لعبة جديدة .....ثقافات سودانية.... ادخلو اللعبة واستفيدو...

[bintalsudan]

الاخ الغالي بلبل تسلم على اللعبة الحلوة دي

طيب بتعرفوا الكوريك؟؟؟

[العشاري]

الكوريك دا بي ياتو لغه ؟
انا شخصيا ما بعرفو اسالي ناس دلوعه وما شابه

[ahmedBolbol]

معقولة بس يا عشارى ........

[bintalsudan]

طيب انا حاقول هو الجاروف او الحاجة اللي بيلموا بيها الزبالة بعد الكنس

[العشاري]

loooooooooolz
بلبل يا وجيه
لاتصدق كل ما تسمع وصدق نصف ما تري

[ahmedBolbol]

loooooooooolz
بلبل يا وجيه
لاتصدق كل ما تسمع وصدق نصف ما تري

هههههههه حاااااااضرين .........

كدى اسه وين الكلمة ........

[العشاري]

برك خبر يا بلبل
انت حقارتك بي انا بس
زمان اتفقنا علي انو البحل السؤال يتكرم يخت لينا سؤال غيرو
عجب يا زمن

[ابن عوف]

بلبل يا رايع
ههههههههههههههههههههههه
كلامك كلام زول ممكون الزم الصبر يا رجل خلي باقي الشباب يشاركو ولا اقول ليك برسل ليك المعني في رساله خاصه بس انت جيب ليك شوال صبر وكل يوم اكل منو دُقشه
احد الاعضاء سال من التبروقه
عفوا للمداخله
التبروقه هي سجاده او مصلاة مصنوعه من جلد الباهئم او بالاحر الخراف لمتانته
كيفيه صنعه
يفرد الجلد علي الارض وينظف من البواقي مثل الشحوم وما الي ذالك
ثم تجفف لفتره ايام و بعد ذالك تفرك بالملح والقرض لكي لا تتعفن لفتره ايام متواصله بشرط تكون معرضه لاشعه الشمس طوال تلك الفتره
ان شاء الله فهمتو شرحي دا

حبيبنا العشاري او تمساح العشاري الما بكتلو سلاح

ما قصرت كفيت ووفيت بس عندى شوية راى فى التبروقة

المعروفة عندنا هى مصلاية وهى تصنع من السعف فى شكل دائرى ويعمل لها زيك اسود من خيط الصوف اما انت الى تكلمت عنه انها تصنع من جلود الخرفان فهذه الفروة واكتر شئ يشيلها معاهـ المزارع

ويحتمل زى ماتفضلت وقلت الاسماء تختلف من منطقة لاخرى والله اعلم

يلا ياشباب
عندى حاجات مرتبطة ببعض

الخروج واللبدة

[ahmedBolbol]

ود ابنعوف شخصيا هنا والله لكن ما شالله وانا اقول النور ده من وييييييييين

منور والله يا غالى البوست ويلا ورينا ابداعاتك وخلينا نستفيد منك يا غالى .......

[zizou]

مشكوووور يا بلبل على اللعبه

الخروج من بلاستيك تقريبا

بوردو بي المويه واللبده من صوف تحت السرج زي المخده كده

هاكم دي الكابدلو

والبخسه

[ريمو]

ما بعرف
......................

[lola2009]

علي ماظن حاجه مصنوعه من السعف وبيستعملوها زي الصلايه
صح ولا انا غلطانه؟
طيب هاكم دي(المرق) بكسر الميم والراء

[ابن عوف]

ود ابنعوف شخصيا هنا والله لكن ما شالله وانا اقول النور ده من وييييييييين

منور والله يا غالى البوست ويلا ورينا ابداعاتك وخلينا نستفيد منك يا غالى .......

النور نورك يا غالينا
يلا العندنا بنوريكم ليها بس الذاكرة بقت ضعيفة شوية بقينا مبرمجين شغل نوم اكل شراب طبخ وغسيل

عدة وملابس ومكوة وهكذا تدور

هى ساهلة بتذكر الوالد وانا صغير كان بقولها لى على طول

خمسة بلبلات شايلة بلبلة شاقة الطليح كايسة منزلة
هى ساهلة بس نشوفكم كيف

[ابن عوف]

وهاكم دى

حبوبتى فى ديوانها تاكل فى مصرانها

بالجنب كدا

شنو يا عمكـ رافع القزاز يلاقوك وين ؟

مقفل الخاص

[صلاح العجباني]

النور نورك يا غالينا
يلا العندنا بنوريكم ليها بس الذاكرة بقت ضعيفة شوية بقينا مبرمجين شغل نوم اكل شراب طبخ وغسيل

عدة وملابس ومكوة وهكذا تدور

هى ساهلة بتذكر الوالد وانا صغير كان بقولها لى على طول

خمسة بلبلات شايلة بلبلة شاقة الطليح كايسة منزلة
هى ساهلة بس نشوفكم كيف

دي سهله عرفتها ......الخمسه دي اصابع اليد اللي ناكل بيها دي صح ولا ...

[صلاح العجباني]

وهاكم دى

حبوبتى فى ديوانها تاكل فى مصرانها

بالجنب كدا

شنو يا عمكـ رافع القزاز يلاقوك وين ؟

مقفل الخاص

ودي كمان عرفتها .....حبوبتنا قاعده في ( العنقريب )

[صلاح العجباني]

يلا هاكم دي

مشلعيب
و

دبنقه

[شوتال]

ازيكم

المشلعيب دي من السعف بعلقوة

علي السقف

اها هاك ديل


1- المحراكة ( بضم الميم)
2- التكل ( بضم التاء)
3- القد ( بكسر القاف)
4- القرقريبة
5- المعراكة

[صلاح العجباني]

المحراكه دي حجرين كبار يختوهم فوق بعض و يطحنو بيها العيش

التكل دي بتاعت العواسه

القد دي ما عرفتها ؟؟؟

القرقريبه دي بتاعت العواسه

المعراكه يسوطو بيها الملاح

[صلاح العجباني]

اهاا هاكم دي

التكة