده رايي

[سلمي200005]

مشكوووووور والله يعطيف الف عافيه

[ودعازة]

يديك العافية على الموضوع وليكى سلام
شايفك انك مامعترضة على الرقيص كفكرة وانما على اللبس والاشياء الجديدة الحاصلة، خلينى اديك سرد سريع عن تاريخ رقيص العروس.
اولا مرجعيته افريقية يعنى ماهو اصلوا عربى او اسلامى.
قديما جدا كانت المرأة بترقص بالرحط وبس يعنى الواحدة بتكون عريانة من فوق، ماتنخلعى دى حقيقة ، وكان الرحط من الجلد (ماعارف الزمن ده بقى من شنو لأنى ما متابع وخارج الخدمة)، وكان الرقيص ابو رحط بس قدام الرجال والنساء، عارف انها مبالغة بس دى كمان حقيقة واسألى عنها ناس زمان والمؤرخين، وفكرة الرقيص اصلا كانت مسألة تأكيد من قبل اهل العروس بأن البنية غير معيوبة، يعنى كل شى فى محلو والجسم زى اللكوم والقوام ممشوق الخ الخ، ودى الفكرة الاساسية للرقيص.
مع مرور الزمن الناس ابتدا الوازع الدينى فيها ينمو لغاية ما وصلنا مرحلة العروس ترقص بتوبا والرحط تحت الفستان والرقيص يكون قدام الحريم وبس، وبعصرنا الحديث ومن طرحك يبدو اننا بدينا العد التنازلى وعما قريب حنصل خانة الصفر والمرة دى العروس حتكون بترقص ملط وما فى داعى للرحط (حرام يموت الحيوان ونستمل الاسكن رحط).
عزيزتى ايا كان شكل رقيص العروس وكيفيته فهى فكرة غبية غبية غبية بالتلاتة، لماذا ترتضى الانثى بهذه المهزلة، ولماذا هذا البزخ الشيطانى.
لك التحية ويجعل كلامنا خفيف على بنات عازة،،،

[bet-handasa]

والله موضوع رقيص العروس ده حلو شديد مبالغه
انا بحبه
بعدين الناس بتعترض على الهدوم اللبساها العروس طيب لو لبست محترم وين المشكله
ولو على التصوير انا مشيت رقيص عروس كان اخواتها واقفين برها وبيشيلو الموبايلات من البنات وبيسجلو ارقام البنات وبعد الرقيص ما خلص رجعو لي البنات تلفوناتهم
اها اذن مشكله التصوير اتحلت تاني وين المشكله
ليه الناس عايزه تتخلى عن عادات وتقاليد جميله وبتميزنا عن غيرنا

[سلمي200005]

مشكوووووور والله يعطيف الف عافيه

[مها]

[grade="00008B FF6347 008000 4B0082"] انا ضد رقيص العروس
اولا بتلبس لبس غير ساتر
تانى حتى المراه لا يحق لها ان تتكشف لامراه اخرى
فما بال اكثر من مئتى شخص يتفرج ...........
انا بفتكر انها عادات مفروض محاربتها
يعنى شنو ترقصى اضفتى شنو بالرقيص غير تعب واجهاد[/grade]

[TAM]

مســـخره والزمن دى خلاها مسخرة+مهزلة

[سلمي200005]

مشكوووووورين والله يعطيكم الف عافيه

[سلمي200005]

مشكوووووور والله يعطك الف عافيه

[ودالعاصمة]

فى زول فى النكتة سال مقدم البرنامج قال ليو الافلام الاجنبية دى بتقطعوها لية قم ردة علية لانها مابتشبه عاداتنا وتقاليدنا السودانية قال ليو طيب رقيص العروس دة ماعاداتنا وتقاليدنا مابجيبو ليـــــــــــــــــة


فى الحقيقة المسالة عندها محورين الاول انوالزوج بكون حاضر وانا ماعارف غايتو ازواج شنو ديل البستحملوا انو زوجاتم ترقص قدام عينو وهو بتفرج....ولا يحرك ساكن....... وبعدين هى كان دايرة ترقص لى زوجها ترقص ليو العمر كلو وكل يوم كمان مافيها حاجة يعنى
والمحور التانى انو البنات البدخلو المكان بتاع الرقيص بكونو معاهم كاميرات تصوير (موبايلات)
ومهما يمنعوهم مابرضو واى زول بقول انه حيكون بنات بس ومافى اى حاجة حتتسرب برضو بتتسرب
وقبل فترة فى راجل فى السوق العربى (قبل رمضان طوالى) فاتح التلفون بتاعو وبحضر ليو فى رقيص عروس ما معروف امكن تكون اختو ولا بت جيرانم ولا بت اهلو وفى كــــــل الحالات الكلام دى غلط
لانو مافى زول بقبل يشوف اختو فى منظر زى دة اوبت اهلو وكمان ماممكن تكون بت غريبة عشان ماتثيرو
ولو اى زول لقى مرتو فى الموبايلات بترقص حيطلقة وقتى
وامكن يكون السرب التصوير اخت العريس (ادتة لى صحبتا وصحبتة ادت لاى اخوها هكذا) وهى المسكينة الماعندها ذنب يتخرب بيتة بسبب عادات مامنها فائدة مرجوة غير التباهى باجساد بناتنا
ومااظن انو بناتنا بيقبلو انهم يكون سلعة فى سوق التباهى بالاجســــــــــــــــــاد
ااسف على الاطالة

وتقبلى مرورى

[ملاك الورد]

اكيد مسخره
و مسخره شديد كمان
انا بقول و العريس عنده شوية احساس ما بلي مرته تعمل كده

[tatoo]

موضوع رائع

[بنت الأصول]

جزاك الله الفردوس الاعلى

على إثارة الموضوووع الهاااااام جدا

والحمدلله مادام ما نحن مسلمين الشرع هو ما يحركنا لفعل شئ أو تركه
وإذا خالفت العادات والتقاليد الدين يقدم الدين ولا مجال للعقل أو العادات

انا ضد رقص العروس
لعدة أسباب:

1- عورة المرأة بالنسبة للمراة محددة ما يصح تشوف كل جسدها


المقرر عند الفقهاء أن عورة المرأة مع المرأة هي ما بين السرة والركبة ، سواء كانت المرأة أما أو أختا أو أجنبية عنها ، فلا يحل لامرأة أن تنظر من أختها إلى ما بين السرة والركبة إلا عند الضرورة أو الحاجة الشديدة كالمداواة ونحوها .

وهذا لا يعني أن المرأة تجلس بين النساء كاشفة عن جميع بدنها إلا ما بين السرة والركبة ، فإن هذا لا تفعله إلا المتهتكات المستهترات ، أو الفاسقات الماجنات ، فلا ينبغي أن يساء فهم

قول الفقهاء : " العورة ما بين السرة والركبة " فإن كلامهم ليس فيه أن هذا هو لباس المرأة ، الذي تداوم عليه ، وتظهر به بين أخواتها وقريناتها ، فإن هذا لا يقره عقل ، ولا تدعو إليه فطرة .

بل لباسها مع أخواتها وبنات جنسها ينبغي أن يكون ساترا سابغا ، يدل على حيائها ووقارها ، فلا يبدو منه إلا ما يظهر عند الشغل والخدمة ، كالرأس والعنق والذراعين والقدمين ،
(كلام الشيخ محمد صالح المنجد من موقعه سؤال وجواب)



2- العين حق وكثير ما حصل من حوادث من أمراض وعقم وموت بعد الرقص

3- اعتقادات الجرتك فيه الكثير من الشرك من انه اذا لم يعمل يؤدي لعدم الانجاب وكلام فارغ كثييييير

4- وجود العريس في وسط النساء مع الغناء والتبرج منهي عنه كما قال صلى الله عليه وسلم
(إياكم والدخول على النساء)

5- المال المنفق على من تغني تبذير شديد والله يؤلم القلب
انا من أسرة ابتليت انهم بيجيبوا الغناية قسمة لكل أعراسهم أو بالصح زبائن دائمين عندها
غير قروشها هدايا الذهب والثياب و........ الله يهديهم قولوا اميييييييييييييييييييين

اسفه على الإطالة

بس الموضوع جاء في وقته لانه عندنا عرس قريب وإن شاء الله العروس تقتنع ما ترقص
ادعوا شديييييييييييييييييييييد

[سلمي200005]

تشكوررررررررررررررررررراتي

[سلمي200005]

تشكوراااااااااااااااااااااااااااااتي

[بنت ملوك النيل]

مسخرة شديدة وكل البتفرجو على العرس جايين يشوفو عيبها ضعيفة ولا سمينة طويلة قصيرة ... الخ مااظن اي واحدة ترضى تبقى فرجة للناس كان نسوان ولا رجال!!!!!!!

[البريئة]

«®°·.¸.•°°·.¸¸.•°°·.¸.•°®»رقيص العروس من التراث الجميل
لكن المشكلة حسع انو بقوا الناس يعملوه في الشارع والعروس بتكون لابسة قصير
وفي ناس بصوروا في الموبايلات وينشروا الرقيص
وحسع بقي عادة لبعض الناس انوا بدخلوا الاولاد «®°·.¸.•°°·.¸¸.•°°·.¸.•°®»