وطــــــــــــــن يحوي الكل (بـــطه)

[alasmr]

السلام عليكم ورحة الله لي كل المتواجدين في المنتدي

(معليش حا اسلم سلام خاص علي اجمل بطه قبل الدخول في الموضوع)

عندي اختراح اذا عجبكم ردوا عليه اذا ما حبكم كمان ردوا بس ياريت ينال اعابكم
اول شي اكيد كلنا سودانين وغيورين علي بلدنا وعندنا وطنيه,,

عايز اكون مجموعة من الاصدقاء ونمشي دارفور نجلس مع اهلنا في هذا الاقليم نشوف حياتهم كيف
وكيف عايشين وياريت تقدروا تجمعوا اكبر قدر من الاصدقاء .

عشان الوطن الواحد يفضل وطن الكل,عارف نفسي ما بعرف احكي ولا اكتب بس امنيه في قلبي
انو افضل السودان وطن واحد ويعم السلام كل ارجاء الوطن

اذا سألتوا عن طريقة الوصول الي دارفور فشخصي الضعيف من سوف ينفق علي هذه الرحله
ولكم تحديد الزمان بس ياريت يكون بعد عد الاضحي

عارف انو بتقولوا كلم سياسه بس انا ما بحب السياسه بس بحب السودان وطني (وبحب بطه)

[بسمة الحياة]

الله يقدرك على اقتراحك
وانشا الله يساعدوك

[( ود البورت )]

والله فكره جميله لاكن تحتاج للجديه اكتر وبعدين في مواصلات توصلك حتي العاصمه الفاشر

[zaina]

والله بحيييك عالفكرة وهى تحتاج لترتيب ومجهود

"طبعا من المؤكد انها حتكون محصورة بين الرجال فقط يعنى نحن البنات مش حنقدر عالرحلة ولكن بتمنى انوا ربنا يقدركم عليها وخاصة انوا السفر الى دارفور بيحتاج لميزانية كبيرة لان وسيلة السفر هى الطائرة فقط ولكن مع حسن النية ربنا بيساعدكم اكيد

وتسلم يالاسمر يااصيل "بقولوا فى ناس بتعزهم من خلال افكارهم" والله ماكسير تلج ربنا يجزيك كل خير ويجعل حسن نيتك دى فى ميزان حسناتك حتى وان لم تستطع تنفيذ الفكرة

[alasmr]

شكرا علي كل الارسلوا تعاليق
وبقل ليهم انا جاد جد والعايز اعرف انو الاسمر جد فيه يعرف
وبقولي لي اختي زينه الدعوه مفتوحه لي الكل وفي حب الوطن مافي فرق بين بنت ولد
او راجل ومره وشكرا ليك وربنا اوفق الجميع بس بتمنا ربنا احقق لي الامنيه دي
حتي اذا كانت الموصلات عن طريق الطائرة , مافي شي مستحيل


اخــــــــــــــــــــوكم الاسمر عاشق للوطن (بطه)