رايك شنو ؟

[احمدانى]

هل انت مع قانون النظام العام فى موضوع لبنى احمد حسين ؟ ليه ؟
هل انت ضده .. اى تقف مع الصحفية لبنى ؟ وليه ؟

[بت مختبرات]

لست مع قانون النظام العام

اذا كان ده نص القانون :


[frame="2 70"]]القانون الجنائى لسنة 1991
الباب الاول
احكام تمهيدية
الفصل الاول
احكام تمهيدية
1.اسم القانون
يسمى هذاالقانون(القانون الجنائى لسنة 1991)
- المادة 152 الأفعال الفاضحة والمخلة بالأداب العامة
(1) من يأتى فى مكان عام فعلا" او سلوكا" فاضحا"
او مخلا" بالاداب العامة او يتزيأ بزى فاضح او مخل بالأداب العامة
يسبب مضايقة للشعور العام يعاقب بالجلد بما لا يجاوز 40 جلدة
او الغرامة او بالعقوبتين معا"
(2) يعد الفعل مخلا" بالأداب العامة اذا كان كذلك فى معيار الدين
الذى يعتنقه الفاعل أو عرف البلد الذى يقع فيه الفعل [/frame]



-اول حاجة ماوضح معايير للبس الفاضح ده
يعنى المسألة بتخضع لتقديرات الشرطى الشخصية حسب معاييره وتقديراته الخاصة واحتمال مزاجه
يعنى ممكن اى شرطى بدون بلاغ بدون اى حاجة يجى يقيض على مجموعة من البنات اذا كان فى رايو الشخصى اللبس ما عاجبو (احتمال حقارة ساى) ده طبعا حسب القانون


-بعدين الجلد ده شنو ده ، جابو من وين؟ بناء على شنو؟ الشرع مابقول يجلدو المرأة اذا كانت تلبس زى مخل بالاداب
-ثم انو المشكلة ما البنطلون ولا غيرو،، ماممكن الوحدة تلبس عباية وتكون ما محتشمة،
المفروض الاسلوب ما يكون بالطريقة دى لانو عمرو ما حيعدل سلوك الناس ـ التغيير يكون بتغيير فكر الناس بزيادة ثقافة اللبس المحتشم
ثم انو وين شرطة النظام العام مع البنشوفو فى الشوارع
بالنسبة للصحفية استاذة لبنى اصلا مستهدفة من قبل الدولة حسب ما بنسمع وده بسبب مقالاتها الشهيرة البتنتقد فيها الحكومة ومنها كلام رجال الشهيرة
كما انها هددت بالقتل قبل كدة واترفدت من الجامعة برضو بسبب مقالاتها
ولبسها بالنسبة لى ما شايفاهو مخل بالاداب بالنسبة لمجتمعنا وده بايد فكرتى انو القانون ركيك ومبهم

[عمار ود الشرفه]

والله العملتها فينا البت دي عديمه الولي دي ما عملها فينا زول ..
السودان البلد الوحيد الدلق الخمره في الشارع بعد عهد الرسول ( ص) في عهد النميري .. واكانت الشريعه مطبقه بكل وضوح .. الليله تجي البت السفيهه دي وتبهدلنا جنس البهدله دي .. ودايرا تعرقل مسيره السودان .. وتخلي البنات يلبسن البنطلون عااااااااااادي ..
لو البت دي خلوها يبقي عليك يا دنيا السلام ...

[الفرح المهاجر]

[align=center]بس ياخوى قول ربنا يسترنا فى
عالم مسلط علية الاعلام
تناقل الاخبار وتفشى الكلام وزيادة العبارات
فى الحقائق حتى تحجب الحقيقة[/align][/size]

[شمشام]

دا قانون القابه ههههههههههههههههههههههههههههههههههههههههههههههههههههههه

[خالد الفيل]

يا عالم البلد دى فيها مشاكل اكبر من كده ، انو البنت تلبس بنطلون او لبس فاضح دى سلوك شخصى
وابداً القانون ما حيقدر يتحكم فى الحاجات دى ، الاسر والتربية فقط هى القادره على هدا ، بعدين الشارع العام مليان بنات لابسات لبس فاضح اشمعنى يعنى لبنى دى .
اللهم استرنا يا الله .