من الممكن ان تحب شخص ما شفته ؟؟؟

[ahmedBolbol]

سؤال محير و شئ شائع في هذه الايام


هل من الممكن ان تحب شخص لم تره في حياتك؟؟؟

هل ممكن ان تحب شخص معك في المنتدى اوالمسنجر او تتحدث معه عبرالهاتف فقط !!!

طبعاً الكلام شامل معنى الحب في الله :

هل يمكنك ان تحب شخصا دون ان تراه من قبل ابدا؟

قال العرب: "الاذن تعشق قبل العين احيانا"،

والمقصود هنا هو ان الانسان قد يقع في حب شخص ما بمجرد الانصات اليه دون النظر اليه، وهذا يعني انه يمكن ان تقوم علاقة اعجاب وحب بمجرد حديث هاتفي....؟

فهل هذا صحيح؟ وهل يمكن ان تسد الكلمات مكان الانطباع المباشر من مظهر الشخص المتكلم،.

كم من اناس احبوا عن طريق الهاتف او عن طريق الرسائل،
وكانت صدمتهم كبيرة جدا عند لقائهم الاول بالشخص الاخر....خيبة أمل لا يستطيعون تصحيحها ابدا، :25:
لأن العلاقة بين الاثنين قطعت شوطا بعيدا فتعهد كل للآخر بالتضحية من اجله،
وعدم التخلي عنه، والتمسك بحبه له...وما الى ذلك، وفجأة ينقلب كل شيء راسا على عقب.

فهل تؤمن بأنه الحب قد يأتي عبر خط الهاتف ايضاً، او عبر الرسائل؟

سؤال أتمني معرفة جوابه من بنات وشباب المنتدى ..

هل محادثات المسنجر او التلفون
تكفي كي نحب الشخص

او تؤيد ان النت عباره عن مقالب وصدمات في الاشخاص فهو عالم خفي ؟؟

اعتقد ان الحب تحكمه مشاعر لا تعتمد على الرؤية بالغالب
وانما تحب الشخص لشخصه فقط
لا لشكله



هل هذا صحيح ؟



انتظر ردودكم .. ومشاركتنا بأرائكم

[قمر الليالي]

ما عارفه اقول ايش
لكن ممكن انك تحب شخص عمرك ما شفتو
بشرط انك تدرس الشخص الحبتو هل هو يقدر الحب او انسان يحب يلعب في مشاعر الاخرين
عشان ما يقع الفاس في الراس
وبصرااحه معاك حق اغلب حب النت نصب وزيف الا ماندر يعني بكون في حب صادق
والحب رائع سواء كان عن طريق النت او غيرو
وطبعا هوفي البداية بيكون اعجااااب ومع مرور الوقت ممكن يكبر الاعجاب ويصل لي حب

ودي وجهة نظري انا
وموضوعك جدا رائع يا بلبل
وفعلا محتاج لي نقاش

تقبل مروري
قموووووره

[بنوته مهاجره]

بصراحه يابلبل انا مابأيد حب الشات مسنجر اي شي بالنت
اولا لانو نادر مما تلقى زول تحبو او يحبك بجد في النت انا معاك في انو ممكن يحصل اعجاب لكين انا مستحيل احب زول علاقتي بيو كلها كتابه بس يعني احنا الاتنين بنكضب على بعض حنختار اجمل الكلمات ونكتبه مافي زول حيوضح شخصيه التاني يعني لمن العلاقه تكون مبنيه غلط نهايته اكيد حتكون غلط فاحسن مانبداها من الاساس

[بحلم]

تسلم على الموضوع الجميل
بصرحه حب النت والمسنجر ده كله تسالى ووهم بيعيش فيه الطرفين
ده لو مفيش طرف فيهم بيخدع الثانى من الاساس لا الطرف ده يعرف طبع
واخلاق وتربية الطرف التانى لان اى حد بيحب يبين احسن حاجة عنده
وبيجمل كلامه يعنى مفيش موقف يبين ده شخصيته عبارة عن ايه يبقا ازاى
هيكون فى حب صادق مابينهم اه ممكن اعجاب بالشخصية بس مش حب ابدا
مشكور سلمت على الموضوع الرائع ده

[شاعر كتوم]

والله ماعارف اقول شنو

انا بوافقك ف الرأي لكن ممكن الواحد يخلي التلفون والنت وسيله للتواصل مع الشخص الاخر ومنها يعرف كيف طريقة تفكيروا قبل النظر في شكله .لكن حكاية اني احب لي زول ماشوفتوا ولا حاشوفوا بس حبيتوا لاني بتكلم معاهوا في المسن او في اي حاجه تانيه ماأتوقع دي حاجه نافعه



وتقبل مروري

[نهـاد]

[glow=FF0033]

بلبل سلام يا أخوي
وين مختفي لما خليتنا نقول انك ربطوك في رمضان دا :D

و راي في موضوعك هو اذا كان الحب أعجاب أو صداقة ممكن يكون عن طريق النت سواء المنتدى او الشات او الماسنجر زي لما تحب كاتب معين او شاعر
أما الحب التاني دا ما بأيدو ولا بقتنع بيه لأنه ما ممكن أحب شخص عن طريق كلامو بس يعني انا ما بعرف عن الشخص التاني اي شي غير ا البحكيه هو عن نفسو والانسان بطبعو بحاول يخفي العيوب العندو او بحاول يظهر بشكل مثالي أكتر قدام أي شخص
لكن أكيد في حالات ناجحة من النوع دا بس أغلبية العلاقات دي نهايتها الفشل


تحيـاتـــــــي

[/glow]

[نهر المحبه]

شكرا ليك يابلبل على الموضوع المهم وبالجد محتاج وقفه
من راي انو مامكن احب شخص ماشفته لانه كاني برسم صوره وبحب فيها عبر اتلفون ممكن اتكلم مع الشخص ويعجبنس طريقة كلامه وبتحس انك بتقدر تاخد وتدي معاه عبر الماسنجر بتحس من كلامه انو انسان حقيقي لا انكر اني اعجب باشخاص كثير لم ارهم ولكن لاتصل لدرجة المحبه لاني لا ادري مالذي يكون خلف هذا الجهاز اي كان نوعه
لا اقدر ان احب شخص غير ملموس اره ويراني افهم حديثه من نظرة عينيه اعرف حالته وشعوره في تلك اللحظه اشاركه افراحه واحزانه عن قرب هنا يكون بلغ عندي الحب اقصاه
ولك جزيل الشكر

[ملاك الورد]

لأ يا بلبل ما ممكن نهائي خالص ابدا
Never Never Ever
الزول لمن يدخل المنتدى بكون عايز يملى وقته و مهما كان جاد في علاقته بالاعضاء المعاه ما بكون الموضوع جد لدرجة انو مثلا
لكن ممكن يكون صداقة قويه جدا و مستمرة

[عمير عبد الرازق]

شكرا يابلبل علي الموضوع الهام دا
في راي ممكن تعجب بس ما بصل لي درجة الحب فالحب اكبر بكثير من ان يأتي عن طريق ماسنجر ومواضيع وردود مواضيع لكن ممكن نشكل منها صداقات او معارف.
لانو انت مابتعرف كيف تعامل الطرف الثاني في الحياة العادية او الحياة المباشرة
وشكرا تقبل مروري اخي بلبل

[رءوف]

بلبل بصراحة حبيت ليك واحدة هنا ولا شنو
بالنسبة لى انا جدا ممكن يكون النت او المسنجر وسيلة لتقارب الافكار ومعرفة اسلوب الشخص الاخر انما سوف تاخذ وقت طويل جدا لانك بتكون فى شك تجاه الاخر لكن بكثرة التواصل ممكن تتولد لديك فكرة معينة تخليك تحب الشخص دة او لا لانو بطول الوقت لا يمكن الطرف الاخر يدوم فى التمثيل لابد مما ياتى يوم ويقول الحقيقة وهنا ياتى دورك انت لكى تنبش فى دواخل هذا الشخص الى ان تستخرج منه المعلومة التى تريدها انت ومن ثم تبنى عليها رايك وممكن ان نحب اناس وتتكون فكرة جميلة جدا عندنا لهم وهذا لا يغير شى حين ملاقاتهم لانو اصلا تكونت فكرة حلوة عنهم لايمكن يغيرها الشكل






انا صاحبك ورينى دى منى دى

[ahmedBolbol]

ما عارفه اقول ايش
لكن ممكن انك تحب شخص عمرك ما شفتو
بشرط انك تدرس الشخص الحبتو هل هو يقدر الحب او انسان يحب يلعب في مشاعر الاخرين
عشان ما يقع الفاس في الراس
وبصرااحه معاك حق اغلب حب النت نصب وزيف الا ماندر يعني بكون في حب صادق
والحب رائع سواء كان عن طريق النت او غيرو
وطبعا هوفي البداية بيكون اعجااااب ومع مرور الوقت ممكن يكبر الاعجاب ويصل لي حب

ودي وجهة نظري انا
وموضوعك جدا رائع يا بلبل
وفعلا محتاج لي نقاش

تقبل مروري
قموووووره

[movet=down]الله اديييييك العافية يا قموووووورة منورة يا عسل
ومشكورة على المرور الجميل واحى وجهت نظرك يا غالية .......[/movet]

[عمار جبارة]

لا اعتقد اخي بلبل انني يمكن ان احب شخص من كتابته
ولكن يمكن ان اعجب به
فلكي احب شخصا يجب ان اراه و اسمعه واتعامل معه
واشهد له مواقف فمن العين والازن الي القلب
يا بلبل
ومن ثم فلكل شخص منا فتاة احلامه
ولكل فتاة فارس احلامها
ولكن في الحب اي شي ممكن
انا بعرف واحدة حبت ليها زول من خطاب غرامي
واحد وجاها بالغلط وردت ليهو
ما عارف لقو في الجوابات دي شنو

[الفرح المهاجر]

ما عارفه اقول ايش
لكن ممكن انك تحب شخص عمرك ما شفتو
بشرط انك تدرس الشخص الحبتو هل هو يقدر الحب او انسان يحب يلعب في مشاعر الاخرين
عشان ما يقع الفاس في الراس
وبصرااحه معاك حق اغلب حب النت نصب وزيف الا ماندر يعني بكون في حب صادق
والحب رائع سواء كان عن طريق النت او غيرو
وطبعا هوفي البداية بيكون اعجااااب ومع مرور الوقت ممكن يكبر الاعجاب ويصل لي حب

ودي وجهة نظري انا
وموضوعك جدا رائع يا بلبل
وفعلا محتاج لي نقاش

تقبل مروري
قموووووره

:

004:


لاتعليق

[شوشا]

[glow1=660033][glow1=990000]ممكن بس بيكون اعجاب في الاول بسلوبه في الكتابة
ممكن يتحول الاعجاب الي حب اذا توفرت المصداقيه
تحـــــــــــاتي[/glow1][/glow1]

[ابن عوف]

اخى الحبيب بلبل


قلت الاذن تعشق قبل العين احيانا صاح

ممكن تحب شخص من خلال كتاباته ومن كتاباته ياتيك الاحساس انه ما هو هذا الشخص كتير من يعبر

ما بداخله من خلال الكتابة وهى مرأة الانسان اذا وقعت فى غرام شخص معين يمكن ان تتطور العلاقة

الا لقاء وموعود وبعد الموعد بترى هذا الشخص وتحدد وقتها هل هو فعلا كما كتاباته ام هو فنان فى

المراوغة والخداع اعتقد الكتابات هى جزء من الشخصية اذا نقول فى البداية اعجاب والحب بياتى بعد

الاعجاب لايكتمل الحب الا ان يرى كل طرف الثانى ويعرفه عن قرب


ودمت بود

[alnaeem]

يابلبل موضوع مهم ومشكور
لا يمكن ابدا ان تحب شخص عن طريق الماسنجر او التلفون نعم يمكن ان تحب شخص من غير ماتتكلم معاه بس ماممكن تحب شخص من غير ماتشوفو لانو دا بيكون حب وهمي ومبني علي الخيال في مرات ناس بيحبو بس من نظرة فقط والحب شرط فيه رؤية المحب لحبيبته

[ahmedBolbol]

بصراحه يابلبل انا مابأيد حب الشات مسنجر اي شي بالنت
اولا لانو نادر مما تلقى زول تحبو او يحبك بجد في النت انا معاك في انو ممكن يحصل اعجاب لكين انا مستحيل احب زول علاقتي بيو كلها كتابه بس يعني احنا الاتنين بنكضب على بعض حنختار اجمل الكلمات ونكتبه مافي زول حيوضح شخصيه التاني يعني لمن العلاقه تكون مبنيه غلط نهايته اكيد حتكون غلط فاحسن مانبداها من الاساس

الله دايييييييييك العافية منورة ومشكورة على المرور الجميل

طيب ما ممكن العلاقة دى تطور وتشوفيهو ويشوفك وتعجبيى بيهو

ويعجب بيك وتحبيهو ويحبك ولا ماكده والنت ده برضو وسيلة تعارف

[Hoomy]

طبعا يابلبل معظم الناس حاتقول ليك مباشرة
ومن ضمنهم انا
اذا كان حب اخوي يمكن تدعمه بالاتصالات لكن لن تصل ابدا لمستوي الرؤية الشخصية
يعني بصراحة يابلبل
خد مثال انا وانت بنحب بعض وأخوان لدرجة اللامنتهي بصراحة قبل تلاقيني وبعد لاقيتني مش فرق
نفس الحكاية الحب الأخر
لانه اي زول بالمسنجر والتلفون بحاول يجمل ليك نفسه ويقلل سلبياته
وقليل مننا الشجاع البزكر ليك عيوبه
لكن لما تلاقي الواحد شخصيا بتكتشف فيه حاجات وسائل الاتصال مابتوضحها ليك
ولا شنو يامان
ما انا لما لاقيتك عرفتك يافردة وهسي بنتفن ونطلع المدفن
أأمل هسابك يا مألم

[بنوته مهاجره]

والله يابلبل احبو ويحبني واشوفو ويشوفني دي مااظنها تحصل لانو بقى مافي مصداقيه بين الناس يعني مهما كانت درجه الاعجاب بينم مااظنها تصل ليه درجه الحب
زي هسي في بعض المنتديات كانو بعملو جلسات بره المنتدى وبجتمعو بنات واولاد طبعا في السودان لاني في الخليج بشيلو حسنا وبتكون قعدات اخويه جميله جدا مابقول ليك مابحصل بينم اعجاب وحب وكلام من دا بيحصل بس لانها بدت غلط فمن الطبيعي تنتهي غلط واغلب الاحيان نهايته بتكون الانفصال وانا بعرف ناس حبو بعض من النت وانفصلو بس يابلبل في النهايه الحاجات دي مكتوبه وقسمه ونصيب واحنا بنقول غلط نحب من النت لكين الله اعلم يجيك يوم تحب وحده من النت وتعرسه وبرضو حصلت وبتحصل لكين بعتقد انها بتكون مليانه مشاكل
اشكرك بالجد على البوست الرائع

[ابو ايووودي]

الناس لازم تتكلم بالعقل وتفكر كويس يعني من قلة البنات والا من قلة الاولاد
ايه السبب اليخلي الانسان يعجب بشخصية لا يعرف عنها شيئا الا عن طريق
كتاباته ، في كل مكان في فتيات كان في الدراسة او في الحلة او المناسبات
فهل يعقل انك ترى الشخصية امام عينيك وتمشي تحب وحده من النت اي انسان
عاقل هذا واكيد لم يكون صادق في هذا الحب ، ضياع وقت ليس الا

كل سنة وانت طيب يا حبيب الكل
وشكرا على الموضوع الجميل