المغترب والكفبل

[العطبراوية]

مازال المغترب يعانى من سلطة الكفيل وحكمه الظالم فهذه قصة واحد اخونا كان عايش مبسوط وفى يوم من الايام مات كفيله والليلة وووووب عليه... قسموه تبع الورثة وللاسف الشديد كان من نصيب الولد الاكبر متسلط ويحب ان يفرض اوامره على الاخرين ومن اول مشكله بينهم دقه ليه خروج بدون عوده اخونا راسه ضرب اصلو كان مقضيها اكل وشراب ساكت مافكر يوم فى اليوم الاسود ويخت ليه ريالات للزمن هسه الزول دا ماعندو حق البسفرو ياجماعه رايكم شنو فى الموضوع دا بصراحه نحن لمتين حنكون تحت سيطرة الكفيل ؟؟؟؟؟؟ انا شايفه انو نرجه الله اكيد حينصر المظلومين .انتو رايكم شنو؟؟؟؟.

[العمده2]

يا عطبراويه بصراحه موضوعك جميل جداً
وانا افتكر انو الاغتراب فى الوقت الحالى غير مجدى لاسباب كثيره
منها مثلا // اصبح المغترب يشكو من ضغط المعيشه والغلاء فى دول الخليج بالذات00
حتى قدامى المغتربين يشكون من تغير الوضع من ذى قبل : يعنى الاغتراب كان زمان
وكثير من المغتربين بقاءهم فى المهجر خوفاً من الرجوع وعدم التأقلم اذا رجعوا
مع المستجدات والتغييرات التى تحدث بصوره يوميه فى السودان 000
***واغلب المغتربين منتظرين اليوم ده ومتوقعين فى اى لحظه يقولو ليه مع السلامه يا اخوى
(بس موضوع الكفيل ده ما بينطبق على كل الكفلاء ) ولا رأيك شنو

[العطبراوية]

فعلا كلامك صاح اخوى هو لاينطبق على كل الكفلاء بس الاغلبيه بقو كده دعواتك ربنا يرجعنا منتصرين ما تبقى علين مغتربين وراجعين فاضين.

[زوزو الجامعي]

والله انتو مساااااكين احنا في ليبيا لاعندنا كفيل ولاحاجه
بس اهم شي انه يكون عند الزول اقامه

[ود الزوحي]

الاخت العطبراوية ..

نتمنى إنو الناس تتحلا من حتة الكفالة ده .. لأنو بالجد حاجة بتحسسني بأنها زي السجن .. والله ما باقي إلا يقولو ليك امشي جيب كفيلك عشن نعرسليك وجيب معاك ضامن .. الشي الغريب إنو الدول الخليجية كلها شالت حتة الكفالة .. إلا السعودية .. ده ما بيمنع وجود بعض الكفلاء الرائعين ..


ربنا يكون في العون ..

[سقراط الكارورى]

عليكم الله ..وحلفتكم بالله ..الكلام ده صاح؟؟؟؟؟
معقول السعودية لسه ما شه بنظام الكفيل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب دى ما العبودية والاستعباد؟؟؟؟
هسه كل السودانين الشغالين فى السعودية تحت سيطرة الكفيل؟؟؟؟؟؟
والاجانب التانين كيف؟؟؟؟؟؟
يعنى انا كندى لو عاوز اشتغل فى السعودية لازم يكون عندى كفيل؟؟؟؟؟


سقراط الكارورى

[العطبراوية]

اخوى سقراط الكارورى اخير ليك كنده حقتك دى وشوف لينا معاك طريقة نظام الكفاله للان موجود وبعض منهم كويس والتانى اخير ما تعرف .

[ابورزقه]

الله لا اعاد الغربه ولا طراها........
ديل خليناهم لله.
احدث نظام للرق والعبودية في القرن العشرين وما بعده..............
إتخيل ..................................................