(أنا بكرهك) شعر مبالــغه

[ميمي العسل]

انا بكرهك
كلمات الشاعرة الواعدة نضال الحاج

انا بكرهك بس بكرهك دنا بكره اليوم الصنع قلباً
يكورك ويندهك
انا بكره الوطن البلم شرف الغرام المنتهك
من ياتوا باب طليت على ما كنت اصلا بشبهك
انا بكرهك
انا شيلته ريدك فى القليب وسقيته من دم العروق
صنقعته دليت النجم دنقرته كبيت نور وشوق
وعصرته موية الانتظار ختيته فى وجع الحروق
كان النتيجة تبيع هواى واريتو كان سويتلوا سوق
انا بكرهك
من وين اجيب ليك الدموع من وين اصنقر حيل
كلام امنيات قلبه الرجوع من وين اذا هتك الظلام
حيل خيلى القالك شموع لكنى مجبور اطردك و
واقفل وراك باب الطلوع
انا بكرهك
شديت رحالاتى ومشيت وقتين هتك حيلك هواى
ارتحته فى موجى ورسيت لا حرك الموج البحر
لا صد قلبىولا قسيت لكن طلعته خيال عشم
ضمخ رؤى الوجع المميت
انا بكرهك
قدر اشتهاى انا بكرهك قدر الغرام الكان زمان
كابت مسامتى وهواى انا بكرهك
قدر انى ما لوثته بيك كريات شراينى ودماى
انا بكرهك
قدر انى غنيتك غناى
من وين دخلته على مدن شاخت من الوجع الاليم
من وين طرقته جدار قلب لقح هوى العشق العقيم
من وين سخت شمسك على كانت سماى مليانه غيم
فتق جراحاتى وامش خلينى فى لهب الجحيم انا قلت
ليك انا بكرهك
قدر المواسم الشاده خيل الريد عليك
انا بكرهك
قدر المصايب الحارسة بوابات مجيك
انا بكرهك
نفس المسافة وحجم قلبى الكان تملى بيشتهيك
بقى بكرهك
اتوكل ارحل منى فوت حرمان على قلمى
الكلام كان غيرك اجتاحو السكوت
خليهو قلبى الاندفن تنسج عليه العنكبوت او
خلى من بعدك اموت
الموت اخير من انى افضل فى رحابك وفى رجاك
انا كنت لو غاب القمر دايما بضوى ظلام دناك
وانا كنت لو غيمك رحل بطلع عشان اسكن سماك
وانا كنت لو بردك نزل بوقد صوابعى لهيب حداك
لكن منو القدر كده
والله لو انا فى محلك بنسج الشمس احترام واهديها
ليك متمدده
بفتح كراريس الكلام واختار حروفى واجرده
وانبش قبور المستحيل كلمات شكر متفرده
لكن خسارة على قلب حباك بلا مايعرفك انعل ابو
القلم العلى دفتر غناك دمه انسفك
انعل ابو الشعر الغشانى وغنى فيك وألفك
ملعون غناى ما امتطيت خيلى وبقيت اتأسفك
بتأسفك وقتين عيونى يسوقن الشوق لانتظارك
لما ليلى يسوق محاسنه وينهزم عندك نهارك
لما ما ابكى انهزامى عشان ابارك انتصارك
لما كوكبى ساب مداروا ورحل عشان يسكن مدارك
كنت مالي زمان ومالك
لكن وحاتك بكرهك
ندمانة على عمراً معاك ضيعتوا فى غفلة زمن
ندمانة على دمعاً سكبتوه على رضاك بلا تمن
انا كنت بحلم فى وجودك ينكسر خاطر الشجن
لكن رضاى عليك عشم ابليس قصاد جنة عدن
انا بكرهك
كل ما يطول ليلى ويواتيهو العذاب
انا بكرهك
كل ما القلم يركب مصاعب الدنيا يمشى على الكتاب
انا بكرهك
كل ما الفراق كتل مضامين العشق سدالو باب
انا بكرهك
قدر العيون ما تلبس التوب الزراق تتوضى موية الانتحاب
انا بكرهك من كل باب انا بكرهك واتوكل ارحل من جواى
غلطان اذا قلبك هداك قال ليك حاتفضل غناى
غلطان اذا عقلك رضخ لى ظن يقول ليك انك حداي
والله مافارق معاى انا كنت ناوى اجملك بس كنت ناوى اجملك
وامسك مضامين اللغات من فيض حروفى اكملك
ترحل على درب العشم بى زاد هواى أحملك
وقتين يخش قلبك جراح اقطع قليبى وادملك
ندمان منو ؟
أنا غايتو ما ندمان عليك أتوكل أرحل من جواى
عيش العذاب الباقى فيك
ولو قلبك اتجرأ رجع
حقك تلومو على مجيك
عشان انت قليبى مليتو دم
ياخ قلبى انت مليتو دم
ماعاد لو باقى يسيبوا ليك
على كل حال انا بكرهك
عدد الحصى وعدد الرمال
انا بكرهك
عدد الصواب والاحتمال
أنا بكرهك
عدد الحقايق والخيال
أنا بكرهك
عدد الشنا وعدد الجمال
أنا بكرهك
عدد الشعر ما سن سيف الارتجال
أنا بكرهك
عدد الاجابات والسؤال
أنا بكرهك
عدد الممكن والمحال
أنا بكرهك
عدد ما زمان قت ليك تعال
انا بكرهك
مستورة حالى وراك
وفوت يا دابو ليلك همو طال
على كل حال
أنا بكرهك

[ahmedBolbol]

اعوز بالله يااااااااااااااابت ده شنو نحنا ناقصين...........

لكن بينى وبينك اداها شاااااااااااااااااااااااااااااكوش من امو......

شااااااااااااااااااااااكوش من الاعماق..........

خلاها تجقلب كده

[شجون]

فعلا مباااااااااااااااالغة ممكن يكون في كره زي ده في الدنيا دي

[عمران عوض]

رد علي القصيده - راحيل عثمان
ليه تكرهي ؟ ليه تكرهي؟
ليه تكرهي ؟
ليه تكرهي القلب البنادي علي غريبا ماهو في؟
ليه تكرهي الوطن الجمع اشلاء غراما منتهي؟
ليه تكرهي القلب النبض بي حبو قلبك من سنين؟
ليه تفتحي الباب للدموع؟
ليه تزرعي الشوك في ارض كانت تضم الياسمين؟
شبهك قليل,,, ياشامخه زي قمم الجبال
ياحلوه زي زهر الربيع ،،،،،، ياساطعه زي شمس الضحى
يالوحه ضاجه حياه وشعور,,, ياحقيقه اروع من خيال
ياسامقه زي شجر النخيل
ليه تكرهي؟
مشكلتك الروح التفتش ديمه لي قلبا امين
لكن خساره بقي الامان حلما سراب مدسي مابين نور وطين
ليه تكرهي؟
كل الزهر حزنان عليك
حتي البحر لاقاني بي حزن السنين
فاضت دموعو عذاب وهم ,,,زعلان شديد معقوله انتي بتكرهي ؟
ماانتي جمعتي النجم اجمل عقود من الوفا
نورتي دربا بي شموع,,, قلبك وحاتك مابيعرف يوم جفا
بس اسمعي : الريده صبحت مستحيل
والعشقو من قدم السنين ياكان مصيرهم للجنون
او طعنه في جوه القلب جرحت فؤادم والحنين
ليه تكرهي؟
دمعك نشف من طول سهادك والنواح
نضمك كمل من شعرك المنسوج الم علي ماضي كان مليان جراح
شمعك طفا,,,نجمك افل ,,, نورك رحل
سجن الغرام مابشبهك
حتي الكره مابشبهك
ليه تكرهى؟
طردك مباح ,,, هجرك مباح
قفلك وراو باب الضلوع ,,, كان قلتي طفيت الشموع
كان قلتي خليت القصيد ,,, او قلتي من بعدو العشق حرمان اكيد
ليه تكرهي؟
كان اشتهاك شوق البلد للنسمه في عز الهجير
كان اشتهاك بسمة طفل بتبدد الليل الطويل
كان اشتهاك غنوة فرح بتودي للزمن الجميل
ليه تكرهي؟
كريات دماك ما اتلوثت بس زادت الحد في الغرام
عشقك جميل ,,, ماانتي علمتي الهيام
ليه تكرهي؟
زولك عرف انو القلب مفتاحو كلمه وكلمتين
خبط علي باب القلب وبدون اذن اتحكر العشق اللعين
غيمك شمس مليانه ضو,,, وشمسو من كتر الخداع دايما بتغرب مرتين
لازم جراحك تندمل ,,,لازم ضلامك يبقي ضو
لازم صحاريك تبقي نيل
ليه تكرهي؟
خيل ريدك اجتازت قصور ,,,دكت قلاع,,,دكت حصون
لكن اذا خيلك كبت ماتاسفي ,,,ماالكبوه من طبع الخيول
بس اوعي تلدغي مرتين
ليه تكرهي؟
لمن عشق قلبك سما,,,بقي طير يرفرف في السما
ليه تحبسي الطير في قفص مصنوع من الهم والانين
ليه تكرهي؟
ليه تحرمي القلم الكلام ؟
خليهو يكتب في الملام ,,,او مره يقريهو السلام
اوحتي يتزكر حنينك والهيام
بس ياملاك ماتكرهي
خلي الشمس تدخل تطل تطرد نسيج العنكبوت
خلي القمر يقعد حداك,,,خلي الحزن يرحل يفوت
ماتاسفي
لوكنتي في كونو القمر ,,ضوو انطفا
لوكنتي في دنياه غيم شمس الهجير حرقت دناو
لوكنتي في عز البرد نار اّنسك واوحشة الليل الطويل
علي زول وحيد ماليهو هم,, وفي ايدو قيد
ليه تكرهي؟
مسكين اذا ماقدرك,,,غبيان اذا ماقدرك
مابكفي لو شال الشمس واهداها ليك في يوم مطير
مابكفي لونسج الحروف بي رقه زي صوت الخرير
مابكفي لو شكرك الف,,,مابكفي لو صاد النجوم في كل ليل
مابكفي لو مسك السما ,,, اوحتي مسكك العبير
قلمك اسير في وقعة العشق المحال
شعرك جريح مابين حقيقه وبين خيال
وغناك اسير مابين مؤكد واحتمال
ليه تاسفي؟
ماتاسفي لو في عيونك شوقو بات لابد من يصبح صباح
ماتاسفي لوليلك المهموم وقف في بابو منتظر السماح
لابد من من فرحا يطل ويلبسك اجمل وشاح
لابد من زمنا يجي يسقيهو سم,,, يسقيك راح
لابد من حزنا يفتق في قليبو المات زمان كل الجراح
ليه تاسفي؟
ليه تكرهي؟
ماتندمي قدامك المشوار طويل
فيهو الكعب,,,فيهو العديل
فيهو الاجاج والسلسبيل
فيهو العشر,,,فيهو النخيل
ماتندمي لودمعك اتساقط مطر
او حلمك اتبدل شجن
او حبو من دنياك رحل
اوحتي فارقك السحاب خلاك في عز الهجير
لو طل ليلك بالعذاب قرب خلاص فجر الهنا
لو قلمك اتفجر الم ,,,اوحتي من دمعك اخد
اوحتي من دمك اخد,,,اوحتي من روحك اخد
قرب خلاص فرحك دنا
لو حتي طالت فرقتك كتلت معاني الريده فيك
روح خلاص زمن الانين ,,,ورجعتي لي زمن الغنا
ماتبكي ,,,يكفيكي الحداد,,,اتوضي بي موية الصبر
ماتبكي ,,,يكفيكي الحداد,,,قلبك كفاو اتملي فوق نار الجمر
ليه تكرهي؟
املي الصحاري ورود وحب ,,,ماتكرهي
رغم احتمالات العذاب ,,,ماتكرهي
رغم الحقايق المره في دنيا السراب,,,ماتكرهي
رغم الشنا ,,,رغم الكذب ,,رغم الضباب ,,,ماتكرهي
رغم الحنان الانفقد في دنيا مابتعرف إياب ,,,ماتكرهي
بالرغم من كل السؤالات البقت من غير جواب,,,ماتكرهي
بالرغم من انو العشق اصبح خراب ,,, ماتكرهي
بالرغم من صوتنا الصرخ يازول تعال,,,ارجع تعال ,,,لاجانا زولنا ولاصدي,,, ماتكرهى
حالك عديل بس همو دابو الليله طال
علي كل حال ما تكرهي

[waya]

انا بكرهك
للشاعره نضال حسن الحاج

[grade="00008B FF6347 008000 4B0082"]بس بكرهك
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك
من ياتو باب طليت علي ما كنت اصلا بشبهك
انا بكرهك
انا شلت ريدك في القليب وسقيتو من دم العروق
صنقعت دليت النجم دنقرت كبيت نور وشوق
وعصرت موية الانتظار ختيتا في وجع الحروق
وكان النتيجة تبيع هوي هو اريتو كان سويتلو سوق
انا بكرهك
من وين اجيب ليك الدموع
من وين اصنقر حيل كلام كان امنيات قلبو الرجوع
من وين اذا هتك الضلام حيل خيلي القالك شموع
لكني مجبور اطردك واقفل وراك باب الضلوع
شديت رحالاتي ومشيت وكتين هتك حيلك هواي
ارتحت في موجي ورسيت
لا حرك الموج البحر
لا صد فلبي ولا قسيت لكن طلعت خيال عشم
ضمخ رؤى الوجع المميت
انا بكرهك
قدر اشتهاي
انا بكرهك
قدر الغرام الكان زمان كابت مساماتي وهواي
انا بكرهك
قدر اني ما لودت بيك كريات شراييني ودماي
انا بكرهك
قدر اني غنيتك غناي
من وين دخلت علي مدن شاخت من الوجع الاليم
من وين طرقت جدار قلب لقح هوى العشق العقيم
من وين سخت شمسك علي
كانت سماي مليانة غيم
فتق جراحــاتي
فتق جراحاتي وامش
خليني في لهب الجحيم
انا قلت ليك..
انا بكرهك

قدر المواسم الشادة خيل الريد عليك
انا بكرهك
قدر المصائب الحارسة بوابات مجيك
انا بكرهك
نفس المساحة وحجم قلبي الكان تملي بيشتهيك
بقى بكرهك
واتوكل ارحل مني فوت
حرمان علي قلبي الكلام
كان غيرك اجتاحو السكوت
خليهو قلبي الاندفن
تنسج عليه العنكبوت
اوخلي.... من بعدك يموت
الموت اخير......
من اني افضل
في رحابك وفي رجاك
انا كنت لو غاب القمر دائما بضوي
ضلام دناك
وانا كنت لو غيمك رحل
بطلع عشان اسكن سماك
وانا كنت لو بردك نزل
بوقد صوابعي لهب حداك
لكن منو القدر كدا
والله لو انا في محلك
بنسج الشمس احترام
واهديها ليك متمددة
بفتح كراريس الكلام
اختار حروفي واجردا
بنبش قبور المستحيل
كلمات شكر متفردا
لكن خسارة على قلب
حباك بلا ما يعرفك
انعل ابو القلم العلي دفتر غناك دمو انسفك
انعل ابو الشعر الغشاني وغنى فيك والفك
منعول غناي
منعول غناي كان ما امتطيت خيلي وبقيت اتاسفك
بتاسفك وكتين عيوني بسوقن الشوق لي انتظارك
لما ليلي يسوق محاسنو وينهزم عندك نهارك
لما ابكي انهزامي عشان ابارك انتصارك
لما كوكبي ساب مدارو رحل عشان يسكن مدارك
كنت مالي زمان ومالك
لكن وحاتك بكرهك
ندمان
ندمان على عمرا معاك ضيعتو
ضيعتو في غفلة زمن
ندمان علي
دمعا سكبتو على رضاك بلا تمن
انا كنت بحلم في وجودك ينكسر خاطر الشجن
لكن رضاي عليك عشم ابليس قصاد جنة عدن
انا بكرهك
كلما يطول ليلي ويواتيه العذاب
انا بكرهك
كل ما القلم يركب مصاعب الدنيا
يمشي على الكتاب
انا بكرهك
كل ما الفراق كتل مضامين العشق سدالو باب
انا بكرهك
قدر العيون ما تلبس التوب الزراق
تتوضأ موية الانتحاب
انا بكرهك


من كل باب انا بكرهك
واتوكل ارحل من جواي
غلطان اذا قلبك هداك قال ليك حا تفضل غناي
غلطان اذا عقلك رضخ لي ظن يقول انك حداي
والله ما فارق معاي
انا كنت ناوي اجملك
بس كنت ناوي اجملك
وامسك مضامين اللغات
من فيض حروفي اكملك
ترحل علي درب العشم
بي زاد هواي احملك
وكتين اخش قلبك جرا
واقطع قليبي وادملك
ندمان منو
انا غايتو ما ندمان عليك
اتوكل ارحل من جواي عيش العذاب الباقي فيك
ولو قلبك اتجرأ رجع
حقك تلومو علي مجيك
شان قلبي انت مليتو دم
ياخ فلبي انت مليتو دم
ما عادلو باقي يسبو ليك
على كل حال
انا بكرهك
عدد الحصى وعدد الرمال
انا بكرهك
عدد الصواب والاحتمال
انا بكرهك
عدد الحقائق والخيال
انا بكرهك
عد الشنة وعدد الجمال
انا بكرهك
عدد الاجابات والسؤال
انا ابكرهك
عدد الشعر ماسنة سيف الارتجال
انا بكرهك
عدد اللي ممكن والمحال
انا بكرهك
عد ما زمان قت ليك تعال
انا بكرهك

مستورة حالي وراك وفوت
يا دابو ليلك همو طال
مستورة حالي وراك وفوت
يا دابو ليلك همو طال
عاى كل حال
انا بكرهك[/grade]

[ملاك الورد]

انا زاتي بكره......
بكره شنو ؟
اصلا انا ما عارفة للكلمة دي اي معنى
كل البعرفو سلام و وئام و ورود و فراشات حلوة
ياااااي

[Limia]

اعتقد بانو شاعرنا دا مرا بقصه ....الخ واخد شاكوش أهى اهى
الله يعينو.
كلمات معبره مبالغه قمه من المقت والكره اريتو كان عكس كده
الكره دا خلوهو ياخى دعوه للحب والمسامح كريم

[ازرق]

الكلمة داي هي تعبير عن انسان زعلان شديد من زوله لي سبب معين

[ازرق]

ريك شنو في الكلام دا

[عاشقة توتيل]

[align=center]نضال دي مشكله،،،
مشكله بجد،،عندها مفردات غريبه جداً،،
لكن أحلى مشكله،،،وزي ماقالت أنا بكرهك،،
قالت كمان : فكرة نضال

أنا عندي فكره أصبرك
أمسح غبارات المواجع وبي قصيدي أغبرك
عن أي حاجه أخبرك
عن غيمه تبقالا المطر
عن غنية تبقالا الوتر
عن ناس هلك قلبا الخطر
طول ضلاما مراعيا بيك
راجياك تبقالا القمر
عن زول سكن قلبو الارق
تبقالو لون عز السهر
عن فاطمه والسمحه ام حجل
مراقتن حداثتن بصادر الابو والوطن
العزه فوق اصعب تمن
عن كمله من بنت الحسن
عني وعن الاسى والشجن

عنك منو الخلاك تكون عاقل وسط وطن الجنون
مين اللي قالك كون حنون تحضن بنيات الغنا وتسقيها من موية العيون
عني وعن البكا والنواح
ياصابر الولد الشرب كاسات معتقه بالجراح
ياصابر الولد الحضن من حصة الماضي اللي راح
غناني فوق وتر الفرح
هلالي يوم غاب الصباح
عذراً إذا ماتت جواي كل المعاني بلا الصبر
صبراً إذا غنيت عليك والدنيا واسوق الفقر
فقراً غناي الباع بكاك والسوق وصل سعرو الجمر
شكراً إذا عاشت جواك حنية الناس السمر


وأنا دايره اقولك عن نضال
الشاربه من وطنك قزازات احتمال
كاسات معتقه بالجمال
والروعه والاسى والمحال
عن حاجه منك وليك ،، جاوب على نفس السؤال
مين علمك او درسك انك تزيد كلما ننقص انتماك للوجعه فوق الاحتمال
مين صنفك ضمن المساكين المظاليم الغبش واداك تذاكر ارتحال
وراك تشد خيلك تقوم تسرح تغني مع الخيال
مين ابتداك يوم انتهت كل البدايات في الغنا
منو زادك اتنين فوق علاك
ضويتلو فوق ليل العنا
وريتو في عز الوجع ايه يعني حنيه وهنا
وغنيتلو فوق زمناً عجيب كل المهم فوقو الانا

وكل زول بكوس لى روحو فيك
وريني القاك وين انا
وقول لي وين القاك جواي
فوق صابر الاخو والصديق
او زاد وطفاي الحريق
او صابر اليوم تنكتم بعد الله فراج هم وضيق
او صابر السكن النبض مرق الشرايين وانكتب
خليتو فوق خشم الكلام فوق زفرة الهوا والشهيق

أنا عندي فكره أقول كفاي
وأرجع أكوس عنك جواي
او كوس براك انا ذاتي مليت الدروب
فتشني عني وانتماك
قارني بيني وبين غناي
اوبيني بين مليون نفر
انا سايقه ذاتي وجايه ليك
دليني من تعب السفر
ناديني منك ياولد
حوا المعتقه بالمطر
حوا البتسكن فوق غناك
ناديها من زمن الخطر
وعندي فكره اكلمك بي فاطمه لامن اصبرك،،،
،،،
،،،



وايا،،،مشكور يارائع،،،
تحياتي،،
،،[/align][/u][/size]

[ام صبا]

شــكــرا وايــا قــصــيــده جــمــيــلـه شــديــد
والــشــاعــره رائــعــه روعــة كــلــمــاتــهــا
تــســلــم يــاغــالـــي

[waya]

[grade="00008B FF6347 008000 4B0082"]الكوكبة الرائعة والذواقة للاحاسيس الجميلة
الف شكرا لي وجودكم ولي تعابيركم وطلتكم الحلوة ,,,

تشكراتي [/grade]

[waya]

رد " ليه تكرهي "

[grade="00008B FF6347 008000 4B0082"]

ليه تكرهي ؟
ليه تكرهي القلب البنادي علي غريبا ماهو في؟
ليه تكرهي الوطن الجمع اشلاء غراما منتهي؟
ليه تكرهي القلب النبض بي حبو قلبك من سنين؟
ليه تفتحي الباب للدموع؟
ليه تزرعي الشوك في ارض كانت تضم الياسمين؟
شبهك قليل,,, ياشامخه زي قمم الجبال
ياحلوه زي زهر الربيع ،،،،،، ياساطعه زي شمس الضحى
يالوحه ضاجه حياه وشعور,,, ياحقيقه اروع من خيال
ياسامقه زي شجر النخيل
ليه تكرهي؟
مشكلتك الروح التفتش ديمه لي قلبا امين
لكن خساره بقي الامان حلما سراب مدسي مابين نور وطين
ليه تكرهي؟
كل الزهر حزنان عليك
حتي البحر لاقاني بي حزن السنين
فاضت دموعو عذاب وهم ,,,زعلان شديد معقوله انتي بتكرهي ؟
ماانتي جمعتي النجم اجمل عقود من الوفا
نورتي دربا بي شموع,,, قلبك وحاتك مابيعرف يوم جفا
بس اسمعي : الريده صبحت مستحيل
والعشقو من قدم السنين ياكان مصيرهم للجنون
او طعنه في جوه القلب جرحت فؤادم والحنين
ليه تكرهي؟
دمعك نشف من طول سهادك والنواح
نضمك كمل من شعرك المنسوج الم علي ماضي كان مليان جراح
شمعك طفا,,,نجمك افل ,,, نورك رحل
سجن الغرام مابشبهك
حتي الكره مابشبهك
ليه تكرهى؟
طردك مباح ,,, هجرك مباح
قفلك وراو باب الضلوع ,,, كان قلتي طفيت الشموع
كان قلتي خليت القصيد ,,, او قلتي من بعدو العشق حرمان اكيد
ليه تكرهي؟
كان اشتهاك شوق البلد للنسمه في عز الهجير
كان اشتهاك بسمة طفل بتبدد الليل الطويل
كان اشتهاك غنوة فرح بتودي للزمن الجميل
ليه تكرهي؟
كريات دماك ما اتلوثت بس زادت الحد في الغرام
عشقك جميل ,,, ماانتي علمتي الهيام
ليه تكرهي؟
زولك عرف انو القلب مفتاحو كلمه وكلمتين
خبط علي باب القلب وبدون اذن اتحكر العشق اللعين
غيمك شمس مليانه ضو,,, وشمسو من كتر الخداع دايما بتغرب مرتين
لازم جراحك تندمل ,,,لازم ضلامك يبقي ضو
لازم صحاريك تبقي نيل
ليه تكرهي؟
خيل ريدك اجتازت قصور ,,,دكت قلاع,,,دكت حصون
لكن اذا خيلك كبت ماتاسفي ,,,ماالكبوه من طبع الخيول
بس اوعي تلدغي مرتين
ليه تكرهي؟
لمن عشق قلبك سما,,,بقي طير يرفرف في السما
ليه تحبسي الطير في قفص مصنوع من الهم والانين
ليه تكرهي؟
ليه تحرمي القلم الكلام ؟
خليهو يكتب في الملام ,,,او مره يقريهو السلام
اوحتي يتزكر حنينك والهيام
بس ياملاك ماتكرهي
خلي الشمس تدخل تطل تطرد نسيج العنكبوت
خلي القمر يقعد حداك,,,خلي الحزن يرحل يفوت
ماتاسفي
لوكنتي في كونو القمر ,,ضوو انطفا
لوكنتي في دنياه غيم شمس الهجير حرقت دناو
لوكنتي في عز البرد نار اّنسك واوحشة الليل الطويل
علي زول وحيد ماليهو هم,, وفي ايدو قيد
ليه تكرهي؟
مسكين اذا ماقدرك,,,غبيان اذا ماقدرك
مابكفي لو شال الشمس واهداها ليك في يوم مطير
مابكفي لونسج الحروف بي رقه زي صوت الخرير
مابكفي لو شكرك الف,,,مابكفي لو صاد النجوم في كل ليل
مابكفي لو مسك السما ,,, اوحتي مسكك العبير
قلمك اسير في وقعة العشق المحال
شعرك جريح مابين حقيقه وبين خيال
وغناك اسير مابين مؤكد واحتمال
ليه تاسفي؟
ماتاسفي لو في عيونك شوقو بات لابد من يصبح صباح
ماتاسفي لوليلك المهموم وقف في بابو منتظر السماح
لابد من من فرحا يطل ويلبسك اجمل وشاح
لابد من زمنا يجي يسقيهو سم,,, يسقيك راح
لابد من حزنا يفتق في قليبو المات زمان كل الجراح
ليه تاسفي؟
ليه تكرهي؟
ماتندمي قدامك المشوار طويل
فيهو الكعب,,,فيهو العديل
فيهو الاجاج والسلسبيل
فيهو العشر,,,فيهو النخيل
ماتندمي لودمعك اتساقط مطر
او حلمك اتبدل شجن
او حبو من دنياك رحل
اوحتي فارقك السحاب خلاك في عز الهجير
لو طل ليلك بالعذاب قرب خلاص فجر الهنا
لو قلمك اتفجر الم ,,,اوحتي من دمعك اخد
اوحتي من دمك اخد,,,اوحتي من روحك اخد
قرب خلاص فرحك دنا
لو حتي طالت فرقتك كتلت معاني الريده فيك
روح خلاص زمن الانين ,,,ورجعتي لي زمن الغنا
ماتبكي ,,,يكفيكي الحداد,,,اتوضي بي موية الصبر
ماتبكي ,,,يكفيكي الحداد,,,قلبك كفاو اتملي فوق نار الجمر
ليه تكرهي؟
املي الصحاري ورود وحب ,,,ماتكرهي
رغم احتمالات العذاب ,,,ماتكرهي
رغم الحقايق المره في دنيا السراب,,,ماتكرهي
رغم الشنا ,,,رغم الكذب ,,رغم الضباب ,,,ماتكرهي
رغم الحنان الانفقد في دنيا مابتعرف إياب ,,,ماتكرهي
بالرغم من كل السؤالات البقت من غير جواب,,,ماتكرهي
بالرغم من انو العشق اصبح خراب ,,, ماتكرهي
بالرغم من صوتنا الصرخ يازول تعال,,,ارجع تعال ,,,لاجانا زولنا ولاصدي,,, ماتكرهى
حالك عديل بس همو دابو الليله طال
علي كل حال ما تكرهي[/grade]

[ملاك الورد]

رد " ليه تكرهي "

[grade="00008B FF6347 008000 4B0082"]


بس ياملاك ماتكرهي


[/grade]

خلاص طيب تاني ما حأكره اي زول تاني
لكن انا قلت اني ما عارفة معنى كلمة" اكره" دي شنو

[waya]

[grade="00008B FF6347 008000 4B0082"] " أكرهـ " دي وقت تعاني المشاعر من البرود
وأكيد ما بيعرفوها الزيك يا "ملاك الورود "[/grade]

[ملاك الورد]

[grade="00008B FF6347 008000 4B0082"] " أكرهـ " دي وقت تعاني المشاعر من البرود
وأكيد ما بيعرفوها الزيك يا "ملاك الورود "[/grade]

آي خلاص طيب فهمتها
شكلي دخلت في البوست ده بالغلط
ههههههه

[مصعب الفاضل]

انا بكرهك

بس بكرهك

انا بكره اليوم الصنع قلبا يكورك ويندهك

انا بكره الوطن البلم شرف الغرام المنتهك

من ياتو باب طليت علي ما كنت اصلا بشبهك

انا بكرهك

انا شلت ريدك في القليب وسقيتو من دم العروق

صنقعت دليت النجم دنقرت كبيت نور وشوق

وعصرت موية الانتظار ختيتا في وجع الحروق

وكان النتيجة تبيع هوي هو اريتو كان سويتلو سوق

انا بكرهك

من وين اجيب ليك الدموع

من وين اصنقر حيل كلام كان امنيات قلبو الرجوع

من وين اذا هتك الضلام حيل خيلي القالك شموع

لكني مجبور اطردك واقفل وراك باب الضلوع

شديت رحالاتي ومشيت وكتين هتك حيلك هواي

ارتحت في موجي ورسيت

لا حرك الموج البحر

لا صد فلبي ولا قسيت لكن طلعت خيال عشم

ضمخ رؤى الوجع المميت

انا بكرهك

قدر اشتهاي

انا بكرهك

قدر الغرام الكان زمان كابت مساماتي وهواي

انا بكرهك

قدر اني ما لودت بيك كريات شراييني ودماي

انا بكرهك

قدر اني غنيتك غناي

من وين دخلت علي مدن شاخت من الوجع الاليم

من وين طرقت جدار قلب لقح هوى العشق العقيم

من وين سخت شمسك علي

كانت سماي مليانة غيم

فتق جراحــاتي

فتق جراحاتي وامش

خليني في لهب الجحيم

انا قلت ليك..

انا بكرهك









قدر المواسم الشادة خيل الريد عليك

انا بكرهك

قدر المصائب الحارسة بوابات مجيك

انا بكرهك

نفس المساحة وحجم قلبي الكان تملي بيشتهيك

بقى بكرهك

واتوكل ارحل مني فوت

حرمان علي قلبي الكلام

كان غيرك اجتاحو السكوت

خليهو قلبي الاندفن

تنسج عليه العنكبوت

اوخلي…. من بعدك يموت

الموت اخير……

من اني افضل

في رحابك وفي رجاك

انا كنت لو غاب القمر دائما بضوي

ضلام دناك

وانا كنت لو غيمك رحل

بطلع عشان اسكن سماك

وانا كنت لو بردك نزل

بوقد صوابعي لهب حداك

لكن منو القدر كدا

والله لو انا في محلك

بنسج الشمس احترام

واهديها ليك متمددة

بفتح كراريس الكلام

اختار حروفي واجردا

بنبش قبور المستحيل

كلمات شكر متفردا

لكن خسارة على قلب

حباك بلا ما يعرفك

انعل ابو القلم العلي دفتر غناك دمو انسفك

انعل ابو الشعر الغشاني وغنى فيك والفك

منعول غناي

منعول غناي كان ما امتطيت خيلي وبقيت اتاسفك

بتاسفك وكتين عيوني بسوقن الشوق لي انتظارك

لما ليلي يسوق محاسنو وينهزم عندك نهارك

لما ابكي انهزامي عشان ابارك انتصارك

لما كوكبي ساب مدارو رحل عشان يسكن مدارك

كنت مالي زمان ومالك

لكن وحاتك بكرهك

ندمان

ندمان على عمرا معاك ضيعتو

ضيعتو في غفلة زمن

ندمان علي

دمعا سكبتو على رضاك بلا تمن

انا كنت بحلم في وجودك ينكسر خاطر الشجن

لكن رضاي عليك عشم ابليس قصاد جنة عدن

انا بكرهك

كلما يطول ليلي ويواتيه العذاب

انا بكرهك

كل ما القلم يركب مصاعب الدنيا

يمشي على الكتاب

انا بكرهك

كل ما الفراق كتل مضامين العشق سدالو باب

انا بكرهك

قدر العيون ما تلبس التوب الزراق

تتوضأ موية الانتحاب

انا بكرهك







من كل باب انا بكرهك

واتوكل ارحل من جواي

غلطان اذا قلبك هداك قال ليك حا تفضل غناي

غلطان اذا عقلك رضخ لي ظن يقول انك حداي

والله ما فارق معاي

انا كنت ناوي اجملك

بس كنت ناوي اجملك

وامسك مضامين اللغات

من فيض حروفي اكملك

ترحل علي درب العشم

بي زاد هواي احملك

وكتين اخش قلبك جرا

واقطع قليبي وادملك

ندمان منو

انا غايتو ما ندمان عليك

اتوكل ارحل من جواي عيش العذاب الباقي فيك

ولو قلبك اتجرأ رجع

حقك تلومو علي مجيك

شان قلبي انت مليتو دم

ياخ فلبي انت مليتو دم

ما عادلو باقي يسبو ليك

على كل حال

انا بكرهك

عدد الحصى وعدد الرمال

انا بكرهك

عدد الصواب والاحتمال

انا بكرهك

عدد الحقائق والخيال

انا بكرهك

عد الشنة وعدد الجمال

انا بكرهك

عدد الاجابات والسؤال

انا ابكرهك

عدد الشعر ماسنة سيف الارتجال

انا بكرهك

عدد اللي ممكن والمحال

انا بكرهك

عد ما زمان قت ليك تعال

انا بكرهك



مستورة حالي وراك وفوت

يا دابو ليلك همو طال

مستورة حالي وراك وفوت

يا دابو ليلك همو طال

عاى كل حال

انا بكرهك

[السودانى الاصيل]

القصيده جميله جددا والشاعر متمكن من اللغه
وهى تشبه الشعر الشايقى

لك التحيه الاخ العزيز فهذا عمل ابدااااااع

وكثير ما تنقلب ثورة الحب الى شعور عكسى عندما ينفجر الالم
ويثور الكبرياء ويطغى على العاطفه

تشكراتى ونترقب بلهفه المزيد
اديك العافيه

[ود الزوحي]

حقيقة كلمات تستحق أن نصفق لها ..

[بشوره الأموره]

مشكور يا اخوي العزيز على الكلام الرائع ده...أثر فيني جدا"
واتمنيت انو ماينتهي..برافو عليك