للأولاد (الرجال) ..بليززززز ساعدوني ..

[غربة وشجن]

سلام عليكم ..

طبعا انا محتاجة لي مساعدتكم ضروري ..

والموضوع هو انو عيد ميلاد حبيبي قرب وماعارفة اهديهو شنو ؟؟

وماتقولوا لي اهديهوا عطر ولا ساعة ولا دبدوب
ولا علاقة مفاتيح ولا مصحف صغير ...

لان كل الحاجات دي اتبادلنها قبل كده ..

ياريت كل واحد يديني حل وياريت كمان الكلام ده يكون سرررررريع

يعني بالواضح بتتمنى حبيبتك تهدي ليك شنو أنت كرجل ؟؟

ودمتم ...

[هديل الحب]

نااااااايس

[غربة وشجن]

النااااااايس هو مرورك ياعسل ..

[bintalsudan]

كيفك يا غربة وشجن انا اتمنى انو ما اكون داخلة حشرية لانو الموضوع للاولاد لاكين انا عندي اقتراح ممكن تديهوا نظارة شمسية مع انو نحن هسي في الصيف

[نسمه الروح]

اديهو كف صاموتى فجاه كدا هههههههههههههههههههههه

[غربة وشجن]

bintalsudan

تسلمي ياغالية .. والله فكرتك حلوه شديد ...

بس انا شايفة انو النظارة براها مابتفع لازم يكون معاها شي تاني ..

رايك شنو ؟؟؟

مشكورة على المرور ...
نسمه الروح...

طبعا دي بالغتي فيها والله ...

بس لو ضمنتي لي النتيجة انا ممكن اعمل بي فكرتك ..

تسلمي على المرور ....

[السربجي]

الاخت غربة وشجن
تحياتي
لاشك الهدية المادية ليها وقع في النفس
لكن المهم التعبير عن حبك
عشان كدا ما تجهدي نفسك كتير واي حاجة تعبر
وركزي على التعبير الصادق الذي له دور معنوي كبير
واقصد تعبير الكلمة او النظرة
وتخيلي تعبير بنت السودان يعتبر تعبير معنوي بس الكف ما يكون صاموطي

[اروع من الورود]

ما تهدي ليهو ولا شي كفاية انك مشيتي ليو

تخريمة
حتى صحبتي عيد ميلادا قرب
ما عارفة اهديها شنو

[ود الخير]

الهديه ان تفتحى له قلبك
وان يجد انه المالك الوحيد
وان القلب وست القلب ملك لساكن القلب




بس انتى ادرى مايحبه
يعنى الأختيار لك
ونتمنى ليكم ان يلمكم العش

[زوزو الجامعي]

براي احلاهديه

تعبيري ليه عن مدى حبك وشوقك ليه وتقول ليه ربنا يخليك لي ومايحرمني منك يااحن حبيب بالدنيا
ومعاها خاتم فضه يكون حلو وتلبسيه ليه انتي وتقولي لي بحبك وبموت في حبك وبموت بعيونك وجمالهم وحنيتك ياروح روحي

[بت مختبرات]

بتحبييييييو؟؟ صح؟؟؟ بتحبيو؟؟ بتحبيو؟؟
وعايزة حاجة ما تقليدية؟
اقوليك؟؟؟





اوريك؟؟







جيبى سكينة سنينة واكسرى ليك ضلعتين تلاتة كدة من الجهة الشمال
طلعى قلبك ومصمصيو بموية عشان الدم ولا اقوليك خليو بدمو الدم غالى بعمل شغل
ولفيو فى ورق هدايا(اهم حاجة ورق هدايا ملون كدة وشكلو جميل)
اها رايك شنو حاجة ماتقليدية واكيد مافى زول سبقك عليا؟؟؟
ههههههههه ماتزعلى منى يابت يا ظريفة بهزر معاكى والله وبعدين من الحب ما قتل!!!

[غربة وشجن]

السربجي...

رأيك الجميل هو الذي كان له وقع في نفسي ..

تسلم يارائع على هذه السطور ...

وسلمت الانامل ...

اروع من الورود..
يااروع من الورد فعلا ً..
مشكورة ياغالية ... وكل سنه وانتي وصحبتك بخير وعقبال الشمعة ال100 يارب ..
وطبعا هدايا البنات متنوعة وكتيرة ابتدأ من الاكسسوارات والعطور ...وحاجات تانية كتير .. اتمنى انك تلقي ليها حاجة تليق بمكانته عندك ..

هندسسسسسه..ياهندسة ..
الهدية هي ماسطرته اناملك على صفحاتي ...
سلمت وسلمت الايادي ..مرورك رائع جدا ...

زوزو الجامعي...

ياعسل الفكرة جميله جدا .. بس المشكلة اني عملتها السنه الفاتت ومابنفع اكرره ...
تسلمي ياغالية وربنا يخليك ...

بت مختبرات...
يامبدعة اعجبتني الفكرة المجنونة بس المشكلة انا لو عملتها واديتو قلبي كيف احبو تاني ؟؟
دمتي ياعسل مليئة بالحب والامل ...
وتسلمي يارب ..

تخريمة ..

بت مختبرات انا لو غبته عن المنتدى فترة اسألي عني وفتشيني لان ممكن اكون عملته بي فكرتك

[بت مختبرات]

تبرى يا غربة وشجن ياخى ربنا يديك الصحة والعافية
انشاء الله يا زولة يفاجئك هو ويهديكى دبلة العمر
وربنا يديم المحبة وتتوج بزواج سعيد وبيت مال وعيال انشاء الله
وبالتوفيق يارب

تقبلى مرورى