لمن تكون سوداني وما سوداني؟

[فنونة]

مجرد سؤال أسألوا والسبب نتيجة لي مشاهد مؤسفة بشوفا من شباب بلدي في الغربة
كدي فكروا في السؤال كويس؟

ابداها بي سؤال كالمعتاد ( ممكن تخفي وتنحرج من إنك تعلن وتقول إنك سوداني؟؟؟؟؟؟؟؟؟؟؟)

[هتان]

ما فهمت السؤال كويس ممكن توضح اكتر ؟

[أود]

حسب فهمى ياهتان الزوله دى بتسال تقول يمكن تنكر جنسك

قايتو يافنونه

دى على حسب طبيعة السائل والقصد من سؤالو والحالة البكون فيها الزول الموجه ليهو السؤال

يعنى اذا كان الزول طلع من بلدو مجبور بى سبب مضايقات فى بلدو حايلعن ابو السودان ويقول ان شاءالله لقيط بس مايقول انو سودانى

اما اذا كان السائل بقصد يعرف جنسو من باب التعارف فقط فهو حايفتخر ويقول انا
على كل انا سودانى فى كل الاحوال

وان شاء الله مايجى اليوم البقول انى لقيط

[sarona]

برغم كل الاوضاع ....والظروف ...

لا أجد مبرر ممكن يخليني أقول غير أنا سوداني...

وبشكل شخصي ...يا فنونة ...

عمري ما شعرت ولو لحظة بعدم الفخر .....

بل العكس تماما ....بزداد ثقة لما اعرّف عن نفسي وأقول انا سودانية...


تقبلي مروري يا غالية.

..

[فنونة]

رد متأخر اعذروني
هتان كيييييييييفك حيرتني اشرحو ليك كيف؟ اممممممم طيب
أود تسلم على الرد وكلامك 100 بس لقيط الدخلا في الموضوع شنو يا ود عمنا
انا بقصد سوداني حر عايش في بلاد برة وما طالع منها غصبا عنو قصدي مولودة برة

sarooooooooona حبيبتنا تسلمييييي على ردك وجد بفتخر انك سودانية يا سودانية
يا ريت لو كل السودانيات زيك

[فنونة]

انا قصدي يا اخواناشنو رايك لمن تشوفوا اولاد من بلدكم عايشين معاكم وحواليكم وبيتصرفوا انهم ما سودانيين
على فكرة انا فتحتا الموضوع ده من البشوفوا قدامي في الجامعة
سودانيييييييييين شكلا واسما وروحا بس الظاهر يا معين
يعني تخيلو بيدسو عن غيرهم انهم سودانين مع انو ظاهر على سيماهم تانيا حتى في كلامهم بيتكلمو خليجي حتى لو كانو سودانيين مع بعض ولو حاولتا تذكرهم بي سودانيتهم يا ويلك او حتى تلميح .
شنو رايك في سودانين بالشكل ده مش حاجة تغيض المحيرني ليه بيخجلو يقولو انهم سودانيييييين؟؟؟
السودان بلد يفتخرو بيهو من كل النواحي.

[moony]

فنونة دي عقدة نقص وطيش شباب
مافي داعي ينكر الشخص بانو سوداني ومافي سبب مقنع
وبعدين سبحان الله التقول مكتوب في وشنا سودانين معروفين بطريقة ماعادية يمكن تكون ظاهرة اكثر في الخليج الحكاية دي
اما باقي الدول يسألوك انت من وين تقول السودان ناس يقول ليك دي وين
وناس طوالي يلحقوك بسؤال تاني الحاصل في دارفور شنو :(

[بت أبوظبي]

انا قصدي يا اخواناشنو رايك لمن تشوفوا اولاد من بلدكم عايشين معاكم وحواليكم وبيتصرفوا انهم ما سودانيين
على فكرة انا فتحتا الموضوع ده من البشوفوا قدامي في الجامعة
سودانيييييييييين شكلا واسما وروحا بس الظاهر يا معين
يعني تخيلو بيدسو عن غيرهم انهم سودانين مع انو ظاهر على سيماهم تانيا حتى في كلامهم بيتكلمو خليجي حتى لو كانو سودانيين مع بعض ولو حاولتا تذكرهم بي سودانيتهم يا ويلك او حتى تلميح .
شنو رايك في سودانين بالشكل ده مش حاجة تغيض المحيرني ليه بيخجلو يقولو انهم سودانيييييين؟؟؟
السودان بلد يفتخرو بيهو من كل النواحي.

شكرا يا فنونه موضوعك هام جدا
المشكله دي عامه ..
وهي ليست محصوره بين الشباب الصغار
مرات بتلقى ناس كبار يعني آباء وأمهات بتنكروا من أصلهم ( السوداني ) عديل !
مع أني والله بكل فخر بقول أنا سودانيه بصوت عالي مسموع
اللي عاجبه عاجبه .. واللي ما عاجبه ... عنوا ما عجبو
مافي حد في الدنيا ما بفتخر بأصله ودمه
يمكن لما كنته في عمرك .. من فتره ما بعيده ..
بخجل لما أصرح ويسألوني أنتي من وين ؟؟
وبقول بتررد داخلي ( سو..دانيه) !!!!!
لكن الواحد تعلم وعرف الدنيا
وأحس بقيمه أنك تكون وطني وبقيمه الوطن
ودي نعمه كبيره .. لايقدرها إلا من حرم منها !

[Still I Need U]

شكراً يا فنونة على طرحك الجميل ،،

يلا نسمك جزء جزء اوكي ،،
بالنسبة للشباب عموماً في خارج الوطن كلهم تقريباً متربيين على أستايل غير سوداني ،،
بعني تاني أنو الكارثة أساساً في أولاياء الأمور والأب والأم ،، ما أثروا على أبناءهم وربوهم
تربية سودانية أصيلة عشان هم يتمسكوا بسودنتهم ،،

الحاجة التانية والأساسية نفترض مجرد أفتراض أنو كبروا من غير عادات وتقاليد سودانية ،، كويس ،،
لمن الواحد يكبر ويصل مرحلة النضوج ليه الأب ما يزرع فيهو روح السودان والعادات والتقاليد،،
والثقافات السودانية عشان يتمسك بيها ،، ويفتخر بيها كمان قدام العرب كلهم ،،

بالمناسبة انا بعرف كمية كبيرة جدا من الاسر السودانية في المملكة العربية السعودية بالتحديد ،،
في الرياض أولادهم بعرفهم كلهم متأثرين بالجو العربي واللبس والأستايل وكل شئ ،،
ولمن أقعد مع واحد فيهم وأتكلم عن السودان في أى حاجة الناس دي بتكون مسطحة وفاهمة أنا بقول في شنو ،،

عموماً يا فنونة ،، المشكلة الرئيسية حقيقة في الأب والأم هم أساس التربية وهم أساس زرع
روح البيت السوداني والعادات والتقاليد ،، ألخ ،،

ونسأل ليهم ربنا يهديهم ويقوي عودهم ويبقوا ناس فاهمين شوية ويعرفوا أنهم سودانيين مهما كانت الظروف ،، وأنا بفتخر وأقول ( أنا سوداني ) ،،

تحياتي يا فنونة ،،

[قمر السودان]

[grade="FFA500 FF6347 008000 4B0082"]أنا عن نفسي يا جماعة مستحيل في يوم أقول انا ما سودانية و كل من يسالني بقول ليهو &سودانية و افتخر& و صراحو انا ما كنت متوقعا انو في زول ممكن يتبرا من بلدو كنت فاكرة الناس بتتكلم و خلاص لحد لمن شفتا مثال سئ للسوداني اللي بيتبرا من جنسو (معانا بي بعرفها عاملة فيها سعودية وكل من قاليها هو انت سودانية؟؟؟؟؟؟؟؟ قالت لا انا *خيبرية* و الخيابرة ديل يا جماعة زي الفلاتة عندنا في السودان )يعني متخيلين !!!!!!!!!!!!!!![/grade]

[سالى]

انا صراحه شايفه الضا هره دى متواجه
المهم بى النسبه لى الغه الا مالراتين او الزلمات او الا جانب ما بيفهم الغه السودانيه انا جربته عشان كدة بنحاول بنغير اللهجه ما العادات بى النسبه لى لمن يجى زول مل سودانى بتكلم لغتو لى انو بقول السودانى ما فاهمو يا سبحان الله السودانى بقه فرنسى ها
لكين من اكبر المستحيلا ت افكر اقول انا ما سودانيه فى ناس بقولى جنسيتك ششنو وده السؤال البتمنى يسا لو لى اىزول
ما معنا غيرته الهجه يعنى غيرته دمى صح
يى لزم يفهمو دحنه سودانيه جدعان يوه ولزم يفهمو امل ايه

[إبتسام]

بالنسبه لي انا عمري ما شفت السودان ولا اعرف شي عنها ولا اعرف اللهجه السودانيه ولا العادات ولا التقاليد السودانيه
وبالرغم من كل شي ذكرته عمري مانكرت اني سودانيه بالعكس افتخر فخر مبالغ فيه احيانا
وهذا الشي يجعل الشخص الذي يسالني عن هويتي يستغرب عن حبي للسودان وا نا لا اعرف عنها شي
لان شكلي ولهجتي لاتوحي اني سودانيه وهذا احيانا يسبب لي حرج لاني احاول ان اثبت اني سودانيه
ولكن انا سودانيه بنت النيل