سلسلة اشعاري

[الوعد الصادق]

اخوتي في منتدي انا سوداني لكم ودي وتقديري
وددت ان اقدم لكم بعض تجربتي الشعرية المتواضعة واتمني ان تنال اعجابكم

هذه القصيدة بعنوان : ( خت في بالك ...!!!)

.....خت في بالك .....

خت في بالك قلبي الكان عايش في حضنك

ودايما غايص في بحور ريدك

يوم لاقيتك جوة خواطري

ويوم حبيتك كان يوم عيدك

قلبي الوافي ودايما مخلص

ناسي جراحو وحاضن ريدك

وياما كتير اقسمت في حبو

انو بيجري ويسقي وريدك

ليه في لحظة نسيت البينا

وحلمي بنيتو هدمتو بايدك

خت في بالك قلبي معزز

محال من تاني يعود ويصافي

حاول تنسي العهد البينا

واعرف انك قلبك جافي

قلبي العشقك وادمن ريدك

ضل مراسي الفرحة معاك

تاه في دروب الحب واللوعة

وكان في نار الشوق برجاك

ماقدرت عزابو والمو

زدتو عزاب وجراح وهلاك

كفاية خلاص انتهت الريدة

وقلبي خلاص اختار ينساك

كفاية خلاص انتهت الريدة

وقلبي خلاص اختار ينساك

كفاية...خلاص...انتهت...الريدة. ..وقلبي...خلاص...اختار

........ينسااااااااااااااااااا ك........

وشكرا مع تحياتي ,,,,الوعد الصادق,,,,

[الوعد الصادق]

انا زيي زي كل البشر


محتاج حنان


كلمات رقيقة احسها


تمسح عذابات الزمان


لهفة عيون مشتاقة لي


فيهم احس معني الامان


انا زي زي كل البشر


محتاج حنان


.............


عايز احس طعم الفرح


وانثر جراح كل السنين


ضاعت ليالي الامنيات


وبكت عيون الشوق انين


داير عيونك لي وطن


يأويني من حزني الدفين


يسقيني من جواك حنان


لو يشفي آلامي الحنين


.............


وانا في دروب جرحي واساي


بكتم جراحي وانادي ليك


اخبي في جواي الم


خايف يطل يجرح عينيك


اهديك زهور من ياسمين


اصلو الزهور تشبه يديك


واغير عليك لمن تجي


نسمات تداعب خصلتيك

[محمد سليمان]

مشكووووووووووووووووووووووووووووووووووووررررررررررررر