طيب الكلمه دي معناها شنو ؟؟؟؟؟

[هديل الحب]

طبعا البوست روعة
بس انا بسمع كلمة كسير ثلج في المنتدى كتير معناها شنو

[محمد نعيم]

يا جماعه كان على الاقل ترسلوا لي دعوة ما عارفني انا زووول كبير وقديم .

على كل حال انا جيتكم

[محمد نعيم]

طبعا البوست روعة
بس انا بسمع كلمة كسير ثلج في المنتدى كتير معناها شنو

خشي على الرابط دا حتعرفي
http://www.anasudani.net/fourm/showthread.php?t=24578

[السودانى الاصيل]

طبعا البوست روعة
بس انا بسمع كلمة كسير ثلج في المنتدى كتير معناها شنو

هانا ازييك وينك يا الغاليه مختفيه مشتاقين طبعا

كسير التلج : مصطلح معناهو المدح الشديييييد
اديك مثال صغير

اجى انا واقول ليك انتى يا هانا يا العسل يا السكر يا احلى زووله وانتى لمن تكونى ماف المنتدى
دا بكون مظلم وكدا

انا كيرت ليك تلج ((كنك يعنى ))

دا بصفه عامه
بس اصل التسميه جات من وين ما
امكن من الاولاد البكسرو التلج الحقيقى مع ستات الشاى يعنى الشغاليين معاهم اصلا

[ملاك الورد]

طيب ليه لمن الزول يكون مكلفينه ناس البيت مثلا بشي و يقوم يعملو متأخر بقولوا ليهو " بعد خراب مصر "

[بسمة الحياة]

اولا بحييك وبشكرك على البوست الرااااائع

طيب يعني شنو حنك مثلا الزول دا بعرف يحنك

مع تحياتي

ولي رجعة

[fizzo]

هلاااااااااااا ما دام عمكم هنا ما تشيلو هم

اسالوا بس :D

هى بت لعاب احتمال فى بعض الناس بسموها بت لعيب

بت اللعاب دى بت بصنعنها البنات ((بالدلاقين :D ) هههههه الدلاقين ما عارفنها
يعنى الملموا قطع القماش واعملو الارجل والايادى واجيبو صوف غنم اعملو
الشعر حقها
يعنى املوها كلها بقطع القماش لحدى ما تبقى شكل بت صغيره كدا وتفضل شايلاها
الطفله ومنوماها معاها فى السرير وحتى لو طلعوا مشوار بتكون شايلاها

بتكون فى موده شديده بين الطفله وبت لعابا ولو اتشرطت منها حتة قماش يعنى اليد او الرجل
اصابا شئ تفضل تبكى

وفتره من العمر وتسيب البت بت لعابا وتفضل ذكريات مستحيل تنساها
ومرات بجتمعوا مجموعه من البنات وماف عيب معاهم مجموعه من الاولاد الاطفال
وكل واحد عندو بنات لعاب وبتحصل مقارنات باطنيه
يعنى الطفله تشوف بت صاحبتا وتقارن

ولو لقت شئ عجبا وهى ما عندها تبكى فيهو انها عايزاهو والشكله تدور والاهل سعداء
واضحكوا على الاطفال وهم بلعبوا قدامن فى اسعد اللحظات الاسريه

طولت صح

شكراً ليك على التوضيح ~السوداني الاصيل~

لكن دا كلو معناها..

هههه.

ماشمكلة :d

يسلموو..

[fizzo]

اولا بحييك وبشكرك على البوست الرااااائع

طيب يعني شنو حنك مثلا الزول دا بعرف يحنك

مع تحياتي

ولي رجعة

اي والله انا برضو مافاهم..

شنو يعني ( الحنك)

[ملاك الورد]

اولا بحييك وبشكرك على البوست الرااااائع

طيب يعني شنو حنك مثلا الزول دا بعرف يحنك

مع تحياتي

ولي رجعة

تسلمس على المرور الجميل اللطيف و الظريف
هسي بمر عمو و عمو وعمو و .....
بوروكي معناها شنو بس استني شويه

[ملاك الورد]

يا people يحنك + بعد خراب مصر معناها شنو ؟

[نهر المحبه]

ليه سمو فتة الفول " بوش" ؟

شكرا ياملاك على لبوست الرائع
على ماعتقد مامتاكده انو زمان جات مجاعه في السودان وكان مافي الا الفول وكان رئيس الولا يات المتحده الوقت داك بوش الاب
على ماظن انو رسل للسودان شوالات فول
واسالو عمكم السوداني الاصيل من المعلومه دي عشان نتاكد

[basr]

(حنك) يا آنساتي و سادتي ال( ش.ع ) يعني :::
المقدرة على الأقناع

يقول ليك الزول دا حناك ,,,, يعني مقنع في كلامو

دا المعنى العام للكلمة

تحياتي

و غالبا ما تكون جاءت الكلمة من حنك الانسان ,,,,,,,,,

و لمن عرف معنى الحنك








و بقى ليهو تاني معنى ( ش. ع ) ,,,,

فهي اختصار لـ











( شهادة عربية )

[السودانى الاصيل]

شكرا ياملاك على لبوست الرائع
على ماعتقد مامتاكده انو زمان جات مجاعه في السودان وكان مافي الا الفول وكان رئيس الولا يات المتحده الوقت داك بوش الاب
على ماظن انو رسل للسودان شوالات فول
واسالو عمكم السوداني الاصيل من المعلومه دي عشان نتاكد

يا بت بوش دا كان حاكم سنة كم ؟؟؟؟

يا بت دا فى التسعينات
السودان فيهو مجاعه فى التسعينات(1987 _1993 ؟؟؟؟))

بالغتى عدييييييييييييييل كدا:D :D
قصدك الاغاثه الجات للسودان جات من الرئيس الامريكى رونالد ريقان
((من 1981 حتى 1989))

المعلومه رووونق
سووووووووورى

اما المجاعه الكانت فى السودان
كانت عام 1306 هجريه الموافقه 1888 ميلاديه فى ايام حكم المهدى((من1881 حتى 1898))

[fizzo]

(حنك) يا آنساتي و سادتي ال( ش.ع ) يعني :::
المقدرة على الأقناع

يقول ليك الزول دا حناك ,,,, يعني مقنع في كلامو

دا المعنى العام للكلمة

تحياتي

و غالبا ما تكون جاءت الكلمة من حنك الانسان ,,,,,,,,,

و لمن عرف معنى الحنك








و بقى ليهو تاني معنى ( ش. ع ) ,,,,

فهي اختصار لـ











( شهادة عربية )

شكراً ليك يا ~ basr ~

على التوضيح..

بس انا كلماتي الما عارف معناها كتيرة.

ونديكم وحدة وحدة..

شنو يعني برلومة..؟؟

[السودانى الاصيل]

اولا بحييك وبشكرك على البوست الرااااائع

طيب يعني شنو حنك مثلا الزول دا بعرف يحنك

مع تحياتي

ولي رجعة

اضافه الى كلام الاخ باسر

الحنك هو :
طريقة الدخول لى شخص عايز منو حاجه معينه
طيب مثال

بت زميلتك فى الجامعه وعايز تخش فيها
تجى تقول ليها

عايز لى شيت والله امبارح ما سجلت المحاضره

انت لا عايز شيت ولا محتاج ليهو ولا قاعد تذاكر اصلا
بس دا ((حنك منك:D ))


ممكن الحنك اكون فعل
مثلا

تجى قدام البت وترمى ليك حاجه بالقصد
هى تناديك وترفعا ليك ((هنا بدا الحنك)) اسلوب الدخول فى شخص
مقدمه مثلا
وتقول ليها شكرا وانتى من هنا ولا من ويييين ووووووو:D

طيب لو فشلت طريقة الدخول فى الشخص
يعنى طريقه مكشوفه بنقول ليك ((حنكك جعان)) يعنى ما جائب نتيجه



نكته فى ذات الصياغ :
واحد كدا بتونس مع بت يووومى بالجوال وهى مسجله رقمو بى اسمو
وعندها خالا فرده معاها عارفا بتتكلم مع الولد

اها صاحبنا اتصل
ردا ليهو خالا داير اقول ليهو البت اضرب ليها بعد شويه
داك مما لقاهو صوت راجل اتخلع
قال ليهو معاى عبد الله
الخال قال ليهو لا معاك ندى ((بت اختو اسما ندى ههه))
دا حنكك مع الرجال :D :D :D [/align]

[ندوووشي]

السوداني الاصيل
مين الي فتن علي وقالك قصتي مع الولد صاحبي

يالله مادامك فايق ورايق كذا قولي يعني ايش راكوبة وشمار

تراني سألت ولا احد عبرني يعني عشاني سعودية تطنشوني

[عبد الرحمن محمد عبد الرحمن الصقيرابي]

في السودان برضو بجلسوا فيها العرايس
سلة المهملات هي السباتة او السلات البنشتريها من الاسواق لوضعها بالمنازل لنحفظ فيها الاوساخ حتي تاتي عربة النفايات والله اعلم

[عبد الرحمن محمد عبد الرحمن الصقيرابي]

في السودان برضو بجلسوا فيها العرايس
سلة المهملات هي السباتة او السلات البنشتريها من الاسواق لوضعها بالمنازل لنحفظ فيها الاوساخ حتي تاتي عربة النفايات والله اعلم

[السودانى الاصيل]

السوداني الاصيل
مين الي فتن علي وقالك قصتي مع الولد صاحبي

يالله مادامك فايق ورايق كذا قولي يعني ايش راكوبة وشمار

تراني سألت ولا احد عبرني يعني عشاني سعودية تطنشوني

اهلين ندوشى

الشمار : بنقصد بيها الخبر الطازج يعنى خبر مستعجل وهام
الراكوبه : بيت مصنوع من اشياء الخشب ومغطى بالصوف
وبتكون محل للونسه فى المنازل
قريب لى الخيمه
او المجالس يعنى

اتمنى اكون قدرت افهمك
واعتقد الاخ محمد نعيم شرح ليك المعنى بصوره اوضح فى البوست دا نفسو

[السودانى الاصيل]

شكراً ليك يا ~ basr ~

على التوضيح..

بس انا كلماتي الما عارف معناها كتيرة.

ونديكم وحدة وحدة..

شنو يعني برلومة..؟؟

البرلوم يا عزيزى الفاضل

هو مصطلح يطلق على الطالب الجديد فى الجامعه
وبكون ما عارف وين القاعات ولا وين الحمامات ولا المواد
يعنى دايش وما ناقش الراء :D :D ههههههههه

البرلمه : المقلب فى الطالب الجديد
يعنى مثلا انا ومعاى صاحبى

ختينا كراسى فى باب القاعه ودفتر البجى داخل كللومن اخوانا البرالمه ندفعو خمسمية جنيه
ههههههههههههههههههه

لممن جاء المحاضر وكشف الدور وفضل اضحك على المقلب
انا طبعا كنت متخصص برلمه سناير ببرلمن
بس ما لاقى لى محل احكى فيهو