رئيس الولايات المتحدة

[سامي حسب الرسول خليل احمد]

بجد ياجماعة انا مابحلم ولابعرف احلم لاني ذول واقعي جدا لااحب المثالية لكن حاسي الايام دي بشعور غامض وهو اني ح اصبح رئيس للولايات المتحدة الافريقيةوح اخلي الافارقة يموت جوع وانا ارطب ترطيبة جد واعرس ملكات جمال العالم كلهن دفعة واحدة وبعد 40 سنة سأعلن عمد ترشحي للرئاسة للمرة 50 . لكن طبعا النفس ماغلابة طوالي ح ابقي الامين العام للامم المتحدة لمدة 10 سنة وبعد داك امشي أشتري لي 10 جزر من جزر الكاريبي اصلي الوقت داك بكون تعبت من المسؤليات الكتيرة ولازم ارتاح شوية وامشي كمان احج عشان اضمن الجنة كمان بعد مااتوب توبة نصوحة وابني لي 500 جامع عشان اكون عندي في الجنة ذيهم يعني بصريح العبارة كدة انا همي رآآآآآآيق

[سامى عادل]

والله دي زي احلام زلوط سمعت بيها زلوط دا قالو يا ابوالسم زلوط دا ديك ماعندو ريش وبعدين نايم في حبل وتحتو نار وقام حلم بانو قام لية ريش وعايز اطير قام وقع في النار ومات اعمل حسابك
تقبل مروري

بعد تبقي اعمل معاك جزيرة وبقيني وزيرك عشان الناس كلها بتعمل كدا مع اصحابا واهلا

[سامي حسب الرسول خليل احمد]

ياسمبا ود عادل ياخي اليك دا سوداني ولا امريكي عشان لو بقي امريكي اكيد النار ماح تاكلوا وكمان في حاجة تانية ياسمبا وهي انو زلوط دة كان من اعظم المفكرين في ذمانو لكن المشكلة عاش في ذمن غير ذمنو
الدنيا النحن عايشنها دي ياسمبا بستاهل نبقي فيها غير واقعيين عشان نبقي واقعيين
بعدين ياحبيبي قدم طلب وح انظر فيه ولو لقيتك بتنفع تكون وزير لي بعينك بدون واسطة بس خلي ذول مهم اكتب ليك تزكية
مع خالص حبي لك ولك الحباب في المنتدي

[سامى عادل]

ياسمبا ود عادل ياخي اليك دا سوداني ولا امريكي عشان لو بقي امريكي اكيد النار ماح تاكلوا وكمان في حاجة تانية ياسمبا وهي انو زلوط دة كان من اعظم المفكرين في ذمانو لكن المشكلة عاش في ذمن غير ذمنو
الدنيا النحن عايشنها دي ياسمبا بستاهل نبقي فيها غير واقعيين عشان نبقي واقعيين
بعدين ياحبيبي قدم طلب وح انظر فيه ولو لقيتك بتنفع تكون وزير لي بعينك بدون واسطة بس خلي ذول مهم اكتب ليك تزكية
مع خالص حبي لك ولك الحباب في المنتدي

بس يا غالي انا ما فاهم حاجة في الشغل بتاع الوزارات دا بمعني بالواضح انا ما كفاءه بس شغلني عشان الناس كلها شغالة كدا

[سامي حسب الرسول خليل احمد]

معليش ياسمبا للتأخير اصلو امبارح كنت معزوم مع اوباما وكان معانا الولد الملك حنون بن طنون آل كان وكنا بنباحث في اوضاع الشرق الوسط وايران وافغانستان وكوريا وهوندراس والصومال ودارفور والولد العامل لينا صداع اسمو راح لي لي اذكرتو بقولو ليه شافيز اما عمك بتاع الصحراء ماشي معانا كويس حبيبنا سمبا انا قولت ليك بديك الوزارة بياعت الكورة والسلة والحاجات البتشغل الشباب من ابقو لينا جيفارا بس اخير ليهم البسو في الفنائل لقايت ماكريشنا دي تتملي بالمحمر والمشمر

[Tibsha]

سلام يا سعادتك
مبروك الرئاسة ..
بس وينا الوعود الوعدتنا بيها وخليتنا نصوت ليك ما شفنا حاجة, وسامعين آخر أخبارك من بلد لبلد وبتشغل أصحابك بس.

الانتخابات الجاية متين؟


أها يازلوط زمنا

[سامي حسب الرسول خليل احمد]

ياسمبا ماتسمع كلام العزال انا لسه ماعينتي ذول الا بس اخو مرتي ونسيبي لكن وزارة الكورة الاتحادية علي الطلاق بديك ليها انت ماواثق فيني ولاشنو وبعدين تعال انتخابات شنو ما شيل هم انا الانتخابات دي عاملة عشان العالم يعرف كم انا ديمقراطي علي الطلاق مافي ذول اشمها الشعب دا بلقي ذول افضل مني وين وحتي لو لقي بوديهم جهنم وبجيب ناس غيرهم قال انتخابات قال
هاك الانتخابات دي
اخير ليك تجهز نفسك للوزارة

[ريانه إمام]

[grade="00008B FF6347 008000 4B0082"]سلامات يا مخستكين

والله انا قريت كلامك ده واتوصلت لنتيجه واحده
ان دي خستكات من نوع راقي جدا
ياخي ولايات شنو دي الانت داير تبقي رئيسها
وياتو كاريبي ده البديك عشره جزر ولا ال500 جامع ديل
داير تبنيهم وين هو نحن هسه المشي فيو تلته لما تجيب لينا(ملتحيين)
اها ما اخرب عليك حلمك



واصل وورينا وصلت وين بس ما يشيلك دفار(زلوط)[/grade]

[سامى عادل]

ياسمبا ماتسمع كلام العزال انا لسه ماعينتي ذول الا بس اخو مرتي ونسيبي لكن وزارة الكورة الاتحادية علي الطلاق بديك ليها انت ماواثق فيني ولاشنو وبعدين تعال انتخابات شنو ما شيل هم انا الانتخابات دي عاملة عشان العالم يعرف كم انا ديمقراطي علي الطلاق مافي ذول اشمها الشعب دا بلقي ذول افضل مني وين وحتي لو لقي بوديهم جهنم وبجيب ناس غيرهم قال انتخابات قال
هاك الانتخابات دي
اخير ليك تجهز نفسك للوزارة

كورة شنو يا ابو السيم ياخ وديني محل الربط وانا بجيب ليك حقك انشاء الله اخت ليك علي كل حاجة يورو واحد دمغة دي ليك انت شخصياً قصرت معاك؟؟؟ ما تقصر معاي وديني محل السمينة

[waya]

[grade="00008B FF6347 008000 4B0082"]يا عمك ,, الزمن ده من السهووولة تبقى رئيس ,,

الصعب أنك تستمر " من عامة الشعب " !!


[/grade]

[سامي حسب الرسول خليل احمد]

[size=7]ياجماعة الظاهر محور الشر سظل عدو الحرية والديمقراطية ورفاهية الشعوب لكن سأظل ادافع عن حقوق القطط السمان في ان تفعل ماتشاء بالفئران المرعوبة انا ماعارف ياربانة امام انت الظاهر عليك متأثر بفكر ولدنا سامي ود عادل في حكاية احلام زلوط اتمني لك حرية اكبر اضلو الولد دا في مفاوضات المائدة المستديرة معاه اتفقنا علي ان اديهو وزارة الكورة لكن ظاهر عليهو طماع عشان كدا انا اصدرت امر الي قوات المارينز ان يأتوا به حيا او ميت
اما انت يا مشرف منتدي الانترنت ماعندي ليك كلام كتير لكن اشم في كلاماتك رائحة التمرد احزر نحن اقرب اليك من حبل الوريد [/size]سأصل اليوم الي السودان وسألتقيكم غدا ياجماهير شعبي