الغرب والشباب السوداني

[bintalsudan]

السلام عليكم ورحمة الله وبركاته ان شاء الله تكونوا كويسين كلكم المهم موضوعي داير نقاش من كل الاعضاء لانوا موضوع مهم وهو انوا كيف اتاثر الشاب العربي والسوداني بالتحديد بعادات وتقاليد الغرب سواء كان المغترب او اللي قاعد جوا السودان يعني انا الصراحة انا بشوف هنا في الامارات الكتير منالشباب السودانين بيقلدوهم باللبس والحركات طيب ليه يعني نحن عاداتنا وتقاليدنا مافي زيها لي عشان هم دول متقدمة ونحنه دوله نامية لاكين عمروا التقدم ما كان بالتقليد وعدم التفكير
وسؤالي ليكم ما اسباب التقليد الاعمى للغرب من الشباب العربي والشباب السوداني بالخص وشكرا

[سامي حسب الرسول خليل احمد]

عزيزتي بنت السودان ان عالم اليوم ليس كعالم الامس ولست اعتقد ان مجاراة التطور بكل اشكاله عيب بل العيب في ان تظل داخل كهف من كهوف القرون الوسطي تلبسه ملبسهم وتأكل مثلهم وتفكير ذات تفكيرهم اننا كجيل شاب معنيين بمواكبة الواقع الحضاري بمشاركتنا فيه عبر ثقافاتنا المحلية ومروثاتنا القيمة بعيدا عن عمليات السلب الحضاري غير ان وقوع الشباب في شرك ذلك السلب هو نتاج طبيعي لمجتمعاتهم التي تفرض عليهم نمض حياتي معين دون مراعاة ا ستغلالية فكر الشاب الذي بتكوينه الفكري والنفسي يميل الي الثورة الذاتية لذا اعتقد انها لايمكن ان نلوم الشباب في سلوكياتهم بل نلوم المجتمع الذي فرض عليهم رؤيته الخاصة التي عفي عليها الزمن وشرب

[اميرامدر]

الاخت بنت السودان لك التحية والتقدير وتشكري علي هذا الطرح لهذا الموضوع الذي اصبح حديث كل المجتمعات العربية واذا نظرنا الي تقليد العرب للغرب قد نجد لديهم مايناسبنا وليس فية عيب مثلا كما ذكرتي الملابس ممكن ان نجد عندهم ملابس تتناسب مع طبيعة عملنا وطقسنا وليس فيها ما يخدش الحياء ومن وجهة نظري اعتقد ان التقليد في الاشياء التي فيها منفعة لنا ولاتتعارض مع ديننا وعادتنا فهي شي جميل اما اذا قصتي الملابس الخليعة والحركات الغير كريمة اعتقد انها تقصير من الاسرة وغز الفضائيات لعقول الشباب .وهنا استحضر كلام صديقي وهو راجع من اجازة سألتة كيف اخبار البلد قال لي شي غريب الرجل يشتري لة خمسة متر جلابية وستة متر عمة ويشتري لبنتة مترين قماش ويمشي معها في الشارع حسبي اللة ونعم الوكيل

[bintalsudan]

عزيزتي بنت السودان ان عالم اليوم ليس كعالم الامس ولست اعتقد ان مجاراة التطور بكل اشكاله عيب بل العيب في ان تظل داخل كهف من كهوف القرون الوسطي تلبسه ملبسهم وتأكل مثلهم وتفكير ذات تفكيرهم اننا كجيل شاب معنيين بمواكبة الواقع الحضاري بمشاركتنا فيه عبر ثقافاتنا المحلية ومروثاتنا القيمة بعيدا عن عمليات السلب الحضاري غير ان وقوع الشباب في شرك ذلك السلب هو نتاج طبيعي لمجتمعاتهم التي تفرض عليهم نمض حياتي معين دون مراعاة ا ستغلالية فكر الشاب الذي بتكوينه الفكري والنفسي يميل الي الثورة الذاتية لذا اعتقد انها لايمكن ان نلوم الشباب في سلوكياتهم بل نلوم المجتمع الذي فرض عليهم رؤيته الخاصة التي عفي عليها الزمن وشرب

اخي الرائع سامي شكرا لي كلامك الجميل وردك المقنع لاكين بس انا عندي وجهة نظر انوا صح المجتمع بفرض علينا التكيف لاكين ما معناه ده انوا ننسى عاداتنا وتقاليدنا

[bintalsudan]

الاخت بنت السودان لك التحية والتقدير وتشكري علي هذا الطرح لهذا الموضوع الذي اصبح حديث كل المجتمعات العربية واذا نظرنا الي تقليد العرب للغرب قد نجد لديهم مايناسبنا وليس فية عيب مثلا كما ذكرتي الملابس ممكن ان نجد عندهم ملابس تتناسب مع طبيعة عملنا وطقسنا وليس فيها ما يخدش الحياء ومن وجهة نظري اعتقد ان التقليد في الاشياء التي فيها منفعة لنا ولاتتعارض مع ديننا وعادتنا فهي شي جميل اما اذا قصتي الملابس الخليعة والحركات الغير كريمة اعتقد انها تقصير من الاسرة وغز الفضائيات لعقول الشباب .وهنا استحضر كلام صديقي وهو راجع من اجازة سألتة كيف اخبار البلد قال لي شي غريب الرجل يشتري لة خمسة متر جلابية وستة متر عمة ويشتري لبنتة مترين قماش ويمشي معها في الشارع حسبي اللة ونعم الوكيل

اخي الغالي امير شكرا ليك على مرورك واعتقد انك فهمتني وانا كنت بقصد جزئك التاني عن اللبس الخليع للبنات وانزال البناطيل للاولاد ولبسهم للسلاسل وهم قاعدين يقولوا (وت سب ) طيب وين دين

[ThEwWw]

من جد صدق المثل القال : من عاشر قوم 40 يوم صار منهم
السؤال حلو و في نفس الوقت محير , يعني والله ما عارف انا عايش في الاردن من فترة والشغلة دة موجودة هنا و لما سالت وللاسف واحد من الشباب السودانين هنا قالي : دي موضه يا زلمة خليك كول
يعني لما سمعت كدة كرهت الشاب والله .
مشكوة الاخت بت السودان والموضع حلو والله

[بسمة الحياة]

مشكورة على طرح موضوع مهم زي ده
انا في رايي انو نحن مفروض نتمسك بعاداتنا وتقاليدنا
الجيدة وليست كلها ونتخلى عن العادات الجاهلية القديمة
التي ثبت عدم صحتها
وناخد من الغرب الاشياء الجديدة
لانو انتي زي ما عارفة الدول الغربية متطورة اكتر مننا
وما مفروض نقلدهم في كل شي
زي حال الشباب حسي


تقبلي مروري

[bintalsudan]

من جد صدق المثل القال : من عاشر قوم 40 يوم صار منهم
السؤال حلو و في نفس الوقت محير , يعني والله ما عارف انا عايش في الاردن من فترة والشغلة دة موجودة هنا و لما سالت وللاسف واحد من الشباب السودانين هنا قالي : دي موضه يا زلمة خليك كول
يعني لما سمعت كدة كرهت الشاب والله .
مشكوة الاخت بت السودان والموضع حلو والله

شكرا يا wwwتسلم على الرد الحلو وانا اوافقك الراي

[bintalsudan]

مشكورة على طرح موضوع مهم زي ده
انا في رايي انو نحن مفروض نتمسك بعاداتنا وتقاليدنا
الجيدة وليست كلها ونتخلى عن العادات الجاهلية القديمة
التي ثبت عدم صحتها
وناخد من الغرب الاشياء الجديدة
لانو انتي زي ما عارفة الدول الغربية متطورة اكتر مننا
وما مفروض نقلدهم في كل شي
زي حال الشباب حسي


تقبلي مروري

شكةا على مرورك الرائع ده ورايك الاروع وشكرا

[ودعازة]

اختى الكريمة لك التحية..
السبب واضح وهو غياب الموجه والغدوة الحسنة والتطنيش للولى اللاهث ورا اكل العيش وغياب الوازع الدينى وباختصار..

[bintalsudan]

كلامك صحيح يا اخوي وانا معاك وتسلم على المرور

[الباجبار]

البيوجعك مش طريقة اللبس والحركات حتى اللهجة تلقى اللسان اتعوج على حسب البلد الموجود فيه والبيمغص اكتر لما يكلمك انت ذاتك ويشبكك برطمة كانوا مثقف والبيهرد المرارة و يقد الفشفاش لما يكتبوا فى المنتديات السودانية ياخد مصطلحات وجمل بعيده عننا.
السؤال زى ما الناس دى بتحاول تنشر ثقافتة ولهجته ليه انحنا ما نقلدهم فى الحته دى وننشر عاداتنا السمحة و خلينا من ايش وليش وبيعقد وحلو مره وهاى ووووووووو
ما نفكها فى نفسنا ساى انحنا اكتر ناس فاهمين انحنا اكتر ناس مثقفين انحنا الوحيدين البنشترى كُتب القاهرة تكتب وبيروت تطبع والسودان يقراء لازم نطبق المفهوم ده ونفرضوا على غيرنا مش نلبس بنطلون ناصل دار يقع وسلسل وما عرف غويش فى اليد وستين خاتم والكروره تكون فاضية ساااااااكت
كعه:-
سودانى وخليك سودانى

[صلاح يحيى سليمان]

الابنة الكريمة...بنت السودان ..اسمحى لى ان اخاطبك
بابنتى ...لما اشوف اسمك الاخترتيه فى المنتدى ..ولما
اشوف صورتك الرمزية...ولما اقرأ موضوع ذى
الموضوع ده..واشوف ليك 17 سنة.....اتمنى واقول
ياريت لو كل بناتنا ..يكونوا زيك....برافو عليك...
وربنا يزيدك ...وذى ما قال ليك الباجبار فى ردو
(سودانى وخليك سودانى).....

الانفصام والتقليد الاعمى للاسف الشديد هو من اكبر
اسباب تخلف وتدهور المجتمعات العربية ...

حمانا الله ....

وشكرا لطرحك المناقشة فى مثل هذه الامور.

[bintalsudan]

اولا شكرا يا عمو المشرف على دخولك في موضوعي ده اللي والله فرحني شديد وحببني اكتر بالمنتدى ده اللي انا اصلا بحبوا وشكرا على ابداء رائك اللي بشوف انوا صح وشكرا

[bintalsudan]

اخوي الغالي الباجبار شكرا لي دخولك الرائع وانا سودانية وحابقى سودانية