شعورك وانت خارج بلدك

[معتز]

بت الشمالية miss green
شكرا لمرورك وربنا يرد الغربة ان شاء الله

[عمرالنعيم عثمان]

شعور الانسان خارج بلدومهما يكون مابكون مرتاح بس مفروض الواحد فينا اكون جاى لهدف معين ياخدوا ويرجع اهلوا اتمنى لجميع الاخوة ان يعودوا لى اهاليهم سالمين غانمين يارب .....
بلادى وان جارت على عزيزة واهلى وان ضنوا على كرام

[معتز]

عمر النعيم
شكرا لمروك الكريم وربنا يرد الغربة
ويرجعنا لبلادنا ان شاءالله

[ودعازة]

باختصار شديد..شعور تور يلف حول ساقية..او ربوت عالى الانتاج بلاحياة..

[زوزو الجامعي]

والله اخوي كلامك صح والله نفسي ارجع واستقر بالبلد ملييييييييت من الغربه

[كلبشة]

انتو عاوزين الصراحة يا شباب من جد جد جد مشتاقين للسودان بس في علة واحدة لو تتصلح يبقى السودان احلى بلد في العالم كله بس .......... تعليقة

[أميرة الظلام]

تحية طيبة
شعورعادي لأن إتعودنا أساسا على الغربة والوحدة صراحة ماوحدة بمعنا وحدة لأن الأهل كلهم حولنا ماحسسونا بفقد للوطن أو الأهل وعلى حسب إعتقادي أنو هذا يكفي للإنسان ولأن ممكن أن يكون في بلدو غريب

[معتز]

مشكورين يا شباب والله مهما عملنا فلا بديل لبلدنا
وهي الحضن الحنون والدافئ لنا جميعا
ومصيرنا نعود ولو بعد طول زمن

[بت الشمالية]

الاخ معتز موضوع جد فوق الرائع
الغربة معناها في اسمها غربة غريب عن بلدك و عن اهلك مع انو انت عارف انو ليبيا مليانة سودانين و علاقتم كلها كويسة بس برضو في حاجات كثيرة ناقصة انك تكون وسط اهلك وناسك و طفولتك و انك تصحا تحت شمس بلدك و تنوم تحت ضو قمرا و تشرب من مويتا

[معتز]

الاخ معتز موضوع جد فوق الرائع
الغربة معناها في اسمها غربة غريب عن بلدك و عن اهلك مع انو انت عارف انو ليبيا مليانة سودانين و علاقتم كلها كويسة بس برضو في حاجات كثيرة ناقصة انك تكون وسط اهلك وناسك و طفولتك و انك تصحا تحت شمس بلدك و تنوم تحت ضو قمرا و تشرب من مويتا

بت الشمالية اولا حمد لله علي السلامة
الغربة الم مرير او عذاب بالطيئ حتي ولو دا اختيارنا او كانت بسبب ظروف معينة
فمها ذهبنا الي اي بلد ومهما كان جميلا وامتلكنا فيه المال وغيره
فلا بديل لبلدنا الحبيب
بت الشمالية لك التحية والشكر علي مرورك العطر

[نهر المحبه]

احساس فظيع
شيء من الضياع مخلوط بعدم انتماء لمكان ما
والوحده بسبب البعد من الاهل والاحباب

[رءوف]

شعور السجم والندم ناكل فى التفاح والدجاج ولى هسع ما عرسنا

[ThEwWw]

من دون الواحد ما يطول في الكلام اكيد شعور الغربة وحدة بعبر و اظن مافي حد بعارض الكلام دة

[صلاح العجباني]

الغربه الواحد بعكس الشخصيه لي بلدو

و الحمد لله في كل البلدان انو مافي ارجل و ارقى من الشعب السوداني

و في نفس الوقت الواحد بشتاق لي بلدو و بحس بي الضيقه و هو بعيد عن اهلو و السودان الاب