الهلال والمريخ

[ابو ايووودي]

يؤدي زعيما الكرة السودانية اليوم 18 /7/2009م اول مباراة افريقية في دوري ابطال افريقيا عند الساعة السابعة مساء بتوقيت السودان ويبذل كلا الفريقين لكسب اول ثلاث نقاط في مشوارهما الافريقي
انا عن نفسي اتمنى فوز الهلال ليكون دافع على نيل اول بطولة خارجية مع المدرب العالمي كامبوس
يا رب وفق الهلال ونعيش اليوم نشوة من الافراح

[ود الزوحي]

والله يا ابو حميد .. نحن صراحة كده لا نافع هلال لا نافع مريخ .. غير وجع القلب ما جايينا شي .. بس فالحين هلال غلب مريخ ومريخ غلب هلال .. لكن بره السودان .. وزي ما كل الناس عارفة .. حدث ولا حرج .. لانتايج لا لعب ولا حتى حفظ لموية الوش .. سبعة وتلاتة وخمسة .. بس بلاي استيشن ..


أحسن تشوفو ليكم موضوع غير الكورة السودانية .. أخير ليكم تغنوا ..


تحيااااااااااااتي

[معتز سيد]

سلامات جميعاً

ومشكور كتير حبيبنا [fot1]Ahmede[/fot1]


ومشكور كتير حبيبنا [fot1]ود الزوحي[/fot1]

فقط نذكرك يحق لنا هذا العام أن نفتخر بوجود هلال مريخ في دوري المجموعات
في البطولة الأفريقية الكبرى
في غياب الفرق الكبيرة وعلى رأسها نادي القرن كما يُطلق عليه الأهلي المصري
وكل الأنظار متجهة اليوم نحو السودان ، فهي قمة سودانية ليست سودانية كالعادة
قمة عربية ، وقمة أفريقية
فهما اثنين من تلاتة فرق عربية فقط موجودة في النهائيات لهذا الموسم
بجانب نجم الساحل التونسي

وإذا لم نفتخر بذلك ، فسنبقى في دائرة البلي استيشن



أتمنى من كل قلبي وأسأل الله الفوز للهلال ، وإحراز البطولة


ونبارك للفائز منهما مقدماً ... ودوماً للأمام بإذن الله

[ود الزوحي]

حقيقة نحن ما قدامنا غير الافتخار ولا شي غير الافتخار .. لأنو ده برضو السودان وما بنرضا فوقو أي حاجة .. بس برضو ده الحقيقة .. مافي نتايج مشهودة ..

ع العموم .. لاشيء أمامنا سوى الانتظار والانتظار كالعادة .. نتمنى التوفيق للجميع



تحياااااااااتي

[الهايم]

نتمنا الفوز للهلال ونتمنا ان يتقابلو الاتنين في النهائي لكي يكبر فخرنا بالكوره السودانيه

ويكون الكاس داخل السودان اهم شي نتمناهو للهلال ولو ربنا ماقسم يكون من نصيب المريخ

ومن المفروض ان نمد ارجلنا على قدر لحافنا
واتمنى ان يكون الطموح في حدود الامكانيات ولا بيكون الالم اكبر والمردود النفسي صعب

شكرا للموضوع تحياتي ومروري

[السربجي]

المريخ المريخ المريخ
يارب الفوز للمريخ

[bintalsudan]

الهلال..............الهلال

[mohammad]

انتهت قبل قليل مباراه المريخ والهلال بتعاادل سلبي

[عابده مرغنى عبدالله]

يارب يفووووووووووز المريخ

[الهايم]

تاخرتي ياعابده تعادل والهلال ربحان لانو المريخ اخد رواج اعلامي بدون مبرر وفي النهايه ربحنا نقطه بدون اعداد// والكوره في استاد المريخ لاتنسو ؟؟؟؟ والجي اهم ونتمنى من القلب ان يخلوووو المباراه النهائيه معا هلالابي وافتخر

[ود الزوحي]

مباراة غير متوقعة بين قطبي الكرة السودانية .. وطبعا زي ما الناس كلها كانت متوقعة .. كورة بحجم الاعلانات الكانت قبل المباراة بفترة .. قلنا خلاص .. ده حتكون مباراة قمة فعلا .. لكن حصل العكس كانت مباراة مليئة بالمفاجآت .. برودة لعب .. قلة تكتيك .. وغيرها من المفاجآت التي أذهلت الجماهير فعلا ..

نحن ممكن نقول إنو الهلال جاتو في جرح .. لأنو في استاد المريخ .. بس صراحة كده .. ده ما مستوى فريقين وصلو دور الثمانية في بطولة أفريقية ..


والله يستر من ناس هناي ...

[ابو ايووودي]

انتهت المباراة بين الهلال والمريخ بالتعادل السلبي بدون اهداف في مباراة اقل من الوسط ولم يتوقع الجميع بأن تأتي المباراة بهذه الصورة المتواضعة من الفريقين ولم نستمتع بها ولكن في النهاية كل فريق كسب نقطة ومبروك للهلال النقطة الغالية خارج ملعبه
انشاء الله يتصدر المجموعة بدون اي هزيمة

ما زال اعلام الوصيف مصر على عدم قانونية سادومبا وكابوندي وتقدم بشكوى لمراقب المباراة .
هههههههههههههههه هههههههههههههه هههههههههههه
مبروكين مقدما كسبتوا الشكوى

[معتز سيد]

حقيقة أنا ما شاهدت المباراة -بعد فصاحتي دي كلها ما بحضر المباريات-:D

لكن النتيجة تعتبر طيبة للفريقين، فوجود خاسر بالأمس ،
كان سيترتب عليه إحباط قد يؤثر في الإعداد لبقية المباريات

أما لجوء المريخ للشكاوى ، فهي عادتهم،
دائماً يحاولوا كسب النقاط خارج المباريات
(زي الموسم السابق حاولوا يكسبوا الفارق عبر نقاط مباراة الهلال والنيل الحصاحيصا)

فريق زيسكو الزامبي تعادل في أرضه. المطلوب الفوز على زيسكو في أرضنا وفي أرضه.