هل اولاد المغتربين حناكيش؟؟؟؟؟ ادونا رأيكم...!!

[الحلوين]

انا عضو جديـــــــــد لنج يعني زي ما ود المغترب يجي ويدخل الخدمه الوطنيه حيكون حنكوش برضو .
علي ما اعتقد لا حيصير رجال قدها وقدودها وياما كانوا كانو معانا شهاده عربيه في معسكرات الخدمه تقول ديل ماجاين من خارج السودان خشنين لدرجه ما بعدها درجه . يمكن هم حناكيش في اوقات والواحد لو لقي الحنكشه الليتحنكش ولو لقي الخشونه والضرب في الساق يبقي خشن.

[الفردة $ ودالدوحة]

السلام عليكم ورحمة الله وبركاته
اول حاجه انا عضو جديد والموضوع ده شداني بصراحه وحبيت اقول راي

تاني حاجه اولاد المغتربين ديل فيهم الحناكيش وفيهم الما حناكيش وفيهم البتحنكشو غصب وفيهم الحناكيش المابيحبو الحنكشه لكن ظروفوم هي الخصبتم على الحنكشه
يعني انا من رايي انو الاباء والامهات هم السبب في الحنكشة
لانهم دلعوهم من هم صغار الواحد اي حاجه عاوزه لازم تجيو ولمن يكبرو بيكونو اتعودو على الحاجه دي وعلى فكره السودان زاتو فيو حناكيش ما اولاد المغتربين ديل
والحاجه القاهراني اذا اي زول من المغتربين ديل فات السودان يقولو عليو حنكوش من المطار خليو اذا دخل البلد ولا لا
يعني اذا قاعد في السودان ما حنكوش واذا سافرتا حنكوش طيب هو ذنبو شنو اهلو سافر يقعد هو براو في السودان علشان ما يبقى حنكوش يعني ولا كيف
وحتى موضوع الحنكشة ده حصل لاختي الصغيره مشيا السودان السنة الفاتت
اختى مشت مع بت عمتي مدرستم في الفسحة اختى عطشت عاوزه تشرب موية بت عمتي ساقتة ودته الزير اختي عاوزه تشرب لقت الكل بيشرب بكباية واحده قالت ما عاوزه تشرب المدرسة بتتمشى ساي سمعتاه قالت ما عاوزه تشرب شاكلتا قالت ليها ماليك ما عاوزه تشربي انتى اصلا جايه من وين بت عمتي قالت ليها دي جاية من الدوحة وقاعدين معانا هنا اجازه طوالي شبكتا ليك حنكوشة وحنكوشة طيب ليها علشان ابت تشرب يعني ولا كيف وهي اصلا اول مره كانت تشوف ليها زير
وبعدين حتى للكبار الموضوع ده يعني الناس الانتهو من الثانوية عايزين يقرو الجامعه هناك لازم يمشو المعسكر ويلا اذا مشو هناك واي واحد من العساكر عرف انو الزول ده شهادة عربية ياويلو ويا سواد ليلو يوريو الويل وسودا الليل يعاملو معاملة تانية خلاص وحتى مواضيعو زاته تبقى كلها عن الزول ده فلان شهاده عربية عمل وعمل فلان شهده عربية فعل وفعل
يعني انا ما عارف بصراحة اقول شنو قايتو انا كان اتزوجته وجبتا اولاد حاخليهم في السودان علشان ما يقولو عليهم حناكيش يا اما ما وريتم السودان اصلا ولا رايكم شنو يا جماعه في كلامي ده لو فيو حاجه غلط نبهوني بيها احسن
وشكرا على الموضوع ده يا صلاح
وانشاء الله تكون اتقبلتا رايي انت وكل الناس المشاركة في الموضوع ده

[kimo]

مش كلهم حناكيش
زي مافي مغتربين حناكيش فيه برضو
ناس جالسه في بلدها و متحنكشه

[malik2234]

الحناكيش هم اطفالنا ولكن قاموا وترعروا في احضان مجتمع غير مجتمعنا او حنكوش اكبر انجبهم واصبحت حياتهم بهذا الاسلوب طبيعية فهم راضين بها ولكن نحن من يقنعنا بانهم طبيعين وان حياتهم في بعض الاحيان يتمناها بعض منا لكنف الراحة التي يتمتعون بها واحدث العلوم والرقي الذي وصلوا اليه ولكن في بعض الاحيان يكونوا شاذين في بعض تصرفاتهم ولكن تكون ايضا في مجتمعهم عادة لا يخجل منها الكثير من رفقتهم فنحن نشاهدهم كانهم ارتكبوا جريمة في حق الاصول السودانية التي ترعرعنا بها ولكن عندما يندرج تلك الاشخاص فسرعان ما يتحولون

[ناني]

اول حاجه بشكرك على الموضوع المهــــــــــــم جــــدأ

والله انا معـــــاك وكلامــــــك مـــــــيه المــــــيه

وبشكرك تاني على الموضوع
تقبل مروري
تحيــــ ناني ــــــــات

[saleeh]

عوافى يا اخوى
كيف حناكيش
لالالالالا
وألف لا

[جراح]

حناكيش ونص وخمسه

ديل ناس مدلعين واى شى بالهبشه كدى اجى لعندهم ودراستم خاصه

يعنى دلع للنهايه لاقينها جاااهزه

بس دى اثر فيهم وخرب طبعم واهو اكتر البايركس فى السعوديه بسبب الدلع والخرمجه

بتخرب طبع الناس والنتجه سلبيه

[توتو اصيل]

الصراحة ما حناكيش هدي انا مغتربة ولا حتى بعرف اكون حنكوشة
ما شرط عادي الجنكوش يكون اصلا ملود وعايش في السودان

[patshe]

[glow=0033CC]

هووووووووووووووووووووووووووووووووووووووووووي
منو البيقول أولاد المغتربين (حنااااااكيش)
صح إنو نحنا ماقاعدين في لاإتولدنا ولا إتربينا
في السودان بس حنرجع حنرجع


























خلعة:بس في بعضهم
حناااااااااااااااااااااااااااكيش

[/glow]

[Tawfik omdur]

كلمة الحناكيش تعني بنسبة لي حسب متابعتي للبعض حتى داخل السودان وليس اولاد مغتربين
تعني عدم التربية السليمه والاهمال وترك الولد سائب بلا تربية او توجيه او رقيب او تعليم
لطريقة الكلام والتفكير والاكل والشرب فيجد في التلفزيون معلم ومربي وفي الافلام كذلك
فيبدأ بتقليد ما يشاهده من كل ذلك ومن النت ايضا فيطلق شعره ويطول اظافره ويغير كلامه ليشبه ما سمعه في المسلسلات ويطلب من والديه كل ما يره وبنفس الاسلوب الذي يراه وللاسف والديه ينفذان ما يطلبه
دون حسيب او رقيب فيبدو حنكوش في كلامه وحركاته وسكناته وتصرفاته بل يصبح اكبر مقلد لما يراه
من حوله بينما الابوين غافلين عنه تمام
لكن اذا اهتم الاب والام بتعليم وتربية ومتابعة اولادهم وتقويم اي اعوجاج في سلوكهم لو كان كلام او حركات او افعال او تصرفات
بمعنى بدأ يقول يا بابا بصورة حنكوشيه يجب ان ينبهه ابوه او امه لطريقة النطق بابا او ابوي ولكن بطريقة مستقيمه ما فيها تكلف وتقليد لما يراه من حوله
وان يزجر ويوبخ في حالة اي تصرفات تقليديه في الكلام او الاكل او الشرب او حتى المشي
لذلك لا اعتقد ان اولاد المغتربين حناكيش لانهم ياكلون جلاكسي واسنيكر بل انهم قد يكون
بعضهم يجد معاناة كبيرة في العيش في الغربه البطاله
وعندما يعود للدراسة في السودان يصبح شفت وصعب اكثر من اولاد السودانيين المربيين في السودان
ولكم التحايا والتقدير

[((MaRwA))]

أنا برضو من برا

وعادي بقدر أعيش في السودان على شرط أنو يكون في مكيف في البيت وانو ما أركب مواصلات :D
وبحب الركشة شديد والببزيانوس :D

وعايزة أخت موضوع كااااااااااااااااااامل عبارة عن مقارنة بين اولاد المغتربين واولاد السودان
لانو الاجازة دي كنت في السودان وحبيته شديد ولقيت ايجابيات كتييييييييييييييييييييييرة مفتقداها

الله يسهل و أعيش هناك

[زمردة]

اعزائى...بت ابوظبى،احمد،دلوعة الامارات
وقمر السودان...اشكركم جزيلا على تعليقاتكم فى الموضوع.
شئى آخر ومهم جدا اود ان اضيفه الى الموضوع....!
نحن السودانيين تبدل حالنا في كثير من المفاهيم وأرجو ان لايصل بنا الحال الي الحقد والكراهية
وأبناؤنا من حملت الشهادة العربية هم شريحة مهم جدا وبل مؤثر غاية التأثير في المجتمع السوداني بما يتحمله المغتربين من أعباء جمه هي محل تقدير وأحترام من كل السودانيين وأولهم الدول التي يدفعون لها هولاء الشريحة وبالعمله الحره ويساهمون مساهمات فاعله جدا في كل الملمات ونعود الي حملت الشهادات العربية وهم كاغيرهم من الطلاب ونذكر منهم اناس حصلوا علي درجات عالية ومشرفة مما جعل
الجامعات ان تقبلهم دراسة مجانية لآن هولاء
هم غدا هم أطباء ومهندسين ومهنيين مهره نفاخر بهم ويتسابقون عليهم من يعرف قدرهم كل في مجاله وعندما يتأهلون ويعودون الي دول المهجر حامليين شهاداتهم يرتقون بها أعلي درجات الوظائف لأنهم درسوا في مراحلهم الأولي في بلادهم وكم من أعلام بلادي ممن يحملون الشهادات العربية وهم وزراء وسفراء وأطباء ومهندسين وفنيون مهره نفخر بهم ومزيد من الأبداع ابناء المهاجرين والتحصيل العلمي بكل فخر وأعذاذ لأنكم تدفعون أغلي الأثمان علي مرحلتين غربه وعند العوده ايضا يدفعون ولكم التحية وللأهاليكم وهم يقدمون الجهد والعطاء.


وله رائكم شنو فى الكلام ده؟؟؟؟؟؟؟؟؟؟؟؟؟؟؟؟؟

مع تحياتى

بسم الله الرحمن الرحيم.
اشكرك استاذ صلاح على هذا الموضوع المشد للنظر .
انا عايزه اقدم نصيحه كمان لي ناس الطلاب السودانيين بانو اتعاملو معاهم كويس لانو هم ماليهم ذنب في انطباعم دا لاكين انا لاحظت في السودان ماخدينهم مصدر للضحك .
يعني بقلدوهم وبضحكوا بيهم . ودا بخليهم ناس الشهادات العربيه اصاحبو بعض وما اصاحبوهم.
ودي بتخليهم ما اتاثروا بالسودانيييين واخليهم متمسكين بعاداتم. وملاحظه صغيره.
صادقوهم وما تاخدوهم مصدر للسخريه وشكراااااااا.

[خلود]

]كل واحد بيعكس التربية الا اترباها سوى مغترب ولا عايش في البلد والتربية هى الاساس

[sweet dream]

أنا من أولاد المغتربين وبفتخر بذالك.. لأني مع اعترافي بوجود (الحنكشة) في كتير منهم.. بشوف انو المغترب سوداني ومهما يصل حيكون سوداني..
يعني ما بقول انا مغتربة.. بل أنا سودانية..
وزي ما قالو الشباب اختلاف المعيشة بيأثر في تصرفات اولاد المغتربين عن غيرم لاكن مامعناها انهم (حناكيش) لنو اازي ديل في اي مكان حتى الماحصل شافوا برجر جامبو او جواهر جلكسي..

[TAM]

عيييييييييب الكلام دى اولاد المغتريب ما حناكيش

[عطر الورد]

شكرا مشرفنا على الموضوع بصراحه جذبنى موضوع الحناكيش طبعا انا من المغتربين وانا من الناس اللى شفت تصرفات غريبه لما انزل السودان يعنى بصراحه الناس اللى فى السودان بعاملو المغتربين كانهم مش من السودان مع انو نحن يعنى ما عندنا نحن مابنحس انو نحن حناكيش زى ما بقولو امكن هم بشوفو بوجهة نظر تانية وبصراحه انا شخصيا اتعرضت لمواقف كتيرة مره كنا ماشين انا واختى ماشفنا الا بنات بقولو شوفو الحناكيش وبصوت عالى جدا فنحنا انصدمنا بالتصرف ده وبصراحه نحن ما عندنا ذنب اننا اتربينا بره السودان وبصراحه الحنكشه دى عند ناس السودان نفسهم لانهم هم اللى بحسو بيها مش نحن المغتربين

[اسير المحبين]

بسم الله الرحمن الرحيم
السلام عليكم ورحمة الله وبركاته
بس حابي اوضح نقطه في الموضوع
انو الانسان الداير يبقى حنكوشه بيبقى والداير يبقى زي باقي الناس بيبقى
وطبعا الكلام دا بيعتمد اعتماد كبير على التربيه
يعني انا مثلا من فتحت عيني في الدنيا لقيت نفسي في الامارات وما شفت السودان الا في التلفزيون
لكن انا عارف نفسي اني ما حنكوش لانو الوالد الله يطول في عمرو ما بيديك فرصه اصلا انك تفكر تتحنكش هههههههههههه

[wisam]

الحنكشه دى حاجه مافي ايدهم اذاكانو اتربو فى السودان ماكانو بقو حناكيش مع انو برضو فى السودان فى حناكيش اتربو فى السودان.
وهى ظروف البيئه العاشوا فيها وثقافاتهم التى تختلف عن ثقافتنا

[توقن فنتي]

شكرا لكاتب المقال والمشاركين موضوع جميل صراحه اولاد المغتربين ما حناكيش واحنا في السودان مراقبتنا قويه ولصيقه لاي شخص جديد في المجتمع في كل سلوكياته الحياتيه من شربه الي مسكنه الي لسانه الي تحركاته وانا صراحه مقيم في المملكه العربيه 14 عام واسافر سنويا والمشكله اني اعاني كل سافرت من مشاكل صحيه واول ايامي من الاجازه دسنتاريا = اسهال = وووووو+تحليل الدكتور تغير جو وعند العودة عافيه تب ما في اي مشاكل صحيه لذا يشرب اولاد المغتربين موية صحه خوفا من صحته حتى يتعقلم من موية الحنفيه {الماسورة }وهنا لدى بعض الناس حنكوش وذي ما قال الحلوين السوداني وقت الجد جد والحنكوش عندي والحمد لله وهو قليل لدى السودانيين عامة النعومه الزايده في الكلام وهي قليله في الوسط السوداني والذين يلبسون ما يسمونه بناطلين طيحني وابوي سمحلي ويمكن في حاجه اسمو امي حذرني اما حرارة السودان معظم المغتربين في دول الخليج ودول الخليج حرارتها اعلى درجة حرارة من السودان وهم يتجاوزن كل الصعاب ونجحو في الخدمه العسكريه منها عزة السودان وكلية الشرطه والكليه الحربيه وهي من اصعب الكليات للحناكيش ودمتم اخوتي في رعاية الله

[ودالسكوت]

اب نقنا توقن فنتى
هكرفى ولدياونقوقا قاشناقكودنى
نعم دا شئ طبيعى تغير جو
اعجبنى اسمك المستعار واذكرت موسم البلح فى بلدنا الحبيب والدميرة (امن كوترى)