مشاكل الشباب المتعلمه والفاهمه

[yasser_bastawi]

ياجماعه الشباب السوداني بيوجه مشكله العمل ويكون جاري لاكين من غير فايده بدل مايصبر يمشي يدور على الدجل والسحر علشان يشتغل ويلاقي وظيفه كويسه او يشوف بنت جميله يحاول يقرب منها لاكين تصدو يقوم يمشي يعمل ليها عمل علشان تحبو عرق محبه ياجماعه دي المشكله الساريه في الخرطوم وماعارفين انو الموضوه ده بيستعملو الناس الجاهله

[سامى عادل]

والله دا كلام فارغ بس المعالجة بتكون عن طريق الاعلام وتفهيم الشباب وكل المجتمع السوداني علي اثر هذه العادات الديلة علي مجتمعنا

بس سؤال وين الفكي دا انا عندي واحده عايز امشي ليه عشان تحن عليا قدر من خشيت ووصفت العضو القبلك وشكر في موضوع ادخلها وهي ما شغالة بي الشغلة دي
تقبل مروري

[نهر المحبه]

ولله لمشكله دي بقت عامه
لكن ده من ضغف الايمان
والله يعينهم زي ما قال اخونا سامي عادل لازم تكون في برامج توعيه وحاجات زي دي للشغل
اما عشان انو البت تحبك ولا كده دي زمان كانت عند البنات بيمشو عشان يحننوا قلب الرجال عليهم
الحكايه قلبت ولا شنو

[ندى البيلسان]

مساء الخير

سعدت جدا لطرحك هذا لأنو بالجد دي مشكلة متفشية اليومين ديل

لدرجة بقيت تلاقي في الأسواق بعضهم يجلس ويفرش عروق وحاجات ما مفهومة

ويقول للناس نحن شيوخ وبنحل ليكم مشاكلكم بالعروق وليس بالقرآن

يعني بقى موضوع تجارة عديل كدا وكمان يروجوا ليها

لدرجة أصبح غالبية الناس لديهم عقيدة بهذا الشيء وبأن مشاكلهم لن تحل إلا به

بل أصبح إدمان ... لأنه حتى الذي يتعرض لعقبة يقول ليك كاتبني وهو بدوره يذهب ليكتب غيره

هذا والله هو ضعف إيمان لأنه لن يصيبنا إلا ما كتب الله لنا

وكما قلت منتهى الجهل ... وشيء مؤسف لشاب أو حتى شابة متعلمة

مهما كثرت المشاكل فالله قريب منا ... بس كيف نحنا صلتنا به تكون متينة

ونرفع أكفنا متضرعين بالدعاء ونلح كمان في دعائه ليستجيب لنا

تقبل مروري

[ضو البيت محمد النور]

يخدع الدجالون والمشعوذون كثيراً من البسطاء, فهم يدعون قدرتهم على معرفة الغيب وحل المشاكل وتزويج العانس وجعل العاقر قادرة على الانجاب.
وكل هذا ناتج عن بعدهم عن الدين . اذا سأل نفسه لوجد الجواب .
عند طلب شي من الدجال ماذا يطلب الدجال من الطالب ؟ يطلب قروش . اذاً ان هو يملك كل هذه القوة من جلب المال وجلب العريس والولد . لماذا لم يجلب له هو مال ويكفيه العمل في الناس ..

يا جماعة اين العقول واين القلوب ؟ الحل هو التمسك بمنهج الله واتباع تعاليم رسوله الكريم .
لا تترك ثقرة في حياتك يدخل بها الشيطان ويخرجك من الدنيا و الاخرة
الجن من اغبي المخلوقات ولا يعلم شي من الغيب ....
لوكانو يعلمون الغيب ما لبسوا في العزاب و الخوف من سيدنا سليمان وهو ميت علي كرسيه للاعوام
لم يكتشفوا انه ميت الا بعد اكل الارضة عصاته . لو كانو يعلمون الغيب لعرفوا بموته ..
ارجوعوا الي كتاب الله فيه كل حل لكل مشكلة ..