يا جماعة انا عندي مشكلة في لهجتي السودانية؟؟

[شمس الخريف]

[quote="spanisheyes"][align=center] ليش بتخيل
اني بتكلم هندي والله جد
المشكلة في شنو ما عارفة مثلا اقول ليو انا هسي جيت يقعد يضحك ويقول
[/align][/quote]

مساء الخير
هي الهجة موش مشكله طالما بتوصل فكرتك صح

تخريمة: سوال برئي ليش دى سودانية.

[احسان]

[grade="00008B FF6347 008000 4B0082"]حبيتى سبنش
بصراحة انا كمان عندى مشكلة في اللهجة
ولمن جيت السودان بقو يضحكو فينى ناس السودان
وخصوصا في حرف ال ( ج ) وبيعلقو دايما على كلامى
ومن خلال لهجتى اطلقو على العديد من الاسماء لانى اغلط في نطقها [/grade]

[انا كوول]

نفس الحركة بتحصل معاي و ما بعرف حل غيراني اطنشم بس


انا كوول

[batota]

سبانيش العسل ,,,

الكلام ده طبيعي جدا لأنك ما قاعده في السودان , عشان كده ,,,أنا زاتي أول كان عندي مشكلة في اللهجة لكين بعد شويه خلاص اتعودنا و هسي ميه ميه,,,
و بمناسبة الكلام ده أحكي ليك موقف طريف حصل معاي ,,,

الكلام ده حصل لما كان عمري حوالي 10 سنين كده, المهم مشينا السودان أجازه وطبعا عارفه لمة نسوان الحله و كده,, كان في حوالي 5 نسوان ,, أمي قامت مشت تعمل شاي قمتا انا دايره أقوم وراها قامت وحده من النسوان قالت لي , عليك الله يا بطوطه جيبي لي مويه في [mark=FFFF00]كوز [/mark]قلتا ليها حاضر و مشيت,, وبعد شويه قعدت أحك في راسي قلت يا ربي كوز ده شنو,,, هههههههههه,,,
أتخيلي عملت شنو,, رجعتا ليها تاني وقلتا ليها أنتي يا خالتو كوز ده شنو مافهمتا ,,,
المره و النساوين دايرين يموتوا من الضحك,, و كان في كوز في الطربيزه الوراي ,, قامت قالت لي الوراك ده أسمه كوز ,,,أنا قعدت اقول آآآآآآآآآآه باللهي دي أسمها كوز,, أنا والله يا خالتو قايلها كبايه,,,
فضايح خلاص.......والله وشي بقى قدر الفوله ,,,

[اميرة بكلمتي]

كلنا مرينه بي الاحراجات دي وانا كنت بشوف بنات عايشين في السودان بيتكلمو بي طريقه انا بتلفت ليها وبحسهم عادي بس لما انا اتكلم انسو ...... بيقعدو لي علي الكلمه ( وانا اكتر مشاكلي كانت ال ج و.........،.....،,.......الحمد لله اتخطيتها )...
من المواقف الحصلت معاي ( مره كنت في بيت ناس خالتي وواحد اتصل عاوز ولد خالتي وكل الموضوع اني رديت وقلته ليهو هو في قسم الرجال ) وما تشوفو الحصل شنو اول ماكلم ولد خالتي قال ليهو انتو عندكم ال MBC ولا شنو وبقيت نكته الموسم .... وانا كنت من النوع البيزعل مصره طيب البيت مقسوم وهواه بالجها التانيه واتاريني قاعده اخربا زياده ...
هههههههههههه
طبعا دا كان زمان
مشكوووووووووووووور رجعتنا لي ايام زمان
تحياتي للكل ....

[التواه]

اول حاجة سلام عليكم آناس هووووووووووووووووي

كيفنك اختنا spanisheyes
انتو يا جماعة المشكلة دي انا شايفها مشكلة بنات بس ليييييييييييه نحن ما عندنا
الواحد فينا يلاقي المصريين يأدر يتكلم معاهم بكل وضوح
والشاميين شو يعمل معهم أكتر من هيك
والمغاربة ما كاينش ما نقدر نتفاهم هكّه بزاف مزيان
والعجب ينزل السودان عاد جنس فصاحة موش حاجة تحيير يا أخواننا

[spanisheyes]

[quote]قالوا عاوزين يعملوا جامعة للمغتربيين .. يعني انتوا في بلدكم مغتربيين
يعني بدل مايخلوا ابناء المغتربين ينصهروا في المجتمع
يقوموا يفصلوهم بجدار الفصل العنصري ... [/quote]

ام العشرة انا قريت الخبر دا وبصراحة ما عجبني زي ما قلتي مفروض ما يعملو جامعة
لاولاد المغتربين كدا بيعزلوهم عن المجتمع السوداني يعني يعيشو طول عمرهم مغتربين ويجو تاني
يعيشو مغتربين في بلدهم والله انا ما عارفة لي هم ما عايزين يقبلونا !!!!!

[spanisheyes]

[quote]سبانيش هوووى اسمع كلام البيكيك ليش دى اصلو ما عندنا من الله خلقنى ما شفت لى زول سودانى [/quote]

ادروب كايزو انا كلمت ليش دي اخدت عليها وام بعرف اقول غيرها طبع غلب علي التطبع يعني
ما بتتغير وبركة الجات علي دي بس وبعدين انت كمان كلمة ( هتلاقي دي جات من وين) انا البعرفو اننا
بنقول حتلقي اعتقد انها كلمة (مصرية ) وبرضو كلمة (صبت المطرة) اعتقد اننا بنقول كبت المطرة
يعني انت برضو بتغلط ما انا براي وحتقول شنو لو قلت ليك انا ما شفت السودان انا جيت هنا عمري
سنة مشكور علي المداخلة والتعقيب يديك العافية

[spanisheyes]

[quote]يبدو الاخ احمد جاوبك صاح يا اسبنش ايس الاول هذه او ها لساعه و الثانيه ابت يعني رفضت الشئ[/quote]

المهلهل مشكور علي المرور والتعقيب


[quote]أول كلمة قلتيها كانت خاطئة منكم الاثنين لانها في الاساس هى هالساعة .[/quote]

حنضلة انا ما عايزة اصل الكلمة نحنا عايزين البنقولها شنو هسي ولا هسا او هسع
وشكرا

[spanisheyes]

[quote]تخريمة: سوال برئي ليش دى سودانية[/quote]

انتو سبتو الموضوع الاصلي ومسكتو في ليش دي هههههههه والله دا هو زاتو السبب
الخلاني اكتب الموضوع من اساسو لا يا اختي اعتقد انك ادري مني لاني ما عشت في السودان
انا بعتقد انها ما سودانية بس كدي نشوف رأي الناس التانين شنو ؟؟
مشكورة علي مرورك وتعقيبك ومحاولتك للمساعدة

[quote]حبيتى سبنش
بصراحة انا كمان عندى مشكلة في اللهجة
ولمن جيت السودان بقو يضحكو فينى ناس السودان
وخصوصا في حرف ال ( ج ) وبيعلقو دايما على كلامى
ومن خلال لهجتى اطلقو على العديد من الاسماء لانى اغلط في نطقها[/quote]

احسان مشكورة يا عسل وزي ما قلتي نحنا اتربينا في بيئة مختلفة ولهجة مختلفة بس برضو بنتكلم
سوداني كويس

[spanisheyes]

[quote]وبعد شويه قعدت أحك في راسي قلت يا ربي كوز ده شنو,,, هههههههههه,,,
أتخيلي عملت شنو,, رجعتا ليها تاني وقلتا ليها أنتي يا خالتو كوز ده شنو مافهمتا ,,,
المره و النساوين دايرين يموتوا من الضحك,, و كان في كوز في الطربيزه الوراي ,, قامت قالت لي الوراك ده أسمه كوز ,,,أنا قعدت اقول آآآآآآآآآآه باللهي دي أسمها كوز,, أنا والله يا خالتو قايلها كبايه,,,
فضايح خلاص.......والله وشي بقى قدر الفوله ,,,
[/quote]


لووووووووووووووووول بطة ما بحسدك غايتو هههههههه بس كويس انك كنت لسة صغيرة
لو كبيرة كان بقت مشكلة غايتو ربنا يعينا انا لو ما عرفت حاجة بسأل وحدة من البنات صحباتي ولا اي زول
بعرفو

مشكورة حبيبيتي علي المرور والقصة الحلوة

[spanisheyes]

[quote]من المواقف الحصلت معاي ( مره كنت في بيت ناس خالتي وواحد اتصل عاوز ولد خالتي وكل الموضوع اني رديت وقلته ليهو هو في قسم الرجال ) وما تشوفو الحصل شنو اول ماكلم ولد خالتي قال ليهو انتو عندكم ال MBC ولا شنو وبقيت نكته الموسم .... وانا كنت من النوع البيزعل مصره طيب البيت مقسوم وهواه بالجها التانيه واتاريني قاعده اخربا زياده ...[/quote]

اميرة قسم الرجاال ههههههههه غايتو مشكلة ضحكتيني ما هنا المشكلة انو نحنا عشنا برة ولازم
يكون عندنا مشاكل في اللهجة ونطق الحروف بطريقة مختلفة بس الامر دا ما بيقدرو العايشين في السودان
مشكورة حبيبيتي علي القصة الحلوة يعني ما براي [/size]

كيفنك اختنا spanisheyes
انتو يا جماعة المشكلة دي انا شايفها مشكلة بنات بس ليييييييييييه نحن ما عندنا
الواحد فينا يلاقي المصريين يأدر يتكلم معاهم بكل وضوح
والشاميين شو يعمل معهم أكتر من هيك
والمغاربة ما كاينش ما نقدر نتفاهم هكّه بزاف مزيان
والعجب ينزل السودان عاد جنس فصاحة موش حاجة تحيير يا أخواننا

مشكور علي مرورك

[إبتسام]

انا من مواليد السعوديه وعمري مارحت السودان ولا نتكلم في البيت سوداني
يعني نتكلم سعودي يمكن احسن من السعوديين نفسهم
المشكله لمن اجلس مع صديقاتي السودانيات اللي مولودين في السعوديه زيي
يتكلمو سعودي بس كمان يتكلمو سوداني
وانا ما اعرف شي
وهذا الشي يسسبب لي احراج مع الناس اللي اتعرف عليهم لاول مره واقولهم اني سودانيه
فايقولوا كيف سودانيه وماتعرف لهجتها
اللهجه هي جزء مهم من هويه الشخص
-----------
فعزمت اني اتعلم سوداني

[نهر المحبه]

والله هي مشكله
بصراحه اكتر حاجه كانت بتجنني بيقولو لي بتنطقي الجيم معطشه
كيف مابعرف
لكن خدي الحكايه ايزي
لكن حكاية جامعه للمغتربين دي زعلتني حسستني كاني نازله من المريخ

[مغتربة مقيمة في الإمارات]

أنا بعرف اتكلم سوداني كويس شدييييييد لكن ما بعرف إتكلم شايقي (دي قبيلتي)

وفي نفس الوقت بقدر إتكلم كلام بلاد الشام والمصريين بإتقان شديد

وشوية خليجي وشوية عراقي

والله أدرى

مع تحياتي الاء