غرفة نوم القنقليس

[قنقليسة]

كان باقي لي عرسي ايام قليلة واخوي الكبير قال للعريس لازم تجيب لي اختي غرفة نوم زي بت ستنا واحنا عاداتنا كدة العريس كان متمسك وقال يلا نجيب غرفة النوم علما انو انا مسافرة وزوجي فارش شقته وما محتاجين لغرفة النوم خالي شافني قال لي ما تهمي انا شوفتة لي غرف نوم رخيصة وبتمشي الحال في سوق ليبيا نمشي نجيب ليك واحدة واهو نسكت الجماعة
لبستة والنسوان زغرتن وقالو العريس والعروس ماشين يشترو غرفة النوم المهم مشينا وهناك في سوق ليبيا العريس بيقي يفتش مع خالي في الغرفة وانا اول مرة كنت اشوف سوق ليبيا وبصراحة عجبني القنقليس وقام العريس قال لي اها بقيتي علي ياتو غرفة ؟ قلت ليه انا دايرة شوال قنقليس قال لي والغرفة ؟ قلت ليه بس دايرة قنقليس واشترى لي شوالين قنقليس ورجعنا البيت واول ماالعربية وقفت النسوان كلهم جن طالعات وبيزغرتن رحت فاتحة الشوالات وبوزع للناس قارورة قنقليس وبقو يقلبو فيه ومندهشين بس انا دخلت البيت اضحك واليوم داك كان اسعد يوم في حياتي عملت عصير وشطة واكلت قنقليس الي ان خشمي التهب ونمت وتاني يوم كان في غرفة نوم جميلة جابها العريس المسكين بعد ما استلف لانها كانت غالية بس عارفين ما نام فيها غير يوم واحد وبعدها انا سافرت واخوي باعها وربح فيها وانا لا ازكر منها شيئ سواء القنقليس ومن وقتها سموني قنقليسة ههههههها

[ابو العزائم احمد الطيب]

لم استغرب حين رايت اسم عضو جديد يحمل اسم قنقليسة ونزلت ترحيب بها في منتدي الترحيب

ما كنت افكر من اين جاءت بهذا الاسم لإسباب بسيطة جدا لاننا في شهر كريم وبه كثير من المشروبات الشعبية السودانية وانا احب جدا هذا المشروب ولكن ليس بالشطة كما فعلت صاحبة الاسم

وبعدين ياريت كل اختيارحواء المقبلة علي الزواج لغرفة النوم كان بالقنقليس والدوم والالوب والنبق

ما كان قتل راجل في اول الطريق لك التحية ياقنقليسة ودمتي لنا ولسوق ليبيا
زقاق
انا لو زي راجلك ح اعوضك من المحاميد ولا ابوالفاضل تقبلي مروري

[قنقليسة]

شكرا ليك اخي ابو العزائم أحمد الطيب علي المرور والترحيب مشكوووووووووووووووووووووووووور

[~Amal~]

[S]ههههههههههههههههههه
والله قصة حلوة
تستاهلي اللقب بجدارة
ههههههههه
تقبلي مروري[/S]

[المشير عمر البشير]

شكرا ليك و الله قصة رائعة تستحق انو الزول يقراها

[قنقليسة]

شكرا يا امل
مشكورين يا مشير و يا شباب علي المرو