لمًا ...المطرة علينا تصٌب ..!!

[عيسى جديد]

والخريف ...

ونحن والمطر ...

والبيت والارض ....

وريحة الدعاش والذكريات ...

والطين والتراب والخضرة المالية الدرب..

والهمريب وصوت المطر والرعد ...

والخير يملا كل الضرع ..والسنبلة تزهو فى الحقول

والوعد يتحقق فى زغردوة ام فى يوم عرس ...

وفصل جديد ...

ونقطة ..وسطر لشعور قديم جديد

[عيسى جديد]

بفرح.....

لمًا المطْرة ...تصًب ...

وبخاف ..

لمًا تذيد ...البيت علينا يكٌب ..


تقعٌ طيٍنة ..فوق اللمبة ....وتطَفيئها ..

ونحن نفتِش للكِبريَتة ....


منْ ....المَغْرِب

ونِتَلما ..

ونًضَما...

فيْ حُضنْ يُمَه....

َوكِتينْ ...

نسمَع شَوووووو...

ونسمَع َرووووووووو


(طُرنقاعَة ...........)


وتَهدِيًنا ... حِجَى حبَوبة ..

وتنسِينا ..

كل الخوْف ...مِنْ الرعَدة ..


ونسَرح معْ السَمُحة ...


فاطنة ...والغولة ...ومُحُمَد...


ويسرقنا النُعاسْ....


فَجاءةْ....

وهَبة نسًمة خريفية ...


وبَحًن .انا

.مَن تانِى ...للمطًرة ...

وبخاف البيَت عليِنا يكُب ...

ــــــــــــــــــــ
ولسه بخاف ..يا يمة

[عاشقة توتيل]

[align=center]متأصل فيك الجمال،،،
ولا أملك سبيلاً لحرف الان،،،
،،،
،،،
،،،
فقط،،، كنت هنا،،،
وصبت على مطرتك!!
،،،
،،،[/align][/u][/size]

[عيسى جديد]

[align=center]متأصل فيك الجمال،،،
ولا أملك سبيلاً لحرف الان،،،
،،،
،،،
،،،
فقط،،، كنت هنا،،،
وصبت على مطرتك!!
،،،
،،،[/align][/u][/size]

عاشقة ..
سعيد بحروفك الهطول ..

عارفة يا عاشقة ببساطة الحياة حلوة لو نظرنا ليها بتفاءل وايمان دائما

لماذا لا نزرع بسمة هنا ..وضحكة هناك ,,,ولمسة حنان هنا ..ومسحة حزن هناك

ونحس بكل تفاصيل الحياة من حولنا ...

عارفة حينها نتغلب على كل الالامنا ,,ونصبر عليهم لان دواخلنا نقية وجميلة

وما الحزن الا ليذيدها طهرا وغسل .....

الم اقل لك الحياة جميلة ..رغم قسوتها .....


اذا تعالى نجري ونلعب فى المطرة ذى زمااااان


ونغنى يا مطيرة صبى لينا فى عينينا



ـــــــــــــــــ
وكل خريف وانتم بخير

[عيسى جديد]

الى عاشقة توتيل ...
اول شعور والمطر هطول ....


حضوركِ هطول
عبوركِ ...قبول...
كلامكِ بيدخل ..جوووه القلوب السهول

اتدرى يارفيقة الحروف
ياعاشقة جبال توتيل الاصيل

مطرنا الجميل ...
بهطل ويغسل ...حزنا النبيل
بينزل ...سلام ..ويعطى الامان ..لناس كتاار
بخضر ..سهوب ...
بيملأ ...الضروع ..خيرا وفير ..يغطى ويفيض
بتفرح نفوس ..راجية الحصاد
سنابل قمح ...
وفأل حسنُ ..وزواجا سمح ...
مواسم تجىء ..
مواسم تروح ...
خريفا يُبشر ...دعاشا يُنشر ..

بناتا تشابي ...
ذى الخيول ..تفرهد جمالا فريد
اولادا ...يقدلو...
يباشروا الحياة ...بقلبا نظيف ...
بلادا جميلة ...
وناسا كرام ...ذى الخريف
وين ما يكونوا ..يكون العطاء ..
يكون النوال بمقدارالمتاح ..بكل الصراح
وينزل مطرنا فى كل البلود
وريحة الدعاش تفوح وتملأ السفوح
ويمة الصباح ...
تغشى المراح ....
تجيب اللبن ...السماح
مقننا ... يكون بطعم الام الحنون
ونسيم الخريف يداعب جفون ..
وفطورا عصيدة دخن ....
او قراصة غريقة فى دمعة سخون ..
وخيرا وفير نحمد ونشكر رب المنون..
ومطرة ..بتهطل
وتراب وطين...
وماء ...ونيل ...
وزرع ...وضرع ...وشىء من حنين