مكتبة الشاعرالفاتح ابراهيم بشير

[السوداني الخطر]

[frame="1 80"][align=center]يا حبيبي انا افتقدتك

انت عارف روحي غيرك لا بتموت لا تبقي حية
يا حبيبي انا افتقدتك لما طال الشوق عليا

يا حليلي انا كنت قايلك من زمان مهتمي بي
في الحزن تحزن معايا ويوم اغيب تسال عليا

باختصار انا كنت دايرك تبقي اقرب مني ليا
انت تاريك بي مشاعرك مستقر فوق الثريا

الصباح الفي عيونك باعني لي مر الاسية
سابني بين شطانو هايم جاري لا عند العشية

انا لاني قادر اقول كفاية لا ني راضي اكون ضحية
المصيبة انا كان بكيت ول جنيت هيه هيه

الليل ... كل مصيبتي هويت عيونك في زمن ظالم شوية
يكره الحب والتفاني ويعشق الجفاء والرزية

الطيور وكتين تغني الزهور تصبح ندية
الا عاد كيفن تغني وعينها فوق عين الحدية

الليل ... افتقدتك وانت عارف زي يقضي الليل سجية
مستعد ما عندو مانع انو يهدي الروح تحية

لا بهادن لا بسامح لا ببيع ابدا قضية
لو تمر الدنيا فوقو ارتكب مليون جنية

افتقدتك يا مناي يا سعد روحي الشقية
لما فاضت بي همومي والامور لاجت عليا
افتقدتك يا نصيري العزول عاصب عيني
افتقدتك يا صباحي الظلام ضامي العشية
افتقدتك الف مرة لما شمتوا اصحابي فيا

شفت كيف انا افتقدتك قدرة الالم العتية
انت ماك جايب خبيري وما بتفكر تبقي جية

حتي يوم لاقيت صحابك منك اتوقع تحية
الا وا خيبة رجايا ويا حلات الحسرة بيا[/align][/size][/frame]

[السوداني الخطر]

[frame="3 80"]في لحظة من عمر الزمان...والنـاس تكابِـسْ فـي الجسـور
مشغولـة بـي بحـر التسـاب ... لـو فـاض يلخْـبِـط لـلأمـور
المَسْـرَة تصبـح بيـنَ بـيـن...أو بـالأصـح بتضـيـع كـسـور
ما أصلو هو الدَّيَّانا ديل ...واقفين علـى البـاب مـن شهـور
خايفـيـن حقيـقـي مــن البحر...يـسـرق حنـيـن الأمـسـيـات
وتـغـرق شتيلاتـنـا الـخُـدُر ...وتـرحـل مـعـاهـا الأمـنـيـات
والحِلِّي تغرق في الأسـى ...وسكانهـا يصبحـوا فـي شتـات
فـي شـان دا كـل النـاس بقـت ...طوريـة فـي إيـد الجِـنَـات
وكل البلـد نزلـت تِحِـتْ ...أطفـال . نسـاء . شيـوخ. بنـات
بس فجأة جاهُن صوت بكي ...وصراخ غريب في ذبذبات
قـام سألـوا هـوي حاصـل شنو...السيـل وراكـم يـا جِنـات؟
يـا أخوانـا إنكسـر الجُسُر؟...كـان ردهـم لا .. لا .. بـتـات
يا أهلنا حسن الدابي مات ...يا أخوانـا حسـن الدابـي مـات
وقـعــت مـتـاريـس الـصـبُـر ...وانـهــدَّ كـتــف الأغـنـيـات
وغـرقـت مدايـنـك يــا شـعـر ...واللـحـن إلـتـزم الـسُـكـات
ورحلـت معانـي الأمنـيـة ...وجــرت الدميـعـات كالـفُـرات
ياحليلو كـان جبـل ابـن عـوف ...ثابـت علـى المبـدأ ثبـات
أسطـورة ختَّاهـا الزمـن ...زي واحـة فـي الـدرب السُخُـن
الـدابـي يــا سـمـح الخُـلُـق ...الـدابــي يـــا الـكُـلَّـكْ حُـسُــن
فـي يـوم رحيلـك يـا تِلِـبْ ...ناحـت بلـدنـا رُكُــن ,, رُكُــن
الحـسـرة عانـقـت الـقـرى ...الدمـعـة فـاضـت فــي الـمـدن
النخلـة تبكـي بكـي الـسـواد ...هَــدَّت عـلـي لــوزة القـطـن
وكـان الحصـاد آخـر السنـة ...شـوال تمُـر وشـوال حُــزُن
كـان الحصـاد آخـر السنـة ...قنطـار حُـزُن وقنطـار قطـن
حتى المطر يومـو النَّـزَلْ ...ضـاف فـوق حُزُنَّـا قـدُر تُمُـن
ماشـفـنـا زيّـهــا فـــي الـشـمـال ...لا بالـنـظـر لا بـــالأُذُن
القيـفـة قـالـدت الـجــرف ...الـمـوجـة نـطَّــت فـــي غُـبُــنْ
حلـفـت تكـسِّـر للجـسـور ...تـيـارهـا يـدخــل كـــل شُـكُــنْ
قُــنَّــالا نــغــرق كُـلَّـنَــا ...يــــا مــوجــة نــغـــرق كـلــنــا
يـرضـيـكـي نــغــرق كـلـنــا ...الـمـوجــة قــالــت فـلـيـكُـن
مادام أميـر الشعـراء مـات ...مـا فـي اي داعـي تلـد بطُـنْ
يـا موجـة جـد قولـك صحـيـح ...كــان حـقـو نـغـرق كلـنـا
مــا الـدابـي كــان زي الـهـواء ...فـيـنـا ومـعـانـا وحـولـنـا
الدابـي كـان مضجـع أمـيـن ...كــان يـاهـو شــدرة ضُلـنـا
الدابـي كـان عنـوان عريـض ...فـي صفحـة الـفـن والغُـنـا
إنـسـان وفـنـان مكتـمـل ...زي وصـفـو قـاسـي عـلـيْ أنــا
مهمـا أقـول أنـا شـن بقـول ...لـو صـرت أكتـب كــم سـنـة
تلقانـي فــي الآخــر بقـيـف ...وأنــادي فــي نُــصْ الـونـى
الـدابـي أكـبـر بــي كـتـيـر ...الـدابــي زي خـاتــم الـمـنـى
وأكبـر مـن القـول والقصيـد ...ومـن غنـوة جـايـي ملحَّـنـة
الدابـي كـان ومضـة أمـل ...والـدابـي كــان شـعـرة وشــي
الدابي كان مشـوار طويـل ...مـا مَلَّتُـوا النـاس فـي المشـي
الدابـي كــان غيـمـة وفــا ...تـنـزل صـبـاح ومــع العِـشِـي
الـدابـي كــان زي الصـبـاح ...وكتـيـن يلاقـيـكـك منـتـشـي
الدابـي كـان ياهـو الصديـق ...الدابـي كـان جـد كــل شــي
مهمـا أقـول أنـا فيهـو قـول ...أشـعـاري تخـجـل وتختـشـي
الدابـي كــان زي المحـيـط ...كـضـاب يـقـول زول حــدَّدو
دائـمــاً يـلاقـيـك بـــي جـديــد ...الـدابــي قــاســي نـفَـنِّــدو
الـدابـي كــان حــادي الشـعـر... يـاهـو الـبِـدِّلُّـو ويـرشــدو
الـدابــي كـــان تـيــار فـــرح ...يـقـلـع حُـزُنَّــا ويــطــردو
الـدابــي كـــان مـــوال جـمـيـل ...دائـمــاً نـغـنـي نــــرددو
ولـو قُـتَّ هـسـع وللصـبـاح ...أنــا حُسْـنُـو قـاسـي أعــددو
الدابـي كـان رمـز الغـبـش ...مابيـعـرف الـزيـف والنـفـاق
حـبـوه كــل الكادحـيـن ... شالـوهـو فــي الهـمـس الـدُقــاق
يـوم طـقَّ إضنينـا الخبر...بكـت ((أم جواسيـر)) يـا رِفـاق
النخلـة حَتَّـتْ مُشْرِقـا ...ودخلـت مــع الطـيـن فــي عـنـاق
وإعلامنـا مـا جايـب خبـر ...يبقـى لـي مـا هامِّـي الـفـراق
معليش يموتوا كَدِي الغبش ... ومـا ننسـى شكـراً (للوفـاق)
مـع إنـو حسـن الدابـي كـان ...علمـاً يرفـرف فـي الـوطـن
مـع إنـو حسـن الدابـي كـان ... سوميتـة فـي جـيـد الـزمـن
مـع إنـو حسـن الـدابـي كــان ...صابـونـة للـزمـن الــدرن
مع إنـو حسـن الدابـي كـان ...زي قمـرة فـي الليـل الدُجَـن
ومـا بتتعـرف قيمـة القمـر ...لـي زول حِـدا البـنـدر سـكـن
الـدابـي كــان قبـلـة بـلـد ... ومـيـراث ثـقـافـي بـــلا تَـمَــن
كـان مـأوى لـي عابـر السبيـل ...أجـواد متـل غيـم المُـزَن
يـا مـا دخلنـا عليهـو ليـل ...قُبَّـال سلامنـا يـجـي الصـحـن
يحـضـنَّـا أول بالـعـيـون ...مـــن ثــــم يـحـضــن بـالـبــدن
يتنحنـح الشيـخ الوقـور ...يضحـك لـو ضحكـة بــلا اللـبـن
ويقـول حبابكـم يــا شـبـاب ... جيتـونـي فــي المـوعـد إذن
دا الدابـي يـا أهلـي الحُـنـان ... أسـطـورة ختَّـاهـا الـزمـن
الـدابـي كــان زولاً حكـيـم ... مــا بيعـبـأ باليحـصـل غــداً
الدابـي كـان لِمِّيـحْ ذكـي ... يعـرف متيـن يرخـي الـرسـن
صدق اللي إختار لـو الإسـم ...وأطلـق عليـه اسـم الحسـن
الدابـي كـان كـوم أغنـيـات ...مكتـوبـة بــي دمــع الشـجـن
ألحانهـا وشـوشـة النسـيـم ...وأطـيـار تـزقـزق فــي الفـنـن
إيقاعها كان موية الحفير ...وقَـرَّاع حميـم للحـوض عَطَـنْ
الـكـورَسْ الشـتـل الـدُقَـاق ...قمـريـة قُـوقَــتْ فـــي حَـــزَن
فنانها كـان نخـل الفريـق ...وصـوت السبيطـي مـع الكُعَـن
دا الدابـي يــا أهـلـي الحُـنـان ...أسـطـورة ختـاهـا الـزمـن
تـامِـنْ عجـائـب الدنـيـا هــو ...لـــولاه فـنَّـنَـا مـــا نـهــض
وأصبح حديـث النـاس عمـوم ...ولـي حجـة النقـاد دحـض
دا لأنـو كـان ياهـو الدليـل ...عـن شـورة أبـداً مـا عَـرَض
أمَّنْ لنـا الـدرب الطويـل ...وبـي شعـرو طنبورنـا انتفـض
آخر وصاياهو العزيز ...وهو طريـح يعانـي مـن المـرض
وصَّـــــــــــــــــانــ ـــــــــــــــا قــــــــــــــــــــــــ ــــــــــال :
يــا ولادي دايـركــم دوام ...تـتـحـدوا تـبـقـوا مـــع بـعــض
الـرايـة لا تسـقـط بـتـات ...لــو حـتـى ظرفـكـم اعـتــرض
قلـنـا لــو أبـشـر يــا الأبــو ...يِتْـقَـدَّ طرفـنـا لـــو غـمــض
نـحـن وولادك وكلـنـا ... بنشيلـهـا رايـتــك دون مـضــض
لكـن محـال زيـك نكـون ... أو حتـى ليـك نبـقـى الـعـوض
دا الدابـي يـا أهلـي الحُـنـان ... أسـطـورة ختـاهـا الـزمـن
صح يا هو أبو الفن الرفيـع ...وملجانـا فـي ساعـة المحـن
حَضَـنْ المواهـب وفرَّقهـا ... الليلـة صوتـهـا مــلأ الـوطـن
يـا الله تــدِّي قَــدُر عـطـا ... ومــأواه يبـقـى جـنـان عــدن
يـا الله تــدِّي قَــدُر عـطـا ... ومــأواه يبـقـى جـنـان عــدن [/frame]

[السوداني الخطر]

[frame="7 80"][align=center]رايك شنو
رايك شنو نفتح مساحات للحوار
ويا امة عاد نتفق ياكلو حي يسكنلو دار
معقولة بي طول الزمن راس مالنا يبقى الاعتذار؟
لاقادر القاك واستريح لا يدرك الليل شهريار؟
بهواك انا..بهواك انا وعارفك كمان شايلني في دنياك منار
لكن غرورك وعزتي كانن بدايات الودار
لا انتا رضيان تعترف..لا قلبي راضي الانكسار
ومابين غرورك وعزتي جنتنا صبحت نار في نار
بالله ايه؟بالله كان ناقصنا ايه غير نحنا نحترم الجوار؟
ماريدنا تشهدلو الدروب والموية والضل والخدار
اوعك تقولي الزمن بي قسوة غير للمسار
واوعك تقولي الظروف بيناتنا ختت كم جدار
ما انت بي ضغطك علي خليتني اتخذ القرار
كل ما اجيك انا باليمين القاك في اقصى اليسار
تذكر ايامنا الزمااان..واحلامنا كان نبنيلنا دار
انشالله في طرف الفريق ياوينا من حر النهار
وياما كتبنا على الدروب اشواقنا بي خطا كبار
ياااربي وين راحو الحنين واللهفة ديك والانتظار؟
لا زال خطاباتك معاي اقراها..يملاني الحسار
وفي كل رسالاتك تقول قولا منمق باختصار
في بعدك الوقعت علي لومرة وقعت في الحجار
والله تبكي وتنتحب وتلبس من الاحزان سوار
ياااربي وين راحو الحنين واللهفة ديك والانتظار؟
ماكنتا دايما لي تقول لقيانا اكبر انتصار
وقبال يمر العام عليك ختيت علامة الشك شعار
مفروض تشاركني الحزن يوم شتت احلامنا العصار
مش تمشي تبكي وتنتحب وترحل تخليلي الديار
قصر الاماني الكان زمان للزيي والزيك مزار
بنى فوق بوابتو العنكبوت واتلما فوق عتبو الغبار
والارضة مسكت في الحجر والنيمة صابا الاصفرار..[/align][/size][/frame]

[عمران عوض]

يديك العافيه يا سوداني يا اصيل
علي المجهودات المقدره في تكوين مكتبة الرائع
الفاتح ابراهيم بشير كل الود لك وللقامه شاعرنا الرائع

[عمران عوض]

الشاعر: الفاتح إبراهيم بشير


الطمبور صديقنا وعزنا وملجانا

وكتين السنين تفتح بوابة أحزانا

مما قمنا نسمع فيهو لا ملينا لا ملانا

زي إبل الرحيل شايلي السٌقا وعطشانه

أوتارو الحنيني تملِّي عايشي معانا

في الريف والحضر ومحل ما تمشي خطانا

الله لو بشيشي تداعبو إيد فنانة

تتراقص جميع الدنيا بي أركانا

لو قلبك حجر وغنانا شايفو رطانه

أول ما يرن تلقاك طربتا معانا

إحساسك يذوب قامتك تميل طربانه

زي مرّ النسيم وكتين يداعب البانه

الطمبور سماحتو القمرة مالي سمانا

الليل والسكون والرملة كالمرجانه

نتلملم نكون في شلة زاهية الوانا

نضحك ننبسط لما الصباح يلقانا

وفي رواية اخرى معروف من قديم

انو الجمال نسبي وللموجب دوام لابد من سلبي

لكن نتفق رسمي وكمان شعبي

الطمبور علاج لكل مرض عصبي

سبحان رب العباد ربي

خلا قدح حراز دبكر أصيل عربي

ومكسي جلد بقر يلصف تقول دهبي

فوقو تلات عصي واقفات بلا شعبي

وخمسه سلوك سونان موزوني بالنسبي

لو رنت تذوب ترقص جبال كجبي

والبركل يمور يتحول العقبي

ولو ما كت بخاف والناس تشيل كضبي

كنت بقول يرن تنحلا لوكربي

وأنداح الوئام بين الخلق يدبي

والبوسني الجريح يستأمن الصربي

وينشر الفرح من راجا لاوربي

[بابلوس]

نشكر مجهودك الرائع اخ عمران

والى الامام ودمت زخرا للوطن

[فراشة ليبيا]

مشكوووووور والله يعطيف الف عافيه

[( ود البورت )]

مشكووووره علي الموضوع الجميل