المرتبة قبل الاخيرة 8

[اشرف.]

اتخيلوا انو صاحبى قطع علاقتو مع حبيبتى الما حبيبتى؟؟؟؟؟؟!!!!!!!!!
وكل واحد مشى فى حالو
ومتين؟؟؟؟؟؟
قبل الامتحانات النهائية بفترة قصيرة
معقول ؟؟؟؟؟؟؟؟
ممكن فى زول يعمل كدا؟؟؟
يسيبها وهى امتحاناتها باقى ليها اسابيع قليلة؟؟؟؟؟؟
*ياربى هى متماسكة ولا منهارة؟؟؟؟؟
*ياربى حتقدر تقرا ولا لا؟؟؟؟
*ياربى ...ياربى؟؟؟؟
مليون سؤال ومليون علامة استفهام ولا اجابة؟؟؟؟؟؟؟؟؟؟
طبعا اول مافقت من الحالة الكنت فيها اتصلت عليها
ماعارف ليه؟؟
يمكن كنت عاوز اتاكد انها قادرة تواصل وقادرة تمتحن
المهم ردت من تانى جرس وانا ضربت لخمة؟؟!!!!!!!!!
-الو
*.....................
-الو
*...........................
-الو
*ايوة يادكتورة سلام عليكم
-وعليكم السلام
*انتى كويسة
-الحمد لله
*عرفتينى؟؟
-ايوة
*معليش انا اتصلت فجاة قرايتك كيف؟؟؟
- الحمد لله كويسة
*طيب بس انا كنت عاوز اقول ليك العفو والعافية وانا ما حازعجك تانى بس ما تزعلى انتى منى
- ازعل؟؟ لا انا ما زعلانة بس انا ما بعرفك يعنى ده كل الموضوع وانا ما متعودة اتكلم مع زول ما بعرفو
*على العموم شكرا على انك اتكلمت معاى طوال السنين الفاتو وانتى ما بتعرفينى وربنا يوفقك ياست الناس
شدى حيلك ونحنا معاك دايما بالدعوات انشاء الله
- انشاء الله ..شكرا
*يلا سلام عليكم اخليك تشوفى قرايتك
- وعليكم السلام
*.........................
- مع السلامة
* الله يسلمك يارب
وانتهت المكالمة
وكنت جد حزييييييييييييييييييييييييييييييين لدرجة اصلا لا يمكن وصفها
بس كنت حاسى انى ممكن اعمل حاجة عشانها
وطوالى بديت رحلة البحث عن الشاب صاحبى الكان مرتبط بيها
طبعا قافل تلفونو وهم اجزوا للامتحانات وما بجوا الجامعة وهو كمان معسكر مع اصحابو يعنى ماقاعد فى بيتهم
وتعبت جدا لحدى ما قابلتو
المهم ركبت معاهو فى عربيتو وقعدنا نتكلم لقيتو ماعاوز يتفاهم فى الموضوع اصلا وزعلان منها جدا
طبعا للخصوصية ماسالتو سبب الخلاف شنو بس طلبت منو طلب كاخ اكبر وطلبت منو يعملو عشان خاطرى وعشان ده الصاح..
وبعد تعب ونقاش طويل وبعد حكيت ليهو بصراحة الزولة دى بتمثل لى شنو_طبعا ماحكيت ليهو انى اتصلت عليها قبل كده وخليتها للظروف-
المهم فى النهاية وافق يعمل لى الانا عاوزو
كنت اسعد زول واتعس زول فى نفس الوقت؟؟؟؟؟!!!!!!!!!
اما الانا عاوزو ده وهو قبل يعمل شنو عشانى فده حاقولو ليكم الخميس الجاى
؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!1

ويبقى الحب
اشرف

المرتبة قبل الاخيرة
قصة فتاة
اعطتنى كل شئ
واخذت منى كل شئ
دون ان تفعل اى شئ

[gladness]

بالغت لكن يا أشرف
ما قلت شي
وحتخلينا نستنى للخميس الجاي؟؟؟؟؟؟

[روايات الحب]

يعني نقعد نستنا كل خميس؟

[gladness]

اها الخميس حا وفات!!
وييييينك؟؟؟؟

[اشرف.]

ااااااااااااسف بالجد على الغياب يا احلى واغلى ناس بس والله ظروف قاهرة منعتنى من الكتابة
بس انا جيت راجع وحاواصل الكتابة وحافضل اكتب واكتب لحدى اخر يوم فى عمرى عن زولة ادتنى كل شئ واخدت منى كل شئ بدون ما تعمل اى شئ
ومعليش لانى مليت المنتدى بكتاباتى بس لانى عاوزكم تتذكروا الحلقات الفاتت واقدر اكملوانا متاكد انو فى ناس متابعين وعايشين معاى الامى ولو من على البعد
مع كل الحب والاحترام