اخ هووومي مشكور على ابداء رايكـ اللي من جد
يدل على قوة الراي ووسيلة الاقناع
انا معاكـ ناس الجبنات وقعدة العصرية
والراكوبة بالمغربية
وجو الخريف اللي احنا هنا بنحلم بيه حلم ...
يا جماعة السودان مافي احلى منها
وانا مقتنعة بالكلام ده ومع اني ما مشيتها
لكن بحترم راي اللورد
لاني زي ما قلتليكم الغلط ما منها
وما حعاتب احد لانو وبالرغم من الاباء احيانا ما بودوا
عيالهم ويسفروهم
فاكيد في ظروف اقوى منعتهم
وبعدين انتوا هنا بدل تحولوا الكلام لمشكلة
مفروض وبحكم ان بعضكم
قد ابائنا واعمامنا
وما تنسوا وجهة نظر اللورد دي موجودة في الكثير من
العايشين هنا ومتربين هنا
وانتوا كلامكم على عيني وعلى راسي لكن الكلام المفيد
اما يجينا شخص ويكتب اللي على كيفه
ويرمي ليه كلمة تهز منها الشاشة فده غلط
واكبر منك بيوم اعقل منك بسنة
يعني هنا انتوا بتعلمونا
واعتقد وسيلة التعليم الماخدنها اكثر الاشخاص هنا دي وسيلة فاشلة
وانتوا فاهمين كلامــــــــــــــي..
السودان بالرغم من انو اكبر دولة عربية
ومشهور بالثروة الزراعية
لكن فيه الخير وفيه الشر
وفيه الحلو
وفيه الشين
فيه الطين
وفيه النيل
فيه اللمة والونسة
وفيه الحرامية ونطاطين الحيط
فيه الاهل والاحباب
فيه الصحبة والاقراب
فيه قبور اجدادنا وتراثهم
فيه الاحترام والحشمة
والاهم
الاخوة
وعايزاكم تركزوا بالكلمة دي
واللورد هنا قالت شي
ولو انا قلت الشي ده في بيتنا او قاله بنتكم او ولدكم
حتنادوه على جنب
وحتقولوا ليه يا ولدي ولا يا بتي
دي بلدك ومهما تلفي حترجعي ليها
ومهما تضيعي في العالم مكتوب على جوازك سودانية
ومهما يحترموك الناس عشان فلوسك
بلدك حتحترمك عشان انتي قطعة منها ومنهم ..
ولو زي ما قال الاخ فارماس انا جرحت احد ومع اني متاكدة ما جرحت احد
بس الجرحته ده
يعذرني والعفو مطلوب من الجميع ....
Hoomy كتب:السوداني ياخي ماتخش في الحتة بتاعت التربية دي
نحن قصدنا التوجيه أكثر من التأنيب
أرجو أن تكون فهمت قصدي
عشان ماياخد البوست نحو خلافات شخصية ماندخل في حكاية تربية وغيره
ان كانت هي اخطات فماهكذا يكون العلاج
ولك تقديري
عوافي عليك هومي ياريت الناس كلها زي تفكيرك
وفهمك بس يا خسارة
ود ابنعوف كتب:هوووووووووووووى يا ادهم المسعودية الجابا هنا شنو بقت سعودية ونحن ما عارفين زقاق
غايتو صحى اها ضيوفك عرفتم ولا لسة
[fot1]هههههههههههه[/fot1]
عليك الله المسعودية بلمة اهلها الطيبين وقعدة القهوة في ضل الضحوية ما اجمل مليون مرة من السعودية بس الظروف احياناً هي البتخلي الواحد يسيب بلده ويتهان في بلد الغير لكن برضو اسمها غربة والناس ما بتنسي وتسيء لااصلها ولا رايك شنو يا بنعوف
من جد يسلمـــــــــــــــووو يا تيـــتو
للاسف الحين اغلب النقاشات اللي بتصير
تتحول لمهاترات ومشاكل
والمشكلة اي لفظ ساري باللسان
ما بحطوه في ميزان ويقيسوه
بقولوا ليكـ اللسان احيانا بكون سيف
والسيف بقتل ....
وتاني حاقول
قبل ما تردوا اقراوا الموضوع وما تفسروه على مزاجكم
فسروه بطريقة صح ..
وزي ما قالت الاخت سمارا
فهم السؤال نصف الاجابة ...
ودمتم ...
يا اخت امال رايكـ حلو وسليم
لكن لمن يصل الكلام للدرجة دي
بيصير صعب نقفله بسهوولة وخاصة احنا المفروض
نبدي ارائنا ونتناقش فيها ...
يعني حتى انا ما سلمت من الكلام القالوه
بس زي ماقلت
الما بتقبله على نفسكـ ما تقبله على غيركـ
اولا هم اكبر مني انا واللورد
يعني مافي داعي ارد عليهم
وانا ما بجمـــــــع الكل ..
لان في بعض الافكار البناءة اللي عجبتني
وهي من الاخ الفاضل هــــوومي
وتيـــــــــــتو ...
وتانيا...
الاحتـــــــــــــــــرام
ثم
الاحتـــــــــــــــــرام .
واخيرا ...
الله يرجعكـ بالسلامة يا رب
مع اني كان نفسي اقابلكـ هناكـ قبل ما ترجعي ..
وللباقيــــــين مشتاااقين
اخباركـم يا احسان وقمر وتيــــتو
من جد وحشتوووووني .....
نهر المحبه كتب:خلاص ياخوانا
مافي داعي الناس تفقد اعصابها اكتر من كده
الموضوع ده قفلوه
بس دايره اقوليكم حاجه
دائما الواحد لمن يجي يتكلم عن بلده يقول عنها احسن الكلام يعني يوصف محاسنها مش مساوئها
عشان كده احنا مادين للناس التانين فرصه يتكلمو عن بلدنا بشكل فظيع ومريب مع انها ماكده خالص
صح احنا اتربينا هنا في السعوديه واتعلمناعلى الحنكشه بطبيعة الحال ده مش عيب فينا بس خلاص الظروف
بس برضو كل ماكنا نمشي السودان كنا والله بنكون مبسوطين لمن الكهرباء تقطع بالليل ونكون قاعدين في ضل القمره دي من الحاجات الفاقدينها فاقدين الطبيعه والناس الطيبين منظر الجيران لمن يجو ويسلمو علينا
الواحد بيحس بيقمة اهله وناسو
طيب بدل الكلام ده تعالو نوصف محاسن بلدنا ونوري الناس بلدنا حلوه كيف بس لو ماظروف الحرب والمشاكل الاخيره كان السودان بقى حاجه تانيه
اويد فكرتك
يلا كل واحد يتكلم عن المناطق الحلوة فى بلدنا الغالية
ههههههه
خلاص انا ببدا
انا ما حتكلم عن المناطق الحلوة او الطبيعية
انا حاتكلم عن سطح بيتنا وقت المطر
اول شي جو الخريف ماشاءالله
من جد شي رهيب
ولا كمان الغيوم اللي بتكون متجمعة بالصباح
ورذاذ المطر
وقوس القزح اللي كنت بشوف عالطبيعة
وكل مرة اصحي ناس البيت
واخد لي منهم تهزيئة تهزيئتين ههههههه
طبعا انا اول مرة اشوفه عالحقيقة
وهم ماشاءالله شبعانين منو
من جد احساس روعــــــــــــــة
وتسلـــــــم على اقتراحكـ ...
اول شي يا اخ فارماس انا لمن اتكلمت اتكلمت بصيغة الاحترام ..
وثاني شي غصبا عليك تتكلم معاي بادب
لانه مهما كنا هنا احنا سودانيين وانا ما اتكلمت عن احد بالسودان
ولا قلت انكم ما فاهمين
ولو ده اللي انت فهمتوا من كلامي فانصحك تلبس نظارة وتقرا الكلام
مرة تانية
وبعدين في شي اسمو تعويدة
ممكن تقولي انت لو مشيت امريكا واكلت لحم الخنزير ولاول مرة
تتوقع حيحصليك ايش؟
اول شي حتتسمم واذا ما اتسممت حتجيك الام بالمعدة
والوضع مشابه
اول شي لاختلاف الجو واختلاف مصادر الماي اللي احنا نشربه
وبعدين انت فالح وشابكني حنكشة
حنكشة ايش بالله عليك
وحدة ما عاشت ولا انولدت في السودان
عايزها تسوي ايش
طيب ايش رايك انا اخوي اول ما مشى السودان
وشاف الغنم اللي في الشوارع
والله العظيم مسكته حمى 3 ايام
لانه ببساطة وزي ما قلتليك ما متعودين على الحاجات دي
وبعدين يا اخ فارماس ما تجي تجمع الكلام وتفسره
من عندك
لانه ده قمة التسرع
وهنا اراء الناس بتختلف ما من حقك تقول غباء
او شي عشان لو عايز تغير وجهة نظر محددة
ما بتغيرها بالطريقة دي
وبعدين انا ما جرحت شخص بكلامي
والجرحته ولا وجهة ليه كلمة
يقول انا جرحته بالكلمة دي
وبعدين زي ما قلت ليك انا بموت في السودان
يعني بالعربي لو خيروني اعيش فيها ولا اكمل بالمملكة
حاختار بلدي
عشان كدة ما تتسرع وبعدين بالرغم من المملكة هنا
ما احسن من السودان الا بشي واحد
اللي هو الكعبة والمدينة
واحنا فعلا ما اخدنا الجنسية ولا عايزة اخدها
بس السودان ما تغنيني اني اعمر يوم واحد في الكعبة
او اصلي لي ركعتين فيت الرسوول وعليه الصلاة والسلام
ويا اخ فارماس
فهم ولا ما فهم ربنا يخليكم انتوا الفاهمين
وانصحكـ يا اخ
ما وللحظة انا بقول يا اخ
لمن يكون في مناقشة بين طرفين
افهم الكلام ورد بنفس الصيغة عشان ما تطلع من اطار الاحترام
...
ودمتم بود ..
اول حاجة انا لو ما قريت كلامك بي تمعن ما كان رديت وكلامك فية نوع من الاستخفاف
بناس السودان وانتي ارجعي وعيدي قراءة ما خطتة اناملك من حروف .
طيب ما اختلفنا في وجهة نظرك لكن تكون في حدود المعقول وانا لحدي الان قاعد اتكلم معاك
بي ادب ولو جينا لي قلة الادب هسي بقفلو البوست دا عشان كدة ما دايرين نقل ادبنا هنا
وكلامك انتي وكلام صاحب البوست اللي ما اتعرف لسة ولد ولا بت دا يخلي الانسان يخرج عن
طورو ويفقد اعصابو والحمد لله لسة اعصابي هادية لاكن لا نسمح لأحد ان يمس شعرة من
عاداتنا وتقاليدنا السودانية والكلام اللي اتقال من جميع الاعضاء انا بشوف فية نوع
من الفهم أما انا ولا فاهم مثقال زرة من حديثكم .
وبعدين انتي بتقولي الكعبة وما ادراك ما الكعبة يا بت اللي بزور الكعبة بتقي الله في اهلوا
وفي وطنو مش يفبرك في الكلام ويجي يقول لو خيروني ان لو تفتح عمل الشيطان .
وبالنسبة للمناقشة هي اصلاً ما بين طرفين المناقشة هنا للجميع مين الطرفين ديل انتي وهو ولا هي
المهم هذا منبر عااااااام ولكل حد يدلي برايه بما يري فية صواب .
يا اخ فارماس احنا ما ققنا من شمعة بلدنا وتقاليدها
وبعدين لمن نقول في تلوث او ظاهرة بالتلوث
فده شي اعتقد واقعي وملاحظ في بعض اقاليم السودان
يعني مهما انا اتكلمت او غيرنا اتكلم
الموضوع ما حيتغير بطريقة جذرية بالسهولة دي
وبعدين لو انتبهت انك انت فاهم الموضوع بطريقة تانية
يعني عذرا اخـــي
احنا هنا بنعالج ما بنبلي
ولو جينا نتكلم
بنتكلم عن واقع في الحياة وواقع موجود
وبقولوا ليك من عاشر قوما 40 يوما صار منهم
يعني بلدي على عيني وعلى راسي
ده ما يمنع اني اتمنى ليها انها تصير احسن واحسن
وبعدين في كلامي انا ما استخفيت باحد والله شاهد على ما قلت
وبعدين اللورد دي بنت
وانا اسمي شيراز ...
ش ي ر و ده لقبي .. ما زي ما قلت سابقا ....
وبعدين حاقووليك شي انا الحمدلله البتشرفوا بي موجودين وربنا يطول لي باعمارهم
وانا ما قلت ليك استقبلني عشان ترد علي بالكلام ده
وثالثا
زي ما قلتليها وحاقوليك
انا لاول مرة اصوم رمضان
وربنا يستر
عارف الدعوة دي ليش؟؟؟
سبحان الله طبعا ما حتفهم
ولا اساسا عايزاكـ تفهم
لانك انت فسرتها على كيفكـ
ومع ذلك حاقولييك
اول شي انا عندي الوالدة ممنوعة من الصيام
ولان المملكة هنا في رمضان عندنا بفطروا 5
ولحد خ الا ثلث هي بتصوم
وفي رمضان اكيد ما حتفطر
عشان كدة قلت الله يستر
وبنصحك تاني ما تستعجل للوم لانك لا حتستفيد
ولا حتفيد الناس معاكـ
.......
والله يهدي الجميع يا رب ...
طيب يا ست الفهم والزوق انتي لو بتفهمي ما كان دخلتي الوالدة هنا ما هي علاقة الوالدة
بالموضوع؟؟ وربنا يخليها ويديها طولت العمر وإنشاء الله تصوم وتفطر علي خير .
اما بالنسبة لي افهم ما افهم دا بتعرفي انتي وانا متأكد من انك فااااهماني كويس وفاهمة
حديثي بدور في ياتو محور عشان كدة بتقولي ما فاهم خخخخخخخخخخخخخخخخخخخخ
اولا يا اخ فارماس امين
وانا ما دخلت الوالدة في السالفة
الا لانك انت قلتلي الله يستر من ايش؟؟
واعتقد طريقة فهمك دي هي اللي خلتني اوضح ليكـ
اما عن الموضوع بدور في ايش؟
فاتمنى انك تقرا التعليق اللي وضعه تيتو فووق
وانت تعرف الموضوع بدور عن ايش ...
