ياشباب ألغربه انتو دمكم ماحار؟؟

[حاتم تاج السرفزارى]

[glint]بسم ألله الرحمن الرحيم[/glint]

شوفو المهزله دى ..قالو علينا بنات السودان...

مكنيكى ب زيتو...


ولأمغترب ب بيتو
ألكلام دا ان قبل كدا طرحتو للنقاش بس مافى حد ناقش يلأ شباب وين ألدم الحار وين ألجعليين؟؟
انا دمى بيغلى على ألكلام دا أنتو رائكم شنو؟؟

[سموحة]

صراحة كدة انا ما فاهمة ولا حاجة

[ملاك الورد]

معليش ما في داعي للزعل

[الفردة $ ودالدوحة]

انا زي الاطرش في الزفة ما ناقش اي حاجه
وضح كلاك يا مان

[عطر الورد]

اقوليك حاجه اخوى حاتم اللى بتقول كده دى لالامه على مغترب ولاغير مغترب

[حاتم تاج السرفزارى]

ياجماعه الناس الشاركت فى الموضوع قالو مافاهمين كلامى يمكن كلامى هندى طيب بشرح ليكم تانى

قالو علينا البنات...
مكنيكى ب بزيتو
ولأمغترب ب بيتو

يعنى من ناحيه الزواج يفضلو علينا المكنيكى
كدا واااااااضح وله اشرح تاااااااانى هههههههههههههههههههههاى يلا عبروى
وافضل يشاركو الشباب والبنات يستمعو ويشوفو لانو نحنا الشباب مجروحين

[الفردة $ ودالدوحة]

ولله يا مان
لا مكنيكي ولا مغترب
المهم الدين و الاخلاق و الاداب
والبنات البيقولو كده ديل
بنات ما عندهم موضوع مع احترامي للجميع

[TAM]

كلام بنات .

[نور الدنيا]

والله انا من اول رسالة فهمتها شي طبيعي لأنو ناس السودان أساسآ مابيحبو المغتربين لكن المغتربين المفروض يعرسوا من بعض ويخلوهم كده عشان يعرفوا انهم غلطانين


انا مشيت السودان قريب البنات هناك همهم كلو العرس عشان كده بيقولوا الكلام ده
ونفسهم من المغتربين لكن هههههههههههههههههههههههههههههههه


دي الصراحة والماعاجبو كلامي يعلق عليييييييييييييييه




*******************معليش يابنات صح انا منكم لكن ي الصراحة*****************

[بسمة الحياة]

طيب يعني شنو ما يقولو دا ما كلام ساكت

والعرس قسمة والنصيب

انت الحارق دمك شنووو

[ود الزوحي]

ماااااااااااظنيت ياخوي .. وين سمعت الكلام ده انت ...

لو فعلا المغترب كان زول كويس أكيد حيوافقو بيه ..



تحياااااااااتي

[مها]

[grade="008000 008000 008000 008000"]والله انا بقول ليكم البنات قالوا كده ليه
المغترب يجى يعرس ويمشى خمسه سنين تانى مايرجع
وانا شفت مغتربين الواحد بعرس بجى يلقى ولدوا دخل المدرسه
يعنى انت عملت شنو غير انك حبست ليك بت ناس ما تتلاقوا الا بعد خمسه سته سنوات
فى الشرع ده ما بصح ..............
احسن الواحده تتزوج ولد الحلال الموجود معاها يتفاسموا الحلوة والمره
يا اولادى القروش ما كل حاجه هى وسيله .................... بس انتوا عاملنها غايه[/grade]

[مجنون جدا]

يا مغترب سبب التعب

[ودالعاصمة]

انتة باجد الكلام البتقول فيهو دة ماكلام سودانين ومامحور حقيقى لموضوع للنقاش لانو دى حاجات مافى المجتمع السودانى وكلنا فينا المغتربين وكل المغتربين فيهم المكنيكى الانتة بتتكلم عليو دة والهو من اولاد السودان ورفض يتغرب والعمل ماعيب واى انسان ربنا كاتب ليو يترزق من محلة معينة واذا داير تستبعد البنات فدى اذا دل فانما يدل على انك تفكيرك رجعى لانو فى بنات مغتربات بيتزوجو من ناس مقيمين فى السودان وفى النهاية كلنا سودانين وانتة لو فى اى مشكلة شخصية عندك مافى داعى يكون فى جدال ونقاش ومشاكل بين المقيمين والمغتربين لاننا بنتكلم عن وطن وابنائة يااستاذ
طيب انا داير اقول ليك حاجة الانسان المكنيكى الماعاجبك دة امكن يكون انسان سوى وبعرف الله كويس ويكون على علاقة حب بى شريكة حياتو ويجى زول من السعودية الانتة قاعد فيها وبتفتكر انو انتة احسن منو ودايرة تعرسك انتة (دة مامنطق ياسيد) بعدين المعروف عن المغتربين انهم خارج الوطن بشتغلو اى شغل ويكفيك خجل انو اى سودانى فى السعودية بى اقامة (راعى) لانو السعودين رفضو الاقامات الاللرعاة بسبب حرب الخليج والراعى والمكنيكى فى مرتبة شرف واحدة بس الفرق انو المكنيكى بين اهلو معذذ ومكرم والراعى ينال ماينال من الاهانة من اصحاب الجنسيات الاخرى والناس مافهمت كلامك لانو ماحاصل وزمان الناس كانت بتفضل المغترب عشان المادة لكن الان الكتوف اتلاحقت وارجو اننا تتحدث عن نقاش حقيقى ومثمر ولة معانى ودلائل ولايثير البلبلة والفتن بين ابناء الوطن الواحد

[بشوره الأموره]

كلام بنات .

ده كلام نواعم....

الكلام ده ما اتوقع انو يكون صحيح ابدا

وبتوقع انو من باب التقله والتغلي وكده
<<يعني حركات بنات بس فما تخافو..

[kaydoo]

ويكفيك خجل انو اى سودانى فى السعودية بى اقامة (راعى)



لماذا الخجل ؟؟؟
الشغل عمرو ما كان عييب .. بعدين هل تعلم انو كل الانبياء الذين ارسلو عملو في مهنت الرعي لي مافيها التفكر في الطبيعة والاختلاء بالنفس .. المقصود من الوضوع انو الغتربين الواحد بتزوج وتاني ما ارجع لي زوجتو الا بعد كم سنة من الغربة وهذا العيب بنفسة والله اعلم
خارج النص
انتا انفعلتا شوية روق المنقة ..

[kaydoo]

يا ربي هل ما ذال البنات لسة بفضلو المكنيكي علي المغترب وللا غيرو رايهم