ليه احنا مظلومين؟؟؟؟

[زوزو الجامعي]

هلا وجد موضوعك قوي

بس انا في وجهة نظري حكاية خصم الدرجات دي عندهم فيها حق...
لانه طالب الشهاده العربيه مابيدخل الامتحان من 100 بل بيكون عندو اعمال سنه ودرجات الفتره الاوله والتانيه
بعكس المساكين اللي بمتحنو الشهاده السودانيه لاعندهم اعمال سنه ولادرجات فتره اوله وتانيه بيدخلو الامتحان من 100
فما ما من المعقول المساواه بينهم وبين طلاب الشهاده العربيه

[mr.zoool]

السودان ياهو دا السودان





صلو على النبي يا اخوانا

[نور الدنيا]

يجمااااااااااااااااااااااااااااااااااااااااااااعة
الموضوع دة خلاص مابقى منو فايدة حتى لو اتكلمنا فيو لين بكرة
بس حسبي الله عليهم ضيعونا

[بت مختبرات]

تحية طيبة لكل المغتربين الما دخلو الجامعات والدخلوا

صراحة انا متعاطفة معاكم الى حد ما
اول حاجة مسألة الاموال الكتيرة البشيلوها منكم دى حرام عليهم والله هم لسة شغالين بفهم زمان انو المعترب ده بغترب عشان يزيد قروشو وعشان الرفاهية ،لكن الزمن ده الواحد بغترب عشان يعيش مستور وبس
تانى حاجة: ال10%كتيرة شديد،يعنى الواحد كان جاب 100%ما بتحل
بس لازم يخصمو منكم طبعاده الحق،، لانو ما منطقى هناك بتجيبو 98% و97ماحصل سمعت لى بمغترب جاب اقل من 90%
ونحن الاول ما بتجاوز97 وبالبعدد الناس البتجيب 90 وده طبعا اكيد ما بلادة بس التصحيح بختلف من بلد لبلد
نحن ذاتنا هنا بنقطع الكتب ونخش الدروس الخاصة والمدارس الخاصة عشان نجيب اعلى نسبة وبعد ده ال 90%ما بنزيد عليا
وماممكن انتو بنسبكم الرهيبة دى تملو افضل المقاعد فى افضل الكليات وانتو عندكم خانات برة ونحن الاصلا قاعدين فى البلد ما نلقى لينا حتة
بعدين شنو يا ريناد قولى بسم الله كيف يعنى نحن المفروض يخصمو مننا 10 درجات ده منـــــــ طق وين؟؟؟؟
وبعدين القاليك منو نحن مهملين؟ما تعممى كلامـــــــــــ ك؟؟

تخريمة:انتى يازولة ظالمنكم جاية تظلمينا نحن !!!! قولى يا لطيف

[سيرينا]

والله دا اول رد من بعد ما رجعت ...عشان الموضوع شداني بالجد ..كلامك صح ميه بالميه ..احنا مظلمومبن يعني نذاكر ونتعب وفي النهايه يمشي مجهودنا ع الفاضي ..يعني البجيب 100 ما استفاد اي حاجه....
وعلى فكره يا بت المختبرات احنا المغتربين مذاكرتكم البتذاكروها دي بالنسبه لينا ولا حاجه من كتر ما بنذاكر بس ما عندنا حاجه نقول الا (حسبي الله ونعم الوكيل)

[بكور]

والله دا اول رد من بعد ما رجعت ...عشان الموضوع شداني بالجد ..كلامك صح ميه بالميه ..احنا مظلمومبن يعني نذاكر ونتعب وفي النهايه يمشي مجهودنا ع الفاضي ..يعني البجيب 100 ما استفاد اي حاجه....
وعلى فكره يا بت المختبرات احنا المغتربين مذاكرتكم البتذاكروها دي بالنسبه لينا ولا حاجه من كتر ما بنذاكر بس ما عندنا حاجه نقول الا (حسبي الله ونعم الوكيل)

سريناا انا بتفق معاكم انكم مظلومين بس انتى ما شفتى القراية حقتنا هنا عشان تقارنيها بقرايتكم هناك كدى تعالى اقرى سنه واحد هنا و شوفى قرايتنا

دمتى بود

[صعبة المنال]

الاخت بت مختبرات

احب اوضح ليك بعض النقاط
قرياتكم نهاائي مع اصعب ولا المناهج اقوى من مناهجنا انا قريت في السودان فتره وحاليا انا بدرس في قطر والمناهج ابدا ما اقل مستوى حتى اني قارنت بين كتبي وكتب اهلي الفي السودان ولقيت انو كتبهم ما زايدة عننا بشي ( نفس المعايير)

وكيف يعني ما منطقي طلاب الشهادة يجيبوا 98 ولا 97 كل زول على حسب اجتهادو الله بيديهو وماتحسبي الشي دا زي ما ناس كتير بفتكرو انو مناهجنا هنا موووية زي ما اغلب الناس بتقول وهي ماشافت كتاب واحد من كتبتا وعلى فكرة اكيد طبعا في البجيب اقل من 90 اكيد في 60 وال50 كمان

( واخيرا الله اعلم بمعايير الدول العربية مقارنة بالسودان ولكن انا كطالبة في قطر ماشايفه المناهج السودانية اعلى مستوى من المناهج القطرية والله اعلم)

سوري على الاطالة لكن كان لازم ارد دمتي بود اختي بت مختبرات

[سيرينا]

سريناا انا بتفق معاكم انكم مظلومين بس انتى ما شفتى القراية حقتنا هنا عشان تقارنيها بقرايتكم هناك كدى تعالى اقرى سنه واحد هنا و شوفى قرايتنا

دمتى بود

والله انا ما قريت ابداا في السودان لكن لمن اسأل كل الناس الرجعوا من السودان بعد ما جربوا القرايه هناك بقول احسن نقرأ في السودان لانو هناك القرايه سهله وكمان لمن اسأل اصحابي الفي السودان بيقولوا انتوا قرايتكم صعبه وبينصحوني اني اجي السودان واقرأ هناك لانو القرايه سهله وتقريبا كل السودانينن في المدينه بقولوا القرايه في السودان احسن دا اولا ثانيا انت جربت تقرأقراية اهل السعوديه؟؟؟؟؟؟؟؟؟؟؟

[قمر عاصي]

الله ياريناد بكلامك ده طلعت المكبوت في قلوبنا
والله لو السودانيين يفكروا بحنية شوية حيعرفو اننا انحرمنا من النشأة في ارض الوطن الحبيب وانو اولاد المغتربين عندهم حنين فائق للوطن وبقدرو قيمة تراب البلد ولو فكروا اكتر حيعرفوا بان دراستنا في الخارج واكتسابنا لخبرات ومجالات من الدول المختلفة لادركوا ان كل الخبرات والدراسات حتعود بالنفع والتطور للبلد عن طريقنا نحنا اولاد المغتربين

[مصعب الحداد]

تسلموا على مشاركاتكم ولكن مافي حل غير نقول حسبي الله ونعم الوكيل

احلى وافضل رد
حسبي الله ونعم الوكيل

[saleeh]

تسلم والله يديك العافيه
وشكرا
تحياتى

[بكور]

والله انا ما قريت ابداا في السودان لكن لمن اسأل كل الناس الرجعوا من السودان بعد ما جربوا القرايه هناك بقول احسن نقرأ في السودان لانو هناك القرايه سهله وكمان لمن اسأل اصحابي الفي السودان بيقولوا انتوا قرايتكم صعبه وبينصحوني اني اجي السودان واقرأ هناك لانو القرايه سهله وتقريبا كل السودانينن في المدينه بقولوا القرايه في السودان احسن دا اولا ثانيا انت جربت تقرأقراية اهل السعوديه؟؟؟؟؟؟؟؟؟؟؟

اولا قرايتنا انا من الناس الماشايفها سهله ايوه متفوق بس ما ساهله لو اتكلمنا عن الاساس ممكن نقول ما ساهل و ما صعب اما الثانوى فهو المشكله لانو بصراحة كان من اصعب المراحل اما الجامعة الواحد ماشى بالعملى اكتر من النظرى .

اما ثانيا انا ما قريت فى السعوديه لكن شفت المنهج بتاع رياضيات وانا فى سنه تانيه ابتدائى والكتاب ما بتذكر اكبر منى بى كم سنه و حليت الكتاب كلو فى حكاية بتاعت يومين تلاته دى ما حأتعبرها مقياس لانى و الحمدلله ما شاء الله فى الرياضات .

ثالثا لو ما كل معظم المغتربين بيقرو الجامعة هنا لييه ؟؟
لانو المنهج

احسن

من هناك ( مكان هم مغتربين ) وبعدين ناخدها بالعقل اى الشهاده احسن السودانية ولا السعودية ؟
اخلى ليك الرد وبجيك تانى

بعدين ما تقولى بكور ظالم المغتربين انا والله من اكتر الناس بحن عليكم لانى جربت الشعور بتاع الغربه لما كنت فى مدينه الابيض و بعض الزيارات للجنوب جوه السودانى وحسيت بغربه عمرى ما حأنسى الشعور ده فأنا معاكم ما ضدكم و الله

[بنوته مهاجره]

سلام عليكم حبيت اشاركم الموضوع العجبني شديد فوق ماتتصورو لاني مغيوزه شديد
اولا انا ممتحنه السنه دي شهاده عربيه لاكين لو جيتو سالتوني نسبتك حيحسبوها كيف بقول انا بقرا لاكين ماعارفه نسبتي بتمشي وين اولا احنا بنقرا اكتر من ناس السودان و ومناهجنا اكتر من ناس السودان وتعبنانين اكتر منهم وبعد ده كلو مابنخش بيه نسبنا الميه الاوائل في الشهاده السودانيه السنه دي كانو اغبيتهم شهاده عربيه قارين نستين بس في السودان اول السودان ده كان شهاده عربيه
تانيا احنا مظلومين شديد لدرجه قف تامل والله احنا بنرفع اسم السودان ماعشان هو عامل لينا شي عشان هو بلدي لاكين لو جينا للحق السودان ماعمل لينا اي حاجه غير قاعد يهربنا من ببلدنا بس قالو ارجعو نرجع ليه يعني نرجع عشان نسمع في كل ركن ديل ناس شهاده عربيه والا نرجع عشان ندفع رسوم بالملايين لو قريت بره وفي احسن جامعه على يد ناس علماء مابدفع القروش البدفعه في السودان ماعارفه الناس ديل قايلين احنا عندنا خزنه بنصرف منها والا احدى بنوك السعوديه مكتوبه باسمنا
اسفه لو طولت عليكم لاكين احنا مظلومين مظلومين مظلومين وحسبي الله ونعم الوكيل

[بنوته مهاجره]

بت مختبرات كلامك حلو شديد بس ممكن اسالك سؤال ليه ناس السودان بحاولو انهم دائما يحبطونا؟
طيب يلغو لينا الامتحانات الهنا يعملو لينا هم امتحانات في السفاره
يمكن انتي بالجد ماحاسه بيه عزابنا يعني اتخيلي ناس بيحرمو روحم لمده سنه من اي شي طلعه تلفزيون جوال نت اي شي وبقعد يقابل الكتاب مابقوم غير للصلوات وحتى الاكل في محلو ويستمر عشره شهور شايل هم وبيقرا وبعددين بكل بساطه مايخش وتعبو كلو يمشي على الفاضي طيب نقرا ليه اصلا مدام احنا حندفع نقرا اي شي ونجي نخش بيه قروشنا هنا في مساواه العندو قروش ده حيخش طب زي القرا ودخل بيه نسبتو يبقى الظلم وين انا اقرا واخش بيه نسبتي والا اجي بكل بساطه اخش بيه قروشي واكون انا اصلا مافاهم انا خاشي ليه بس عشان المجال ده ليو مستقبل عايزه تقارني زول تعب طول عمرو بيه زول تعب في اخر سنه
في النهايه هم ظالمين ودي مافيها اتنين تلاته يعني واسفه لو طولت عليكي لاكين بالجد الموضوع ده طلع شي جواي تسلمي اختي على الموضوع الرائع

[سيرينا]

سلام عليكم حبيت اشاركم الموضوع العجبني شديد فوق ماتتصورو لاني مغيوزه شديد
اولا انا ممتحنه السنه دي شهاده عربيه لاكين لو جيتو سالتوني نسبتك حيحسبوها كيف بقول انا بقرا لاكين ماعارفه نسبتي بتمشي وين اولا احنا بنقرا اكتر من ناس السودان و ومناهجنا اكتر من ناس السودان وتعبنانين اكتر منهم وبعد ده كلو مابنخش بيه نسبنا الميه الاوائل في الشهاده السودانيه السنه دي كانو اغبيتهم شهاده عربيه قارين نستين بس في السودان اول السودان ده كان شهاده عربيه
تانيا احنا مظلومين شديد لدرجه قف تامل والله احنا بنرفع اسم السودان ماعشان هو عامل لينا شي عشان هو بلدي لاكين لو جينا للحق السودان ماعمل لينا اي حاجه غير قاعد يهربنا من ببلدنا بس قالو ارجعو نرجع ليه يعني نرجع عشان نسمع في كل ركن ديل ناس شهاده عربيه والا نرجع عشان ندفع رسوم بالملايين لو قريت بره وفي احسن جامعه على يد ناس علماء مابدفع القروش البدفعه في السودان ماعارفه الناس ديل قايلين احنا عندنا خزنه بنصرف منها والا احدى بنوك السعوديه مكتوبه باسمنا
اسفه لو طولت عليكم لاكين احنا مظلومين مظلومين مظلومين وحسبي الله ونعم الوكيل

,والله انا بتفق معاك في كل حاجه هم اظن قايلين انو المغتربين عندهم كنوز الدنيا عموما زي ما قالت بنوته
حسبي الله ونعم الوكيل

[سيرينا]

اولا قرايتنا انا من الناس الماشايفها سهله ايوه متفوق بس ما ساهله لو اتكلمنا عن الاساس ممكن نقول ما ساهل و ما صعب اما الثانوى فهو المشكله لانو بصراحة كان من اصعب المراحل اما الجامعة الواحد ماشى بالعملى اكتر من النظرى .

اما ثانيا انا ما قريت فى السعوديه لكن شفت المنهج بتاع رياضيات وانا فى سنه تانيه ابتدائى والكتاب ما بتذكر اكبر منى بى كم سنه و حليت الكتاب كلو فى حكاية بتاعت يومين تلاته دى ما حأتعبرها مقياس لانى و الحمدلله ما شاء الله فى الرياضات .

ثالثا لو ما كل معظم المغتربين بيقرو الجامعة هنا لييه ؟؟
لانو المنهج

احسن

من هناك ( مكان هم مغتربين ) وبعدين ناخدها بالعقل اى الشهاده احسن السودانية ولا السعودية ؟
اخلى ليك الرد وبجيك تانى

بعدين ما تقولى بكور ظالم المغتربين انا والله من اكتر الناس بحن عليكم لانى جربت الشعور بتاع الغربه لما كنت فى مدينه الابيض و بعض الزيارات للجنوب جوه السودانى وحسيت بغربه عمرى ما حأنسى الشعور ده فأنا معاكم ما ضدكم و الله

اقول لك ليه لانو الاهل والاقارب كلهم في السودان فهناك هيكونوا الام والاب مطمنين ع اولادهم
طبعا ما تنسى انا بتكلم على الناس البيدرسوا اولادهم في السودان وبالنسبه تانيه ابتدائي السعوديين عارفين انهم لسه ما تأسسوا فعشان كده المناهج في الابتدائي سهله فهمت؟؟ولا افهمك اكتر

[بكور]

اقول لك ليه لانو الاهل والاقارب كلهم في السودان فهناك هيكونوا الام والاب مطمنين ع اولادهم
طبعا ما تنسى انا بتكلم على الناس البيدرسوا اولادهم في السودان وبالنسبه تانيه ابتدائي السعوديين عارفين انهم لسه ما تأسسوا فعشان كده المناهج في الابتدائي سهله فهمت؟؟ولا افهمك اكتر

ههههههههههههههههه

لا عشان الجامعة السودانية احسن بكتييير من جامعات بره

اما النقطه التانية الكتاب ما كان حق تانيه ابتدائى انا الكنت فى تانية ابتدئى اما الكتاب كان اكبر منى بسييين لكن ما تذكر كم لكن كانت كتيره :D

[صعبة المنال]

والله يا اخ بكور منو القال ليك انو الجامعات في السودان احسن بكتير صح انو جامعات السودان ممتازة ومافيها اي كلام لكن دامامعناهو انها احسن بكتيرالجامعات هنا برضو ماشاء الله مية مية

[بكور]

والله يا اخ بكور منو القال ليك انو الجامعات في السودان احسن بكتير صح انو جامعات السودان ممتازة ومافيها اي كلام لكن دامامعناهو انها احسن بكتيرالجامعات هنا برضو ماشاء الله مية مية

ههههههههههههههههههههههه
شكلك كده عايزه تقرى الجامعة هناك
لا هى احسن بكتيييير لانو الجامعات هنا ما شاء الله من كل النواحى
يعنى فى جامعة السوان للناس البقرو ميمانيكا طائرات فى 4 طيارات فى الجامعة بشتغلو فيها

لى ناس ميكانيكا السيارات فى ورش على مستوى

لى الناس البقرو هندسة جلود عملو ليهم اكبر حاضنة فى الشرق الاوسط

لى ناس الوورش فى ورش مجهزه بأحدث الاجهزة

ناس الطب عادى ممكن تمشى المستششفى يتمرنو فيك :D

يعنى الواحد وهو بقرأ شغال يعنى بس ناق تتخرج و يدوك شهادة خبره

انا ما شفت الجامعات هناك لكن ما حتكون زى كده

[صعبة المنال]

انا اقول ليك الفرق بين جامعات السودان وجامعات هنا

هنا مافي جميع التخصصات يعني اغلبها موجودة لكن طبعا مازي السودان لكبر مساحة الدولة وحاجات تانية كتيرة
وصحي انو جامعات هنا ولا شي بالنسبة للسودان (في العدد) لكن ب جامعاتها دي الا انها من احسن الجامعات ....وطبعا يعني البدرس مكينيكا على قولتك اكيد هاتكون في ورش والبدرس طب اكيد هايدربوهم في المستشفيات يعني دا ماشي جديد والحمد لله من احسنو

وبعدين انا مابقول الكلام ده عشان انا ادرس في الدوحة ولا برا الدوحة لكن بقول الحاصل