كيفين يحتك شجرك صفق اصفر...!!!

[عيسى جديد]

هوووووى يا زول

كيفن يحتّك شجرك صفق اصفر....!!!!



ـــــــــــــــــــــــــــــــــــــ
وانت اخضر ...ما تكون !!

[عيسى جديد]

واتحتيت ...
وكتين كان لونك صفار وودار
يا ولييد...
ويوم هبت عليك ريح زمن قاسى وكمان غدار ...


وانت اخضر فى دواخلك...واكثر مما تكون
وكيفن عااد ...
تهزمك ريح !!!


وانت اثبت ما تكون ....
وانت ارسخ ما تكون .....


ــــــــــــــــــــــــــــ
تبلدية اصلها ثابت
وفرعها فى السماء

[عيسى جديد]

ليه الورق اصفر
ونحن شايفين الفرع اخضر ...

ليه الغصن مايل
واصل الجزع ثابت ...

التربة كانت خصبة ومروية
والسماء صافية وندية

الا ...المناخ بدل وجه كم مرة
وماعجبوا حال شجر جميل اخضر ...
وسلط عليه الضوء ...
مسكين شجر احلامنا ...
ورق امالنا اتبدل ....
وثمارنا ...الكانا نحلم بيها ما نضجت
ولا لاحت لعيون اطفال ..
منتظرين ...قطافا سنين

وكمان معاهم كم نااس حلوين ..
مروا فى يوم خريف ازهر
وشافوا شجرتنا كيف كان غصونا تميل
فى اتجاهات الشوق ...
مع النسمات الصباحية

ويبقى سؤال الجوف ,,محكر
ليه الورق حتاك اصفر وجاف
والهواء شالك مع اول هبة ريح
ورماك هناك بعيد ..بلا حنية

وات ياك ...الكنت تضوى سنا
ومنك الندى ينتح ...حبا وهوى وضى
عجيبة ها الدنيا
غريبة هى الاحوال ...

ساقية تدور ...
من الالف للياء
ونحن نراقب الاشياء
ودى حكايتى مع الشجر هيلى
ام شجركم .....فحافظوا عليه
يا رفاقى ويا اصحابي
وما يحتكم صفق اصفر
ولو حتاكم ...اخضروا من تانى
اخضروا من تانى
اخضروا من تانى
....
....

___________
ونرجع تانى لسؤالنا
نسمع بقية ...الهمس
ممكن يكون اجمل

[عيسى جديد]

[align=right]ويغشاك مطر ...
ويرويك شوق ...
وتخضر من جديد ...
وتضحك الدنيا ليك ....

وتعود انضر ما تكون



ـــــــــــــــــــــــ
مطر
مطر
مطر [/align]

[عيسى جديد]

ونرجع تانى لسؤالنا
نسمع بقية ...الهمس
ممكن يكون اجمل......

ممكن ايوه
وممكن لا ...

ويبقي السؤال عالق

أقرأ قصيدة اسمها (والليل فى الرمق الاخير)

واحاذر الدخول بمزاج متخشب

سلام يا شباب...
لحدى ما تهطل المطرة العالقة فى سماء الخرطوم دى او يظل الجو كما هو عليه ....
حلو وهادى بدون كتاحة وسخانة

بعد داك بنجى بى رواقة نتم النشيد

فى المسافة دى....

اتصرفو انتو


ـــــــــــــــــــــ
الله معاكم