هل تقبل

[بت مدني الجزيرة]

سؤال لكل شباب المنتدى هل يقبل اي منكم الزواج من فتاة تعرف عليها في الشات ومع ذكر السبب






وسؤال للبنات هل تظنين انه يمكن ان تتزوجي شاب تعرفتي عليه من خلال الشات مع السبب






مع تحياتي لكم

[شوتال]

الزواج قسمة ونصيب

ممكن انو اتزوج من بنت عرفتها في الشات


السبب : اذا عرفتها وعجبتني واتفاهمنا خلاص

الزواج تفاهم وتوافق بين الطرفين

[ود الزوحي]

عااااااااااااااااااااادي جدا

لأنها بكل بساطة ممكن تكون زولة كويسة وبت ناس محترمة وأحسن بكتير من غيرها


تحيااااااااااااااااتي

[سامي حسب الرسول خليل احمد]

بكل تأكيد يمكن ان اتزوج بشابة عنر طريق النت فقط اذا ماكنت تتمتع بالصفات الاساسية التي ارغب فيها الا تصبح صديقة عبر المنتدي لكن ياود الزوحي لكل سؤال غاية من طرحه فما الغاية التي دفعتلك لمثل هذا السؤال؟
مع حبي

[ريناد]

هو من ناحية عادى عادى لكن لو جا لي اهلي وابوي قال ليهو اها البت دي شوفتها وين يقول ليهو والله ياعم اتلاقينا في دردشة النيلين او الراكوية ..............الخ ؟؟؟؟ماصعبة الحته دي؟

[بت مدني الجزيرة]

شكرا على ردودكم لانو السؤال دي سالوني ليهو كتير وعجزتا اني اجاوب

[ودالمغاربه]

لا




لانو صعب انو الواحد يعرف شخصية زول عن طريق النت
والزواج عمليه بيولوجيه معقده تخضع لى عدة شروط
ومن ضمن الشروط دى المعرفه التى تنافى الجهاله
وعشان المركب تعدى لابد من معرفة الطرف الاخر
وفهمو فهم صحيح وعاده نحن بنطلع الحلو فينا بس خاصه لو كان
الطرف التانى بنتعامل معاهو من وراء ستار
اتمنى انو انا اكون غلط والناس صح

اما لو كان السوال بطريقه تانيه كانت الاجابه بتختلف
بمعنى لو كان السوال رايك فى دخول البنات النت
كنت بقول :
فكرة صائبه ولو كان فيهو غلط ماكان دخلتا انا نفسى
وتحياتى

[جمال النقر]

نحن القراية للولد عندنا عيب !!
كمان جابة زواج عبر النت ؟؟

لا لا لالالالالالالا لا لا لالالالالالالالالالالالالا والف لالا

[كايد ميلاد]

تشات او غير تشات
اهم شيئ يقتنع فيها
تقبلي مروري

[السربجي]

التعارف عن طريق الشات
حاجة جميلة
وكون المسالة تتطورت الى زواج
معناتا في حب
والزواج عن حب حاجة رائعة

[أبعاج]

أنا لن أتزوج بها !!
لان زوجتى لو عرفت حتودينى فى ستين داهيه

[ThEwWw]

طبعا لا لانو في النهاية انا بتكلم مع صورة ...

[سندس]

لا مااتوقع ابداا ... مافي انسان بيتعرف بس من مجرد اخد وعطاء عادي يعني من دون ماتعرف البيئة اللي هو بينتمي ليها وتكون قدامك باينة وواضحة ومن دون ماتتعمق في الشخص لانو في كتيير طيب الشات بالنسبة ليهم مجرد كزب كزب الى مالا نهاية صعب يكون الواحد جادي انا بشوف انو صعب تتكون ثقة
من خلال النت هو حتى البيعرفو بعض طبيعي بيحصل احيانا انو بيطلع عكس ماكان عليه او كان بيتصنع
فاليه الواحدة تخاطر .. وكمان انا سمعت عن زيجات ناجحة برضو من خلال النت لكن دي ليها ظروفها ..
والله يعرس للعزابة بنات واولاد ...... تحياتي ليكي...

[امال الناس]

ما عارفي غاتو علي ما اعتقد الزواج برجع لحاجات كثير من تقالدنا ولاسرنا الشرقية المحافظة واذا كان الاسر بتتعارف وكل زول بعرف الثاني معرفة جيدة برضو بيقولوا الزواج بطيخة مقفولة فكيف اغامر وادخل في قفص احتمال يكون الي الابد واحتمال ما يستمر غير شهر وشهرين عبر النت يا اخواتي النت للترفيه وقضاء اوقات الفراغ والتعارف ما عيب ولا حرام لكن يصل درجة الزواج ده كثير اوي وفي النهاية بترجع للقسمة

[نهر المحبه]

وه وه وه
سؤال كان في بالي دائما
انا في اعتقادي انو مادائما الحكايه دي بتنجح
حتى لو كان اساسها التفاهم عبر الكتابه
مامكن ارتبط بشخص من خلال كلماته وبس
في حاجات تانيه في اعتقادي مامكن تتواجد يعني في الشات او غيره

[امير احمد عبد الماجد]

لا طبعا انحنا كسودانين لينا عادات وتقاليد لا يمكن التنازل عنها وحتى ولو قلنا انحنا فى عصر العولمه والقرن الحادى والعشرين وممكن اى كائن كان ممكن يختار شريكة حياتو باى وسيله سواء عبر النت او الحب او الخاطبه لكن لابد ان نخضع لقانون العادات والتقاليد فهى التى ترسم لنا طريقنا فى هذا المنحى سواءا رضينا ام ابينا ............ تصورى اختى ان تسالك حبوبتك وتقول ليك يا بتى عريسك دا عرفك ولا عرفتيهو وين؟ مااظن حاتفهم معنى الانترنت

[كريغ ديفيد]

كل شي قسمه ونصيب
ممكن لو ربنا قسم القسمه
وممكن يكون الشات مثل فترت الخطوبه ليتعرف علي بعضهم البعض


ههههههههههههههههههههههههههههه
رايك شنو يابت مدني نجربه

[امير احمد عبد الماجد]

يا كريغ انا امير ابو آيه

[كريغ ديفيد]

مليون هلا ابو ايه
بس ايه دي منو ؟؟؟

[$$ الملكة الهادئة $$]

أنا بقول لا ..
لأنو لما تعرفوا بعض من الشات بكون
صعب تعرفي شخصية الإنسان
الحقيقية وبعدين كل واحد بيحاول يبرز
الحاجات الحلوة في شخصيته
كمان صعب إنك تعرفي إذا كان بيكذب
ولا لأ ..
ويسلمو عالموضوع يا عسسسسل