برايك مااسباب تخلف االسودان عن النهضة حتى الان

[محبة الامل]

تحية بحجم هذا الوطن

الموضوع عبارة عن تساؤلات تدور حول العنوان الرئيسى لهذا البوست , لطالما دار
باذهان الكثيرين هذا السؤال, لماذا يعانى السودان اقتصاديا بينما هو يمتلك جميع مقومات الدولة العظمى ,؟؟ لماذا مازلنا نعتبر دولة من افقر دول العالم واكثرها تخلفا ؟؟ لماذا لم ينهض السودان -كما فعلت العديد من الدول -بعد نيله استقلاله منذ اكثر من خمسين عاما ؟؟؟ لماذا مازلنا نعانى اقتصاديا ونحن دولة توصف بانها سلة غذاء العالم وامريكا مصغرة من حيث الموارد ؟؟؟
نحن نمتلك اراضى خصبة بمساحات شاسعه , انهار , مياه جوفية , امطار , ثروة حيوانية ضخمة, مراعى طبيعية شاسعه, قوة عاملة وفيرة , ثروة سمكية , منافذ على العالم الخارجى فى الشرق وعبر البحر الاحمر, بترول , معادن , الخ الخ الخ

باختصار نحن نمتلك كل شئ , ولكننا لم نحقق اى شئ فلماذا ؟؟؟
هنالك العديد من الدول التى بدات نهضتها الاقتصادية فى نفس الفترة التى بدانا فيها نحن, مثل كوريا , ماليزيا , اليابان , جنوب افريقيا , شنغافورة, وغيرها .
لقد بدات هذه البلدان من نفس النقطة بعد استقلالها من الاستعمار الاجنبى , بل وبالمقارنه مع الدول المذكورة اعلاه فان السودان كان متقدما عليها جميعا , بابنائه المتعلمين , والمستنيرين , وبوعيه المبكر, وبثرواته البكر , ورغم ذلك , ظللنا نحن نكابد المرارات اكثر من نصف قرن من الزمان , بينما تتحول دول كانت تعيش فى مستنقعات من الجهل والمرض والحروب الى نماذج تحتذى فى النهضة العلمية والاقتصادية والتقدم

لقد كنا نتقدم جميع العرب والافارقه فى كل شئ , الثقافة , الرياضة , افن , والاستقرار السياسى والاقتصادى , ونحن الرواد فى العديد من المجالات بشهادة التاريخ , اذا فلماذا تجمدت حركتنا واستمر الاخرون بالنهوض ونحن عن مجاراتهم عاجزين ؟
وللاجابة على هذا السؤال اعتقد اننا نجب ان نناقش المسالة من كافة المحاور سواء كانت , اجتماعية , او سياسية , او نفسية , او تاريخية

[عمار ود الشرفه]

يا محبه الامل انظري الي الموضوع من كل الجوانب : مثـــــــــلاً : انتي ذكرتي انو السودان بدأ النهضه الاقتصاديه مع دول متقدمه حالياً .. لكن السؤال هل الدول دي بمجرد نيل استقلالها كانت لديها حروب اهليه ؟؟؟
انا اجاوبك ..
السودان ذي ما عارفه انو خاض اطول حرب اهليه شهدتها افريقيا .. ومع كل هذا تحقق السلام في ارضه وعانق النخيل الباباي .. وقد ذكر النقاد بان هذا السلام وحده يعتبر انجاذ ..
من هنا بدأ السودان والادله واضحه .. من مشاريع زراعيه الي سدود وكباري وخدمات وتوسع في التعليم بصوره كبيره .. ومع هذا, الغرب لا يريد للسودان التقدم . فوضع له كثير من الاشياء التي تحول دون ذلك وجميعنا نعلم ذلك ..
ويا ستي مشوار الالف ميل بيبدأ بي خطوه ونحنه مليوووووووون ميل بديناه بي خطوه ..
كوني متفائله كاسمك ...

[MiSs PlAnEt]

يا ود الشرفة ده الكلام البحفظوه ليكم في المدرسة عشان الحكومة تاكل خيرات البلد وما حد يسألها!

[عمار ود الشرفه]

اخي MiSs الحكومه ما بتاكل خيرات الناس .. الحكومه بترضي الناس :
انا لو سالتك الحكومه دي شني ؟؟
الحكومه دي عباره عن ناس مكلفين باداره اموال العامه .. والعامه هي البتختار الناس ديل ..
والناس ديل محلفين قسم ..
طيب قروشنا دي بتمش وين ؟؟ اذا في مال عام نحنه ملاك المال العام ؟؟
المال العام ده فيهو ما يقارب 50 وزاره .. وحكومه 27 ولايه .. وووووووو .. اقرب مثال ليك المعلمين .. شوف السودان فيهو كم معلم وشوف المعلم بياخذ كم في الشهر .. يلا شوف وزاره الصحه وزاره الدفاع , ووووو ..
ويا سيد السودان الان فيهو افضل حكومه عربييييييه .. ولو ما مصدق شوف البحصل الان في مصر ولبنان واليمن والعراق و الصومال , وووو ...
الدول دي كلها الان بتتعارك في السلطه .. و الشعب ما رضيان عنهم ...
ونحنه ثقتنه في حكومتنه قويه .. ولو ما الحكومه دي يا MiSs كان حا يحصل وحا يحصل وحا يحصل ..
ونحنه بنتفاءل خير في الحكومه دي ... لي الفتره الانتخابيه الجايه ...

[لؤلؤة]

صراحة انا شايفة السبب في الشعب قبل الحكومة...
اول شي الشعب غير منظم وغير حضاري وما عندو اي التزام بالمواعيد
وشعب مجاااااامل لي اخر درجة...
فالناس مفترض تغير اول من نفسها عشان نتقدم..
ولا يغير الله ما بقوم حتيى يغيرو ما بأنفسهم
وتقبلي مروري

[Dody]

نقص الدعم الاقتصادي من اهم الاسباب

مشكوره من جد موضوع مهم

دمتي بخير

[زوزو الجامعي]

والله انا شايفه المشكله في الشعب وبذات في حكاية الحروب الاهليه الحاصله دي

[أبعاج]

[ودعازة]

الاجابة على السؤال فى منتهى البساطة وهو انو كل فرد بالمجتمع السودانى لو بأدى عمله بضمير ويقين مابتكون عندنا مشكلة..
نعيب زماننا والعيب فينا وماللزمان عيب سونا..
حال معظم اهل السودان مابين:
ساخط على الحكومة وسيادتو مابيعمل شى ومتكى انو الحكومة تخدم عليو..
جارى ورا مصالحو الشخصية وعندو الغاية تبرر الوسيلة ..
الاتكاء على الواسطات..
الولاء قبل الكفاءة..
هو يعنى انا براى بغيّر الدنيا..
الناس ماكلها كدا..
ياحليل زمان لما كان جوز الحمام تلاتا فرد..البكاء على الاطلال..
الخوف من المبادرة والتغيير وانتظار الزعيم الاسطورى..
عدم الثقة بالنفس وبالاخر..
الخوف من عادات المجتمع البالية والعيب الاكبر من الحرام..
عدم الوعى حتى بين مايسمو بمثقفين ومتعلمين..
عدم التخطيط وتعجل النتائج..

بإختصار البلد ماليو وجيع..

[نهر المحبه]

السبب واضح
بصراحه احنا شعب معروفين بالكسل والخمول بعد ده كله دايرين البلد تمشي لقدام
طيب البسوقها منو
مع احترامي للجميع الاجانب الملو البلد من كل ناحيه
ماكان احسن انو الشعب هو اليمسك الاشغال البيقومو بيها دي كان بنى كان اي حاجه
يعني في النهايه المشكله فينا احنا
اش معنى لبنان في اخر حرب ليها مع اسرائيل 2006 رجعت اسي زي الاول واتعمرت كمان
(ان الله لا يغير مابقوم حتى يغيرو ما بانفسهم)
وشكرا

[ملاك وعيون هلاك]

برأي السبب وراء التأخر الاقتصادي
هو إنو كل سوداني يشتغل لمصلحتو بيرشوه يمشي حاجتو ما في نظام ما في صحه البلد مخربه بين مع إنو عندهم الامكانيه لكن ما بيحبو يسرفو ع البلد بس ع نفسهم ع أولادهم أنا ونفسي وبس
لو في غلط في البلد مافي واحد يقول تلت التلاته كم وبعد ده كله يشتكو في وضع البلد لأمريكا مع إنكم إنتو المخربينها لو عندك أي أعتراض في السودان أبدأ بي نفسك ثم بيتك ثم قرييتك ثم مدينتك ثم بلدك
إنت أو إنتي بيدك بتقدم السودانومدام بنحب بلدناتبقى هتتغير بأدينا


تحياتي
ملاك و عيون هلاك

[ملاك الورد]

مشكورة على البوست
لكن ما متخلف و شعبه من ارقى الشعوب و انبلها

[aboalseem]

يا جماعة ما تعممو الحكاية
الشعب جزو كبير بل اغلب الشعب مطحون ومغلوب على امره...والحكومة ما كلها البتاكل في البلد
بس في فئة مسيطرة للاسف هي المتغلغل الفساد فيها وهي سبب كتير من المشاكل سواءا سياسية او اقتصادية لانها بتخدم في نفسها او لانها بتخدم جهات معينة مستفيدة من الحاصل ده


تقبلو مروري

[سودانية للأبد]

السبب واضح
بصراحه احنا شعب معروفين بالكسل والخمول بعد ده كله دايرين البلد تمشي لقدام
طيب البسوقها منو
مع احترامي للجميع الاجانب الملو البلد من كل ناحيه

ماكان احسن انو الشعب هو اليمسك الاشغال البيقومو بيها دي كان بنى كان اي حاجه
يعني في النهايه المشكله فينا احنا
اش معنى لبنان في اخر حرب ليها مع اسرائيل 2006 رجعت اسي زي الاول واتعمرت كمان
(ان الله لا يغير مابقوم حتى يغيرو ما بانفسهم)
وشكرا

بالضبط
بالله يعني ما عارفين يبنو حاجة غير عفراء وماشاء الله مافي حاجة ناقصة
والحاجات غلت بالله قولو شنو ناقص شنو الازمة الفي السودان دي ما تقولو الازمة منتشرة في كل العالم بس ما معقولة بالشكل ده في السودان .. وانا بقول خلي الجيل ده يصلح الحال احسن[/align]