هل نحن ألسودانيون عنصريين؟؟

[حاتم تاج السرفزارى]

بسم ألله ألرحمن ألرحيم

ألعنصريه كلمه كبيره ونحتاج لوقت لشرحها..
لكن بالمفهوم ألعام لمعنى الكلمه هل نحن السودانيون عنصريين؟؟
سوف احصر مجال العنصريه فى مكان محدد داخل السودان..هل نتعنصر على الحبشه؟؟
اى ننظر اليهم نظره دونيه نحتقرهم مثلا وناعملهم بقساوه ولأ نحترمهم؟؟
سمعت كثير اخر يشتم الثانى ويقول له(روح ياحبشى انت واحد حبشى)او واحده تقول لأخرى(انتى حبشيه
امشى ياحبشيه جائه من وين انتى )
شنو فيهم الحبش اليس بشر نفسنا لماذا نحتقرهم؟؟
علينا أن نتعلم ثقافه القبول بالاخر ونطبق هذه الثقافه الرائعه
طيب انا مثلا رباااااااااطابى نعم انا ربااااااااطابى بس هوووووى ماتخافو ماسحار هههههههه
ولكنى لا اتعنصر على اى قبيله او اى شخص من خارج السودان بل بالعكس احب كل بنى البشر
ادووووووووونا رائكم هل نحن السودانيون متعنصرين بالذات على اهل الحبشه الذين يعيشون معنا داخل ألسودان؟؟؟سؤؤؤؤؤؤؤؤال اطرحه على ألكل....

[bitadlan]

موضوع جميل لكن في حاجه انه اي جنس بيفتخر بي نفسه مثلاً السعودي ح يقول ليك ياسوداني انت جاي من وين المصري ح يقول للسوري انت جاي من وين كل واحد بيشوف نفسو انه جنسو احسن جنس وانه البقيه كلها ما زيو ونحن زي الباقين برضه عندنا نحن احسن من السوداني مافي وعلى فكره الحبش برضه لو مشيت بلدهم ح تكون انت اقل منهم.

[مسلمة وافتخر]

انا لا اعتقد هذا على الاقل ليس كل السودانيين

وان وجدوا فهم قلة وليسوا الاكثرية

تحياااااااااااتى اخى

[عجوز لكن منقه]

نعم اخى حاتم نحن عنصريين جدآ وده شى طبيعى فكل انسان بيتعنصر لى جنسه ولى بلده
حتى نحن داخل السودان كل واحد بيتعنصر لى قبيلتو
لكن كوننا نعامل الاحباش بى دونيه دى مابتفق معاك فيها
بالعكس حتى الاحباش الذين يعملون داخل منازلنا نعاملهم
افضل معامله وذلك لان ديننا يحثنا على ذلك
ومشكووووووور على الموضوع