موضوع فى منتهى الخطوره , إنتبهوا !!!!

[أبعاج]

موضوع فى منتهى الخطوره , إنتبهوا !!!!

يا اخواني الموضوع ليس كشف حال ولا شيل حس حمنا الله
لكن توعية لجهل بعض الناس بحقائق ابنائهم بالجد الشئ الانا
شفتو بي عيني هنالك غفلة تامة من (بعض) الاباء واولياء الامور
بابنائهم من البنات خاصة والاولاد عامة وبالذات طلبة الجامعات

وانا هنا اكشف المستور بكل جدية وحيادية لاني شفت بي عيني
ولم يحكو لي بعض الطالبات رايتهم في قهوة اسمها

(اللـــــــــــــــــــــورد)

اظن معظم سكان الخرطوم يعرفونها جيد جدا بالذات سكان الصحافة
هي بعد شارع 15 العمارات وانت داخل علي شارع الصحافة مقهي
صغير كده في ركن اسال اي شخص في المكان هناك بدلك عليها
امشي هناك وشوف بي عينك الحاصل اولا المقهي يديره مصريين
المصريين سوف تجد مجموعة من البنات يشربن في الشيشة
وضحكات بي اصوات عالية مثل ما تفعله الممثلات العاهرات في الافلام
المصرية تماما وبعض منهم يشربن الحشيش انا ذهبت مع صديق لي
قال لي تعال شوف البنات صارن كيف مثل تايلاند تماما وبنات ناس وبنات
اهلهم ناس عز ما محتاجات وبعض منهن من اقاليم السودان سالت واحدة
اول حرفه (س) وكانت تحمل حقيبة صغيرة قلت لها انت طالبة فتحت الشنطة
وشفت بطاقتها بتدرس في كلية قريبة جدا من المقهي اظنكم عرفتوها
والمصيبة المصريين شغالين جرارين بمعني بجلبو هؤلاء البنات ناقصات العقل
للرجال طبعا فيكم ناس ما حايصدقو الما مصدق من يقرا الخبر ده امشي
المقهي وشوف بي عينك وتعال رد علي هنا في البوست اوصي معظم الاهل
في السودان بالذات الذين لديهم بنات يدرسن في الكلية القريبة في طريق الصحافة
يحذرو بناتهم او يراقبوهم حتي لا يقع المحظور انا رايت بعيني بنات في عمر الزهور
شئ مؤسف جدا اهلهم يفتخرو انهم في الجامعة يدرسو ويعطوهم المصاريف
للجامعة وهي ضائعة في مقهي اللورد حقيقة مؤلمة انا بالجد تاثرت جدا من
الموضوع لما شفت ارجو من السلطات المعنية الوقوف علي هذا الامر اذا لم اري
ما كنت كتبت هنا اللهم اني بلغت فأشهد
منقول للفائده

[ود الزوحي]

تسلم أخوي ابعاج .. بالجد لو الحاجة صح .. يبقى ع الدنيا السلام ..

نحن شعب اتعرف عننا الأخلاق الحميدة ولغاية حسي .. الشخصية السودانية بضربو بيها المثل في دول الخارج .. الحاجة دي أن اما شفتها .. بس فعلا لو هي في اتمنى انو أولياء الأمور ينتبهو للحاجات ده .. لأنو كلو واحد مننا مسؤول عن ناس بيتو (كلكم راع وكلكم مسؤول عن رعيته) .. وانت ما حتقدر تحكم الناس .. أكيد في ناس كويسة .. بس مين يقدر ينبه الناس بالحاجات ده ..

تسلم ياخوي ع المعلومة

تحيااااااااااااتي

[معتز سيد]

العزيز[fot1] أبعاج[/fot1]

دة أصبح واقع ، بدون تخصيص كافتريات أو مطاعم بعينها، وبدون تحديد سلوك معين.

وهو حقيقةً نتيجة حتمية للتحرر وسياسات فصل الدين عن الدولة (بغض النظر عن آراءنا الشخصية).

فطالما رفض الناس تطبيق الشريعة (طبعاً ما كل الناس) ،
ولكن تطبيق الشريعة أو حتى تدخل النظام العام ببعض القوانين لضبط الشارع العام،
دة أصبح يثير الغضب، ليس من غير المسلمين فحسب، حتى من بعض المسلمين،
وأبعد من ذلك جعل البعض يحملون السلاح للمطالبة بالتحرر كحق من حقوق المواطن.

إذن ففي ظل هذا الواقع المفروض ، كلٌ ينجو بنفسه وأهله وسط هذه التيارات المتدافعة ،
والمتزايدة يوماً بعد يوم.


نسأل الله العافية والسلامة من كل إثم والغنيمة من كل بر

[fot1]مشكور كتير[/fot1]

[bintalsudan]

شكرا اخوي ابعاج على الموضوع المحزن ده انا ما قايلا اصلا انو وحده سودانية حتعمل كده اخص اخص حرام عليهم شوهوا صورتنا قدام المصريين ديل ما بهمهن اهلن ولاسمعتن ولاسمعتنا كسودانين؟؟؟؟ اخص

[ودالدرديري]

العزيز ابعاج مساءك خير كتير

الأمر تعدى مسميات الإنفلات الأخلاقي أو النشاز في مجتمع محافظ أو مثلها من الشعارات
الأمر كبير الى درجة أنه دخل البيوت من أبوابها الواسعة
ولا أعزي النفس بالتدني في المُدخل مقابل إرتفاع الجهد الموازي ولكن .....
كلما تطورت سبل العيش وتقدمت وسائله تقنياً..نجد في مقابلها محاولات للإرتقاء
بعضها يصيب والآخر يخطيء
وما لاحظته هو الوجه الحقيقي للمحاولات الخاطئة التي يتحمل وزرها المجتمع بأكمله
شخصياً لم أكن مقتنعاً بما أسمع رغم إبتعادي طويلاً عن موقع الأحداث
لكن في إجازتي الأولى والأخيرة إكتشفت التغيير الهائل في مجتمعنا البسيط ( سابقاً )
وبنفس درجة التغيير كان التدهور الهائل أيضاً في ما كنا نعتنقه من أخلاق ومُثل
أخي الفاضل أبعاج إن ماعكسته لنا في هذا البوست هو نزر يسير من جبال عالية ظاهرة للعيان
وفي نفس الوقت لاننكر أن بعضاً كبيراً من أهلنا الطيبين لازالوا وبصعوبة متمسكين بحبال الود القديم


نسأل الله لنا ولجميع المسلمين الستر والعفو


يديك العافية

وليييييييييييييييييييييييي قدااااااااااااااااااااااام










و......................الباقي على الله

[zaina]

كما ذكر اخونا ود الدرديرى فكلما ارتقت وتطورت وسائل العصر كلما نتج من ذلك اتجاه معاكس فى الجانب الاخر ":السلوكيات الفردية الشاذة فى المجتمع" وكان العلاقة بين الحضارة وضعف الاخلاق تسير بخطوط متوازية ولاتريد ان تلتقى ابدا

وعندك دولة الامارات ودبى بالتحديد فسابقا كانت مدينة محافظة كبقية دول الخليج ولكن الان مع التطور الشديد ستجد ان السلوكيات الشاذة اصبحت لاتلفت الانظار

وكذلك فى بلادنا ربما نستغرب ونظل نتحير لما حدث فى مجتمعنا المحافظ جدا
ولكن كما ذكر الاخ معتز "مادام يثير الغضب تطبيق الشريعة من بعض المسلمين" ومادام البشر غير متساويين فى الجانب الاخلاقى اذن مانراه الان وماسنراه غدا هو المولود البيولوجى لتلك الجوانب

ونسال الله السلامة لبلادنا

[مجدى عكاشه]

يا ابعاج ....... مساء الخير عليك ياخى
وتسلم كتير على البوست دة ..

انت يا ابعاج من سكان الخرطوم
وانا كذلك .. وفى غيرنا كتير

طيب ..

كفتيريا اللورد دى كفتيريا متواضعة جدااااااا
حتى الشيشة فيها .. متواضعة . ومستوى الانحلال الفيها ..
انا بسميهو انحلال .. مؤدب ..

فى كفتيريات تانى ومواقع تانى فى وسط الخرطوم
لو شفتها ساكت .. احس انك حتصاب بى حالة اندهاش كبيرة ..

طيب .. انا موافق على الكلام دة وعاجبنى خاااااالص

قول لى .. لى


تتذكر قبل سنتين .. وارجع لى ورة ذياااااااادة

تتكر بائعات الهوى كانو قدر كيف وبقيفو فى الشوارع
وبيذيدو كتييييير فى شهر رمضان

لدرجة انك لو عديتهم حتلقاهو بيفوتو الخمسين فى المنطقة الواحدة ..
والظهور بتاعهم بيبتدى بعد المغرب مباشرة ..

وللاسف انت بتكون حايم فى الشارع
وعندك مشكلة وين بت الناس من بائعة الهوى

مافى فرق .. الاتنين واقفين فى شارع الظلط
دى عايزة عربية .. ودى عايزة مواصلات عشان تمشى البيت ...

امشى راجع ملفات الدعارة
وشوف نسبة زمان كم .. ونسبة هسه كم
حتلقاها قلة بنسبة 50% من قبل سنتين وارجع لى ورة عليك الله

يعنى نسبة الانحلال الانت شايفو
دى بسيطة خالص للكان بيحصل قدام الحكومة
فخليك من الحاجات الماقدام الحكومة ..

ولو جينا لى حكى العين
للصباح ما حخلص من القصص الانت وغيرك
ممكن يتعاملو معاها كقصص اسطورية ........!!

عشان كدة احمد ربك وصلى وادعى ربك ان يهدى القوم الظالمين
وصدقنى .. البلد نوعآ ما اتصلحت على المستوى الاخلاقى ....!!

لكن اجتمااعيآ بقينا سيئين جدا
وظاهرة التسول المادى للشباب .. بقت ظاهرة مقيتة
وهي اول درج نحو الفساد .............


ربنا يعينهم من السفر الى الخارج

[Alhanan]

اب عاج
كيفنك يا اخي
اهلنا في دارنا هناك حزفو البوست
احسن نشوف رأي الناس هنا شنو
تحياتي


تخريم
والشاي بتاعك طلع مويه ساكت
عاوزين شاي غيره

[ريناد]

لاحول ولاقوة الا بالله معقولة الكلام ده كلو في السودان



الله يهديهم بس