مســـــــــــــــــــدار + مســــــــــــــدار

[ودالدرديري]

من زمن الجهل انا كنت ديمة بغني
لي بت الملوك الريده تب جنني
واقف في الهجير تلقاني زايد جني
اكرف من روائح الصندل البهدلني

[الاغبش]

من صغري مبهور بالغزال النافر وغالي
ينجض لي خلق الله ديمة في خصالو متعالي
في الادب الرصين والسماح يقدل حالي
الجرحو نوسر بي لاحدود اليوم التالي

ابخدا مبوبح ومشيتو قادلة
يتاقل في الزحيح متل الغزالة الناترة
يتمايل بالخلق في مشيتو الفاقلة
ربي يحفظك يا ام ضفيرة سادلة

[مهند عبد الرحمن]

الاغبش اقيف في وصف ام خدود قول لينا
ليك مدة من الدوبيت ما تتعالى علينا
بي وصفا سمح اسمعنا قول سلينا
لامن وكتنا يروح ومن الهموم خلينا

[mohamed merghanh]

من قومة الجهل لي وصف الحسان متدرب
ود الدرديري اخوي اسمعني وتعال قرب
يمكن تكون في الحلبة انت زولا مجرب
سمعنا قولك في السمحة ام خدودا تكهرب

فى درب الحسان قلبي محال إنصافو
ولو عبد الجمال كل مرة جاب أوصافو
دي القعدة الجميلة فى ضليل صفصافو
بتخلى الحبايب بعد العتاب يتصافو

[ودالدرديري]

الزول العفيف بالحشمة قايم دابو
الزوق والدلال في الحسبة من انسابو
يا ودميرغني ارجوك تقول لجنابو
رضيان ابقى ليهو غفير وأحرس بابو

[mohamed merghanh]

الزول العفيف بالحشمة قايم دابو
الزوق والدلال في الحسبة من انسابو
يا ودميرغني ارجوك تقول لجنابو
رضيان ابقى ليهو غفير وأحرس بابو

بس ما قلت لى كيف العمل فى دلالا
الجرحت قليبى ودمو أحمر لالا
الصد والنفور فى كل حين بحلا لا
كل ما أقول تعالى ترد على بى لالا

[مهند عبد الرحمن]

دلال الحسان يا اخوي منو كتر وزيد
في الشئ السمح تاني بنقول ونعيد
قولة لا لا ياود ميرغني بداية الريد
اسألنا نحنا لينا زمن في سعاية الصيد

[ودالدرديري]

التيه والدلال مرات بكونو محنة
من أهل النداوة السحرهن كاتلنا
يامهند اخوي ألحق تعال حصلنا
والله العظيم ياناس نسينا اهلنا

[مهند عبد الرحمن]

الريد لو ما كتلك بخلي فوقك عاهة
ما بنتفخشر بيهو نحن ولا بنتباهى
الا من كترتو وعمايلو فيني السواها
الناس عديل طلعتني عوير ودلاهة

[الاغبش]

الريد والغرام ديمة شغلتي
في مبارة الحسان تركت صنعتي
لمن صادتني الحنينة وعرفت وقيعتي
يا اخوانا من مجرب هاكم نصيحتي

[ودالدرديري]

يالاغبش نصيحتك زينه مابناباها
لكن التسوي الريدة موت أو عاهة
ومهند يقوللك قالو عنو دلاهه
شوف ريدة الحسان وعمايلا الساواها

[شـهد الكلامـ]

التيه والدلال مرات بكونو محنة
من أهل النداوة السحرهن كاتلنا
يامهند اخوي ألحق تعال حصلنا
والله العظيم ياناس نسينا اهلنا

الزول العزووول لامن فى وشك يتنكر000ويقفل بابووووو
فايتك من من زمن للعشره كشر00000000 طلع نابوووو
خلاك زولااااا تايهه وضايع 0000مافارز حتى اصحابوو
تحلف بالعظيم والله00 طلقان الريد ما اظن نقول ياحبابوووو

الدرديرى سجم خشمك نسيت منو؟؟؟ :000:

[مهند عبد الرحمن]

الليلة القلب صبح معلول وكايس العافية
من نور السمحة ام ضحكتن شافية
كان بي دي الحالة خلوني اشوف لي قافية
عشان اقول فيها شعرا كلمتو تطلع وافية

[ودالدرديري]

الزول العزووول لامن فى وشك يتنكر000ويقفل بابووووو
فايتك من من زمن للعشره كشر00000000 طلع نابوووو
خلاك زولااااا تايهه وضايع 0000مافارز حتى اصحابوو
تحلف بالعظيم والله00 طلقان الريد ما اظن نقول ياحبابوووو

الدرديرى سجم خشمك نسيت منو؟؟؟ :000:

سجم المارجع لى أهلو شاف أحبابو
عشرة سنين طوااال مسحن اسامي صحابو
ياشهدالكلام الزيي بالحيل عابو
اتلومت في زولي اللذييييذ ترحابو





ياااااا حليييييييلم

[mohamed merghanh]

التيه والدلال مرات بكونو محنة
من أهل النداوة السحرهن كاتلنا
يامهند اخوي ألحق تعال حصلنا
والله العظيم ياناس نسينا اهلنا

التيه والدلال كوم والتانى باقى فصالا
لو زادن عليك بتنسي باقى خصالا
تهلك فى القليب وأمرى ما خصى لا
وبحلم بالوصال والحفلة جوة الصالة

الغربة قاسية وغرزت فى صدري حاد أنصالا
لا لقينا فيها فوائد لا ملينا فد حصالة
لو ما حب الوطن الناس تعدو أصالة
كانت عيوني جمدت والدمع السخين يعصي لا

[mohamed merghanh]

دلال الحسان يا اخوي منو كتر وزيد
في الشئ السمح تاني بنقول ونعيد
قولة لا لا ياود ميرغني بداية الريد
اسألنا نحنا لينا زمن في سعاية الصيد

شغل الدلال خلانى قلبى فاقد أملو
زي فعل الطريفى القالوا فارق جملو
جنيت زي ناس قيس وجميل وعنتر عملوا
وزدت فوقا جروح غايرات وما إندملوا

[مهند عبد الرحمن]

ناس قيس وعنتر ديل زمانن ولى
ما شافوا امات خدودا تزيد العلة
وشيشن زي القمر الدابو طالع وهلّ
كانوا عرفو العلينا وكانو سبحوا الله

[مهند عبد الرحمن]

شقي الحال ياود ميرغني قالو بقع في القيد
نحنا وقعنا زماان بي سبب عمايل الريد
والزول الحكيم احسب حسابو يزيد
ما يبقى زولا هايم والناس يقولو بليد

[شـهد الكلامـ]

ود الميرغنى حبــــاب الكلمه ام وزن منضوماااااا
يادرديرى حاشــــــــــــاك العيبه ماك فى سكتا ولا دربااااا
يامهند اخوان البنات منك يحازووو الدربااااااااا
وياكل الكراااام جيناكم عســــــــى القعده ديمه منطربااااا
وفى الاول واخر يـــــــــــــــس فاقداك بى حزن باكياك وحاة الرباااا :( :(

[الاغبش]

من زمن بعيد والناس دوام منطربة
فوق ام ضمير بطير عيون ا ن جات منسربة
قادلة بي مهل راسية في النضم مي منسرقة
تحلف تقول من نساما جاتك شرقة