شقيان مهلوس بالزواج مستنى بس بت الحلال
راسى انصلع ضهرى انحنى واصبحت ذى قلم الدلال
اتكرفس الوش وانكمش وقعو السنون وقوامى مال
كل السبب عدم القرش سجم الجنى الماعندو مال
انا اصلى ماسجم الرماد انا اصلى شوم ماعرفت فال
اتعززوا البنوت على اتقرضمن فعلن فعال
البايره ديك مابترضى بى شبه القرد عملت غزال
كل السبب عدم القرش سجم الجنى الما عندو مال
الشينه تتقندف على عملت خلاص ملكه جمال
كل السبب عدم القرش سجم الجنى الماعندو مال
اطلب بنيه العم تقول عمى يكبسك شوف ليك خال
اطلب بنيه الخال تقول خلخل ضروسك سوس عضال
اطلب بنيه الجار تقول جر ياكلب سعران وضار
سكتنى بالشبشب بتول فلعتنى بى فرده نعال
كم جضمتنى ادتنى كف تفت على وشى الزلال
قالتلى حجه السره غور واختانا ياخيبه الرجال
كل السبب عدم القرش سجم الجنى الماعندو مال
..........................................................0.
شفتو ياجماعه عدم القرش بعمل فى الزول شنو
شقيان مهلوس بالزواج
المشرف: بانه
رد: شقيان مهلوس بالزواج
والله عدم القرش مشكله ح يمسك البيت كيف ولا يربي ليه شفع كيف كان ماعندو مال؟ الله معاه
رد: شقيان مهلوس بالزواج
تسلم اختى العسل ع المرور الله يعطيك العافيه