المرتبة قبل الاخيرة7

[اشرف.]

تخيلوا انها كانت امى...!!
ايوة امى
- الو ياولد انت وين؟؟؟
*انا فى الخرطوم يا امى مع اصحابى فى حى المطار
- انت كويس؟؟؟؟؟
*انا كويس فى شنو يا امى؟؟؟
- لا لا مافى شئ بس قلقت عليك قلت اشوفك كويس
طبعا اكتر مرة فى حياتى اعرف لى ياتو درجة ممكن الام تحس
ولا دى كانت صدفة وانا براى مكبر الموضوع ماعارف؟؟؟!!!!!!!!!!!!!
المهم من محلى داك رجعت البيت وانا جواى مليون تساؤل..؟؟؟؟؟؟؟؟
وبقيت فى حركة مستمرة وسباق مع الزمن لازم الكتاب يطلع قبل ما تتخرج.. لازم لازم.. لازم..
وجمعت الكتاب ورتبتو وانتظرت الفرصة المناسبة عشان اطبعو ولحدى هسى ماجات
طبعا النظرات فى الجامعة كانت فاضحانى ليها بس كنت بهرب كتير وبحاول جاهدا انى اشوفها من بعيد بس من غير ما تشوفنى هى ..
لحدى ما جا يوم...
وياريتو ماجا.
شفت شاب راقى وظريف وود ناس مقرب منها بشكل ملفت يعنى بقى اقرب صديق ليها او اقرب زميل انا ما عارف بس كانوا مع بعض دايما..
الشئ الاغرب انو الشاب ده من اعز الناس على وهو بحترمنى جدا وبشاورنى دايما فى امورو
اها بصراحة ماقدرت اتحمل طوالى ناديتو وسالتو
*تعال ياشاب انا عاوزك
-فى شنو؟؟
*لا تعال بس
-............................................
ومشينا قعدنا فى قاعة فاضية فى مختبرات ورميت ليهو الموضوع فجاة
* داير منها شنو ياولد؟؟؟؟
-هههههههههههههههههههههههههههههه انت مافى خبر بخفى عليك؟؟؟؟
*طبعا قلبى وقع تحت كرعى..لكن اتماسكت وسالتو وانا بضحك....يعنى معقول تحب ساى كده بدون رسوم عبور ولا اذن ولا حتى شورة
- لا والله بس نحنا لسه فى البدايات وانا..................................
*دايرها جادى لى قدام ومستقبل ولا داير تقضى زمن والسلام؟؟؟؟؟؟؟؟ من الاخر بلاى؟؟!!
- لا والله جادى بس ماعارف الحكاية دى صعبة شوية
*مدام جادى اتوكل... انا عندى كلام كتير عنها داير اقولو ليك لكن اهم حاجة انت ربنا بحبك زين ما اخترت والله ادب وجمال وذوق بس انشاء الله انت تنستر معاها
- والله انا بس مرتبك شوية .
*لا ترتبك ولا حاجة الموضوع بسيط عشان تضمن انها تحبك جد عليك بالاتى:-
واديتو اى شئ ممكن يساعدو على اقناعها
وريتو حاجات هى بتحبها وحاجات هى ما بتحبها ووريتو طباعها ومزاجها متين بكون رايق وحاجات كده لزوم الاحتياط...
خبرة عمر وخلاصة سنين من الحب الصامت والدراسة لشخصية زولة احببتها حتى السكوت...
انا بصراحة ماعارف لية عملت كدة؟؟
يمكن عشان انا بحب الولد ده فى الله وعارفو زول كويس؟؟
ويمكن عشان كنت عاوز اقنع نفسى انها مرتبطة ولازم انساها؟؟
ويمكن عشان انا بحبها شديييييييييييييييييييييد وعاوز ليها الخير حتى لو مع زول تانى ممكن يوفر ليها حاجات ما بتلقاها معاى؟؟؟؟؟؟؟
ويمكن عشان انا شايفها معجبة بيهو ؟؟؟؟
ماعارف المهم ده الحصل
اها صاحبى ده قام
ومشى ..وعمل الشئ القلتو ليهو بالضبط وماجانى راجع تانى..بس العلاقة بينهم خلاص اخدت شكل واضح وبقوا احلى اتنين..وبقيت انا فى عالم تانى بس فى حاجة جواى كانت بتقول لى انى عملت الصاح
وربنا يوفقهم مع بعض ويسعدهم..
طبعا كان لازم اشيل الموضوع من راسى تماما بعد كده ..وده الحصل.. بس لو قلت ليكم انى نسيتها او حبى ليها قل بكون غشيت عليكم..بالعكس انا كنت بتذكرها دايما وبتذكر مكالماتها ولما كنت اشوفها فى الجامعة كنت بهرب منها ولا حتى النظرة الكنت متعود اخدها ما بقيت اخدها لانها ببساطة بقت ما من حقى..
وعشت اصعب فترة فى تاريخ حياتى..
وانا فى قمة حزنى واحباطى قريت مرة عبارة مكتوبة على حيطة فى مدرسة ابتدائية
وضحكت ..لاتؤجل عمل اليوم الى الغد
طبعا انا اجلت انى اعرفها واحاول اقرب منها لحدى ما خلاص
هههههههههههههههههههههههههههههههههههههههههههههههههههه
عاد اقول شنو؟؟؟
المهم مرت الايام وفى يوم قابلت واحد من اصحابى الكانو دعونى للرحلة وهو من دفعة حبيبتى الما حبيبتى..
ومع الونسة حاولت اعرف منو حاجة عنها ..طبعا بصورة غير مباشرة..وما حاقول ليكم كيف لانو ده سر المهنة..هههههههههههه....
المهم فجر لى قنبلة وبدون اى مقدمات_طبعا هو معذور ما عارف انى بحبها -
طاخ رمى لى الخبر وكانو بقول فى نكتة وكانو شئ ما مهم
طبعا انا راسى لف وظهرت على اعراض دوشة وصداع وعيونى حمرت وكنت بالجد ما شايف قدامى ..طبعا الولد مافهم اى حاجة ..وضرب لخمة
-مالك يازول؟؟ اقعد اقعد هنا انت كويس ؟؟؟ حاسى بى شنو؟؟؟
*.....................................
-نوديك المستشفى؟؟
* لا لا
نطقت بعد تعب
* انا كويس بس الدوخة دى ليها كم يوم بتجينى بعدين بمشى المستشفى
-ياخى انت تعبان اسمع الكلام
*لا والله كويس
والله الزول ده ما قصر مشى الكافتيريا جاب لى عصير وجبنة عشان الهبوط وكدة ووقف معاى لحدى ما شديت حيلى ومشيت..

ومشيت كانى بلا جسد
لا حاسى بى ايد لا قدم ..
مليان حزن ماليهو حد..
ملياااااااااااااااااااااااااااااااااااااااااان الم..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
واخليكم تتخيلو صاحبى يكون قال لى شنو لحدى ما نتلاقى الخميس الجاى

ويبقى الحب
اشرف


المرتبة قبل الخيرة
قصة فتاة
اعطتنى كل شئ
واخذت منى كل شئ
دون ان تفعل اى شئ

[روايات الحب]

اخوي ما بقدر اقول ليك الا اذا اردت شيئ بقوه فاطلق صراحه فان عاد لك فهو ملكك وان لم يعد اليك فهو لم يكن لك من البدايه
تحياتي

[اشرف.]

شكرا روايات الحب.
بالجد هو ده الحاصل.
وشكرا مرة تانية على العبارة الجميلة جدا جدا
وانتى بالجد فهمتينى

[ودعازة]

اشرف عوافى..
نعم البيعة فوق البيعة حرام..بس الحب مابيعة..
القاسمو ليك ربك بيجيك..بس السعى برضو مطلوب وليس ادراك النجاح..
النبل ده بقى الماليو مثيل..وانت شخص نبيل جدا واحمق جدا جدا(ارجو ماتزعل منى بس دى حقيقة)..
فحيرتنى اعجب بيك ولا ابستفك؟
انت مدرسة بالحب المثالى للصديق قبل الحبيب..[/size]

تخريمة:
بنشترك فى الاسم والحماقة..

[bet-handasa]

وين يا اشرف شنو الخميس جا ومشى وين البقيه
نحنا بنتابع من خلف الكواليس ما تطول الغيبه منتظرين

[القلب الملك]

أشرف ما معقول كدا ،،، كمل القصة اعملها فيلم ياخي ،،،


بعدين هي قالت بتحبك جنب الجامع ،،، الحصل شنو بعد دا ،،، الخلاها تسيبك شنو ،،،؟؟؟؟؟

[اشرف.]

شكرا يا ملك
بس انت فهمتنى غلط
هى ما قالت لى بحبك ولا اتكلمت معاى لحدى يوم الليلة وجها لوجه
والجنب الجامع ده كان حلم
حلم حلم حلم حلم

[نهـاد]

أشرف أنا كنت فاكرة الحب المن النوع دا ما موجود في الحقيقة
لأنو دا أسمى أنواع الحب وأصعبها في نفس الوقت

لك تحيـــاتــي أخي
ونحن في أنتظار البقيه

[اشرف.]

شكرا نانا على مرور كالنسيم اضاف الى الكثير
والحب موجود واحلى من كده كمان بس نحنا كيف نلقاهو