الهايم كتب:
والمويه اتخيلوا لمن اشربها بحس بي بوجع بطن حتى تنقية امياه عندهم ما مظبوطه وأشكال الناس اللي بيشتغلوا لا اله الا الله. طبعا ما خلقه بقصد في النظافه
-لو قبنا بان المويه مثلا بتغير معاكم حتى التنقيه مامظبوطه ؟؟ منو الوسخان عمال المويه ولا ناس الاسواق البشغلو في شنو كل العاملين مثلا؟؟؟؟------------------------ غايتو اللي بيعيش في السودان وعذابها لازم يخش الجنه
------------- يعني وصلت للمرحة تكون بهذا الوصف ؟؟؟؟ انا مثلا عايش هني وهناك ومافايت علي شي وبعدين حتى السعوديه هي ماتحكم عليها لانها ماشافتها كلها صح ؟؟؟؟------------ طبعا السخانه لمن تطلع ما تقتل وتموت وكيل وبي جميع اللغات
شي معروف السخانه في الخليج أشد من السودان وماتنسوا الرطوبه بالذات المناطق القريبه من الخليج
لوحيبنا نتكلم بتعميم بالنسبه لكم ابناء المغتربين في المنتدى في العادات والتقاليد وتاريخ السودان مدون
ولي عوده ومنتظر الراي الاخر
وراي صواب يحتمل الخطأ وراي غيري خظا يحتمل الصواب
ووساخة الشوارع الجوه الله لا يوريكم
---------------------------------------------------
والله مشكور يالهايم على تواجدك معانا
من البدايه قلت ليكم انو من البدايه في كلام زعلني
لو جينا على حكاية المويه على فكره ده شيء طبيعي جدا التغيير البيحصل
كلنا اول مانمشي السودان بنتعب اول اسبوعين بعدين بنتعود على طعم المويه لكن والله المويه هناك احلى من هنا بمليون مره مافي دخل للعمال في الحكايه دي
طيب لو جينا على حكاية العيشه في السودان المفروض مش يدخل الجنه بالعكس يحس انو عايش في
الجنه الطبيعه الهناك والشجر طبعا هنا مافي
وعلى السخانه مابننسى انو البلد دي اشد حرا من السودان لكن هنا عندنا المكيفات دي بتخفف علينا شويه
لكن هناك في السودان على حظ المغتربين مع بداية اجازاتهم كانت الكهرباء ممافي كانو شغالين بالتغطيه
يعني تشتغل عندنا في زلط 2ساعه وتجي في شرق 2ساعه والجو زي النار
وليك كتير الشكر على معلوماتك
ومنتظرين عودتك
العزيزة نهر مساء الخيرات
الموضوع دعوة جميلة منك للناس عشان تهدأ وتروق وتتصافي
وفي الأول والآخر الناس أخوان فينا الصغير والكبير والأحترام المتبادل مطلوب من الجميع
وياريت نعمل كلنا بمبدأ...ليس كل من خالفني الرأي عدوي...كلامي صاح والا ما غلط:D
نهر ياختي احسن تلحقي الجماعة شايفة بداية عواصف واعاصير تانية بي جاي الله يستر
مساء الانوار عليك حبيبتي
وما تخافي علينا ان شاء الله نكون قدها وقدود بتواجدكم معانا ومعاونتكم
وياريت الكل يحترم راي الاخر ومافي داعي للتجريح
وشكرا على تواجدك معاي
حمودي ولد جدة كتب:اول شي السلام عليكم ورحمة الله وبركاته
كيف الحال انا صح ماشي الجامعة وماشي ادرس طيران يعني لازم اعرف المناخ والتضاريس السودان والعالم
لازم يا شباب انا مخترب بس لازم انا ما عاررف انشيد الوطني يعني لازم وانا بخجل لمن واحد يقولى انت حافظ النشيد السودان والله
مشكوووره اخوتي على الموضوع المهم
اهلين ياحمودي
داير الصراحه بالغت عديل في حكاية النشيد الوطني حق السودان
ممكن لو قلنا الاناشيد الوطنيه والحماسيه معليش لكن نشيد العلم الله يسامحك
على العموم احنا هنا عشان نعالج المشاكل دي كلها ونرفع من سودانا فووق
وخليك دائما معانا
التحية للجميع ولراعية الفكرة..
انا كلامى حابنيهو على تجربة شخصية..
انا اتولدت فى السودان ودرست حتى اولى ثانوى بالسودان وبعدين لظرف الاسرة جيت معاهم السعودية ودرست تانية وتالتة ثانوى فيها..
يعنى انا ممكن اكون منطقة وسط نابين اولاد المغتربين واولاد السودان وان غلبة كفة اولاد السودان..
المعرفة بالوطن وبكل مافيه ليس بفرض وليس باهمية كالوطنية..
مثلا بتلاقى على ايامنا كانت الجغرافية بالابتدائى (الاساس حاليا) وفى سنة رابعة كل منطقة بتدرس جغرافية ماحولها..
يعنى انا من الجزيرة ولكن لتواجد الاسرة بالابيض درست جغرافية كردفان وكنت غير ملم بجغرافية الجزيرة..
المعرفة شى والتأفف شى آخر..من اقتباس اخونا الهايم ا..للورد مشكلتا الاساسية التحدث عن السودانيين بضمير هم وليس نحنا..
ياخى من حقى اقول رمضان فى السودان حار وهو جد حار..وين المشكلة..
من حقى اقول البلد شوارعا وسخانة وهى وسخانة وان شاء الله تتنضف..وين المشكلة؟
المشكلة وكل المشكلة هو عند انسلاخى عن هويتى والتحدث عن اهلى بصيغة ضمير الاخر الذى لا انتمى اليهم..
حتى عندما يخطئ الآخر من الوعى عدم التعنيف فقد يكون الخطأ زلة لسان او تنعدم فيهو سوء النية..
السودان للجميع والعيش بداخله لا يعطى ايا من كان الحق فى تقييم الاخر..
اولاد المغتربين هم ضحية بعد عن وطن وليس مجرمين عندما لا يلمون بكل السودانيات..
يعنى اعرف الموليتا ولا العنبلوق ولا المشلعيب ماهى بالمعلومات الخطيرة التى يجب على الجميع معرفتها..
السودانية الحقة هى الاجتهاد لمعرفة كل مايهمنى بالوطن لاعمل على تقدمه وليست معرفة كيف ترقص العروس ولا بخة اللبن فكرتا شنو..
صاحب اعظم رسالة بالكون وهو الرسول صلى الله عليه وسلم امر ان يكون لين القلب وليس بفظ حتى لا ينفض الناس من حوله..
ناهيك عنا نحن البشر العاديين ..
الوعى وقمة الوعى الاخذ بيد اخيك ونصره ظالما او مظلوما وليس بالتهجم عليه واثبات جهله وعدم معرفته بما تعرف..
فيا ايها الآخر اعرف لنفسك ودعنى اعرف مااحتاج اليه والعبرة بمن فينا يقدم للعازة اكثر.. ولندع الوصاية على الآخر..
السخرية على الاخر "شكلهم كيف" ليس من اللباقة والحكمة تعييب خلق الله .. لأن غيرك ايضا يمكنه القول شوف شكلا كيف..
فليدع الجميع الخلق للخالق و(من كان يؤمن بالله واليوم الآخر فليقل خيرا او ليصمت)..
