الوطن والحبيبة

[امال الناس]

كثير ما قارن الناس بين الوطن والحبيبة وكثير من الشعراء يقولوا مافي فرق بين الوطن والحبيبة فهل لديك اي راي في ذلك

[ود الزوحي]

الوطن والحبيبة يجمعهما رابط واحد .. ألا وهو القلب ..
فلذلك نجد أكثر الشعراء والكتاب .. يميلون إلى التعبير عن حبهم إما في الوطن أو الحبيب .. لماذا لا وهم يجمعهم ذلك المكان الكبير القلب ..

تحيااااااااااااااتي

[نهر المحبه]

لا يوجد فرق بين الوطن والحبيبه كلاهم مكمل للاخر
في الوطن توجد الحبيبه
واوطن يوجد في قلب االمحب
وهو الجامع ورابط الخير بينهما متى تذكرت الوطن تذكرت الحبيبه
وما تذكرت الحبيبه تذكرت الوطن
وتقبلي مروري يا عزيزتي

[امال الناس]

تحياتي واحترامي وشكري علي مروركم الكريم يا ود الزوحي ونهر المحبة والله ما كنتي قايلي القلب شايل الحمل التقيل ده كله ربنا يعين القلوب علي ما تحمله

[ابن عوف]

الرابط القلب اكيد

ووردى فى الطير المهاجر جمع بيناتم

مع ودى

[سامى عادل]

كلا الاثنين محبوب لدي القلب وفي زمن الجاهلية كانت القصيده تستهل اما بالوقوف علي الاطلال والمقصود بها الوطن او ذكر المحبوبة بمعني انهما يتساويان في المقام ولكن ولا يوجد فرق بينهما وان كان لابد فانا اري ان الوطن اغلي من الدم لانه توجد فيه حبيبة القلب



تقبلي مروري ودمت في طرح المواضيع الهادفة

[الاشيتر]

الشاعر مش قال

بلادي وان جارت علي عزيزة

واهلي وان ضنوا علي كرامُ




وفي الحبيبه قال


الحبيبه شوقها جنني العيون الملكتني حي حي

يا ساهره تعالو شوفو البي


وتاني

يمه الشوق غلب


وتاني

انا اقول

الوطن هو عشق القلب للتراب

والحبيبه هي عشق القلب للقلب

فكلاهما يشترك فيه القلب وما احلي عندما يتحدث القلب بحديث العشق


موضوع حلو

وتقبلي مروري .

[امال الناس]

الاخوان : ود بنعوف - عادل - الاشيتير شكراً ليكم اعزائي علي مروركم الكريم والردود الحلوة اوي اوي ربنا يدكم العافية ويسكنكم الصافية في بيت ناصية

[سامى عادل]

وانت كمان اكان ما ناصية بس هو اجي

[امال الناس]

انشاءالله حا يجي باذن الله تعالي انت لسة والمستقبل قدامك ومغترب كمان يعني لو مكثت في الاغتراب تاني عشرين عاما ما بتاثر فيك لانك لسة صغير وحتعمل في مكان اجمل من الصافية قول امين يارب العالمين انشاءالله حا تجمع الوطن وفيه الحبيبة كمان وهم جزء لا يتجزاءيدك العافية

[امال الناس]

وينــــــــــــــــــكم يا اعضاء يا حلوين

[الاشيتر]

غايتو البيت الناصيه سمح نعمل فيهو سوبر ماركت كارب ونعرس لي مرة كده تمام تكون مرطبه تملا السوبر ماركت وانا ابيع

وين البيت الناصيه ده وريني ليهو .

[امال الناس]

واللــــــــــــــــــــــــــــه انت قاصد زواج المسيار امشي عليهو ساكت

[ودالدرديري]

الحبيبة الوطن أم الوطن الحبيبة ؟ سؤال كبير حقيقي

الوطن عشق يسكن الدواخل يسري مع الروح اينما حلت لايفارقها
يكون كالدماء في العروق نحمله معنا ونعتز به حتى نموت وندفن تحت ترابه الفخيم
الحبيبة هي عشقنا الخرافي ومحاولتنا للعروج نحو أقبية السماء المتدثرة بالغيوم اللذيذة
نغني لها بقيتي لي سكة وعيون
ونغني له شايلك معاي في حلي في ترحالي في فرحي وشقاي
وبين السكة والعيون حل وترحال وفرح وشقاء وألم حلو وشوق مقيم
هكذا هم الحبية والوطن وجهان لعشق واحد يسكن الحنايا والروح


امال الناس يديك العافية


وليييييييييييييييييييييييييي قدااااااااااااااااااااااام









و.....................الباقي على الله

[اسامه خضر محمد على]

الوطن هو تلك البقعه من الارض التى تحتضنا والتى فيها مرتع الصبا واحلى الزكريات لايمكن ان يكون ندا للحبيبه فلو لا الوطن لما كانت الحبيبه والحبيبه قد نلتقيها فى شتى بقاع الارض ولكن الوطن واحد ولا يمكن ان تجد وطن اينما ذهبت ومن هنا ينبع هذا الحب الجارف للوطن اغلى وانبل حب للوطن ولا شيئا يدانى الوطن فى المكانه وتقبلى مرورى

[امال الناس]

انا بفتكر الكل يرد علي هذا الموضوع وبالاخص الاعضاء الراجيعين الي وطنهم لقضاء اجازتهم ونتمن لهم اجازة سعيدة

[الهايم]

لا في فرق شااااسع الوطن اغلى واعز


طبعا الحبيبه بتتعوض والوطن مستحيل يتعوض


هذا كلام شاعر عراقي يقول

الضايع ليه ذهب لوراح سوق الذهب بلقاه والمفارق حبيب بعد عام بنساه والبفارق وطنو وين تاني الوطن بلقاه

[امال الناس]

والله يا الهايم كلامك كتير حلو وشككرا علي مرورك وكلاماتك الرائعة

[الهايم]

من أجل الوطن يا غاليه كل شي يرخص وكل شي يصغر
كما تغنا الاستاذ وروري
في حضرة جلالك يطيب الجلوس .......................................... ألخ

الشكر لكي ياغاليه لنك طرقتي موضوع من اجل الوطن
وهذا حبك لوطنك من اجله كل العالم يصغر بعوينا الا وطنا


كلام اهلك العرب اللي قالوا وطني ولا ملي بطني
تحياتي ومروري

[الفرح المهاجر]

امولة العسولة تشكرى على الطرح الحلو
بس الوطن الوطن الوطن ثم الحبيبة
الشئ البجمع بينهم الحب والحنين