الزواج التقليدى

[شقاالايام]

فىسؤال شايع جداخاصه عندنانحن البنات حتعرسى متيت اوالنلس تسال مافى جديد لكن اناسؤالى احسن البنت اوالولد يتزوجو عن حب وارتباط ولاافضل الزواج التقليدى انابفضل الزواج التقليدى لان حيتم عن طريق مباشر اما ولدالجيران اوصاحب اخوى اوقريبنايجواهله يتقدموا وطوالى يحددوالعرس وبعدفتره وجيزه جدا بيتنا يعمربالحب والتفاهم وربنا قال فى كتابه الكريم0وجعلنابينكم موده ورحمه0يعنى اعيش نفسى فى واقع ملموس افضل من علاقه مبنيه على الاحتمالات ودوامه الظروف البتحجج بيهابعض الشباب بعدارتباطهم لسنوات طويله اناعاوزاكم تورونى رايكم فى فهمى ده بصرهحه خاصه الشباب0وشكرا

[حافظكو]

الأخت شقا الأيام
فهمك هذا صحيح شيئا ما ولكن الزواج بهذه الطريقة يحتاج الى الكثير من التفكير

ليس المهم الحب ولكن الأهم هو التفاهم والاقتناع يعني لازم الواحد يتزوج عن قناعة تامة بالطرف الآخر عشان ما يندم ويقول اتسرعت .............

وبعدين لابد من فترة تعارف حتى لو كانت قصيرة عشان يفهم كل طرف الآخر ........

واذا وجد الاقتناع والتفاهم حتما سيأتي الحب وبداية الحب التفاهم ...........

والزواج التقليدي في نظري انا زواج قابل للفشل اذا لم تراعى فيه المسائل الضرورية مثل اختيار الشخص ذو الخلق والدين وموافقة البنت عليه والقناعة

[رءوف]

شقا الايام اسمعى كلامى انا وبث وسيبك من كلام حافظكو دة

جاك عريس .. حبيتى واحد .... جاء واحد قال لابوك انا داير بنتك شقا دى اشاقيها قصدى اتزوجا على طول جيبو الماذون وعرس طوالى والحب بيجى بعدين بعد الولادة وكدة وخاصة انتن بنات الزمن دة شفقانات يمر الحول والحول بى زول
ياشقا عرسى وبطلى عرس تقليدى وعرس شعبى

[حافظكو]

يا رؤوف العرس قاتلك انت يا خوي

انا ماقصدت انك ترفضي بس احسبيها صاح واهم حاجة عايني للشخص أهم شيئ يكون بيستاهل
وما شرط القروش والترطيبية لكن يكون زول راجل وشيال تقيلة ويقدر يحافظ عليك

يابت أحسن ليك اسمعي كلامي عشان بعدين ماتقولي .......................

ومابنفع الندم ...........

[بت مختبرات]

صدقى موضوعك حلـــــــو
ورغم انك طلبتى راى الشباب
لكن انا بوافقك انو الزواج التقليدى افضل
ليـــه بالظبط ما بعرف؟؟؟
لكن احســـن
رغم انو عيوبه كتيرة
عشان الناس مابتعرف بعض
لكن الزمن ده الناس بتعرف بعض بالسنين
ومع ذلك بتكتشف حاجات جديدة بعد الزواج
صدق المثل البقول الزواج زى البطيخة


بس عندى سؤال:
الناس تعرف بعض كيــــــــف؟؟؟
كيف الوحدة تعرف انو الزول ده مناسب ليا بدون ماتعمل حاجة غلط و تغضب ربنا
انا شايفة انو الزمن ده الحاجة دى بقت صعبة
زمان الوحدة بخطبها قريبهم ولاولد جيرانهم ولا صاحب اخوها ولا اى زول بيعرف واحد من اهلها
وبكون بعرفها من اهلها ومن كلام الناس وهى بتعرفو من كلام الناس
لكن الزمن ده لا من كلام الناس ولا من اهلها مابتعرفها
يكون ابوها شيخ وهى التقول ما بتو
يعنى ماف حاجة اسمهااعرس بت فلان لانو ابوها راجل طيب،
، الزمن ده كلو زول بربى روحو براو زى مابقولو
وفى نفس الوقت حكاية الوحدة تعرف واحد براها حتى لو النية طيبة
الزمن ده بقت جهجهة شديدة وكمان فى حاجات كتيرة ممكن تحصل ماصاح
وبينها وبين الغلط خيط رفيييييع
السؤال هو الناس تعرف بعض كيـــــــــــــــــف ؟؟؟؟؟؟؟؟؟؟؟
،،،والزواج ده ماحاجة ساهلة، تجربة ولاشئ عابر
اختيار بتتبنى عليو حياة كاملة
فى انتطار الحل المثـــــــــــــالى!!!!!
معليش شقا الايام للمداخلة والاطالة
دمتــــــــــــى بــــــــود
تحيـــــــــــــــــاتى

[رءوف]

يا رؤوف العرس قاتلك انت يا خوي

انا ماقصدت انك ترفضي بس احسبيها صاح واهم حاجة عايني للشخص أهم شيئ يكون بيستاهل
وما شرط القروش والترطيبية لكن يكون زول راجل وشيال تقيلة ويقدر يحافظ عليك

يابت أحسن ليك اسمعي كلامي عشان بعدين ماتقولي .......................

ومابنفع الندم ...........

حافظ شنو يعنى اكون بيستاهل
دة راجل يعنى بستاهل المرة بيستاهلا لا تعاين ولا حاجة توافق طوالى وترضى وتتزوجو والحب بيجى بعد الزواج
انت امك حبت ابوك ولا انا امى حبت ابوى يمين نحنا 13 من ولد لى بنت يوم واحد ما سمعت ابوى طلق امى
عليك الله خلى البنات اعرسو ساى

[رءوف]

بس عندى سؤال:
الناس تعرف بعض كيــــــــف؟؟؟
كيف الوحدة تعرف انو الزول ده مناسب ليا بدون ماتعمل حاجة غلط و تغضب ربنا
انا شايفة انو الزمن ده الحاجة دى بقت صعبة
زمان الوحدة بخطبها قريبهم ولاولد جيرانهم ولا صاحب اخوها ولا اى زول بيعرف واحد من اهلها
وبكون بعرفها من اهلها ومن كلام الناس وهى بتعرفو من كلام الناس
لكن الزمن ده لا من كلام الناس ولا من اهلها مابتعرفها
يكون ابوها شيخ وهى التقول ما بتو
يعنى ماف حاجة اسمهااعرس بت فلان لانو ابوها راجل طيب،
، الزمن ده كلو زول بربى روحو براو زى مابقولو

اختى بنت مختبرات اسمعى كلامى او اقرى انا ردى لى اخوى حافظكو
الزمن اتغير زى ما اتفضلت وذكرتى انتى بس الراجل باين العاوز اتزوج انا ما بقول زواج تقليدى يعنى الواحدة تتزوج من طرف الباب لا والف لا كمان لكن ود الناس البحترم البنت ويقدرها من غير ما تطلع معاهو او تتكلم معاهو بيكون ظاهر انو شاب محترم ليه نعمل حواجز زى انا مابعرفو ماشفتو قبال دة
انا امى من الشمالية وابوى من الجزيرة بس هى بنت عمه قالو ليها خطبوك لفلان والعرس بعد اسبوع وانتهت الحكاية وهسع نحنا 13 ولى هسع امى ما طلقوها ولا عرسو فيها

ما تفضحونا يابنات

[ابورزقه]

[[foq]size=9]دي حجوة ام ضبيبنه بس...........[/size][/foq]

[شقاالايام]

اشكرجميع الاصدفاءالشاركونى بارساءهم واحترم وجهات نظركم ومداخلاتكم الخفبفه يابت مختبرات انابس عاوزه ودالناس المحترم البجى البيت من بابه ويحترمنى ويقدرنى يارؤف وليك على اخليه فوق راسى

[حافظكو]

الاستخارة ثم الاستخارة ثم الاستخارة

واستشر صاحب الرأي

ومافي ندم انشاء الله

[نهر المحبه]

موضوعك حلو وانا الشلاقه خلتني ارد
لكن الزواج التقليدي مادائما بكون ناجح
يعني الزمن اتغير
اهم حاجه انه يكون في توافق وتفاهم بين الطرفين
ويقدرو يتحملو بعض ويقدرو يعيشو مع بعض حتى في اسوا الظروف لا قدر الله
وزي ماقال ليك حافظكو الاستخاره
وماخاب من استخار ولاندم من استشار
وولدي رؤوف خلي ساي ماتسمعي كلامو
اصلا اي حاجه فيها عرس بتجننو

[رءوف]

اشكرجميع الاصدفاءالشاركونى بارساءهم واحترم وجهات نظركم ومداخلاتكم الخفبفه يابت مختبرات انابس عاوزه ودالناس المحترم البجى البيت من بابه ويحترمنى ويقدرنى يارؤف وليك على اخليه فوق راسى

انتى كدة
وكان مانفع معاكى نحنا قاعدين مطلقة ما مشكلة انشاء الله ما حدش حوش

[رءوف]

موضوعك حلو وانا الشلاقه خلتني ارد
لكن الزواج التقليدي مادائما بكون ناجح
يعني الزمن اتغير
اهم حاجه انه يكون في توافق وتفاهم بين الطرفين
ويقدرو يتحملو بعض ويقدرو يعيشو مع بعض حتى في اسوا الظروف لا قدر الله
وزي ماقال ليك حافظكو الاستخاره
وماخاب من استخار ولاندم من استشار
وولدي رؤوف خلي ساي ماتسمعي كلامو
اصلا اي حاجه فيها عرس بتجننو

قلتو شنو انا شامى لى ريحة بنات هنا فى عرس ؟؟؟؟
فى واحدة بايرة ودايرة تعرس ندخل بيها الجنة؟؟؟
نهر دايرة تعرسى انتى

[شقاالايام]

رؤف شكرا كتير دى عادة اولاد البلد ومالك على مطلقنى نحن عندناالبت بتتستر مع راجلها وكلمة طلاق عيب فى العائله 0ده سؤال شخصى انت يتقبل تتزوج بت مطلقه

[رءوف]

رؤف شكرا كتير دى عادة اولاد البلد ومالك على مطلقنى نحن عندناالبت بتتستر مع راجلها وكلمة طلاق عيب فى العائله 0ده سؤال شخصى انت يتقبل تتزوج بت مطلقه

مالا المطلقة عيبيها لى مش ممكن اكون راجلا طلع لا سمح الله حرامى ولا ولا ولا
مافيها حاجة اتزوج مطلقة والله بتكلم جد

[شقاالايام]

فعلا المطلقه بتدفه تمن اخطاء ماحقتها والحمدلله رغم انك شاب الا انو تفكيرك مارجعى وبتدى الجكس حقوا اردها ليك فى اقرب مناسبه يارؤف

[القلب الملك]

كلام معقول ،، بس محتاج نفس طويل من الزوجين عشان يصلوا لنقطة تفاهم بينهما على أساسها يبنو حياتهم السعيدة إن شاء الله ،،،

ونقطة التفاهم قد لا يمكن الوصول إليها إلا كما يوصل إلى الذهب بتنقيبه و بتنقيته وصهره حتى يبرق ،،،

لا مانع لدينا ،،، إن شاء الله مبروك

[رومانسية ودائما منسية]

انا مع حافظ لازواج تقليدى ولاغيره المهم انت بتكوني عارفة هدا عن طريق الجامعة وتصرفاته فيها اذا كان مامن اقربائكم والاستخارة اهم لكن اذا كان من الاقرباء من كلام الاهل من الونسة مع اولاد اقرباكم وكدا

[زوزو الجامعي]

والله الزواج التقليدي بحسو احسن لانه بيكون واضح

[الباشا الوجيه]

يا جماعة رسولنا الكريم قال :
(إن جائكم من ترضون دينه وخلقه فزوجوه)

والزواج إن كان تقليدي أو غيره فهو في الآخر زواج
والمرة الشاطرة تعرف كيف تحافظ على بيته وتتماشى مع ما يسعد زوجها
لتعم السعادة والفرح في عش الزوجية

ولا إنتو شكلكم بتميلو للجكيس والخطوبة لفترة طويلة والمقابلات وعايزة أتعرف أكتر وكدة