افتح .......... قلبك

[حبوبة]

أستاذناالجليل احمد يس
سعادتو السني
جنابو الأستاذ صلاح سليمان
هامس
العزيز معتز سيد
العزيزة زينة
الاشيتر
السمحة ست الحسان
شمعتنا يا كل الامل
السوداني الاصيل
أسامة محمدعلي
ودعكاشة
ود الزوحي
هاميس
سيبو9
ام صبا
الاسيد
هندسسة
ود الدرديري
أعضاء انا سوداني ومرتادي هذا الركن الرطيب ...

كل عام وانتم بألف صحة وعافية
وانشالله دايما تامين لامين

احمد شكلو الحال عجبو وجر الاجازة .. انا فلست وجيت شاردة :D
اها مافي واحد وقع على بوزه وحب لمن قلبو وجعو ؟؟ نحن هنا .. كدي جربوني بنفع والا إلا احمد ..

المهم نحن جاهزين لاستقبال الفضفضات بكل أنواعها .. الحالات المستعصية ما بتشوبر فيها بخليها لي احمد

على كل انا حبيت انفض العنكبوت واقول ليكم عوافي

[zaina]

ياحليلك ياحبوبة فاكهة هذا البوست والله وحشتينا ووحشتنا كلماتك

عساكى بخير "وماتطولى الغيبة"

[احمد يس]

الاخوة السائلين عن العبد لله اشكركم جزيل الشكر على السؤال بداية من اخونا مجدى عكاشة ومعتز سيد والعزيزة حبوبة والاخت زينة ..........هى برهة من الوقت وراحة من روتين الحياة الى روتين آخر فى مكان آخر .......... رحلة ذات جزئين واحداث عدة تحتاج الى مذكرات فى اجزاء وقد احتاج الى فهرس للتبويب او الى ابواب كى تفهرسنى انا شخصيا .......... الصيف عزيزتى حبوبة هو فصل الحب الذى نبكى عليه فى فصول الخريف والشتاء .......... انتظرى قليلا فالزبائن اتون لا محالة فقط عليك ان تجهزى المكان وترشين قليلا من الماء امام البوابة الرئيسية لاغراء الزبائن بفتح القلوب.....تحياتى

[مجدى عكاشه]

في واحدة من مداخلاتك .. عرفت انك كنت فى السودان ..
بالله يا ياراجل تكون فى السودان ... وما تدينا خبر
الانترنت فى السودان متوفر خالصـ

يعنى بأمكانك تكتب انك فى السودان وتكتب رقم التلفون ف رسالة خاصة
وصدقنى ... من هب ودب حتجي الزيارات
فدة وضع طبيعى جدا لى عضوية منتدى انا سودانى فى الخرطوم
لمن يجى زول عزيز علينا لزيارة فى السودانـ

وحقيقى ... كان تدينا خبر على ألأقل


لكن ....... مفيش مشاكل يا سيدى
احيانآ مشاغل الحياة بتخليك تفكر فى اساسياتك وتركز عليها
وما تديك مساحة ... للراحة الى خارج ايطار ألأزمة او ( اللخمة ) ...!!

على اى حالـ

سعيد جدا بى قدومك رغم معاتبتى ليك
وسعيد جدا بى تواصلك ......... واعترف انى حأكون اول مريض انشاء الله
عشان عندى حاجاااات كتيرة والله يا استاذ

رمضان كريم ياسيدى
وربنا يتقبل صيامك وصلاتك انشاء الله
وكلـ عام وانتم بخير ..


تحياتى

[شقاالايام]

اولا تقبل مرورى وتانياانا ماكنت معاكم من البدايه بس موضوعك حلو وجرئ جدا وانابقترح نعمل زاويه نسميها تلقائيه نناقش كل مشاكلنا ومقترحاتنا ولا وجود للذين يفتقدون القيم والاخلاق بيننا0وشكرا

[احمد يس]

في واحدة من مداخلاتك .. عرفت انك كنت فى السودان ..
بالله يا ياراجل تكون فى السودان ... وما تدينا خبر
الانترنت فى السودان متوفر خالصـ

يعنى بأمكانك تكتب انك فى السودان وتكتب رقم التلفون ف رسالة خاصة
وصدقنى ... من هب ودب حتجي الزيارات
فدة وضع طبيعى جدا لى عضوية منتدى انا سودانى فى الخرطوم
لمن يجى زول عزيز علينا لزيارة فى السودانـ

وحقيقى ... كان تدينا خبر على ألأقل


لكن ....... مفيش مشاكل يا سيدى
احيانآ مشاغل الحياة بتخليك تفكر فى اساسياتك وتركز عليها
وما تديك مساحة ... للراحة الى خارج ايطار ألأزمة او ( اللخمة ) ...!!

على اى حالـ

سعيد جدا بى قدومك رغم معاتبتى ليك
وسعيد جدا بى تواصلك ......... واعترف انى حأكون اول مريض انشاء الله
عشان عندى حاجاااات كتيرة والله يا استاذ

رمضان كريم ياسيدى
وربنا يتقبل صيامك وصلاتك انشاء الله
وكلـ عام وانتم بخير ..


تحياتى

العزيز مجدى عكاشة

كل عام وانت بخير وانشالله تصوم وتفطر على خير وربنا يتقبل القيام والصيام
لك العتبى حتى ترضى ........
رحلتى هذه المره الى القاهرة والخرطوم كانت ضربا من الصدف والمفاجأت ولم استطع تنفيذ 25 % من جدول خارطة الطريق للرحلة.......والله اعلم بالنيات فقد كنت اخطط لمقابلة كل اعضاء انا سودانى بالخرطوم والقيام بواجب العزاء فى والد الاخت فدوى ولكن للاسف حتى ذلك الواجب لم استطع القيام به
اعتذر للجميع واتمنى ان اعوضها فى القريب العاجل

[احمد يس]

اولا تقبل مرورى وتانياانا ماكنت معاكم من البدايه بس موضوعك حلو وجرئ جدا وانابقترح نعمل زاويه نسميها تلقائيه نناقش كل مشاكلنا ومقترحاتنا ولا وجود للذين يفتقدون القيم والاخلاق بيننا0وشكرا

الاخت العزيزة شقا الايام

مرحب بيك فى المنتدى وشكرا على المداخلة وبينى وبينك انا فى البداية كان البوست بنفس فكرتك وهى التلقائية يعنى كل زول يكتب فى اى موضوع عتاب او مشكلة او غضب او اى شىء جوه قلبه وفؤجئت بتطور الامور لمشاكل عاطفية واجتماعية واخوك اتورط فى الموضوع لان الناس دخلت هنا على اساس انى اكبرهم سنا او على الاقل انا الوحيد المعترف بذلك حتى الان ......... بصراحة اسمك اللى اختارتيهو بيدينى انطباع انك حا تكونى زبونة تلقائية دائمة فى هذه الزاوية ..... مرة تانية اشكرك على المداخلة

[حبوبة]

زينة حبابك يا زينة البنوت ونوارة البوست
الليلة فطوركم شنو قراصة والا فول ... والا عصيدة مع اختلاف الملاح :D
هنيالكم ودعواتكم ...
نورت ياباشا ... احمد اخوي كيف حالك .. لو تعرف قد ايش اشقنالك ..

حمدالله ع السلامة ياراجل ونورت ركينك .. رمضان كريم وتصوم وتفطر على خير ..
ومادام انت جيت اكيد الدار بتعمر .. يديك العافية

[zaina]

زينة حبابك يا زينة البنوت ونوارة البوست
الليلة فطوركم شنو قراصة والا فول ... والا عصيدة مع اختلاف الملاح :D
هنيالكم ودعواتكم ...
[/color][/size][/font]

والله لو على ياحبوبتنا الغالية اعزم كل ناس افتح قلبك على فطور رمضانى بس يكون حينها من يد ماما لانى ماشاطرة جدا فى المطبخ :D :D
العصيدة بملاحات متنوعة مع القراصة دى حاجات اساسية عندنا فى رمضان وابدا مابتجيب الملل
تصومى وتفطرى على خير

[احمد يس]

زينة حبابك يا زينة البنوت ونوارة البوست
الليلة فطوركم شنو قراصة والا فول ... والا عصيدة مع اختلاف الملاح :D
هنيالكم ودعواتكم ...
نورت ياباشا ... احمد اخوي كيف حالك .. لو تعرف قد ايش اشقنالك ..

حمدالله ع السلامة ياراجل ونورت ركينك .. رمضان كريم وتصوم وتفطر على خير ..
ومادام انت جيت اكيد الدار بتعمر .. يديك العافية

العزيزة حبوبة

الركن منور بوجودك ووجود الاعضاء الدائمين فى الركن .....لكين حكاية الباشا دى شنو اكيد كان لك مرور على مصر فى طريق عودتك.......حمدالله بسلامتك ياست الكل ورمضان كريم وربنا يتقبل الصيام والقيام ........والحمدالله جاتنا عزومة من زينة مجانية على حس وجودك ...........تحياتى

[ام صبا]

أستاذناالجليل احمد يس
سعادتو السني
جنابو الأستاذ صلاح سليمان
هامس
العزيز معتز سيد
العزيزة زينة
الاشيتر
السمحة ست الحسان
شمعتنا يا كل الامل
السوداني الاصيل
أسامة محمدعلي
ودعكاشة
ود الزوحي
هاميس
سيبو9
ام صبا
الاسيد
هندسسة
ود الدرديري
أعضاء انا سوداني ومرتادي هذا الركن الرطيب ...

كل عام وانتم بألف صحة وعافية
وانشالله دايما تامين لامين

احمد شكلو الحال عجبو وجر الاجازة .. انا فلست وجيت شاردة :D
اها مافي واحد وقع على بوزه وحب لمن قلبو وجعو ؟؟ نحن هنا .. كدي جربوني بنفع والا إلا احمد ..

المهم نحن جاهزين لاستقبال الفضفضات بكل أنواعها .. الحالات المستعصية ما بتشوبر فيها بخليها لي احمد

على كل انا حبيت انفض العنكبوت واقول ليكم عوافي

الــغــالـــيـــه حــبــوبــه
رمــضــان كــريــم وكــل ســنــه وانــتـــى بــالــف خــيــر
الــحــمــدللــه عــلــى جــيــتــك ونــورتــى
تــعــرف كــل اعــضــاء انــا ســودانــى مــحــتــاجـــيــن يــفــتــحــوا قــلــوبــهم
عــشــان كــده نـــخــلــيــك انــتــى جــاهــزه لاســتــقــبــال الــفــضــفــضــات
الــخــفــيــفــه وأســتــاذنــا احــمــد للــحــالات الــــصـــعـــبــه
وشــكــرا لــيــك يــاغــالــيــه ودمــتـــى

[مجدى عكاشه]

الــغــالـــيـــه حــبــوبــه
رمــضــان كــريــم وكــل ســنــه وانــتـــى بــالــف خــيــر
الــحــمــدللــه عــلــى جــيــتــك ونــورتــى
تــعــرف كــل اعــضــاء انــا ســودانــى مــحــتــاجـــيــن يــفــتــحــوا قــلــوبــهم
عــشــان كــده نـــخــلــيــك انــتــى جــاهــزه لاســتــقــبــال الــفــضــفــضــات
الــخــفــيــفــه وأســتــاذنــا احــمــد للــحــالات الــــصـــعـــبــه
وشــكــرا لــيــك يــاغــالــيــه ودمــتـــى

ام صبا ازييك ومشتاقين جدا والله
طولتى الغيبة برضو ..

وزى ما قلتى اذا احمد يس هو للحالات المستعصية
فأنا اول حالة مستعصية فى منتدى انا سودانى ..............


استاذى احمد
السادة الاعضاء والمشرفين والزوار الكرامـ

حقيقى انا عندى مشكلة عويصة جدا
معاى من اثناء الجامعة ولحدى هسه .....
المشكلة كلها بتكمن فى انى بحاول اكون انسان رااايق جدا
وهااادىء خالص .. ورزينـ ..

وحاولت اتجنب بكل اشكال العبارة
كل الأشكالات المهنية الممكن تخلينى اعصب
حاولت بشكل جدى انى اتحاشا كل الناس العندها خلق ضيق زى
وحاولت انى ابادر الشييء الحسنـ .... عسي ولعل

لكن فى مرضة لسة
ومحاول معاها لسة ......
ان لمن يكون فى انسان بيحاول ان يستفذنى
او ... يثيرنى للصراع اى كانـ

فبفوت اول مرة .. اما تاني مرة حتى لو اعتزر ما بخليهو
حقيقى دى كل مشاكلى الخلتنى افقد عدد كبير جدا من الاصدقاء
فى العمل او غيرو ..............

لكن بحمد الله انى بقيت اتحاشاها رغم وجودها المتكرر
لكن ماشى كويسـ ..

ف منتدى انا سودانى
فى زول اسمو ود الدسوقى ..... الراجل دة عايز معاى مشاكل عديييل يا استاذ
انا والله ماعايز معاهو مشاكل ......... لكن ماخلى فينى حاجة

طيب ..


انا والله اولآ بعتزر انى اقحمتك فى المشكلة
لكن رجائى عندك وعند الادارة تشوفو الراجل دة مالو معاى ............
قبيل زعلت وغضبت منو .. وقلت ياخى الزول دة انا انتهى منو واحسمو عدييييل
جيتو فى البوست بتاعو ( صه يا غلامـ )
وقلت النشوف اخرتها ...............

لكن فكرتة بينى وبين نفسى
ان مشاكلى كتيرة جدا فى المرحلة دى
وما بتنتهى بالساهل

يعنى مشاكل فى الشغل ... وفى اى حتة
لدرجة انى استسلمت للامر الواقع وبعانى الايام دى
من حالة احباط عـــام على كل المستوياتـ

فياخى رجائى انك تتوسط لى
وتشوف الراجل دة لى عايز يطلعنى عمرى اربعين او اكتر من اربعين سنة
معنى والله العظيم تلاتة ما تميت التلتيين لحدى هسه
وشكلى ما حتمها بالصورة البتغيييظ دى .. يعنى حموت بدرى ضغط وهبوط وحاجات تانية


عشان شكل الكلام يكون واضح ليهو
مافى داعي ياخى .. للكلام الساى ومافى داعي ان يسيء انسان ما جا بى جنبو
ومافى داعي للقذف طالما نحن فى الشهر الكريمـ

وانا مسامحو يا استاذ
وعارف ان ما حيقدر يثبت ولا كلمة من القالها لى
والمسامح كريم .. لكن بس كلموهو .. ياخى زح منى ياخ
والله ما عايز اتعصب ولا عايز اقول كلامـ لى بليق فى حقي او حقو

انا كلمتو قبل كدة ..
قلت لي ياخى انت عندك ملكة جميل جدا
وكائن منسق واديب جيد .. يعنى ممكن نستفيد منك
فمافى داعى تطلع وشك السيء للناس ..

انا طبيعي فخليه يكون طبيعي


منتدى انا سودانى
بالتأكيد منتدى الناس بترفهه فيه
كل على زوقو .. فى الاديب فى الشاعر فى البحب مكتبة الغناء
فى العايز يقول نكتة فى العايز يشاغل اصحابو من الاعضاء
فى العايز يقترح موضوع والناس تتناقش فية
فى العايز يتعرف على الغير ................ لكن زول يكون عايز يتشاكل سااااى
دة ما حصل لاقانى النوع دة .............. فياخى عليك الله تتوسط لى

لانى زهجتة من الكلامـ الكتير
وزهجتة من ان الادارة ماعايزة تتدخل فى شكل الموضوع وهي عارفة ان الموضوع ممكن يتطور
واذا الموضوع مشا بى شكلو الراهن دة .................... البادى بالتأكيد اظلم


فياخى والله مسامحك يا ود الدسوقى
والدنيا رمضان يا سيدى وقلتها ليك بدل المرة الف
لكن دى رقم الف واحد ...... والعفو والعافية


استاذ احمد يس
انت براك قلت ليى اجى احكى مشكلتى ...
وحكيتها والله .............. الباقى علي الله وعليكم

[احمد يس]

العزيز مجدى عكاشة

اعتقد ان مشكلتك قد حلت بنسبة كبيرة جدا بعد ان قمت بعرضها هنا فمعظم مشاكلنا حلها يكمن فى اعلانها على السطح او التحدث عنها مع النفس بصوت عالى يبعث على الراحة .........
وانا اراجع مداخلتك خلتها حوار بينك وبين المشكو فى حقه اكثر منها شرح مشكلة ....... واختيارك لركن افتح قلبك لتكون ساحة نقاش وعتاب بينك وبينه اختيار موفق نسبة لانكم انتم الاثنين من مرتادى هذا الركن رغم عزوفه عن الاشتراك فيه ..............
ولكن هناك حد ادنى من التعامل بين الناس وخطوط حمراء يجنب ان لا نتعداها مهما كانت حجم الاختلافات ومهما كانت شدة الانفعالات ........وكنت قد مررت مرورا سريعا على البوست مكان التناحر ووجدت عبارات جارحة لا تصدر عن الادباء وعن مرتادى الصالونات الادبية والشعرية ...... تحياتى

[حبوبة]

زينة.. والله عمك احمد ده شكلو خلى المدام في السودان وهسة غالباه العزوبية .. رايك شنو يوم عندك والباقي عندي :D رايك شنو يا ابوحميد أصلو رمضان حلاتو في اللمة ...
أم صبا .. تسلمي يا عسل .. وبيني وبينك انا حماسة طار ساكت .. بركة الصاحب الدار شرف ونوَرها ..
وربنا يقدرو ع الشيلة .. ويديهو الصحة والعافية

[احمد يس]

زينة.. والله عمك احمد ده شكلو خلى المدام في السودان وهسة غالباه العزوبية .. رايك شنو يوم عندك والباقي عندي :D رايك شنو يا ابوحميد أصلو رمضان حلاتو في اللمة ...
أم صبا .. تسلمي يا عسل .. وبيني وبينك انا حماسة طار ساكت .. بركة الصاحب الدار شرف ونوَرها ..
وربنا يقدرو ع الشيلة .. ويديهو الصحة والعافية

العزيزحبوبة

ربنا يجعلوا عامر ياستى وانا ما عندى اى مشكلة المهم اتفقى انتى وزينة وقسموا الايام وبرضك ام صبا ما بتقصر .......... اما موضوع الشيلة اعتقد انو الناس خلوها زمان وحسع بيدفعوا نقدى ... هههههههه
اكيد دى تخاريف صيام لكين اعتقد انى شفت كلمة شيلة فى كلامك وما حبيت افوتها ساكت ..... تحياتى

[امال الناس]

ليه تبخل علينا بدعوتك يا استاذنا الجليل احمد يس وانا اشيل وارسل في الرسائل الخاصة والله كنا فرشنا السكة ورود لو كلمتنا كان بالجية

[احمد يس]

ليه تبخل علينا بدعوتك يا استاذنا الجليل احمد يس وانا اشيل وارسل في الرسائل الخاصة والله كنا فرشنا السكة ورود لو كلمتنا كان بالجية

العزيزة امال الناس

كل سنة وانتى طيبة وربنا يتقبل الصيام والقيام ...........
اشكرك جزيل الشكر على دعوتك الكريمة وربنا يجعله عامر دائما بوجودك ..........انا ياستى احكى ليك الحكاية من البداية عشان اسلى ليك صيامك ............
كت فى مجادلة حوارية مع زينة فى احد البوستات وجاء وقت المغرب واستأذنت زينة للذهاب الى المطبخ وكان من الطبيعى انا اسألها فطوركم شنو الليلة ......... اها من هنا بدأت الدعوات تتوالى على موائد حسناوات المنتدى ...........وانتهت بدعوتك الكريمة ........بينى وبينك انا من الناس الما بتحب تشرب الموية خارج المنزل الا فى حالات الضرورة القصوى ولكن اشكركم جميعا وكلكم حالات قصوى بالنسبة لى ....جزاكم
الله كل خير ويجعله عامر ............تحياتى

[بنت الاصايل]

مشكوووووور والله يعطيف الف عافيه

[حبوبة]

العزيزحبوبة

.......... اما موضوع الشيلة اعتقد انو الناس خلوها زمان وحسع بيدفعوا نقدى ... هههههههه
شفت كلمة شيلة فى كلامك وما حبيت افوتها ساكت ..... تحياتى

لا لا لا انت مشيت السودان واصابتك العدوى ..إعترف .... اصلو هناك كان اتلفت ساكت يقولو ليك أها عجبتك ...
موضة المرة السغيرة حايمة ........ حوالينا ولا علينا :D
وبيني وبينك في الشايفاه ده النقدي ذاتو بعد شوية بتبطل وتجيك جاهزة من مجاميعو .. بس الله يقدرك ............ النقة .. وترجع تقول ياريت وياريت وياريت .....
واللهم اني صائمة

[احمد يس]

مشكوووووور والله يعطيف الف عافيه

لعزيزة بنت الاضايل

تسلمى على مجاملتك ومرحب بك فى ركنا افتح قلبك وانشالله تسعدينا بمشاركتك ..... تحياتى